تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ لينوفو Vibe P1
للرجوع الي صفحة لينوفو Vibe P1 الرئيسية اضغط هنا

تقييم Lenovo Vibe P1

minanabil86
minanabil86
2016-02-04 (06:33:36PM)
الموبايل معى من اسبوع تقريبا و قبل انا ابدأ ، احب اقول ان لينوفو اعلنت عن تحديث الجهاز لاندرويد 6 المارشملو فى شهر 6 القادم
1- علبة الجهاز انيقه و فخمه و الجهاز شيك جدا و جاى معاه فى العلبه جراب ظهر بلاستيك و حافظة شاشه و وصله لتوصيل الفلاشه وده طبعا بالاضافه الى سماعات صوتها نقى و شاحن يدعم الشحن السريع .
2- السرعه و الاداء :
لا يوجد تهنيج او سخونه مع العلم ان استخدامى انترنت بكثره من الباقه و الواى فاى لكن لم اجرب الالعاب الثقيله
و وصلنى تحديثات لزيادة كفاءة و سرعة النظام خلال فترة تجربتى له
3- الشاشه :
باختصار عالية الوضوح و الوان ممتازه و تاتش سريع
4- البطاريه :
5000 mah افضل ما فيه لانى بفضل بره البيت كتير لظروف العمل و بشغل الباقه كتير
و الصراحه بتسد معايا و الشحن السريع بيشحن الجهاز فى ساعه تقريبا و الجهاز فيه زر جانبى يقوم بتحويله الى featured phone يعنى يشتغل مكالمات و رسايل و راديو و منبه و نتيجه فقط جربته لما كان فاضل 10% من البطاريه و اعطانى اكتر 3 ساعات عمل
5- الواجهه :
عجبنى جدا انى ممكن اغير من واجهة لينوفو لواجهة النيكسس و ممكن اغير الثيمات و lock screen و recent task list
6- السماعات : سواء سماعة المكالمات الداخليه او سماعة الجهاز الخارجيه speaker عاليه و نقيه
7 - الكاميرا : التركيز التلقائى سريع فى النهار و الليل و الكاميرا فى ضوء النهار تلتقط صور واضحه جدا و الوان مطابقه للواقع
و مع ضوء الفلاش كذلك ، الفلاش من قطعتين ثنائى اللون
لكن فى الاضاءه الضعيفه بدون تشغيل الفلاش الصور اقل فى الوضوح و ال noise بتزيد بشكل ملحوظ لكن الالوان جيده
تشغيل الفلاش بيحسن من جودة الصوره بشكل كبير جدا
8- البرامج : جاى على الجهاز برنامج عظيم اسمه camscanner بيحول الكاميرا الى scanner لانه بيلتقط الصوره للورقه او البطاقه او الكارنيه و يعالجها و يزيل اى عيوب و كرمشه فى الورق و يوضح الالوان و الكتابه كانك سحبتها على سكانر بالظبط
السوفت فى الجهاز فيه خصائص و مميزات كثيره لكن انا ذكرت ابرزها من وجهة نظرى
10- حساس بصمه سريع
دى اول مره استعمل موبايل لينوفو و الصراحه انا مبسوط منه
و دى عينه من الصور الملتقطه فى الاضاءه الضعيفه و اضاءة النيون مع استخدام الفلاش و بدون
اضغط هنا لزيارة الرابط?
minanabil86
minanabil86
2016-02-06 (02:49:10PM)
انا نسيت اقول اللى يفتح الرابط يستنى الصور لما تحمل للاخر قبل ما يحكم عليها
mob4me
مشرف
mob4me
2016-02-07 (02:04:31AM)
شكرا minanabil86 علي القرير المميزة ده ونتمني ان كل واحد يعمل زيك ويكتب تقرير عن موبايلة علي شان الناس تستفيد من خبرتة
علاءالدين
علاءالدين
2016-02-07 (02:49:22PM)
مبروك على الجهاز .. ممكن اعرف اذا كان فيه لمبه اشعارات ولا مفيش وكم عدد الوانها لو كانت موجوده ؟ هل ازرار الباك والمالتى تاسكينج مضيئه ولا لأ ؟ ياريت تقولنا هل الهاند فرى اللى جايه مع الجهاز مدى درجه نقائها وياترى شكلها حلو ولا لأ ؟ شكرا جزيلا
minanabil86
minanabil86
2016-02-08 (10:42:15AM)
اى خدمه و شكرا ليكم جميعا
بالنسبه لازرار الجهاز فهى مضيئه و لمبة الاشعارات فيها لون ازرق و احمر و من الممكن التحكم فى الاشعارات التى تصلك او الغائها
الهاند فرى صوتها نقى جدا هى ليست من النوع in-ear الذى يدخل داخل الاذن و شكلها و خامتها كويسه
minanabil86
minanabil86
2016-02-08 (10:46:19AM)
فى حاجه نسيت اذكرها فى مواصفات الجهاز انه من الممكن استخدامه كباور بانك لشحن هواتف اخرى
علاءالدين
علاءالدين
2016-02-08 (11:15:57PM)
شكرا جزيلا على اهتمامك بالرد بس سؤال أخير ... هل الجهاز شريحتين وكارت ميمورى ولا شريحه واحده وكارت وميمورى ؟ لانى شوفت مراجعه على مواقع اجنبيه الفون شريحتين مع كارت ميمورى ؟
minanabil86
minanabil86
2016-02-09 (12:04:29AM)
كلام صحيح
الجهاز شريحتين زائد مكان مستقل لكارت الميمورى
علاءالدين
علاءالدين
2016-02-09 (11:28:08AM)
متشكر جدا على سرعه الرد والاهتمام ....... ان شاء الله اشتريه قريب
nonnon
nonnon
2016-02-20 (09:31:32PM)
بعد اذن حضرتك أنا كنت عايزة اجيب موبايل كاميرته دقتها عاليه يعنى اساس الكاميرا حلو .. اتقالى ان موبايلات ال htc فى الكاميرا بتبقى عالية .. وبعدين الراجل قالى vibe p1 حلو بردو وكل دة على اساس رينج فلوس 2500
انا دلوقتى محتارة جداااااااااااااا جدا بين htc 728 و vibe p1 .... خصوصا انى بحثت عن كلام الناس على كاميرة ال p1 بتقول مش حلوة ب النسبة لموبيلات اقل منه ف السعر ..وحضرتك دلوقتى بتقول كلام حلو عن كاميرة الفايب .. انا تلغبطت ارجوك تفيدنى
بعيدا عن انك جايب الفايب جاوبنى ب موضوعية
انهى نقاء كاميرا افضل vibe ولا 728
اسفة للاطالة
minanabil86
minanabil86
2016-02-26 (09:32:15AM)
انا رديت على رسالة حضرتك
Menous
Menous
2016-02-29 (08:42:46PM)
سؤال هو الموبايل من المعدن ولا بلاستيك؟
وهل بصمة الصباع استجابتها سريعة معاك ولا بطيئة؟
emadalzouk
emadalzouk
2016-03-01 (08:47:28AM)
وزن الموبايل كام لو سمحت ؟
minanabil86
minanabil86
2016-03-13 (06:43:30PM)
ظهر الموبايل من المعدن و البصمه سريعه و كويسه جدا
minanabil86
minanabil86
2016-03-13 (06:45:31PM)
وزن الموبايل ليس فيه اى مشكله
هو اتقل منموبايلات تانى فى نفس الحجم نظرا للبطاريه الكبيره لكنه خفيف و مش بحس انى شايل حاجه و بستعمله بيد واحده
godasongbird
godasongbird
2016-04-24 (04:17:21AM)
السلام عليكم
ممكن اعرف هل الخطين دوال أكتيف
يعني لو شغال على خط التاني مغلق ولا مفتوح؟

وأهم حاجة عندي الاضاءة عالية وألوان الشاشة والإضاءة تحت الشمس ظاهرة ولا لا
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك