انصحك ب Lenovo A 7000 افضل بكتيييير ومش هتندم جهاز فوق الرائع

أولآ شكرآ جزيلآ علي الرد أخي الكريم rooney1988 بس كنت عايز أعرف من حضرتك أنت شخصيآ جربت اللينوفو وإلا مجرد سمعت عنه إنه أحسن من السامسونج J5

بص اللينوفو افضل فى كل حاجة ما عدا الكاميرا و الله اعلم .......... يعنى شاشة 5.5 بوصة مقابل 5 بوصة و بروسيسور ثمانى النواة 1.5 جيجا 64 بت مقابل بروسيسور رباعى النواة 1.2 جيجا 64 بت و رامات 2 جيجا مقابل رامات 1.5 جيجا و البطارية فى الاتنين هتديك تقريبا نفس فترة الاستخدام و اللينوفو فيه لمبة اشعارات و مايك لتقليل الضوضاء و ده مش موجود فى الj5 و حط فى اعتبارك فرق السعر لان اللينوفو ارخص بحوالى 350ج برغم ان امكانياته اعلى فى ما عدا الكاميرا ال8 ميجا مقابل ال13 فى السامسونج

بس أنت يا أخي الكريم mazmaz كاتب فى أحد التعليقات إنك أشتريته وبعته بعد 4 أيام يبقي منين كويس جدآ ومنين بعته مش فاهمها دي !!!!!!

لينوفو a7000 رائع جدا جدا ومعايا انا شخصيا
جهاز مالوش مثيل بالنسبة لسعره
شاشة وهم وتاتش رائع وناعم جدا والوان زاهية وكاميرا امامية وخلفية زي الفل
لكن صوته واطي بصراحة ولكن مجسم
المهم اشتريه على ضمانتي واحسن بكتير من القرف اللي اسمه سامسونج ده وياريت تجيبه جديد بالضمان وبلاش المستعمل
واللون الابيض بتاعه تحفة عشان بيديك ابيض مائل للجولد

انا مبعتهوش الجهاز معايا و انا عاوز ابيعه علشان الكاميرا و اكمل و اجيب ال جى جى ٤ لكن لو مش معايا غير ١٥٠٠ هجيبه تانىتانى لانه انسب موبايل فى السعر ده فيما عدا الكاميرا