أولا نظام ويندوز فون موش اللي في بالك زي ويندوز الكمبيوتر، ده نظام زيه زي أيفون أو أندرويد.
لو واخد أوي على أندرويد ماتشتريش موبايل ويندوز فون، إلا لو كنت عاوز تغير ومستعد تتحمل انك تاخد على نظام مختلف.
برامج ويندوز فون بتطور نفسها بسرعة، لدرجة اني اشتريت التليفون من شهر ولقيت الشهر اللي بعده برنامج واتس أب أصبح يدعم المكالمات، وفيه كلام جامد عن طفرة في مجال التطبيقات مع وصول ويندوز 10 للموبايلات خلال شهرين تلاتة.
الموبايل اللي بتتكلم عليه من الفئة المتوسطة، وعشان تجيب موبايل جديد من الفئة دي بيصور صور ممتازة بالليل فأنت واهم، وعموما صوره بالنهار رائعة وبالليل أفضل من أي صورة لموبايل في تلك الفئة المتوسطة، ولو عاوز موبايل بيصور كويس بالليل هات سامسونج اس 6 أو أيفون 5 اس أو 6.

شكرا ليك جدا

انا الصراحة متعاملتش على الاندرويد انا الموبايل اللى معايا قديم ودا يعتبر اول موبايل كويس حشتريه
فا بالنسبالى مش فارقة اندرويد من ويندوز فون المهم انه يوفر الحاجات الاساسية اللى بتحتاجها فيس واتس تصفح سريع وكاميرا كويسة بس وانا اصلا قريت على النت ان اداؤه كجهاز سريع وكويس ومش بيهنج والحركات دى فعشان كدة فكرت اشتريه

كما تفضل الأخ mogamycool وأجاب بالإضافة إلى ذلك سلاسة النظام وعدم التعليق ودعم ميكروسوفت لنسخة التشغيل أول بأول .. نظام آمن ضد الفيروسات والملفات الخبيثة .. متجر التطبيقات فيه جميع البرامج الأساسية وتعمل بكل كفاءة .. الكاميرا في النهار ممتازة لكن في الليل أدائها متوسط .. البطارية قوية مع الإستخدام المتوسط تصمد لحد يومان .