تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ ميكروسوفت Lumia 640 XL
للرجوع الي صفحة ميكروسوفت Lumia 640 XL الرئيسية اضغط هنا

الموبايل مش بس امكانيات

mmetwally
mmetwally
2015-07-20 (05:00:17PM)
السلام عليكم انا اشتريت التليفون ده ف شهر اربعه اللى فات من موبايل شوب و جبته عن اقتناع على الرغم من ان الفئه السعريه دى كان فيها اكتر من موبايل يمكن احسن منه بس انا كنت عايز اخرج من الاندرويد خالص المهم بعد ماجبت الموبايل بشهر تقريبا بدئت الفيديوهات اللى بصورها بالكاميرا الاساسيه تهنج و انا بعرضها و يحصل فيها تقطيع حتى لو عرضتها على اى جهاز تانى او شاشه المهم قولت يمكن محتاج ريسيت و عملت كذا ريسيت و فضل الموضوع زي ماهو بس كان الموضوع بالنسبالى مش مؤثر لان انا بحتاج التليفون ف الشغل اكتر بعدها ب 15 او 20 يوم ظهرت بقع صفره فالشاشه من فوق فاوديت الموبايل لنوكيا كير قالى هانعمل ريسيت و ابديت للموبايل و بعد ساعه تقريبا الموب خلص و فتحنا لقينا نفس العيوب فاقالى كدا الموب لازم يروح القاهره استلم التليفون و راح و بعدها باسبوع رجع قالى انه اتصلح بفتحه لقيته زيى ماهو فارفضت استلمه الكلام ده كان يوم 16 -6 اللى فات فاقالى انها هايرجعه تانى للفرع الرئيسي ف رايه قولتله هاياخد اد ايه وقت لان ده وقف حال قالى اسبوع او عشر ايام بالكتير و لحد يومنا دلوقتى بعد شهر و اسبوع تقريبا التليفون لسه مجاش اتصل بخدمه العملاء كل واحد يقولى كلام شكل و مسؤول الصيانه هنا ف الاسماعيليه قالى من الاخر الموبايل فيه مشكله تصنيع ف الشاشه و ان شاشات كتير بتضرب و انهم مستنين شاشات تانيه و انها بردو هاتضرب و لازم البورده كمان تتغير طيب الكلام ده امته بقه؟؟ لما ربنا يسهل احنا منقدرش ندى حضرتك وقت طيب التليفون فالضمان انا مستخدمتوش شهرين على بعض ادونى تليفون تانى . يقولوا لا حضرتك استبدال التليفون ف اول 14 يوم بس يعنى لو التليفون ظهر فيه عيب صيانه بعد 15 يوم التليفون يتفتح و يتبهدل و طبعا عمر التليفون ماهايرجع زي تقفيله المصنع و بقيت جايب تليفون مستعمل و مفتوح بسعر الجديد و لو فكرت ابيعه ده لو اتصلح و جه يعنى اى حد بيفهم هايقولى التليفون ده مفتوح مارضاش اشتريه ياستاذ ميكروسوفت شايله اديها من مصر انا جربت اكلمهم هنا و اتقالى انهم هنا مسؤولين بس عن السوفت وير انما رايه مسؤوله الهارد وير و المبيعات و رايه بتضحك على الناس اتصلت ب 155 هيئه تنظيم الاتصالات اول ما قولت رايه الست قالتلى يادى رايه قولتلها هو فى منها شكاوى كتير قالتلى للركب احنا لو سبنا العملاء على رايه و قولنالهم روحوا خدوا حقكوا هايفرتكوها بس احنا بنحاول نحل على اد مانقدر و فهمت ف اخر المكالمه ان مفيش حاجه هتتحل و ان 2000 جنيه تقريبا ضاعوا عليا كده عشان مع الاسف اخترت غلط و قولت ان ميكروسوفت شركه محترمه و مش هاتختار حد اى كلام و انى هاشترى التليفون و انا مطمن و ان التليفون متين و تصنيعه مدروس و هو تليفون من الاخر سكه
zamalek
zamalek
2015-07-21 (04:27:29PM)
حظك كده دا عيب صناعه والمفروض يرجع وتاخد جهاز جديد الحمد لله لحد دلوقتي الجهاز ممتاز معايه ومع ناس كتير واي ماركه لازم يطلع منها شكاوي وعيوب صناعه وربنا يستر وجهازي ربنا يحفظه
zamalek
zamalek
2015-07-21 (06:36:26PM)
بس علي فكره يا كابتن انت بتكذب لان موظفه الاستقبال في جهاز تنظيم الاتصال ١٥٥ عمرها ماهتقولك للركب الشكاوي في رايه ولو سيبنا العملاء عليها هيفرتكوها لان المكالمه مسجله اولا وممكن تتطرد من شغلها ثانيا انا ياما كلمتهم عمرهم مابيدونا فرصه نتكلم غير في سياق الشكوي وطبعا كنت بكلمهم في النت تي اي داتا والي هي مصر كلها بتشتكي منهم ولا قالت للركب ولا للرقبه حتي انت جاسوس واصلا ولا معاك الجهاز دا اصلا
BlackCrow
عضو مميز
BlackCrow
2015-07-22 (08:57:46AM)
mmetwally@ كلامك كله كذب x كذب .. لو الموضوع ده حصل فعلآ معاك كنت أخدت نفس الموبايل جديد بعلبة متبرشمة لأنه موبايلك الأول كان فيه عيب صناعة .. لكن كلامك كذب وهدفك تشويه سمعة النظام فقط .
hassan84
hassan84
2015-07-28 (02:04:46AM)
صح موبايلى عمل نفس العيب ونفسو مع واحد صاحبى وفيه نفس العيب
بقعة صفرا عالشاشة من فوق
BlackCrow
عضو مميز
BlackCrow
2015-07-29 (08:20:28AM)
أخي الكريم حسن .. البقعة الصفراء دي عيب في التصنيع .. حضرتكْ من حقكْ إنك ترجعه وتاخد فلوسكْ تاني .
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك