تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي

سعر و مواصفات ميكروسوفت Lumia 640 XL

ميكروسوفت Lumia 640 XL
  • Microsoft Windows Phone 8.1 with Lumia Denim
  • 5.7 inches (~69.1% screen-to-body ratio)
  • 2G / 3G
  • 13 MP, 4128 x 3096 pixels, Carl Zeiss…
  • Quad-core 1.2 GHz Cortex-A7
متوسط السعر

1600

جنية مصري
(235 تقيمات)

سعر موبايل ميكروسوفت Lumia 640 XL

تعرف علي سعر ميكروسوفت Lumia 640 XL في المواقع الاخري, فقط قم بالضغط علي الصورة

  • سعر ميكروسوفت Lumia 640 XL في موقع سوق مصر
  • سعر ميكروسوفت Lumia 640 XL في موقع جوميا مصر
  • سعر ميكروسوفت Lumia 640 XL في موقع سوق السعودية
  • سعر ميكروسوفت Lumia 640 XL من موقع امازون الامارات

موصفات Microsoft Lumia 640 XL

الموصفات الاساسية
[?] الحجم 157.9 x 81.5 x 9 mm (6.22 x 3.21 x 0.35 in)
[?] الوزن 171 جرام
[?] نوع الشاشة IPS LCD capacitive touchscreen, 16M colors
[?] مساحة الشاشة 5.7 inches (~69.1% screen-to-body ratio)
[?] دقة الشاشة ----
اللمس المتعدد غير مدعوم
[?] الألوان بالأسواق Matte cyan, Orange, Black, Matte white, Glossy white
الخصائص
نوع النغمات MP3
الاهتزاز نعم
مخرج صوت 3.5mm jack نعم
[?] GPRS دعم نعم
[?] HSCSD دعم لا
EDGE دعم لا
[?] 3G دعم نعم
[?] دعم 4G-LTE لا
[?] GPS دعم نعم
[?] NFC دعم لا
[?] WLAN دعم Wi-Fi 802.11 b/g/n, DLNA, hotspot
[?] دعم بلوتوث v4.0, A2DP
دعم انفراريد لا
[?] USB دعم نعم
[?] حماية بالبصمة Fingerprint لا
الشريحة Micro-SIM
مساحة الذاكرة
الذاكرة الداخلية 8 GB, 1 GB RAM
الذاكرة الخارجية microSD, up to 128 GB
معلومات أخري
نوع نظام التشغيل Microsoft Windows Phone 8.1 with Lumia Denim
[?] المعالج CPU Quad-core 1.2 GHz Cortex-A7
الرسائل SMS (threaded view), MMS, Email, Push Email, IM
المتصفح HTML5
كاميرا أمامية نعم, 5 MP, 1080p
دعم كاميرا 13 MP, 4128 x 3096 pixels, Carl Zeiss optics, autofocus, LED flash
دعم فلاش نعم
دعم راديو Fm نعم
موصفات البطارية
البطارية في التحدث حتي 23 ساعة
البطارية في الوضع العادي حتي 936 ساعة
ملحوظة : لا يمكننا ان نضمن ان تكون المعلومات في هذه الصفحه صحيحة 100 %

مميزات و عيوب ميكروسوفت Lumia 640 XL

جاري تقييم الجهاز من خلال المشرفيين
Jumia Offer
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك

مواضيع واراء عن موبايل ميكروسوفت Lumia 640 XL

fade2014
الموبايل كويس على سعره فئه متوسطه الكامرتين حلوين مع تظبيط يدوى فى اﻻضاءة المنخفضة الجهاز كويس فى اﻻلعاب مفيش تهنيج على النت متوسط مش سريع البطارية ممتازة صوت الموبايل متوسط شكل الموبايل قيم ومحدش يصدق سعره علي شكله الحلو ده
اما بالنسبة للسلبيات
1. شركة مايكروسوفت نست ان ده موبايل ومهتمتش بموضوع اﻻتصال يعني محتاج كتير علشان يوصل لﻻندرويد وبعدين لو اتصلت بحد وهو بيتكلم مع حد تانى مش بيديك انتظار للمكالمة ودى صدمة فى حد ذاتها
2 . المتجر ضعيف جدا جدا جدا ومحدود مش زى اﻻندرويد ومفيش تطبيقات كتير تقدر تتعامل بيها مع اجهزة اﻻندرويد تعالا بقى للصدمة التانية فى التطبيقات مثﻻ الفيس بوك سيئ للغاية ومفيش تحديث ليه من اربع شهور صورة الكافر وصورة البروفايل مينفعش يتغيرو باى صورة فى اﻻستوديو الماسنجر موجود بطريقة بايخه جدا ولو جتلك رسالة بيطلعك للماسنجر تلقائى ومينفعش تخرج او تقفل الماسنجر ومفيش اتصال زى اﻻندرويد والواتس اب شكله قديم اوى والفايبر حتى مش كامل زى اﻻندرويد
من اﻻخر الموبايل تصوير ومنظر لكن امكانيات ﻻ مفيش وجه مقارنة لﻻندرويد ولو هتقول على اﻻندرويد بيعلق وكله مشاكل يبقى انت اكيد مجربتش الفئات العالية من اجهزته بدون تحديد اى شركة
انا حبيت اوضح وعلى امل منتظر تحديث ويندوز 10 وبحلم بتغير المتجر وتطبيقاته الفاشلة ويكون متاح زى ما قالو ان التحديث هيغير كتير فى الموبايل ادينى منتظر ويارب فعﻻ يتغير ﻻنه جهاز يستحق يكون احسن من كده من وجه نظرى الجهاز مظلوم جدا من مايكروسوفت وناسف على اﻻطالة سمحونى
سبحانك اللهم وبحمدك اشهد ان ﻻ اله اﻻ انت استغفرك واتوب اليك
2015-10-08 (03:45:45PM) / ردود 3
zamalek
zamalek
2015-10-10 (01:10:46PM)
الحمد لله تليفون ممتاز ياعم والي يرجع للاندرويد بعد ما استخدم الويندوز يبقي بيدور عالتعب والشقا بايده
BlackCrow
عضو مميز
BlackCrow
2015-10-12 (01:44:33PM)
هكتفي بالبوست إللي كتبه العضو الفاضل ahmedeltiger ردآ على السلبيات إللي كتبتها .. الموبايل كله إمكانيات وعملي وأقوى من الأندرويد .
rmdan
rmdan
2015-11-18 (01:08:09PM)
ياباشا الاندرويد يعتمد في تحديثاتو علي تغير شكل الايقونات فقط اما الويندوز لما بيعمل تحديث يبقي تحديث
شامل شوف 8.1وشوف 10 هتحس بقارق بين النظامين تحديث يعني تحديث مش تغير في الالوان والايقونات
ahmedeltiger
يا جماعة أنا عايش إحساس مختلف مع الويندوز فون ولوميا 640 XL بصراااااحة حاجة رووووعة والله والويندوز فون دا لا يقارن بالنظام العقيم المليء بالمشاكل اللي اسمه أندرويد أنا مليت ذاكرة التليفون وكارت الميموري الأربعة جيجا ألعاب وتطبيقات ولا حاسس بتهنيج ولا تقل والألاعب كلها شغالة عنب والله ونصيحة للي عايز يشتري أو يغير موبايله انه يجيب اللوميا 640 Xl ولو معاه فلوس حوالي 4000 جنيه يبقا يجيب اللوميا 950 Xl.
2015-10-04 (10:22:01AM) / ردود 3
BlackCrow
عضو مميز
BlackCrow
2015-10-04 (03:05:04PM)
صحيح أخي الكريم الويندوزفون نظام عملي مميز وسريع نفس سرعة وآداء نظام ال IOS .. يكفيه إنه مقفول المصدر ولا توجد فيه برامج خبيثة وفيروسات .
mogamycool
mogamycool
2015-10-04 (07:14:48PM)
اللوميا 950 Xl مسعر بسعر مقارب لأيفون اس بلاس يعني يتجاوز 6000 جنيه، والأصغر بسعر يتجاوز 5000، يعني من الآخر اللي يستنى فلاجشيب من مايكروسوفت بسعر مناسب كأنه مستني ياكل المشمش في يناير.
DJTaL
DJTaL
2015-10-06 (10:52:16PM)
بصراحة اللي عاوز يقتني موبايل فعلا مافيش غير الايفون و الويندوز فون !! انا معايا ايفون 6 و نفسي أجرب اللوميا 950 اكس ال و خصوصا بعد ما شوفت المؤتمر النهارده !!
molazem44
ماهى الخطواط لتغير نغمه الرسائل
2015-09-27 (04:00:36PM) / ردود 1
BlackCrow
عضو مميز
BlackCrow
2015-09-29 (09:19:14AM)
انقر فوق إدارة أصوات التطبيقات، وانقر فوق التطبيق الذي تريده، ثم حدد صوت الإشعار.
mayar300
بعد الذنكم انا لما بحمل حاجه من السوند كلاود مش بلاقيها فهي بتنزل فين بقي لاني بدور عليها مش بلاقيها ولا علي االهاتف ولا علي الميموري

وسوال تاني هو ممكن انزل كيبورد اغير بيها شكل الايموشنز ولا لا

وتحديثات ويندوز 10 نزلت ولا لسه

شكرا :)
2015-09-27 (03:12:43AM) / ردود 2
BlackCrow
عضو مميز
BlackCrow
2015-09-29 (09:03:40AM)
بالنسبة للسؤال الأول والثاني .. هجرب وهقول لحضرتكْ , WP 10 المتوقع إنه هينزل شهر 10 القادم ,

أول ما يتم الإعلان الرسمي عنه .. هبلغكم علطول .
mayar300
mayar300
2015-10-06 (01:55:48AM)
طب انا مستنيه رد حضرتك
aliaa4000
سؤال بعد اذنكم .. انا هجيب موب جديد وكنت بفكر فده .. فهل تنصحوني بيه ؟ .. والسعر كام حاليا فمصر
2015-09-26 (10:21:23PM) / ردود 3
BlackCrow
عضو مميز
BlackCrow
2015-09-28 (11:31:15AM)
أخي الكريم علاء .. اللوميا 640XL موبايل ممتاز وإمكانياته عالية وسعره متميز .. حاليآ ب 1600 جنيه .
aliaa4000
aliaa4000
2015-09-28 (09:31:13PM)
شكرا اخي .. علياء مش علاء :)
BlackCrow
عضو مميز
BlackCrow
2015-09-29 (08:28:10AM)
أعتذر أختي الكريمة علياء .
ali4060
ايه هي الاعدادات اللي مفروض اعملها عشان احصل علي افضل صور الكاميرا

وايه رأيكم في التحديث الحالي لويندوز 10
2015-09-23 (06:46:46PM) / ردود 5
zamalek
zamalek
2015-09-24 (10:57:55PM)
هو التحديث ويندوز١٠ نزل امتي انا ما حدثتش لسه
m7medx
m7medx
2015-09-26 (07:01:43PM)
في حالتين اول واحدة هيا تغيير ISO و Shutter speed ففي الصباح والنهار نجعل كل الاعدادات auto وهتلاقي الصور بتطلع حلوة او ممكن تظبط فقط ISO علي 64 لكن عامة في الحالتين الصور هتكون حلوة ... في الإضاءة المتوسطة زي اضاءة الغرفة ( لمبة نيون مثلا ) ISO تخليه علي 64 وShutter علي 1/8 اما في الإضاءة المنخفضة مثل في الشوارع الإضاءة فيه بعيدة او منخفضة هتخلي ISO علي 100 و Shutter علي 1/8 - 1/4 في الرينج ده وده من غير فلاش (ممكن تجرب بفلاش مع تقليل الايزو والشوتر زي ماهو هيدي نتيجة افضل [ جرب وشوف احسن نتيجة ] ) اما لو الإضاءة معتمة يعني مافيس ضوء خالص هتروح مشغل الفلاش والايزو علي 200 وشوتر اسبيد علي 0.4s واثناء التصوير ثبت يدك لان مدة التصوير هتكون نص ثانية واي اهتزاز للهاتف الصورة هتصبح مشوشة وخلي بالك الفلاش هيضرب يجي مرتين او تلاتة علشان يجمع اضاءة اكثر فده هيكون عادي ماتقلقش ...
m7medx
m7medx
2015-09-26 (07:08:06PM)
الحد الادني لظبط الاعدادات هيا انك تظبط اتنين وهو يظبط التالت اتوماتك ففي الحالة الأولى الثالث هيكون white balance وهتلاقي بيتغير لوحده علي حسب الصورة او الإضاءة ... الحالة التانية هتغير حاجتين shutter speed و white balance وال white balance هتثبته وهنخليه علي 0.0 في كل الحالات علشان يكون تباين الألوان والاضاءة هو الطبيعي للصورة فاذا حركته بالسالب او موجب هتلاحظ اضاءة اكثر للصورة في حالة الموجب وظلام اكثر للصورة في حالة السالب فأحنا هنخليه نورمال الي هو 0.0 تقدر انت تغيرها زي ماتحب بحيث لو عاوز تظبيط اكتر للصورة اما بقى شوتر اسبيد فهيكون علي الأرقام الي فوق في كل حالة من الحالات الي اتقالت ... واثناء التصوير هتلاقي الايزو هو الي بيعلب وبيظبط نفسه علي حسب الإضاءة والصورة .... الأرقام ديه مش ثابتة بس ديه زي الرينج الي وصلتله لكن اكيد في درجات للاضاءة هتخليك تظبط صورة تاني بس ديه للي عاوز زي يحفظ وهتجيبله احسن لقطة من أي لقطة ممكن يأخذها في وضع auto
m7medx
m7medx
2015-09-26 (07:13:10PM)
جرب انت بقى الاعدادات ديه وظبطها واحفظها وانت جرب بنفسك علشان تأخد خبرة وتعرف لو الصورة مش تمام او عاوزة تغير في الاعدادات تغير ايه .... الايزو بيزود اضاءة الصورة بس الإضاءة لو زادت عن حد معين هتكون غير طبيعية واما الشوتر اسبيد ده مدة فتح عدسة فكل مازادت المدة كل ما اضاءة اكثر هتخوش للعدسة والصورة هتنور اكتر وده الألوان هتظهر وتبان اكتر بس برده ليها حد لو زاد عنه بالنسبة لاضاءة معينة هتلاقي الصورة منورة قوي ( زي كأنك لسا صاحي من النوم وعينك بصيت علي الشمس علطول هتلاقي كل حاجة بيضة قدامك ) ... والاتنين عكسي مع بعض يعني لو الصورة عاوزة اضاءة اكتر زود شوتر اسبيد علي قد الي انت عاوزه وثبت الايزو او قلله لو ثبته .... جرب وهتعرف الي بقولك عليه ديه لان ده مش هينفع يتشرح اوي
اقعد جرب في غرفتك
Amrrr
السلام عليكم

ايهما افضل من حيث الكاميرا 640xl ام هواوى 4x وايه افضل لون ف الوميا مابيظهرش فيه بصمات
2015-09-21 (12:32:51PM) / ردود 3
BlackCrow
عضو مميز
BlackCrow
2015-09-22 (10:18:49AM)
وعليكم السلام ورحمة الله وبركاته .. أخي الكريم عمرو أنا هتكلم في جزئية اللوميا 640XL لأنه معايا لكن معرفش حاجه عن كاميرا الهواوي 4x ,

كاميرا اللوميا 640XL ممتازة والصورة واضحة لكن لازم تفعل الإعدادات الصحيحة لها .. في التصوير الليلي الصور متوسطة لكن في النهار ممتازة وواضحة ,

اللون الأبيض مش بيظهر فيه البصمة زي اللون الأسود .
Amrrr
Amrrr
2015-09-22 (05:28:59PM)
متشكر لحضرتك ع الرد .. انا بالفعل اشتريته امبارح باللون الأزرق والحمد لله اداءه ممتاز ووزنه خفيف بالنسبة لحجمه والكاميرا ممتازة فعلا بالنهار .. بس ازاي اضبط اعدادات الكاميرا ؟
BlackCrow
عضو مميز
BlackCrow
2015-09-28 (11:28:19AM)
العفو أخي الكريم عمرو .. عُذرآ على تأخير الإجابة .. ربنا يباركلك في الهاتف الجديد .. الويندوزفون نظام جميل وعملي واللوميا 640XL هاتف ممتاز ميكروسوفت قامت بإصداره تصحيحآ للخطأ الذي كان في اللوميا 535 .
mohamed75
ايهما افضل g7 ام microsoft 640xl بغض النظر عن اختلاف انظمة التشغيل
2015-09-20 (09:10:17AM) / ردود 2
mogamycool
mogamycool
2015-09-21 (12:46:40AM)
لو g7 يتحدث إلى لول بوب يكون افضل بس مع الاسف شركة هواوي مهملة جدا في تحديث موبايلاتها، وفيه رومات مطبوخة ولكن بها عيوب. والموبايل خط واحد.
بينما 640 له فرصة للتحديث إلى ويندوز 10. ويشغل خطين.
دي الخلافات الجوهرية بين الموبايلين. وبما اني معايا مايكروسوفت 640 ، أقولك ان دعم نظام جوجل للبرامج يجعلني اختار جي7 لو خيرت بين الموبايلين بغض النظر عن ترقية النظام.
BlackCrow
عضو مميز
BlackCrow
2015-09-21 (11:14:43AM)
بالنسبة لي اللوميا 640xl أفضل من حيث سرعة الجهاز وإستقرار ودعم النظام بالتحديثات أول بأول .. لكن المتجر فقير بالطبيقات .
AhmedElsaYedAhmed
ممكن اسعار تقريبيه ل(LUMIA 940 و ال LUMIA 940XL ) و مواصفتهم
2015-09-19 (04:14:17PM) / ردود 3
mogamycool
mogamycool
2015-09-21 (12:52:04AM)
الكلام عن أسعار مقاربة لأيفون 6s الجديد، وعشان يحلوا الموبايل حايضيفوا اكسسوارات اضافية ذات قيمة كبيرة تساوي ربع قيمة الجهاز ، بس الكلام ده عن أوروبا وأمريكا، لكن في أم الدنيا الوضع أكيد حايختلف. بس اعمل حسابك على أكتر من 4000 جنيه.
BlackCrow
عضو مميز
BlackCrow
2015-09-21 (11:11:54AM)
جميعها تكهنات حتي موعد الإصدار الرسمي للهاتفيين .. أتوقع إنه اللوميا 940 هيكون في حدود 4500 جنيه .
petro37
petro37
2015-09-28 (03:24:29PM)
في مؤتمر مايكروسوفت ٦ اكتوبر هيعلنو عن Lumia 950.lumia950xl.وتاب اسمه surface pro 4 الموبايلات دي امكانيتها جباره وهتنزل فيهم تقنية الفنجر برنت والشحن اللاسلكي والامكانيات االي اتعرفت لحد دلوقت بالنسبه ل 950xl
شاشه ٥.٧ qhd 1440*2560 والرامات 3 جيجا برسيسور ثماني النواة snapdragon 810 والكاميرا 20 ميجا بيكسل
فا من رائي لو عاوز تجيب 940استني شويه واشتري واحد من دول .
molazem44
منين اقدر افعل خدمة انتظار المكالمات
2015-09-15 (01:38:40PM) / ردود 3
BlackCrow
عضو مميز
BlackCrow
2015-09-16 (09:31:41AM)
1 - من الإعدادات هتختار الشبكات ,
2 - من الشبكات هتلاقي إعدادات الإتصال ,
3 - من إعدادات الإتصال هتلاقي إنتظار المكالمات هتعمل عليها ON .

شرح مصور ,
اضغط هنا لزيارة الرابط
molazem44
molazem44
2015-09-23 (06:59:35PM)
شكرا يا صاحبى ولقيت كمان فى نفس المكان تحويل المكالمات بس حابب اوضح حته كدة للاسف لو الشبكة واقعة الاعدادات دى مش بتبان غير والموبايل تكون فية شبكة علشان انا اتخدعت فيها
BlackCrow
عضو مميز
BlackCrow
2015-09-28 (11:23:36AM)
العفو أخي الكريم أحمد .. كلامك صحيح هذه الإعدادات تظهر عندما تكون الشبكة مستقرة حتى لو كانت شرطة واحدة .
petro37
انا كنت حاطط استفسر عن ويندوز ١٠ والتعليق اتحذف ممكن اعرف السبب؟؟؟
2015-09-12 (11:31:26AM) / ردود 2
mogamycool
mogamycool
2015-09-14 (12:43:35AM)
بتحصل أحيانا، عموما أي حاجة موجودة في ويندوز 10 غير مستقرة، ويفضل البقاء خلال تلك الفترة على ويندوز 8.1 ، لأن ممكن يحصل مشاكل للجهاز زي ما حصل مع آخر تجريب ويندوز 10.10536.1003
petro37
petro37
2015-09-14 (10:13:50AM)
انا شغال حاليا ع ويندوز ١٠ build 10512 بس طبعا في لاج بيحصل بس قليل والهوت سبوت مش شغال بس هو احسن من ٨.١ وفي ميزه تحميل وتثبيت التطبيقات من خارج المتجر
molazem44
هو الموبايل ممكن اعمل منه بلاك ليست لى اى رقم من الموبايل نفسة ولا لازم انزل البرنامج
2015-09-11 (04:17:55PM) / ردود 5
BlackCrow
عضو مميز
BlackCrow
2015-09-12 (03:04:53PM)
ممكن من قائمة ال History هدوس على الإسم هتطلع List صغيرة من ضمن الخيارات هي Block Number .
molazem44
molazem44
2015-09-13 (09:28:39AM)
شكراااااااااااااا يا صاحبى
BlackCrow
عضو مميز
BlackCrow
2015-09-13 (12:27:48PM)
العفو أخي الكريم .
m7medx
m7medx
2015-09-13 (07:45:53PM)
وهتلاقي برده في الاعدادات عندك حاجة اسمها filter sim لو دخلت وسجلت رقم معين هيمنع أي مكالمات او رسائل توصلك من الرقم او الأرقام الي هتسجلها
mecano
اول ما اشتريت الفونه جديد كانت فيه خاصيه تحفة وهى من خلال تطبيق لوميا كاميرا ممكن اصور صور حية بمعنى ان الصورة دى بتتحرك وبعدين توقف من فترة كده الخاصيه دى وقفت تماما ومفيش ولا صورة عارف اصوره زى الاول مع انى حاولت فى كل حته ف الاعدادات وف الفون مش لاقى اى مكان اقدر رجع بيه الخاصيه ؟؟
ارجوا الافادة .. انا بجد مضايق ان الميزة دى راحت :(
2015-09-11 (12:35:20AM) / ردود 8
BlackCrow
عضو مميز
BlackCrow
2015-09-12 (02:56:15PM)
نزل برنامج نوكيا كاميرا فيها هذه الخاصية .
mecano
mecano
2015-09-13 (02:21:52AM)
حضرتك الخاصية كانت شغالة بالفعل على برنامج لوميا كاميرا وهو مازال موجود عندى بس وقفت ومش عارف السبب !!!
BlackCrow
عضو مميز
BlackCrow
2015-09-13 (12:29:15PM)
أخي الكريم ميكانو .. جرب تعمل الإعدادات الأصلية للكاميرا .
m7medx
m7medx
2015-09-13 (07:49:09PM)
خوش اعدادات في برنامج لوميا كاميرا وهتلاقي كذا كاتوجري فوق هتجيب photo و هتلاقي تاني حاجة living images هيا ديه الصور الحية المتحركة خليها اون
OmarOsama
كنت عايز أعرف أنهي جهاز أفضل في الاستعمال و مدة البطارية و سرعة الجهاز ...... أنا أول مرة أشتري ميكروسوفت :)
2015-09-07 (09:13:40AM) / ردود 2
OmarOsama
OmarOsama
2015-09-07 (09:17:40AM)
معلش أنا أصدي Lumia 535 Dual SIM
BlackCrow
عضو مميز
BlackCrow
2015-09-08 (11:28:05AM)
أخي الكريم عُمر .. أنا كان معايا ال Lumia 535 Dual Sim وحاليآ معايا ال Lumia 640 XL .. مشكلة اللوميا 535 في حساسية الشاشة كانت سيئة الجهاز كان سريع نعم لكن الشاشة كانت سيئة .. أدآء البطارية متوسط بسعة 1905 مللي أمبير .. متوسط عملها من 15 إلى 19 ساعة بعد كده لازم تشحنها ,

مع اللوميا Lumia 640 XL أقدر أقول إنه ميكروسوفت أصلحت خطأ اللوميا 535 وسوء أدآء شاشته , الموبايل سريع جدآ وسلس .. كبير الحجم لكن وزنه خفيف وجودة صناعة عالية .. البطارية سعة 3000 مللي أمبير ممتازة جدآ .. متوسط عملها من 19 إلى يومان حسب الإستخدام طبعآ .

أي سؤال أو إستفسار أنا في الخدمة .
mayar300
لو سمحتو ممكن اعرف تحديث لويندوز 10 دة هيبقي امته وهينزل تحديث للفيس والماسنجر يبقي فيه فويس كول ولا لا وهل التحديث دة هيبقي فيه برامج كتير مش بتنزل زي ريتريكا وكاندي وبرامج كتير جدا


وايه هو احسن store اقدر انزله وانزل من عليه برامج غير متجر الموبايل نفسه
وايه البرامج اللى الموبايل محتاج اني انزلها

والبطاريه بتسخن والشحن مش بيقعد كتير هل دة عيب فموبايلي ولا هو كدة

واسفه على الاطاله
وشكرا :)
2015-09-06 (02:58:47AM) / ردود 3
BlackCrow
عضو مميز
BlackCrow
2015-09-06 (09:47:27AM)
الأخت الفاضلة ميار .. المُخطط لنزول التحديث الكبير WP 10 في نهاية هاذا الشهر سبتمبر مع نزول الهاتفين العملاقين ال LUMIA 940 و ال LUMIA 940XL ,

البرامج زي الفيس والماسنجر دي مسؤولية الشركات مش مسؤولية ميكروسوفت .. يعني شركة الفيس بوك هي إللي بتنزل تحديثات برنامجها ,

لعبة Candy Crash متوفرة في المتجر بقالها أكتر من سنة ,

في الويندوزفون لا يوجد بديل عن الإستور الرسمي .. مش زي الأندرويد ممكن تنزل البرامج من أي مكان ,

في نفس الصفحة في بوست سابق أنا كاتب فيه أهم البرامج التي يجب أن تكون في أي هاتف ويندوزفون , حضرتكْ ممكن ترجعي للبوست وتطلعي على قائمة البرامج الهامة .

السخونة الطبيعية لا خوف منها .. إلا لو وصلت الدرجة ل 45 دي مشكلة .. لكن غير كده عادي ,

البطارية كبيرة بسعة 3000 مللي أمبير .. مع الإستخدام المتوسط تعمل من يوم ونص إلى يومان .

لايوجد أية إطالة .. مرحبآ بكِ .
mayar300
mayar300
2015-09-07 (12:17:35AM)
لا انا مش قصدي لعبه كاندي كراش انا قصدي برنامج كاندي وريتريكا بتاع الصور وكدة وافهم من كلام حضرتك التحديث هيبقي لموبايلات ميكروسوفت ولا الموبايلين اللى حضرتك قايل عليهم


والبطاريه انا استخدامي متوسط وبالنسبه للاستخدام المتوسط اللى هو بيبقي اد ايه
انا البطاريه بتخلص بسرعه رهيبه
BlackCrow
عضو مميز
BlackCrow
2015-09-07 (08:11:14AM)
في الإستور الأمريكي فيه برامج تصور كثيرة ممكن برامج كاندي وريتريكا يكونوا من ضمنهم .. في نفس الوقت في برامج تصوير قوية ومجانية وكلها خصائص زي OneShot و Camera 360 و Blink .

بالنسبة للتحديث الكبير WP 10 هيكون لجميع الموبايلات التي تعمل بنظام الويندوزفون .. الموبايلين إللي ذكرتهم دول هينزلوا بالتحديث الجديد جاهز .. واللوميا 640 إكس إل من أوائل الموبايلات إللي هيستقبلوا التحديث فور إصداره .

الإستخدام المتوسط تستمر البطارية حتى يوم كامل .

شاهد احدث الموبايلات