تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ هواوي HONOR 4X
للرجوع الي صفحة هواوي HONOR 4X الرئيسية اضغط هنا

تقييم منقول من صفحه ‏‎Connect Mk‎‏

waleedsunny
waleedsunny
2015-07-08 (01:08:05AM)
التقرير ده منقول من صفحة م/ محمد خالد وهو صاحب محل موبايلات بالاسكندريه وبيعمل مقارنات وريفيوهات للاجهزه

مقارنه تفصيليه ما بين :
١- جهاز Huawei honor 4x
٢- جهاز Huawei P8 Lite

* التصميم :
# جهاز P8 Lite
يأتي الهاتف بتصميم انيق ومن خامات تصنيع جيده فيأتي بظهر من البلاستيك الزجاجي ولا يمكن ازاله الظهر وجوانب مصنعه من المعدن بوزن مناسب للاستخدام وخفيف نسبيا ً حيث يأتي بوزن ١٣١ جرام .

# جهاز Honor 4x
ياتي الهاتف مصنع بالكامل من البلاستيك مع ظهر يمكن ازالته تصميم الجهاز مناسب للاستخدام بالنسبه لحجمه ويأتي بوزن ١٧٠ جرام .

* الشاشه :
# جهاز p8 lite
شاشه الجهاز بمقاس 5 انش بدقه HD من نوع ips بكثافه بيكسل 294 بيكسل في كل انش مما يجعلها جيده وتتفوق في دقتها ونقائها وجوده اداء القراءه عليها .
تتميز بوجود طبقة حمايه من الزجاج من نوع Corning Gorilla Glass 3.

# جهاز Honor 4x
شاشه الجهاز بمقاس 5.5 انش بدقة HD من نوع ips بكثافة بيكسل 267 بيكسل في كل انش وتعتبر جيده الاداء وتتميز بسطوع الوانها وإضائتها ..
لا تحتوي على اي نوع من الحمايه .

* شرائح الاتصال :

# جهاز p8 lite
يدعم الجهاز تشغيل 2 شريحة اتصال مع دعم سرعات الجيل الرابع LTE ولكن مكان تركيب شريحه الاتصال رقم 2 يعتبر هو نفس مكان تركيب بطاقة الذاكره الخارجيه بمعنى انك حتركب خط تاني او كارت ذاكره خارجيه ولكن لا يمكن تركيب الاتنين في نفس الوقت .

# جهاز Honor 4x
يدعم الجهاز تشغيل 2 شريحة اتصال مع دعم سرعات الجيل الرابع LTE كما يتميز بامكانيه تشغيل كل خط في مكان منفصل مع وجود مكان مخصص فقط لتركيب كارت ذاكره خارجيه.

* الاداء :

# جهاز p8 lite
يعمل الهاتف بواجهة المستخدم ايموشن الاصدار ٣.١ وهيا احدث واجهة تشغيل من انتاج شركة هواوي
كما يعمل الهاتف بنظام تشغيل اندرويد اصدار 5.0.2 لولي بوب بمعمارية 64bit
مما يجعل الهاتف يتميز بقوة الاداء والثبات في الاستخدام بشكل اكبر عن جهاز 4x حتى وانوا بيشتغل بنفس التشيب سيت والمعالج ولكن دعم النظام لمعمارية 64bit يجعل الاداء والثبات متفوق .

# جهاز Honor 4x
يعمل الهاتف بواجهة المستخدم ايموشن الاصدار ٣.٠
كما يعمل الهاتف بنظام تشغيل اندرويد اصدار4.4.4 كيت كات 32bit .

* الكاميرا :
# جهاز p8 lite
يتميز الهاتف بكاميرا اساسيه بدقة ١٣ ميجا بيكسل بجودة تصوير مميزة جدا بسبب حساس الكاميرا من نوع BSI مع توفر العديد من انظمه التصوير مع دعم ل Digital Zoom مما يجعل اداء كاميرا الجهاز متميزة عن جهاز 4x مع تميز الكاميرا في تصوير الفيديو بارتفاع الصوت اثناء تصوير الفيديو بخلاف جهاز 4x

# جهاز Honor 4x
كاميرا الجهاز جيده الاداء ومتميزة في الاضاءه المرتفعه والمتوسطه .

* الذاكره الداخليه :

# جهاز p8 lite
ياتي الجهاز بذاكره داخليه بحجم ١٦ جيجا المتاح منها للاستخدام ١٠ جيجا .

# جهاز Honor 4x
ياتي الجهاز بذاكره داخليه بحجم ٨ جيجا المتاح منها للاستخدام ٣ جيجا .

*** يمكن استخدام الذاكره الخارجيه كذاكره اساسيه في كل من الجهازيين .

# جهاز p8 lite لا يدعم OTG
# جهاز Honor 4x يدعم OTG

# جهاز p8 lite يدعم تقنيه NFC
# جهاز Honor 4x لا يدعم تقنيه NFC

* الصوت :
كلا الجهازين يتميزوا بصوت جيد ولكن جهاز P8 Lite احسن في نقاء وارتفاع الصوت بشكل ملحوظ .

* البطاريه :
# جهاز p8 lite
يأتي ببطاريه بحجم 2200 مللي امبير وتعتبر جيده مقارنتا بحجم شاشه الجهاز ولكن اداءها متوسط

# جهاز Honor 4x
يأتي ببطاريه بحجم3000 مللي أمبير وتعتبر جيده جدا بالنسبه لاداءها وتوافقها مع اداء الجهاز .

** خلاصه الكلام :
الجهازين متميزين في فئة سعرهم ويعتبروا منافسيين قويين للاجهزة المنافسه من شركات اخرى .
تختار اي جهاز فيهم ؟؟
الموضوع حيرجع لاستخدامك وتفضيلك الشخصي سواء كنت بتفضل شاشه بحجم كبير او شاشه اصغر .
محتاج لتشغيل 2 شريحه مع بعض في نفس الوقت بجانب استخدام ميموري خارجي .

في الاول ولا الاخر الجهازين كويسين والقرار حيرجع لحضراتكم ..

م . محمد خالد
‪#‎Connect_Mk_Reviews

وده فيديو للجهاز X4

اضغط هنا لزيارة الرابط

وده فيديو للجهاز P8 Lite

اضغط هنا لزيارة الرابط
ahmedtitos
ahmedtitos
2015-07-18 (01:43:16PM)
بصراحه ندمان انى اشتريت الموب ده بيهنج اوى وذاكرته صغيره جدا ومكنتش متوقع ان يكون ده ادائه خصوصا حوار انه ثمانى النواه
هاشترى الجى 7 تانى
waleedsunny
عضو مميز
waleedsunny
2015-07-20 (12:02:31AM)
الجهاز ماشاء الله اسرع من e7 بكتيير وافضل كمان من G7 عشان السعر ارخص وكمان مابيسخنش زيه ابدااا
الذاكرة الصغيره حلها بسيط انك تجيب كارت ميمورى محترم 16 او 32 ويكون كلاس 10 وتخليه هو الذاكرة الرئيسية للجهاز وتفضل مساحه الجهاز الاساسيه زى ماهى
انت ممكن تكون برامج معيبنه مأثره على سرعه الجهاز زى كلين ماستر او ديو بتاع البطاريه او البرامج اللى بتسبب تقل للجهاز ومابتفيدوش بأى حاجه
اعمل ضبط مصنع وجرب الجهاز بعدها من غير ماتحمل اى برامج عشان تتأكد من صلاحيه الجهاز لو لسه بيهنج وديه التوكيل افضل
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك