تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ موتورولا Pro+
للرجوع الي صفحة موتورولا Pro+ الرئيسية اضغط هنا

بدون عنوان

daktara2010
daktara2010
2013-04-22 (08:45:44PM)
الموبايل انا اشتريته من موبايل شوب من حوالى شهر او ااقل شوية ...بس مش عارف هو للسه متوفر عندهم ولا لا لأنى ساعة ما استفسرت عنه قالولى موجود قطعتين منه وانا اشتريت واحدة منهم ...
اشتريته منهم ب 1000 جنيه .... وقررت ادخل أفيد الناس بتجربتى القصيرة معاه لأنى استفدت كتير من الموقع و ده دورى ..
المزايا: (بالاضافة للمزايا اللى موجودة فى الخصائص المكتوبة ف الصفحة من فوق )
1- السعر : مش حتلاقى موبايل ذكى(smart phoneP) كاميرا 5 بفلاش ب ألف جنيه ولا حتلاقى processor 1 Gb بالسعر ده فى اى ماركة
2-الشاشه عالية جدا حوالى 260 بيكسل فى البوصة
3-مستخدم الاندرويد العادى (و ده معظم الناس ) الجهاز بيوفرله كل احتياجاته
4- السوفت وير جاى معاه متسطب عليه برامج جاهزة كويسة زى مدير الملفات و task manager , و ممكن من غير برنامج تحول حفظ البرامج الى كارت الميمورى (فى اعدادات البرامج) بس فى برامج مش ممكن تتحول ولا حتى ببرنامج app2sd و دى البرامج االلى بتتداخل مع نظام التشغيل ما ينفعش تتحول فى اى موبايل لكارت الميمورى
5- الكاميرا جميلة جدا بس الجميل بجد هو تصوير الفيديو بجودة HD طبعا عالم تانى غير تصوير ال vga
6-الصوت واضح و نقى سواءا فى السماعة او الاسبيكر و صوت الرنه كويس و عالى بس مش أوفر زى التليفونات الصينى
----------------------------
العيوب بقى! :
1- مش بيتحدث لايس كريم ساندوتش :(
2- مش حتلاقى اكسسوار ليه ممكن تتصرف فى سكرين بروتكتور وتقصها على القد بس الجراب مش حتلاقى حاجة فتحة كاميرتها من ورا نفس المكان (اعلى اليسار -بينما معظم التليفونات فى نص الخلفية )

دى باختصار تجربتى خلال الشهر ولو حد عاوز يسأل انا ح اتابع االبوست ده ان شاء الله واحاول اجاوب ان شاء الله..
ادعولى بقى لو كنتوا استفدتوا
amrsokr22
amrsokr22
2013-04-25 (06:45:26AM)
انا اشتريته من موبايل شوب موبايل تحفة
بس فين ال hd بتاعت الكاميرا ؟؟؟
وايه اعدادات البرامج دى ؟؟؟
وازاى اكتب حرف ال (ء)
mous6fa
mous6fa
2013-04-27 (07:52:47PM)
معلش حضرتك عندي سؤال ضروري جداااااااااا ... هو الكيبورد بتاعته متعربة ولا لأ !!! يعني عليها حروف عربي مع الأنجليش ولا من غير تعريب وهنقضيها فرانكو !!! ^^
وأخبار البطارية ايه !!!!!
daktara2010
daktara2010
2013-04-30 (05:48:26PM)
الاخ عمرو : ال hd ده فى تصوير الفيديو مش الكاميرا العادية والمفروض انه جاى مظبوط عليها الفيديو
اما تفتح الفيديو وتدوس اعدادات حتلاقى دقة الفيديو تدوس عليها حتلاقى اعلى دقة. 720x?
هى دى الhd لو بصيت ع الشاشة من فوق حتلاقى hd و دى دقة اعلى من الvga كتير وانت ممكن تختار الدقة عشان تقارن
اعدادات البرامج طبعا حتلاقيها ف الاعدادات >التطبيقات > ادارة التطبيقات وتختار برنامج وتضغط نقل الى منطقة الوسائط بس لازم طبعا. يكون جواه كارت. و زي ما قلتلك بعض البرامج مش حتتنقل خصوصا اللى جاى بيها الموبايل
للاسف تقريبا مفيش همزة
الاخ مصطفى انا كتبت التعليق ده من الموبايل! وكتبت بوست بالانجليزى على موقع اجنبى باستعمال المايك!
البطارية متوسطة تاخد يوم و شوية من غير نت بس لو فاتح النت علطول مش حتكمل يوم
سؤالى انا بقى للاخ عمرو بما انه اشترى الموبايل : اشتريتله شاشه واقية و جراب ؟ و من فين؟
mous6fa
mous6fa
2013-04-30 (10:43:31PM)
أنا عديت ع موبايل شوب عندي ف الهرم وسألت عليه ولقيته بـ 999 جنيه ولكنه مش موجود ف الفرع .. وقال لو أنا عاوزه هسيب أى مبلغ ع سبيل الحجز ويبعت يجيبه ف خلال 3 أيام .. وسألته ع واقي للشاشة وبكل بساطة الموظف هناك قال إنه هيوفق أى واقي ع مقاس الشاشة ويقص الزيادة !!! وبالنسبة للجرابات مفيش ...
بس سؤال تاني حضرتك .. الموبايل خامة الهيكل بتاعته أخبارها ايه ؟؟ يعني بلاستيك يتحمل الصدمات والسقطات زي النوكيا E5 مثلا ولا مع أول وقعة هترحم عليه !!! لإن بصراحة أنا عندي استعداد أضحي بإمكانيات البرو بلاس والأندرويد اللى فيه مقابل متانة وقوة تحمل نوكيا E5 اللى عاجبني اوووي برضو .. فياريت حضرتك تديني تفاصيل أكتر عن قوة الهيكل بتاعه :)
وعلى فكرة أنا قريت الكومينت بتاعك ع موقع gsmarena.com اللى كتبته بالمايك :)
daktara2010
daktara2010
2013-05-04 (07:27:07PM)
المشكلة. انا ما شلتش اى 5 عشان اعرف اقارن!
بس حرام تقارن الموبايلات التاتش بالعادية طبعا العادية اكثر تحملا والشاشة محمية ورا بلاستيك الكوفر
لكن الموبايل لحد دلوقت وقع ننى مرتين ما حضلش حاجة
mous6fa
mous6fa
2013-05-05 (03:38:22PM)
عموماً لما أخدت قرار إنى أجيبه من موبايل شوب لقيته خلص من كل الفروع ومش عارفين هيجي تاني اساسا ولا لأ .. بعدها بيومين أتكلت ع الله وجبت HTC Chacha .. الجهاز بـ 1111 جنيه وعليه خط فودافون هدية 01000 وعلى نظام كنترول 40 وعليه 1200 دقيقة مجانية !!!!! ^_^
amrsokr22
amrsokr22
2013-05-18 (05:58:16PM)
انا روحت التميمى وجابلى واقى للشاشة بس كبير و قصهعلى قد الشاشة
وملقتلوش كفر هناك
بس ازاى اتب ومنت بأستخدامالميك فى الفيس بوك مثلا
amrsokr22
amrsokr22
2013-05-18 (06:00:31PM)
انا كمان دفعت فلوس فى موبايل شوب وجالى بعد 5ايام
احسن من htc cha
فى الذاكرة الداخلية طبعاااا وكبر الشاشة والحجم والشكل والاناقة
daktara2010
daktara2010
2013-05-23 (06:43:54PM)
بالنسبة للكوفر يا أخ عمرو عندك انا بعد بحث مضنى لقيت ان الكوفر بتاع (بلاك بيرى تورش 9860) نفس الحجم وفتحة الكاميرا مناسبة واشتريته بالفعل .. وبمشرط صغير عملت فتحة للشحن وفتحة لزرار التشغيل العلوى وفتحة عرضية للسماعة لخلفية السفلية ...(باختصار شرَّحته ههههههه) بس بقى معايا كوفر محترم ... اسأل على الكوفر ده و قولى
amrsokr22
amrsokr22
2013-05-27 (01:50:49PM)
استاذنا اللى معرفش اسمه
منين الجراب ده وبكام ؟؟
وازاى اكتب كومنت بأستخدام الميك
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك