تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ نوكيا Lumia 640 XL Dual sim
للرجوع الي صفحة نوكيا Lumia 640 XL Dual sim الرئيسية اضغط هنا

الجهاز مش بس امكانيات

mmetwally
mmetwally
2015-07-21 (12:07:09AM)
السلام عليكم انا اشتريت التليفون ده ف شهر اربعه اللى فات من موبايل شوب و جبته عن اقتناع على الرغم من ان الفئه السعريه دى كان فيها اكتر من موبايل يمكن احسن منه بس انا كنت عايز اخرج من الاندرويد خالص المهم بعد ماجبت الموبايل بشهر تقريبا بدئت الفيديوهات اللى بصورها بالكاميرا الاساسيه تهنج و انا بعرضها و يحصل فيها تقطيع حتى لو عرضتها على اى جهاز تانى او شاشه المهم قولت يمكن محتاج ريسيت و عملت كذا ريسيت و فضل الموضوع زي ماهو بس كان الموضوع بالنسبالى مش مؤثر لان انا بحتاج التليفون ف الشغل اكتر بعدها ب 15 او 20 يوم ظهرت بقع صفره فالشاشه من فوق فاوديت الموبايل لنوكيا كير قالى هانعمل ريسيت و ابديت للموبايل و بعد ساعه تقريبا الموب خلص و فتحنا لقينا نفس العيوب فاقالى كدا الموب لازم يروح القاهره استلم التليفون و راح و بعدها باسبوع رجع قالى انه اتصلح بفتحه لقيته زيى ماهو فارفضت استلمه الكلام ده كان يوم 16 -6 اللى فات فاقالى انها هايرجعه تانى للفرع الرئيسي ف رايه قولتله هاياخد اد ايه وقت لان ده وقف حال قالى اسبوع او عشر ايام بالكتير و لحد يومنا دلوقتى بعد شهر و اسبوع تقريبا التليفون لسه مجاش اتصل بخدمه العملاء كل واحد يقولى كلام شكل و مسؤول الصيانه هنا ف الاسماعيليه قالى من الاخر الموبايل فيه مشكله تصنيع ف الشاشه و ان شاشات كتير بتضرب و انهم مستنين شاشات تانيه و انها بردو هاتضرب و لازم البورده كمان تتغير طيب الكلام ده امته بقه؟؟ لما ربنا يسهل احنا منقدرش ندى حضرتك وقت طيب التليفون فالضمان انا مستخدمتوش شهرين على بعض ادونى تليفون تانى . يقولوا لا حضرتك استبدال التليفون ف اول 14 يوم بس يعنى لو التليفون ظهر فيه عيب صيانه بعد 15 يوم التليفون يتفتح و يتبهدل و طبعا عمر التليفون ماهايرجع زي تقفيله المصنع و بقيت جايب تليفون مستعمل و مفتوح بسعر الجديد و لو فكرت ابيعه ده لو اتصلح و جه يعنى اى حد بيفهم هايقولى التليفون ده مفتوح مارضاش اشتريه ياستاذ ميكروسوفت شايله اديها من مصر انا جربت اكلمهم هنا و اتقالى انهم هنا مسؤولين بس عن السوفت وير انما رايه مسؤوله الهارد وير و المبيعات و رايه بتضحك على الناس اتصلت ب 155 هيئه تنظيم الاتصالات اول ما قولت رايه الست قالتلى يادى رايه قولتلها هو فى منها شكاوى كتير قالتلى للركب احنا لو سبنا العملاء على رايه و قولنالهم روحوا خدوا حقكوا هايفرتكوها بس احنا بنحاول نحل على اد مانقدر و فهمت ف اخر المكالمه ان مفيش حاجه هتتحل و ان 2000 جنيه تقريبا ضاعوا عليا كده عشان مع الاسف اخترت غلط و قولت ان ميكروسوفت شركه محترمه و مش هاتختار حد اى كلام و انى هاشترى التليفون و انا مطمن و ان التليفون متين و تصنيعه مدروس و هو تليفون من الاخر سكه
bassemtaha
bassemtaha
2015-07-23 (04:21:42AM)
على فكرة الموبايل معايا بقاله اكتر من شهرين والحمد لله مافيش اي مشاكل قابلتني فيه
ولكن شفت ناس ع الفيس والمنتديات بتشتكي من بعض المشاكل زي موضوع البقع الصفرا في الشاشة
BlackCrow
عضو مميز
BlackCrow
2015-07-23 (07:07:40AM)
zamalek@ والله بجد أخي الكريم زمالك .. حسيت بكذبه في كل سطر كنت بقرأه .. مسجل في الموقع إمبارح وداخل شمال عمال يهاجم ويكذب .. أعوذ بالله من الناس دول ,

bassemtaha@ ربنا يباركلك فيه وفي مالكْ .. خطأ التصنيع وارد أخي الكريم .. إذا تحديث النظام محلش المُشكلة يبقى إنهم يستفيدوا من الضمان ويذهبوا إلى التوكيل .
mmetwally
mmetwally
2015-07-28 (06:09:20PM)
طيب الناس اللى قالت انى كداب بكل بساطه ممكن اميلاتكوا و انا ابعتلكوا صوره الوصل اللى مستلمه من نوكيا كير؟؟؟ و اللى عايز يتأكد اكتر ممكن ياخد رقم الشكوى فى هيئه الاتصالات و يتصل ب 155 و يقولهم رقم الشكوى و يسمع او ممكن يتصل ب 19576 رقم نوكيا كير و يقولهم على رقم الايصال و يسألهم التليفون بقاله اد ايه و اللى عايز المعلومات دى كلها انا تحت امره و رقمى 01028800146
semsemSiR
مشرف
semsemSiR
2015-08-16 (03:21:37PM)
black crow

petro 37

يرجى مراعاة اداب الحوار ,. واتباع قوانين الموقع , وتوصيل المعلومة بدون تجريح
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك