تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ لينوفو A7000
للرجوع الي صفحة لينوفو A7000 الرئيسية اضغط هنا

Lenovo

rooney1988
rooney1988
2015-09-21 (12:22:42PM)
صباح الخير يا شباب .. معايا لينوفو a7000 عندى مشكلة .. ان بسيب البطارية لحد ما تطفى ... والجهاز لسه جايبو .. ولما بحطو ف الشاحن مش بيشحن غير لما اشيل البطارية واحط الشاحن تانى .. هل لما اسيب الجهاز لحد صفر ف المية دا غلط ولا ارجع الجهاز ولا ايه ارجوووو الرد
rooney1988
rooney1988
2015-09-21 (12:24:08PM)
مع العلم بيشحن كويس جدااا وهوا شغال .. او البطارية تكون مليانة شوية وهوا مطفى .. المشكلة بتحصل لما البطارية بتفصل نهائياااااا ... شكرا ..... ارجو الرد
mazmaz
mazmaz
2015-09-27 (04:33:34PM)
حصل معايا قبل كده و شحنته خمس دقايق و هو مطفى وبعد كده شحنته عادى و بقى طبيعى
mohamedyaso
mohamedyaso
2015-09-28 (07:39:31PM)
انا برضو حصل معايا نفس الحوار - لما الموبايل بيفصل بعد البطاريه مابتخلص باجى اشحنه و هو مطفى لمبة الاشعارات بتنور أحمر بس الشاشة بتفضل قافله مش بتبين ان فيه شحن بيتم - لما بفك الظهر و بخلع البطاريه و بركبها تانى و اوصل الشاحن اللمبه بتنور و استنى شويه بلاقى الشاشه ظهر فيها نسبة الشحن و بدأ يشحن - ياريت لو حد عنده تفسير لده يقولى ؟؟؟
rooney1988
rooney1988
2015-10-01 (11:48:15AM)
انا لسه ف ضمان 14 يوم وروحت التوكيل قالى 90 % سوفت وير .. و 10 % بطارية هوديه واشوف هيعملو ايه
mohamedyaso
mohamedyaso
2015-10-01 (09:23:23PM)
تمام - انا وديتو و هيعملولو تيست و هيرودو عليا يوم الاتنين ان شاء الله
rooney1988
rooney1988
2015-10-02 (09:11:43AM)
تمام ... Mohamedyaso بس انت شايف ان الموضوع يستاهل ان احنا نوديه التوكيل .. انت من اسكندرية ولا منين
mohamedyaso
mohamedyaso
2015-10-03 (01:16:22PM)
لا انا من القاهره - بس انا كل الموضوع ان انا جبتو من موبايل شوب اللى جنب الشغل بتاعى - و لما حصل موضوع الشحن ده اول مره مهتمتش قولت يمكن تهنيجه و لا حاجه ( الاندرويد فيه العجايب ) بس لما حصلت تانى و كنت لسه فى فترة ال 14 يوم قولت اوديه موبايل شوب تانى و اقولهم على المشكله و ان كده كده مش خسران حاجه - خدوه منى و قالولى هنعملو تست و التوكيل هيعملو تست و نرد عليك بعد 5 ايام - قولت ماشى ادينى بطمن سواء كان عيب سوفت وير او عيب صناعه
بص هو فيه ناس ممكن ميفرقش معاها الموضوع ده لان معظم الناس مش بتستنى لغاية ماالموبايل يفصل شحن خالص علشان يشحنوه و اول مايلاقو البطاريه ضعيفه بيشحنوه و ده الطبيعى - بس انا لما لاقيتو عمل معايا كده اول مره بقيت اخلى الموبايل يفصل شحن و اجرب اشحنه و هو فاصل شحن من غير مشاكل حوالى 3 او 4 مرات و بعد كده المشكله ظهرت تانى قولت اوديه التوكيل للإطمئنان
هل انت عملت للموبايل تحديث من على الواى فاى ؟؟؟ و هل المشكله عندك ظهرت قبل التحديث و لا بعده ؟؟؟
rooney1988
rooney1988
2015-10-08 (10:04:22PM)
تقريبا ظهرت معايا بعد التحديث ... ومودتهوش التوكيل .. محبتش حد يلعب ف الجهاز حتا لو سوفت وير .... وعملتلو فورمات من الثلاث زراير الى من الجنب وشحن كويس بعد ما فصل اول مرة .. ومجربتش تانى .. انت ايه الاخبار عندك
rooney1988
rooney1988
2015-10-08 (10:05:55PM)
والى سمعتو ان اللولى بوب فيرجن الجهااااز طبيعتو كدا مينفعش تجيبووو للواحد ف الميه ويفصل ... وبعدين سيب ف الفون 2 جيجا فرى على الاقل ... دا عليه عامل ضرورى
mohamedyaso
mohamedyaso
2015-10-08 (11:31:20PM)
التوكيل رد على المحل باستبدال الجهاز روحت علشان استبدله لاقيت الجهاز خلص من المحل فاسترديت المبلغ تانى - شوف انت لو كان عمل فورمات من الثلاث زراير حل المشكله عندك يبقى كده تمام يبقى كده مفيش مشكله - و قولى الاخبار ؟؟؟
rooney1988
rooney1988
2015-10-10 (12:16:01PM)
واللهى انا شايف دا مش عيب بينى وبينك ... والجهاز اصلا تحفة A7000 ... ومحاولتش اخليه يفصل منى .. حسيت ان الدنيا تماااااام ... بس عايز اعرف قالك ليه استبدال يبقا كدا فى حاجة ف الهارد وير
mohamedyaso
mohamedyaso
2015-10-11 (07:21:12PM)
انا حاولت اعرف ايه العيب - المحل قالى ان التوكيل لما بيبعتلهم بيبعت استبدال بس و مبيقولوش على سبب الاستبدال او العيب - اهو بقى قدر الله و ما شاء فعل
rooney1988
rooney1988
2015-10-13 (10:25:25PM)
بعيد عنك تيليفونى اتسرق امبارح ... وفى حالة اكتئاب فظيعة ... ربنا يعوض عليا
mohamedyaso
mohamedyaso
2015-10-14 (12:24:23PM)
ربنا يعوض عليك rooney1988
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك