تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ ميكروسوفت Lumia 640 XL
للرجوع الي صفحة ميكروسوفت Lumia 640 XL الرئيسية اضغط هنا

بطاريه 640 xl

mohamedmarey
mohamedmarey
2015-10-12 (04:45:14PM)
سؤال واحد لو سمحت انا معاى تلفون لوميا 640xl الجهاز فتنامى بس البطاريه صنع فى الصين دا طبيعى وله البطاريه متغيره وتانى حاجه ازاى اعرف البطاريه كويسه وله لا انا لما بدخل نت بقعد 6 ساعات متوصله دا طبيعى لو سمحت رد عليه علشان لسه شارى التلفون
BlackCrow
عضو مميز
BlackCrow
2015-10-13 (11:10:39AM)
أخي الكريم محمد موبايلي زي موبايلك بالظبط فيتنامي لكن البطارية صيني ده طبيعي لكن المهم تكون علبتكْ كانت متبرشمة .. سعة البطارية 3000 مللي أمبير قوية مع الإستخدام المتوسط بتعقد يومان .. لكن 6 ساعات نت متواصل دي ضعيفة .. الأدآء الفعلي للبطارية بيكون بعد إسبوع من دورة الشحن والتفريغ .. إشحن الموبايل لما يوصل 5% ويفضل عدم إستخدام الجهاز أثناء الشحن .
mohamedmarey
mohamedmarey
2015-10-14 (05:05:54AM)
شكرا اخى الكريم على اهتمامك وردك وفعلا البطاريه بتتحسن بس على فكره احيانا لما حد بيجى يرن عليه بسمعه صوت خروشه فى السمعه واجى اشغل اغانى القيه حلوه والصوت نقى دا طبيعى وانا بقول لو دا عيب صناعه ولو عايز اغير الهاتف واسبتدله عثبت ازاى صوت الخروشه علشان دى بتحصل مره وحده او اتنين بالكتير
BlackCrow
عضو مميز
BlackCrow
2015-10-14 (10:38:51AM)
العفو أخي محمد .. لضمان الإحساس بقوة البطارية فيه بعض الأمور يجب الإنتباه لها .. تفعيل شبكة ال 3G بتسحب من البطارية .. البرامج التي تعمل في الخلفية يجب إغلاقها .. إستخدام خاصية battery saver .. درجة سطوع الشاشة إجعلها Low .. عدم إتفعيل خاصية ال NFC وال Bluetooth إلا عند الحاجة , هذه بعض الأمور إذا تم الإنتباه لها سوف تحسن من أدآء البطارية بصورة كبيرة ,

بالنسبة لصوت الخروشه جرب سماعة تانية لو لقيت فيه نفس الصوت يبقى ده عيب صناعة ومن حقك إنك تقوم بإستبدال الجهاز بآخر جديد .
mohamedmarey
mohamedmarey
2015-10-15 (10:56:45AM)
شكرا اخى العزيز التلفون اكثر من رائع بس الواضح ان حظى قليل التلفون وقع منى وحصل شرخ بسيط فى الشاشه من اعلى بس التتش شغال كويس ممكن تعرفنى ايه خصائص الشاشه وكمان بعد الشرخ التتش شغال كويس جدا يترى دا هيبقى مؤقت وله هيشتغل كويس على طول مش هيتأثر بالشرخ وتانى حاجه الموبيل بقالوا معى 4 ايام لو روحت التوكيل علشان عاوز اغير الشاشه هدفع كام
وشكرا ليك مره تانيه واسف على الاسئله المكرره بس هسال مين غيرك انت وشكرا مره تانيه
BlackCrow
عضو مميز
BlackCrow
2015-10-17 (01:15:47PM)
العفو أخي الكريم محمد .. الموبايل تصميمه جميل ووزنه ممتاز .. قدر الله وماشاء فعل معلش .. أنا عشان كده دايمآ بنصح الناس بقولهم أول ما تشتروا أي موبايل جديد أول حاجة تركبوا واقي للشاشة وجراب ظهر عشان تحافظوا عليه .. الحمد لله إنه الشرخ في أعلى الشاشة ده بس هيأثر على جمال الشاشة فقط لكن مش هيأثر على حساسية اللمس ,

والله أخي الكريم معنديش فكرة تغيير الشاشة هتتكلف كام .. دي نمرة توكيل راية خدمة العملاء 19900 إتصل بيهم وهما هيفيدوا حضرتكْ ,

العفو أخي نحن في الخدمة .
mohamedmarey
mohamedmarey
2015-10-18 (04:53:18PM)
الحمد لله على كل شئ الموبيل شغال كويس مفيش داعى لتغير الشاشه حاليا شكرا لذوقك علي فكره فيبر مش بيعمل مكالمات فيديو وله بيستقبل مكالمات فيديو اتمنا فى ويندوز 10 يتحسن الحال
BlackCrow
عضو مميز
BlackCrow
2015-10-20 (08:40:45AM)
قدر الله وماشاء فعل أخي محمد .. في نظام الويندوزفون البرامج التي تصنعها الشركة تكون مدعومة أول بأول بالتحديثات .. البرامج مثل ال Viber .. Whatsapp الشركة المُنتجة لها هي المسؤولة عن دعم وتحديث البرنامج ( المطوريين ) .
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك