تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ ميكروسوفت Lumia 640 XL
للرجوع الي صفحة ميكروسوفت Lumia 640 XL الرئيسية اضغط هنا

تجربتى مع 640 XL

Ahmedhassn
Ahmedhassn
2015-06-08 (11:30:53AM)
الاخوه الاعضاء هذه تجربتى مع الويندوز فون بعد استعمال سنوات للاندرويد
اخر موبايل كان معايا الكاتيل ايدول اكس وبصراحه كان موبايل ممتاز جدا خصوصا ان راماته كبيره بس كنت عاوز شاشه اكبر علشان بقعد على النت من الموبايل ودورت فى السوق على حاجه شاشتها كبيره لاقيت كله اسعاره غاليه وفكرت اجيب التليفون ده لان شاشته 5.7
وبالفعل جبته ب 1590 جنيه من صديق صاحب محل موبايلات وبعد 24 ساعه روحت رجعته لانى مش عارف اتعامل معاه خالص وبدات ادور تانى على موبايل شاشه كبيره ويشيل خطين وقعدت اسبوع ومفيش حاجه الا الهواوى وسعره 4000 جنيه
فقررت اجيبه تانى واحاول معاه وبعد اسبوعين استخدام اكتشفت انه موبايل تحفففففه
مميزات الموبايل
لقط الشبكات ممتاز جدا خصوصا فى الثري جى قوى جدا وبيفتح فى اقل من ثانيه مقارنه بالسامسونج والالكاتيل
لقط الواي فاى قوى جدا لدرجه انى بلقط واى فاى البيت من الشارع
البطاريه ممتازه يومين كاملين لاستخدام النت العادى ويوم واحد طحن على النت
اضاءه الشاشه فى الشمس ممتازه وعمرى ما شوفت زيها
الكى بورد بتاعته اقوى واحسن من اى كى بورد شوفتها على الاندرويد مع العلم انى كنت بستعمل كى بورد مشتراه من ماركت الاندرويد على الالكاتيل
مفيش برامج شغاله فى الخلفيه واستهلاك الرام 28 ميجا من واحد جيجا فى وضع الاستعداد
بتتحكم فى البرامج اللى شغاله فى الخلفيه زى الواتس والفايبر لو عاوزها تشتغل بمجرد وصول رساله اول تقفلها ويجيلك الرساله لما تفتحها فقط وده بيوفر فى البطاريه جامد
صوت سماعه المكالمات واضحه ونقيه وعاليه وتسمع فى الشارع بوضوح
جميع برامج الاتصالات شغاله زى الفل صوت وصوره زى اللاين والواتس والفايبر والفرى بى بى
مجربتس العاب عليه لانى مش من هواه الالعاب
الكاميرا ممتازه
يوجد به خاصيه النقر المزدوج لفتح قفل الشاشه والنقر المزدوج على شريط المهام السفلى لقفل الشاشه

عيوب الجهاز

صور الكاميرا حجمها كبير جدا ومفيش اوبشن تخفض بيكسيل الكاميرا والصور بيطلع حجمها اكبر من 2.5 ميجا بس انا نزلت برنامج من الماركت بيخفض حجم الصوره لغايه 20 كيلو بايت وممتاز معايا
متعرفش تعمل اختصارات على الشاشه لتشغيل الواى فاى او فتح الداتا وكل ااختصارات بتدخلك على السيتينج بتاعها وتشغل وتطفى من السيتنج والوحيده اللى بتشتغل برامج قفل الشاشه وتشغل الكشاف
الخطين على الموبايل كل خط لوحده وسجل المكالمات بتاع كل خط لوحده مش مع بعض زى الموبايلات التانيه
برنامج الفيس بتاعه ضعيف بس شغال

فى النهايه احب اقول ان جوده تليفونات نوكيا زى ما هى واحسن وان نظام الويندوز لسه بقاله 3 سنين عكس الاندرويد بقاله 8 سنين والتطور فيه سريع جدا والموبايل بعد ما تاخد عليه هتحس بفرق جبار فى السرعه بتاعته لو مسكت فون اندرويد تانى
zamalek
zamalek
2015-06-09 (05:54:50AM)
لو كنت انتظرت 24 ساعه كمان كنت فهمته يعني كان حد فاهم في الاندرويد اول مانزل بس الموبايل دا جامد جدا ومابيهنج زي الاندرويد من الاخر الموبايل دا للاذكياء فقط احنا كنا ي ضلال مع الاندرويد ههههه
m7medx
m7medx
2015-06-13 (10:38:02AM)
بالنسبة لاختصارات الوايفاي والبلوتوث ونت الشريحة وغيره هتلاقي في القائمة المنسدلة الي بتنزل من فوق وتقدر تتحكم في فايه الي انت عاوزه منهم .. هو متاح ليك 4 بس دلوقتي بالاضافة ان مافيش منهم للفلاش ... لكن في ويندوز 10 هيكونوا 5 بالاضافة لسهم تضغط عليه بيطلعلك الباقي وهيكون في زر للفلاش ونوت وكل حاجة ........

اما بقى في موضوع الشريحة ان كل خط منفضل عن التاني فحضرتك لما تفتح اي سجل المكالمات منهم لو ضغط علي تلت نقط الي تحت هتلاقي كلمة Link فلو ضغط عليها وهتلاقي بيقولك انك تدمج سجلات الشريحة الاولى مع التانية مع بعض فهتضغط لينك هتلاقي رقم 2 اتشالت و1 اتغيرت الشكل بتاعها وبقت جوا ... وهتقدر من جوا قبل ماتتصل تحدد اني شريحة هتتصل بيها وبعدها تتصل ... ونفس الكلام ينطبق علي الرسائل
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك