تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ شاومي Redmi Note 2
للرجوع الي صفحة شاومي Redmi Note 2 الرئيسية اضغط هنا

رأيي في الهاتف بعد الاستخدام

kareemashry
kareemashry
2017-10-16 (06:52:35PM)
بعد استخدامي للتلفون لشهر ونص او شهرين تقريبا .. فهو دا رأيي فيه:
التلفون شكلا يعتبر مش جذاب سواءا من الوش او الضهر لكن هو رفيع ووزنه خفيف
الشاشة وضوحها جميل جدا ولكن حوافها الجانبية مش مخليها جذابة لكن دقتها جميلة جدا .. اللمس جميل جدا وسرعة استجابة جيدة جدا .. بس فيه تهنيج بسيط في بعض الاحيان وتأخر استجابة
وواجهة المستخدم للجهاز اللي هي MIUI7 اللي بتيجي معاه جميلة لكن تحسها قديمة ومش عملية جدا لكن انا انصح بتحديث واجهة المستخدم للجهاز لان بيكون فيه مزايا حلوة وحجم التحديث 1.2 جيجا بايت تقريبا .. اداء التلفون جميل جدا والكاميرا الخلفية جيدة جدا في الاضاءة العالية لكن في الاضاءة المنخفضة بتأدي الغرض والفلاش اغلب الوقت بيحسنها .. الكاميرا الامامية في الاضاءة العالية مقبولة لكن في الاضاءة المنخفضة غير مرضية ومش حلوة بتاتا والكاميرا الخلفية حلوة وجميلة جدا في تصوير الفيديو في الاضاءة العالية .. و بعد استخدامي للتلفون العيب اللي ضايقني بجد هي البطارية .. بتنفذ بسرعة مائلة للسرعة الرهيبة والمشكلة الاكبر ان مفيش ميزة الشحن السريع .. لكن الايجابية في المشكلة ان البطارية بتشحن بسرعة مرضية من 0% ل100% في ساعة ونص .. لكن البطارية مع الوقت بدأ يقل استهلاكها شوية ودا غريب وخلاني انبهر (•ω•) .. وانا بنصح بشراءه لان تليفون بالسعر دا والمزايا دي يستحق الشراء فعلا وجميل جدا مقارنة بسعره بس بنصح بشراء بانك باور من شاومي معاه لحل مشكلة البطارية .. وملاحظة:من الصعب ايجاد جرابات للتلفون انا دورت في محلات كتير لحد ما لقيت لكن ربما هتتوفر جرابات كتيرة في القاهرة لان انا في مدينة منسية تقريبا v_v
mob4me
مشرف
mob4me
2017-10-17 (10:57:16AM)
شكرا لتقييمك للجهاز
بشكل عام لما بتشتري موبايل جديد اول فترة بيكون استخدامك ليه كتير (فرحة الموبايل الجديد) لاكن مع الوقت استخدامك بيرجع للوضع الطبيعي وده لا تقدر تحدد فيه مميزات وعيوب الموبايل.
الموبيل يعتبر من اوائل الفئة المتوسطة وفعلا السعر مناسب للامكانيات المتاحة.
الف مبرووك
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك