تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سوني Xperia Z2
للرجوع الي صفحة سوني Xperia Z2 الرئيسية اضغط هنا

تجربتي ل Sony Xperia Z2

youssefshabana
youssefshabana
2014-07-04 (02:33:13PM)
بسم الله الرحمن الرحيم

بعد تجربتي للزد 2 انا شايفه انه من افضل الاجهزة اللي انا جربتها اذا مكنش افضلهم بالفعل وشايفه انه جهاز اكتر من ممتاز في كل شئ ويعتبر اقل الاجهزة عيوبا وانصح الناس بيه ودي تجربتي له

مع العلم ان انا امتلك الاس 4 وقارنته مع الزد 2 في كل حاجة تقريبا

نبدأ بسم الله .


اولا السرعة :-

الزد 2 بأمانة من اسرع الاجهزة اللي انا جربتها والسرعة دي سواء في تصفح النت او فتح الجيمز او فتح و غلق الجهاز فهي اكتر من ممتازة وقارنتها مع الاس 4 بتاعي والتفوق كان بجدارة لصالح الزد 2 وتقيمي للسرعة 9.5/10


ثانيا الخامات :-

طبعا بلا شك الجهاز خاماته نضيفة جدا وشايفها افضل من خامات الايفون وافضل من كل المنافسين واديلوا في الخامات 10/10


ثالثا الشكل :-

الزد 2 شكله فخم جدا ومسكته مش رخمة ابدا هو صحيح حجمه يعتبر كبير نوعا ما لكن سهل وبيتحط في الجيب بسهولة واديلوا في الشكل 9.5/10


رابعا الشاشة :-

شاشة الزد 2 من افضل الشاشات اللي انا شوفتها سواء في الحجم او في الوان الشاشة وزوايا الرؤية ممتازة جدا وطبعا قارنتها مع شاشة الاس 4 ال Super Amoled ومش شايف فرق كبير بينهم بل بالعكس انا شايف ان الوان الزد 2 واقعية اكتر علي عكس ال Super Amoled الوانه مش واقعية زي شاشة الزد 2 وكمان جربت الجهازين علي اعلي اضاءة ومفيش فرق بينهم وشايف ان تفوق شاشة الاس 4 في اللون الاسود و الابيض فقط اما باقي الالوان شايفها افضل او بمعني اصح واقعية اكتر في الزد 2 واديلوا في الشاشة 9.5/10


خامسا الكاميرا :-

فيه ناس كتير جدا سألوني في موضوع الكاميرا ده وقلقين جدا منها . انا عن تجربتي ليها شايفها افضل كاميرا موجودة حتي الان وانا كنت فاكر ان كاميرا الاس 4 و الاس 5 افضل من كاميرا الزد 2 لكن طلعت غلطان انا قارنت كاميرا الزد 2 مع كاميرا الاس 4 وبأمانة كاميرا الزد 2 تفوقت في جميع الاوضاع سواء علي وضع Auto او علي وضع Manual وبفلاش او بدون وطبعا فلاش الاس 4 اضائته اقوي من فلاش الزد 2 لكن بردو التفوق كان لصالح الزد 2 في الصور اللي بفلاش وطبعا الصور وهي علي وضع Manual افضل من وهي علي وضع Auto زي كل موبايلات السوني اللي انا مسكتها واديلوا في الكاميرا 10/10


سادسا الصوت :-

من غير كلام كتير صوت الزد 2 من اقوي وانقي الاصوات سواء في السماعات الخارجية او في الهاند فري وصوته واضح جدا وتفوق علي الاس 4 واديلوا في الصوت 9/10


سابعا الاداء في اﻷلعاب :-

انا جربته في الالعاب وبيشغلها بكل سلاسة ومفيش فرق بينه وبين الاس 4 في الالعاب الخفيفة زي subway و candy crush وغيرها كتير لكن الفرق بيبان في الالعاب التقيلة واللي الجرافك بتاعها عالي زي asphalt 8 و the walking dead و the amaizing spiderman 2 و the dark knight rises طبعا التفوق فيها كان لصالح الزد 2 واديلوا 9/10


ثامنا البطارية :-

بأمانة من افضل البطاريات اللي انا شوفتها يعني مقارنتا مع الاس 4 و النوت 3 و الاس 5 و ال htc one m8 كمان ده يعتبر افضلهم في البطارية واديلوا 9.5/10


الخلاصة :-

الزد 2 من افضل الاجهزة الموجودة علي الساحة طبعا انا مقدرش أقول انه الافضل لان انا لسه مقارنتوش مع ال HTC One M8 ده اللي هيحسم المنافسة وان شاء الله قريبا اعمل مقارنة بين الجهازين واقولكوا رأيي فيهم بكل أمانة بدون تحيز لجهاز معين لكن احب اقول للناس اللي خايفة تجيبوا اقولهم توكلوا علي الله ومتقلقوش من اي حاجة لاني زي ما قلت الجهاز ده يعتبر اقل الاجهزة عيوبا بين المنافسين واي سؤال انا في الخدمة ^_^


تقبلوا تحياتي


youssefshabana
amersuker
amersuker
2014-07-05 (02:07:08AM)
السلام عليكم
ياريت يا ااستاذ يوسف تقولنا ايه اخبار الكاميرا و الصوت لانى للاسف اشتريت الزد اول مانزل والكاميرا و الصوت زى الزفت ونفسى اخلص منه هل الزد 2 يستاهل انى ابيع الزد اللى معايا و اشتريه
شكرا و اسف على الاطاله
youssefshabana
عضو مميز
youssefshabana
2014-07-05 (03:32:50AM)
الكاميرا و الصوت من اهم مميزات الزد 2 كاميرته افضل من كاميرا الزد 1 برغم ان الاتنين 20.7 ميجا وصوته من اقوي وانقي الاصوات اللي انا سمعتها
فلو تليفونك في عيوب ومضايقك بيعه وهات ده اما لو شغال معاك كويس يبقي مش لازم تغير للزد 2 لانك مش هتحس بفرق رهيب بين الاتنين غير في 4 حاجات الشاشة والصوت والكاميرا والبطارية دي الفروقات اللي انتا هتحس بيها لصالح الزد 2 غير كده الجهازين متشابهين في باقي التفاصيل الي حد كبير والاتنين شايفهم ممتازين
youssefshabana
عضو مميز
youssefshabana
2014-07-05 (03:37:55AM)
اووو اسف كنت فاكرك بتتكلم عن الزد 1معلش مخدتش بالي ان انتا بتتكلم عن الزد العادي
طبعا انصحك بانك تغيره لان في عيوب كتير والزد 2 بيتفوق عليه في كل حاجة واضيف علي ال 4 حاجات اللي انا قلتهم انه افضل في السرعة والرامات والبروسيسور اكيد والاداء بتاع الجهاز بشكل عام افضل بكتير جدا من الزد العادي
amersuker
amersuker
2014-07-05 (11:07:24AM)
متشكر يا باشا على الرد والافاده
kariam
عضو مميز
kariam
2014-07-05 (02:52:46PM)
بصراحه انا جربت htc m8 والزد2 بس الاتش تى سى اشيك ووجه السنس بتعت اتش تى سى اجمل واسرع + انى خمات الاتش تى سى اعلى بس دا مش بيقلل من الزد2 طبعغا بس بصراحه الاتش تى سى احسن من الزد2 وعن تجربه
youssefshabana
عضو مميز
youssefshabana
2014-07-05 (07:26:56PM)
بتفق معاك يا استاذ kariam ال HTC اقوي من الاكسبيريا زد 2 بس ده مش معناه ان الزد 2 وحش بالعكس انا شايفه من افضل الهواتف الموجودة حاليا بعد ال htc اللي انا شايف انه افضل تليفون علي الساحة
semsemSiR
مشرف
semsemSiR
2014-07-06 (02:06:19PM)
مقارنتى مختلفة تماما معاك يااستاذ يوسف من جميع النواحى

دة اللى هقدر اقولة
youssefshabana
عضو مميز
youssefshabana
2014-07-06 (02:25:06PM)
لا حول ولا قوة الا بالله

طيب مانتا لو معترض علي كلامي ما تقول معترض ليه مش تقول ان انتا مختلف معايا وتسكت

ايه دليلك ان كلامي غلط الكلام ده بناءً علي تجربتي للجهاز ومقارنتي له مع تليفوني

ويا ريت لما تكون مختلف معايا في حاجة تقولي الاسباب وتكون اسباب واقعية وتكون بناءً علي تجربتك للجهاز مش تجيبلي موقع وتقولي هو ده السبب

ومش تكتب في البوست ان انتا مختلف معايا وده اللي انا اقدر اقوله وتسكت ايه دليلك ان كلامي ده غلط
semsemSiR
مشرف
semsemSiR
2014-07-06 (03:42:21PM)
ياباشا انا ماقولتش ان كلامك غلط , انت عملت مقارنة بناء على وجهة نظرك وانا لازم احترمها

وانا عملت مقارنة بناء على وجهة نظرى عشان كدة قولتلك انا مختلف معاك ماقولتش ان كلامك غلط

الفرق كبير ياباشا مابين الاتنين

وانا سبق وقولت ماليش دعوة بمواقع , والدليل على كدة انا حتى الان معملتش تقييم لل htc لان حتى الان مامسكتش التليفون وانا بجاهد حاليا لاختبار الهاتف وان شاء الله قريب جدااا هعملة اختبار

بالنسبة بقى لنقط الاختلاف انا هقولك عليها

1- ياريت تقولى زمن فتح تليفونك وزمن الغلق ( الاس 4 ) وانا هقولك انا تليفونى بيفتح فى قد اية
وساعتها نبقى نشوف السرعة , لانك بتقول تفوق بجدارة ودية مش موجوة اصلا مع اختبار ال z2
بس انا مستنى ردك عشان نتكلم في النقطة دية

2- الخامات اوافقك الرأى تماما , بس خلى بالك ال z2 الوحيد اللى ماينفعش يتساب من غير جراب عشان لو وقع بالسلامة + ان التليفون فية عيوب فى الاغطية بتاعة ال sim والكارت بحس انها خفيفة جدااا ومش بيتم احكامها فى الغلق + خلى بالك بردة الفرام المعدنى بتاعة بيتخدش بسهولة عادى والظهر بردة فلازم تحافظ علية كويس

3- ازواق وبردة شكل ال z2 حلو من الظهر جدا لكن مش حلو من الامام
ومسكتة رخمة بتصميمة المربع

4- شاشتة كويسة جدااا , محدش قال حاجة , بس معلش سطوع الاس 4 افضل - زوايا رؤية افضل - وانا دية قوتلها قبل كدة , الاس 4 جمع مابين الالوان الواقعية وفى نفس الوقت اللون الاسود الغامق والابيض الناصع , ودية تعتبر من افضل شاشات السوبر اموليد الموجودة فى السوق هية والاس 5 على فكرة , فانت بقى ازاى بتقول من جميع النواحى

5- الكاميرا الاس 4 اقوى فى كل الظروف ماعدا نقطة واحدة فقط وهية تصوير الفلاش بيكون اقرب للواقع فى ال z2

والله انا بصور صور بالليل محدش بيصدق ان الصور دية متصورة من تليفون

* الزد 2 تتفوق فى الكاميرا الامامية بنسبة بسيطة

6- ال z2 صوتة كويس ونقى , بس ماتقوليش اعلى من الاس 4 , معلش ياباشا الاس 4 اعلى وبفرق واضح وكمان الاس 4 من انقى الهواتف اللى موجودة فى السوق

7- هو انا بردة مش عارف اية وجهة نظرك فى موضوع الالعاب ومسكت كذا تليفون مالقيتش اللى السلاسة اللى انت بتقول عليها او الفرق عموما عن الاس 4

بس مبدأيا كل اللى اقدر اقولك علية ان تم تجربة لعبة ( traffic racer ) على السونى وشغالة تمام بس كانت بتهنج اول لما تيجى تعدى من عربية هية مش تهنيجة بس تحس ان حصل delay 0.0.1 ثانية وتفك تانى بسرعة , على عكس الاس 4 اللى نفس اللعبة ونفس السوفت بتاعها ومافيش النقطة دية فية

- aspalt 8 ولا اى فرق مابين الاتنين الا فى ان الالوان بتاعة الاس 4 افضل , لكن التاتش واحد والسرعة واحدة والمؤثرات واحدة

8- البطارية : انا عامل فى قسم ال 9500 اختبار لبطارية الاس4 وجايبة screen shot عامل 4 ايام و 15 ساعة وفاضل كمان 6% , وكاتب الاستخدام بالاضافة الى 5 ساعات وكسر تحدث , دة غير الالعاب والنت وال gps ,هاتلى بقى انت تليفون يحققلى دة بنفس المدة والارقام وساعتها انا اعترف ان فية بطارية اقوى من الاس 4

طبعا بأستثناء ان فية اوبشن كويس جداا كان نفسى يكون موجود فى الاس 4 , واعتقد بردة العكس ان فية اوبشن كان المفروض يكون موجود فى الزد 2
Ahmed0Shaheen
Ahmed0Shaheen
2014-07-06 (04:38:15PM)
انا شايف انك مبالغ فى اس 4 انا عارف انو تليفون كويس بس ميجيش حاجة جنب الزد 2 و اظن انك مسكت تليفون بايظ لأن الزى 2 كنت شايفة و الصوت بسم الله ماشاء الله عالى و الشاشة بجد روووووووووووعة و الكاميرا تدى كاميرا اس 5 بالجازمة و كمان الموب مش بيهنج
youssefshabana
عضو مميز
youssefshabana
2014-07-06 (05:13:08PM)
شوف بالنسبة ﻷول نقطة المدة بتاعت غلق الجهاز بعد ما بدوس علي power off تقريبا 4 ثواني مدة فتح الجهاز من اول ما بدوس علي زرار ال power لغاية ما يفتح تقريبا 20 ثانية اما الزد 2 مدة الغلق بالظبط ثانيتين ومدة الفتح بالظبط 17 ثانية والزد 2 تفوق بجدارة في سرعة فتح التطبيقات بردو

بالنسبة لتاني نقطة معاك ان خاماته ممتازة بس بختلف معاك كليا في حتة انه لو وقع ينتهي شوف الاختبارات اللي علي اليو تيوب بتاعت اختبار السقوط بتاع الزد 2 و الزد 1 من اقوي الاجهزة تحملا للصدمات وللسقوط وممكن لو عاوز اجيبلك فيديو يأكد كلامي

3- التليفون شكله فخم لكن مسكته مش رخمة يمكن عشان متعود علي الاس 4 عشان انتا عارف انه خفيف ونحيف ومصنوع من البلاستيك فمسكته طبعا هتكون اسهل من الزد 2 بس ده مش معناه ان ماسكة الزد 2 رخمة بالعكس انا حاسس اني ماسك حاجة قيمة ومحترمة

4- الشاشة والله نفس السطوع وزوايا الرؤية في الاتنين واحد مفيش فرق غير ان اللون الابيض زي مانتا قلت ناصع اكتر واللون الاسود غامق في الاس 4 علي عكس الزد 2 لونه اسود مائل للرمادي اكتر لكن غير كده الوان الزد 2 افضل وواقعية اكتر انا بحس ان الوان الاس 4 فاقعة زيادة عن اللزوم خصوصا في المناظر الطببعية زي منظر مثلا السما او الخضرة وغيرها كتير من المناظر شكلها واقعي اكتر في الزد 2 وده اللي انا شوفته بنفسي لكن دي مش مشكلة الاتنين شاشتهم فوق الممتازة

5- بختلف معاك كليا في موضوع الكاميرا انا مسكت الاتنين وجربتهم ووالله في جميع الاوضاع الزد 2 افضل بفرق واضح جدا خصوصا التصوير الليلي يعني نادرا لما بستخدم الفلاش في الزد 2 بالليل لان كل حاجة واضحة علي عكس الاس 4 لازم فلاش عشان كل حاجة تبان واضحة
ومعاك في الكاميرا الامامية بس الفرق بينهم مش كبير

6- ﻷ بقي معلش كله الا الصوت انا ممكن اقتنع باي حاجة غير موضوع الصوت صوت الزد 2 من اقوي وانقي الاصوات اللي انا سمعتها ده ميمنعش ان صوت الاس 4 ممتاز بس مفيش مقارنة بين الاتنين نهائي في موضوع الصوت

7- عشان تتأكد من كلامي كويس امسك التليفونين وجرب لعبة spider man 2 او اي لعبة الجرافيك بتاعها عالي وساعتها تعرف قصدي كويس لكن تكون مسكت الجهازين بنفسك ومتعتمدش علي كلام المواقع مع ان كل المواقع بتقول ان الزد 2 افضل لكن التجربة العملية خير دليل

8- فيه موبايلات كتييير جدا افضل من الاس 4 في البطارية وممكن بردو اجيبلك مواقع تثبت كلامي الزد 2 بطاريته افضل وال m8 بطاريته افضل والاس 5 اللي انا مش معترف بيه بردو بطاريته افضل والنوت 3 بردو افضل وخلي بالك 4 ايام و 15 ساعة دي مش حاجة رهيبة لان كل التليفونات اللي انا قلتلك عليها تعمل افضل من كده بكتيير وانا ان شاء الله في اقرب فرصة ممكنة هعمل مقارنة ما بين الزد 2 والاس 4 في استهلاك البطارية وساعتها هتعرف ان الاس 4 بطاريته مش اقوي بطارية ولا حاجة

بس انا شايف انه حرام نقارن الاس 4 بالزد 2 لاننا كده بنظلم الجهازين الاس 4 يتقارن مع الاجهزة اللي بنفس قيمته وقوته زي ال htc one والاكسبيريا زد و النوت 2

اما الزد 2 يتقارن مع الاجهزة اللي زيه زي ال m8 والاس 5 وال g3

وطبيعي الزد 2 يتفوق علي الاس 4 في كل شيء

يعني مش معقولة خلال السنة اللي نزل فيها الاس 4 مفيش شركة قدرت تنزل تليفون اشد منه ده مستحيل :)
semsemSiR
مشرف
semsemSiR
2014-07-06 (06:02:54PM)
1- فى كدة غلق الهاتف انا تليفونى بياخد وقت 8 ثوانى ونص , وفى زمن فتح الهاتف بياخد 19 ثانية

وخلى بالك انت على جيلى بين 4.3 مش كيتكات لان الكيتكات بيقفل اسرع بفرق 3 ثوانى

- بالنسبة للتطبيقات مجربتش الفرق الصراحة فى سرعة فتح التطبيقات مابين الاتنين , بس محستش ان فية فرق فى الزمن ولو فية هيكون فرق 0.3 ثانية بالكتير اوى , بس لو هنقول ان النوت 3 نفس السرعة يبقى مافيش فرق مابين الزد 2 لان والله عامل اختبار سرعة مابين الاس 4 والنوت 3 فى كل حاجة وكانت النتيجة التعادل فى 95% والباقى تفوق هنا وتفوق هنا

2- ماعلينا انا عن نفسى مابتفرقش معايا الموضوع دة , عشان بشوف تليفونات كتير ليها اختباارت تحس انك معاك موبايل ضد الكسر , وفى الواقع بيتخبط خبطة بيتكسر فدية هنسيبها

3- مانا قولتلك بقى ياباشا , شاشة الاس 4 بتجمع مابين الاتنين انا مش شايفها مشبعة بالالوان خالص بالعكس الوان زاهية وناصعة واضاءة عالية , وممكن تبص بصة على الاس 3 هتلاقية فعلا بيطبق السوبر اموليد بالحرف , شاشة سطوع غامق والوان مائلة للاحمرار

4- وانا شوفت الكاميرتين , وطلع تفوق للاس 4 , اية بقى الحل , حتى الفيديو اللى انت بتستشهد بية وكمان 9505 جية عكس تقييمك اللى انت بتقولة , وهات اى موقع يقول ان كاميرا الزد 2 حلوة او افضل من المنافسين سواء بقى اس 4 وا اس 5

5- لأ معلش ياباشا عندك انت دية , انا مش بقول ان صوت الزد 2 وحش بس مش عالى زى الاس 4 يمكن نفس النقاء لكن مش زى الارتفاع

6- مجربتش اسبايدر , لكن مجرب اسفلت 8 والفرق صفر , وانا ماليش دعوة بمواقع انت لية مصمم انى بكلمك من مواقع

7- هاتلى تقييم , انا الصراحة ماشوفتش موبايل سونى وا htc مافيش حد فيهم ماشى بية الا ومقلل الاضاءة بسبب سحب التليفون العالى للبطارية خصوصا مع ارتفاع الاضاءة ودة طبيعى من نوع شاشة الزد 2 , وهو 4 ايام و15 ساعة بالاستخدام دة , وكمان فاضل 6% , دة مش كويس , طيب هاتلى اى تليفون يكسر الرقم وانا اقولك بس طبعا يكون بالاوبشن دة
وانا مستنى اختبار البطارية , بس لحد ماتجيب اختبار يكسر الرقم دة الاس 4 التوب , لانى ماشوفتش الصراحة حد معاة زد 2 او htc بيقول انة كسر الرقم بالاستهلاك دة

8-لأ طبعا مش حرام , حرام لية و هو حتى عارف يتفوق علية عشان تقول حرام

يعنى بالاختبار اللى انا عملتة :

الاس 4 يتفوق فى الاتى :

1- الوان وسطوع + pixel denisty اعلى

2- كاميرا

3- صوت

4- بطارية

5- سعر ارخص وحجم اخف - وانحف - واوبشن gesture air مش موجود فى الزد 2

الزد 2 يتفوف على الاس 4 :

1- حجم الشاشة

2- الرامات

3- ضد المياة

4- الخامات

5- اوبشن غير موجود فى سامسونج عموما

6- تصوير فيديو 4k مع انها ولا ليها اى لزمة واوبشن على الفاضى

7- راديو

يعنى كل واحد يشوف المهم لية , وفى الاخر الزد 2 هيتفوق فى حاجات بسيطة مش مهمة لكل الناس , بس ماتستدعيش انى ادفع 1500 زيادة عليها

على فكرة انا تليفونى انتاج 12/2013 , الله اعلم بقى هل حصل اختلاف فى الاصدار مابينة وبين الاصدار الاول ولا لأ
youssefshabana
عضو مميز
youssefshabana
2014-07-06 (07:15:33PM)
طيب انتا معاك حق ان الكيت كات اسرع في قفل الجهاز وانا عندي زي ما قلت بيقفل في 4 ثواني اسرع من بتاعك بفرق 4 ثواني يبقي ليه بتقول ان انا علي جيلي بين
:))

1- في فرق واضح في سرعة فتح التطبيقات لكن الفرق بالكتير بيكون ثانية لكن الاس 4 متفوقش نهائي في سرعة فتح اي تطبيق او لعبة التفوق دايما كان في صالح الزد 2

2- ماشي انا مش معترض علي شاشة الاس 4 وجميلة وكل حاجة بس الزد 2 شاشته واقعية اكتر بس سيبك منها لان دي الوان الشاشة دي اراء وبتختلف من شخص ﻷخر

3- وانا بردو جربت الكاميرتين وشايف الزد 2 افضل ايه دليلك ان كاميرا الاس 4 افضل هاتلي موقع او فيديو يأكد كلامك وانا جبتلك الدليل الفيديو اللي فوق ومع ذلك بردو مصر ان الاس 4 افضل مش عارف ازاي الفيديو واضح زي الشمس

4- معلش هاتلي فيديو بيقول ان صوت الاس 4 افضل لان الموضوع ده بالذات استحالة اصدقه وانا مجرب الاتنين والزد 2 افضل من الاس 4 بكتيير سواء في النقاء او الوضوح او الارتفاع

5- جرب سبايدر دي اللي هتبين اداء التليفونين في الجيمز

6- التقييمات بالعبيط في كل المواقع عن البطارية شوف تقييم GSMarena مثلا وانتا تتأكد من كلامي

7- هههههههههههههههههههههههههههههه مش عارف ارد اقول ايه الصراحة كل الكلام و الفيديوهات والمواقع اللي انا جبتهم وبردو بتقولي مش عارف يتفوق في حاجة يا راجل حرام عليك

معلش اعذرني يعني بس انا شايفك متحيز اوي لسامسونج مع انها في فظيعة اوي للدرجة دي

عموما لو في حاجة هيتفوق فيها الاس 4 فهي حجم الجهاز ونحافته وبطاربته القابلة لﻹزالة غير كده متلقيش

في مقابل ان السوني شاشته اكبر وافضل في رأيي بطاريته اقوي بكتير في راديو طبعا واشيك وافخم من الاس 4 وكاميرته افضل وصوته افضل وضد المياة والبروسيسور اقوي وكذلك معالج الرسومات و طبعا الرامات اكبر واسرع من الاس 4 ومن الاس 5 كمان وخاماته افضل بكتير وبس غير كده الاس 4 افضل D:
semsemSiR
مشرف
semsemSiR
2014-07-06 (08:01:40PM)
ازاى تليفونك اسرع وانا بقولك عندى بيفتح فى 19 ثانية وانا على جيلى بين 4.3 وانت تليفونك على الكيتكات وبيفتخ ب 20 ثانية ؟؟؟

- لأ ياباشا معلش اسف انا مش معاك فى النقطة دية خالص , وهثبتلك كلامى يعنى انا مثلا بفتح لعبة اسفلت 8 فى ثوانى معدودة بتكون جاهزة فى خلال 9 ثوانى بالتحديد وتكون قدام القائمة الرئيسية اللى تختار منها الطرق ونوع السباق , قولى بقى ال z2 بيفتحها فى قد اية

يعنى انا والله فتحت الستوب واتش , وفعلتها من اول مادوست على اللعبة

- هجيبلك انا كل تأكيد على الكاميرا

- للاسف الصوت ماينفعش فى فيديو بس هحاول اجيلك مواقع قياس جودة الصوت

- لأ معلش كل تقييم الاس 4 اللى انت شايفة بال 4.2.2 وعيب البطارية اللى نزل بية , وبعدين مانا قولتلك هات رقم يكسر الرقم اللى انا جايبة وساعتها هقولك ماشى , وعندك اختبار واقعى مثبت بصور

- انا مش متحيز , انا بتكلم من الواقع , وهثبتلك كلامى , انا التليفونات عندى مالهاش قيمة ومش هستفاد حاجة لما اطلع سامسونج فوق ولا هاخد منهم مليم , وانا بدافع على الواقع اللى انا شايفة , دة لسة بقى ال htc ههههههههههه

- ماشى ياباشا دية وجهة نظرك ( مافيش اى مشكلة )

وانا وجهة نظرى قولتها

وان شاء الله هجمعلك كل حاجة واعرضهالك

-
youssefshabana
عضو مميز
youssefshabana
2014-07-06 (09:27:17PM)
يا باشا انتا قلت في البوست اللي فوق مدة قفل الجهاز في الاس 4 وهو علي الكيتكات اسرع من الجيلي بين وانتا علي جيلي بين وبتقول انه بيقفل في 8 ثواني و نص وانا بيقفل عندي في 4 ثواني وانا علي الكيت كات وبعدين 20 ثانية من 19 ثانية مش فرق فظيع وبعدين انا بقولك تقريبا 20 ثانية انا ممسكتش stop watch وحسبتها بالظبط فيعني هيكون زي بتاعك لكن سرعة القفل اسرع من عندك بأربع ثواني و نص عشان انا علي اندرويد 4.4.2

والله محسبتهاش لكن الزد 2 بيفتح اللعبة في وقت قياسي و فتحها اسرع من تليفوني لما يبقي معايا تاني هقولك فاتحها في مدة قد ايه بالظبط ان شاء

و مستني دليليك بتاع الكاميرا وبردو بتاع الصوت بفارغ الصبر

ماشي انا معاك في ان البطارية وهي علي ال 4.2.2 مختلفة عن وهي علي الكيت كات لكن بردو بطارية السوني اقوي عن تجربة للجهازين

لكن انا احترم وجهة نظرك بردو حتي لو مختلف معاها ومستني تقريرك بتاع موضوع الصوت و الكاميرا ويا ريت كمان البطارية عشان نشوف الفروقات بين الاتنين
Ahmed0Shaheen
Ahmed0Shaheen
2014-07-06 (09:56:03PM)
الاس 4 موب جامد ماشى بس اظن حضرتك مفخمة زيادة عن الللزوم انا مش بقول وحش بس بقول ان فى فرق لو مش معترف بية متقعدش تقول بقا الاس 4 زى الزد 2
semsemSiR
مشرف
semsemSiR
2014-07-07 (12:53:22AM)
دة مثلا تقييم الهواتف , عشان بتقولى ان كاميرا الزد 2 افضل كاميرا شوفتها

اضغط هنا لزيارة الرابط

ودة الاختبار التانى نفس الاختيار بس مع الاس 4 بس للاسف الزد 2 غير موجود فى هذا الاختبار
semsemSiR
مشرف
semsemSiR
2014-07-07 (12:59:13AM)
اضغط هنا لزيارة الرابط
youssefshabana
عضو مميز
youssefshabana
2014-07-07 (01:56:30AM)
طيب اولا انتا دلوقتي جايبلي رابطين لنفس الموقع رابط فيه زد 2 ومفهوش الاس 4 و رابط فيه الاس 4 و مفهوس الزد 2 واحنا بنقارن بين الزد 2 والاس 4 ايه اللي دخل الاس 5 و ال htc one m8 وال lg g2 في الموضوع دلوقتي وبعدين الموقع ده انتا عارف ان مش كل كلامه صح وكمان في الرابط الاول جايب النوت 3 اللي هو اقل من الاس 4 في الكاميرا افضل من الزد 2 !!!!!! وطبعا الكلام ده غير صحيح

شوف الرابط ده لنفس الموقع ومع ذلك مطلع الزد 2 زي الاس 5 اللي هو افضل من الاس 4 اللي هو افضل من النوت 3 في الكاميرا زيه في كل حاجة معادا الصور اللي هي البانوراما وال HDR كانت في صالح الاس 5
اضغط هنا لزيارة الرابط وانا الحقيقة مش بعترف بكلام الموقع ده عاماً والتقييم بتاعهم بيكون عكس الواقع تماماً انا مجرب التليفونين واللي شايفه علي الحقيقة غير اللي في الموقع ده خالص وحتي التقييم بتاعهم بيكون مختلف مع الصور اللي هما حاطينها !!!
sherif2090
sherif2090
2014-07-07 (02:03:53AM)
semsemSiR
بص ياباشا مفيش كلمة الاستاذ يوسف قلها غلط
وكل كلمة قلها صح

الجهاز معايا من 4 ايام

اصلا من الاساس مفيش وجة مقارنة بين الاس4 والزد2
الاس 4 يعتبر اسوء ما انتجت سامسونج ومعظم الناس اشتكت منة كتيررر ولسة صحبى بيعة وجاب ال M8
مينفعش تقارن الاس4 مع الزد2 لا بخامة ولا شكل و امكانيات ولا الهوا ...

الكاميرا اكبر موقع متخصص فى كاميرات الموبيلات ادى الجهاز اقوى كاميرا فى هواتف الاندوريد كلها حتا اقوى من الاس5 والبورفيو 808
ازى حضرتك تقول الكام مش كويسة ,,
ومعظم المواقع قالت ان الكام ممتازة وهيا تتفوق فى شى وكام الاس5 فى شى ازى بقا تقول ان الاس4 اقوى !!!!!!!!!!!!

الصوت ممتاز وكويس جداااااا

اما الشاشة معلش يا استاذ يوسف انا شايف حتا اللون الاسود فيها ممتاز جدااااااااااا هيبقا اغمق من كدة اية اسحب شريط الاشعارت واكيد عارف اللون عامل ازى.
كمان معلش فية اكتر من موقع عمل تجارب للشاشات واثبت ان شاشة الزد2 تتفوق فى حاجات كتير ومنها درجات الالوان اكتر من اى موبيل تانى ( الاختبار مكنش مع G3 ) كان قبل ما ينزل ,...
وزى ما يوسف قال شاشة الزد اقوى وتتقارن بالاس5 وال M8 مش تقارنها مع الاس4 ...

اما البطارية الحمد لله اول شحنة للجهاز تشغيل شاشة 7.47 ساعات يعنى 8 ساعات تقريبا
وفحتة من تنزيل برامج والعب ونغمات ونت واى فاى 24 ساعة مبيقفلش الا ساعة النوم فقط ومفعل كمان المزامنة واكيد عرفين انها بتسحب من البطارية جامد والاضائة مابين النص اللى 100%
وطبعا بطارية الجهاز مع الشحن والتفريغ ادئها بيزيد والكل عارف كدة دة غير الاختبارت اللى المواقع كلها عملها واثبتت تفوق البطارية بجدرة على كل المنافسين

حاجة كمان معلش موضوع ان تحديث الكيت كات بيحسن البطارية جدااا معلش انا حاسس انكم بتتكلموا على ان التحديث بيخلى البطارية تقعد شهر بدون شحن.
الفرق مش اللى هوا يعنى يعمل فرق جامد.
semsemSiR
مشرف
semsemSiR
2014-07-07 (02:48:47PM)
استاذ يوسف

انا بس حبيت اوريك مدى ترتيب الزد2 على قائمة الكاميرات , وانة تليفونات بيقدم كاميرا متوسطة الجودة بالرغم من حجم البيسكل العالى

طيب وكمان مش بتعترف بدة

اضغط هنا لزيارة الرابط

عموما يأستاذ يوسف , عشان هنفضل نجادل كدة ومش هنوصل لحاجة , عشان دية طبيعة كل حاجة فى الدنيا ان مافيش حاجة كاملة

الاس 4 والزد 2 الاتنين اجهزة ممتازة , وكل واحد فيهم فية ميزة عن التانى والعكس

وصدقنى اجهزة السونى مش اى حد يشيليها او بمعنى اصح مش اى واحد يقتنع بيها , وانا من الناس اللى متأكد من دة كويس جدااا ,انا ممكن اجيبلك محل عندة يجى عشرين جهاز سونى مستعملين مابين z2 , z1 , z وبقالهم كتير جدااا فى موجودين عندة محدش بيشرتيهم مع ان شكلهم لسة جديد مش متهانين يعنى , لكن السامسونج مابيقعدش بيتخطف على طول وخصوصا ال s3 , s4 , note 3 افضل اجهزة سامسونج على وجهة الاطلاق
semsemSiR
مشرف
semsemSiR
2014-07-07 (03:10:02PM)
استاذ sherif2090

انت شايف ان الاس 4 اسوء مانتجت سامسونج , مافيش مشكلة وجهة نظرك ولك حق التعبير

لكن اصحح لحضرتك معلومة , ان الاس 4 حتى الان من اقوى الاجهزة الموجودة من الاخر جهاز مافيش فية غلطة من تصميم ل اداء لبطارية لصوت لسرعة لشاشة لوزن وحجم لاوبشن لكاميرا فعلا جهاز يغنيك اى جهاز فى الدنيا لدرجة ان الاس 5 لما نزل كل المواقع بتقول ان نسبة الزيادة فية عن الاس 4 لاتتعدى ال10% يعنى من الاخر اللى معاة الاس 4 يستنى اس 6 واللى معاة S3 ينقل للاس 5 او الاس4

دية نقطة , النقطة التانية , معلش ناس مين اللى بتتشكى من الاس 4 , حضرتك لو دخلت قسم الاس 4 هتلاقى الشكوى الوحيدة ان فية ناس الجهاز بيسخن معاها شوية فقط لاغير لكن ولا حد بيشتكى من تهنيج , ولا كاميرا بتقفل لوحدها زى السونى , ولا حد بيقول الجهاز صوتة واطى وبيهنج ولا اى حاجة ( صاحبك بقى كان بيشتكى منة ) نصيبة كدة لكن متعممش على كل الاجهزة

- شكل الزد 2 اصلا وحش وتصميم قديم جدااااااااااااااااا كلة شبة واحد اتحداك لو حد شاف سونى z1 و z2 يقدر يفرقهم من بعض , وتصميم معلش غبى جداا بشكل المربع اللى هما عاملينة دة , والكاميرا اللى مترفة فى اخر الشمال من فوق ووزن تقيل + الفراغ الكبير اللى مابين الشاشة وجسم التليفون , والبطارية الغير قابلة للازالة يعنى بيجبرك انك تفضل بالبطارية دية
ومش نازل غير بذاكرة 16 جيجا , ماشوفتهاش فى حياتى الصراحة تليفون ينزل ب16 جيجا بس

معلش ياباشا عندك المقارنة فوق وشوف الكاميرا الواو بتاعتة بيحصل فيها اية

- دة اكبر دليل انك مامسكتش الاس 4 , عشان شاشة الاس 4 نسخة طبق الاصل من شاشة الاس 5 دة حتى الاس 4 افضل منها فى ال pixel denisty والاتنين بألوان واحدة وقوة واحدة

- 8 ساعات بس , بقولك ياباشا عايز تعرف بطارية مين اقوى اعمل نفس استخدامى وشوف هتقدر تكسر الاربع ايام ونص ولا , وعندك الاسكرين شوت موجودة عشان تتأكد غير كدة مش هقتنع

لا انا فى الاس 4 معرفش حاجة اسمها اضاءة قليلة , الجهاز طول الوقت والاستخدام على اقصى سطوع

ويكفى انى اقولك , ان 20 دقيقة مكالمات بتستهلك 1% من البطارية دة يكفينى اوى

يعنى انا والله كنت لسة شاحن التليفون وجاتلى مكالمة اتكلمت ساعة متواصل ببص على التليفون لقيتة 96% ( انا عن نفسى مش عايز اكتر من كدة )

- لا على فكرة انا على نسخة ال 4.3 مش على الكيتكات , بس انا تليفونى اصدار حديث 12/2013

ودية بعض المشاكل اللى بتواجة المستخدمين من الزد 2 , يعنى بس ياريت تخلوا بالكوا ومتعتمدوش على انة مقاوم للماء

I hav kept the phone in a mug of water for just 20 sec. And aft u took it out i played some music the sound was really low and cracking so some water might have entred the speaker or the right top

And the bessels of the phone are also week and they move sometimes water may also enter through this s
So friends pls help me what can i do for this

------------------------------------------------------------------------------------------------------------

Dear all,

I'm using Sony Xperia Z2 for more than 1 week and I observed 2 issues,

1. Audibility issue - When am in crowded area, I couldn't properly hear the voice from another end and in few occasions, another end user is complaining that my voice is not audible and most commonly am getting the feedback from my friends that my voice is echoing.
IF anybody has this problem\has the solution for this problem, please reply me back.
Thanks in advance :)

2. And another problem is with camera. I went for a marriage and taking picture in marriage is common and most of the ppls loved to do so.
My Z2 camera is automatically getting down with the message, "your device is in microwave oven and it needs some cooling :D". I'm focusing some object and before shooting it, my camera gets down which is really irritating me
youssefshabana
عضو مميز
youssefshabana
2014-07-07 (05:56:25PM)
طيب بالنسبة لموضوع الكاميرا معلش انا بردو مش معترف GSMarena ازاي اعترف بموقع جايبلي كاميرا زي كاميرا الاس 2 اللي فات علي نزوله 3 سنين او اكتر احسن من كاميرا الزد 2 اللي تفوقت علي اقوي الكاميرات في العالم !!!! اضغط هنا لزيارة الرابط

يعني مين يصدق كلام زي ده !! شوف المقارنة دي كده وقولي رأيك اضغط هنا لزيارة الرابط

وشوف ده كمان /اضغط هنا لزيارة الرابط


ومعلش مش عشان انتا بتقول ان الموبايلات السوني المستعملة محدش بيشتريها يبقي ده معناه انها مش كويسة كلنا عارفين كويس ليه الناس بتفضل السامسونج عشان توافر الاكسسوارات وسهولة البيع والشراء وعشان اغلب المصريين معاهم موبايلات سامسونج يعني متفتكرش ان كل الناس عندها خبرة في التليفونات وبيجيبوا سامسونج عشان عارفين ان كاميرته افضل او شاشته او غيره عشان هو مع اغلب الناس زي من 4 سنين فاتوا مكنش حد بيبص لسامسونج اصلا واغلب الناس كان معاها نوكيا وبتشتري نوكيا مع ان كان فيه موبايلات احسن منها لكن لمجرد ان اغلب الناس معاها نوكيا فمكنش حد بيفكر يشتري غيرها وكذلك السامسونج دلوقتي مع ان في موبايلات كتير سوني و htc و lg افضل من سامسونج ومع ذلك بردو اغلب الناس بتشتري سامسونج :D


ثانيا انا بتفق مع الاستاذ شريف في اللي قاله

مفيش مقارنة ما بين الزد 2 و الاس 4 نهائياً . الزد 2 الصح ان احنا نقارنه بالاس 5 و ال m8 مش نقارنه بالاس 4 لانه زي ماقلت هيتفوق علي الاس 4 في كل حاجة

هو الاس 4 مش اسوأ ما انتجت سامسونج ولا حاجة امكانيات الجهاز جيدة جدا لكن فعلا هو من اكتر التليفونات عيوبا وانا معايا الجهاز وعارف انا بقول ايه كويس

وانا اعرف كذا شخص معاه الاس 4 وبيشتكوا منه من كتر التهنيج وكمان سرعة نفاذ البطارية وكمان بتبوظ بسرعة ومبتكملش سنة معاهم وانا اخويا كان معاه الاس 4 سابقا ومكملش معاه 3 شهور علي بعض وباعه فعلا اغلب الناس بيشتكوا من التهنيج لان الجهاز ما بيستحملش التطبيقات والالعاب الكتير وانا بردو ابتدت المشاكل دي تظهر عندي بعد استخدام الجهاز لمدة سنة وشهر تقريبا لكن العيوب والمشاكل مكنتش ظاهرة اوي الحقيقة اول ما جبت الجهاز لكن مع مرور الوقت ابتدت تظهر وغيرت البطارية قبل كده بسبب الانتفاخ والتانية علي وشك بردو انها تبوظ هههههههههههه مع ان استخدامي للجهاز مش تقيل ومش بسيبه علي الشحن وعلطول بشيله اول ما بيوصل 100%

لكن تقريبا ان ده عيب في اغلب موبايلات الاس 4 لكن ده مش معناه انه جهاز وحش هو يعتبر جيد جداً كامكانيات وفيه حاجات مش موجودة في تليفونات كتير لكن فيه الافضل و الأقوى منه


ثالثاً مش معني ان في اتنين بيشتكوا من الجهاز يبقي كل اجهزة الزد 2 فيها عيوب انا مواجهتش المشاكل دي مع الزد 2 وانا ممكن اجيبلك 50 واحد بيشتكوا من الاس 4 انه بيهنج وان بطاريته وحشة وكمان ان كاميرته مش حلوة عادي مش عشان في بعض الناس واجهتهم مشاكل في الجهاز يببقي المشاكل دي موجودة عند الكل مثلا انتا بتقول ان بطارية الاس 4 اقوي بطارية بين المنافسين وفيه غيرك بيقول انها اسوأ بطارية بين المنافسين عادي يعني وبردو نفس الكلام ينطبق علي كل الاجهزة مش الاس 4 والزد 2 بس

وبالنسبة لشكل الجهاز انا شايفه من افضل الاجهزة شكلا بس دي اذواق

كمان بختلف معاك في موضوع شاشة الاس 4 هي اه طبعا ممتازة جدا ومن افضل الشاشات لكنها مش افضل من الاس 5 وسام نفسها قالت كده اضغط هنا لزيارة الرابط
youssefshabana
عضو مميز
youssefshabana
2014-07-07 (06:00:03PM)
بعتذر الرابط التالت مش بيفتح تقدر تشوفه من هنا

اضغط هنا لزيارة الرابط
Ahmed0Shaheen
Ahmed0Shaheen
2014-07-07 (06:23:34PM)
انا ممكن اجبلك ناس بتشتم فى الاس 4 بسبب تهنيجة و بسبب سخونيتة و البطارية الزبالة بتاعتة و ممكن اجبلك كمان ناس بتشتم فى الاس 5 مش 4
semsemSiR
مشرف
semsemSiR
2014-07-07 (09:23:13PM)
يعنى انت ياباشا بتقولى مش معترف ب gsm arena افضل موقع للهواتف فى العالم

وجايبلى مواقع محدش بيسمع عنها اصلا وعايزنى اصدقها , ولا هو عشان بيقدم الحقيقة ؟؟

شوف ياباشا والله العظيم من اول لما كان معايا الادفانس ومسكت قدامة كاميرا ال sony sp وقارنتها بالادفانس وكان والله صاحبها اندهش نفسة من النتيجة لما لاقى الادفانس افضل

وكان فية اتنين اصدقائى بيعملوا مقارنة مابين كاميرا السونى z2 وكاميرا النوت 3 , والايفون 5s واقل واحدة طلعت السونى z2 , يبقى عايزنى اقولك اية , هو بس كان السونى واخدة المرتبة التانية فى درجة الالوان بعد ال i phone بعكس النوت 3 الوان الكاميرا كانت هادية شوية عنهم

لكن معلش مع الاختبار العملى تفوق واضح للاس 4 , خصوصا فى التفاصيل

بالنسبة للمشاكل اللى انت بتقول انها كام جهاز ومش عامة , والله اعتقد ان دة اهم سؤال بيتسأل فى الموقع هنا , وكمان ناس بيشتكوا منة

- طيب اية رأيك ان فية ناس اشتكت من تقفيل السونى z2 وخصوصا عند الشاشة وبص كدة على النقطة دية , ويارب ماتكون عندك فى الجهاز

اضغط هنا لزيارة الرابط

اتفرج كدة على كم المشاكل اللى بيقابلها ال z2

اضغط هنا لزيارة الرابط

اضغط هنا لزيارة الرابط

ودة السبب اللى مخلى من زمان , الناس مش بتثق فى منتجات سونى , وانها مش منتشرة لانها اجهزة تخنق والواحد يمل منها بسرعة جداااا , بعكس السامسونج

- نيجى بقى للاس 4 :

والله ياباشا انا الحمد لله تقريبا كل الاعضاء اللى فى قسم s4 على اتصال بيا , ومحدش اشتكى ابدا من الاس 4 من اللى معاة , ولا حد قبل كدة قالى بيهنج ولا التليفون زى مابتقول , ولو كان كدة فعلا , كنت لقيت المواضيع دية على القسم مليانة

انا الحمد لله عندى برامج وعندى العاب والجهاز معايا من نص شهر 1 , يعنى تقريبا 6 شهور , والحمد لله البطارية زى ماهية وافضل , والجهاز سريع زى ماهو والجهاز كأنة جديد زى ماشتريتة , ولا عمرة هنج معايا تهنيجة واحدة , وانا حطيت الجهاز تحت اصعب الظروف , شغلت اكتر من اربع برامج مع بعض والجهاز زى ماهو الحمد لله وسريع وسلس جدااااااااا الحمد لله ( يبقى فين بقى المشاكل اللى انت بتقول عليها ؟؟؟؟

لا ياباشا هو عشان انا قولتلك قبل كدة ان الاس 4 كان نازل بعيب فى البطارية اول لما نزل , عشان كدة انت غيرتها مرتين , لكن اداء الاس 4 من بعد شهر 8 اصبح روعة والجهاز مابقاش فية غلطة

وزى ماقولتلك الحمد لله الجهاز نفسة بالمقارنة مع اى جهاز قدامة من اجهزة 2014 بيسد معاهم وبيتفوق كمان ودة دليل على قوة هذا الهاتف ( او هواتف سامسونج عموما )

لأ معلش ياباشا , شاشة الاس 4 واحد انا بحط الاتنين جنب بعض ومافيش فرق واحد % غير بس الاس 5 يمكن اضاءتة اعلى سنة بسيطة جداا بحكم انة اكبر منة شوية فى الشاشة , غير كدة الوان واحدة وقوة واحدة

شوف ياباشا انا فى موضوع المقارنات دية مابتوصاش , انا تقريبا 90% من الاجهزة كلها بمسكها وبفحصها فى كل حاجة , هو بس اللى فاضلى ال htc one m8 والجهاز مش موجود بكترة ومافيش علية طلب كتير عشان كدة مش عارف اجربة صح , او اصحابى محدش فيهم يدفع المبلغ دة فى جهاز بالاوبشن دة وكفاية الكاميرا بتاعتة متوسطة الاداء

استاذ ahmed0shaheen

حضرتك ياباشا معاك z2 مستنى تقريرك عن البطارية , يكسر رقم تقرير الاس 4 اللى انا جايبة

4 ايام و 15 ساعة استخدام

( 5 ساعات تحدث - سطوع على اقصى اضاءة - gps - العاب - نت - تصوير )

وسخونيتة ؟؟؟؟؟؟؟ انا عن نفسى التليفون فى الاستخدام العادى درجة حرارتة 26 درجة , ومع النت بتكون 28-29 درجة , ومع الالعاب ال fhd بتكون بحد اقصى 35 درجة ( دة الاس 4 )

فى البطارية والسخونية

والتهنيج بقى , عادى ياباشا كلها اشاعات زى اشاعات السخونية والبطارية

الدور والباقى على ال z2 اللى درجة حرارتة بتوصل لدرجة ان التليفون يقولك ان التليفون فى الفرن

وبهديلك دى عشان بتقولى الاس 4 بيسخن , اتفرج كدة على الزد 2

اضغط هنا لزيارة الرابط
semsemSiR
مشرف
semsemSiR
2014-07-07 (09:42:38PM)
وبعدين انت مش شايفين التعليقات على ال z2 فى الصفحة ولا اية

الناس كلها بتقول بيسخن جدااااااااااااااااااا , وكمان عند التصوير دية جديدة الصراحة

واللى يقولك جيبت الجهاز ورجعتة بعد 24 ساعة عشان مالقيتش فرق مابينة وبين ال z1

وبينصح الناس بتجربة التليفون الاول , ودة اللى انا قولتة التليفون يخنق والواحد يمل منة بسرعة

وبردة لسة مقتنعين ان التليفون دة رقم واحد

هو تليفون كويس بس فية عيوب كتير وسعرة غالى اوى علية , وفية حاجات كتير افضل منة
youssefshabana
عضو مميز
youssefshabana
2014-07-08 (01:43:48AM)
اولا انا مش معترف بتقيم الموقع ده للكاميرا بس غير كده هو فعلا من احسن مواقع الموبايلات في العالم

هسألك سؤال وترد عليا بصراحة هل انتا تصدق ان كاميرا الاس 2 متفوقة علي كاميرا الزد 2 وقريبة من الاس 4 ؟؟؟؟؟؟؟

يا ريت ترد عليا في الموضوع ده

ثانيا ايه اللي دخل الادفانس و ال sp في الموضوع دلوقتي احنا كل كلامنا علي الاس 4 و الزد 2 وماشي انا معاك ان كاميرا الادفانس كويسة بس مش معني ان تليفون سامسونج تفوق علي تليفون سوني في الكاميرا يبقي كل السامسونج احسن من السوني في الكاميرا ولا ايه ؟

ثالثا انا مسكت بردو النوت 3 وال iphone 5s بس مش مع بعض وطبعا الزد 2 جربت الكاميرا بتاعته مليون مرة واقل كاميرا في الالوان وفي واقعية الصورة كانت كاميرا النوت 3 وكاميرا ال iphone 5s متفوقة بجدارة علي كاميرا النوت 3 خصوصا في التصوير اللي لكن في النهار التفوق كان طفيف للنوت 3 ومش فكل الصور كمان اما الاكسبيريا زد 2 فمفيش مقارنة اصلا بين كاميرته وبين كاميرا الايفون ولا كاميرا النوت 3 اطلاقا التفوق للزد 2 في جميع الاوضاع يمكن خاصية ال HDR افضل شوية في السامسونج عاماً غير كدة مفيش مقارنة بينهم اصلا ونفس الكلام ينطبق علي الاس 4 زيه زي النوت 3 ده اللي شوفته مش عارف يمكن بالنسبالك كاميرا الاس 4 افضل لكن انا شايف غير كده خالص

رابعا انا الحمد لله مفيش مشكلة واحدة من اللي انتا جايبهم دول في الجهاز وانا قلتلك قبل كده ده دي حالات خاصة ونادراً لما تكون موجودة زي السامسونج بالظبط احيانا يبقي بردو مليان عيوب في اجهزة معينة لكن مش في كل الاجهزة

خامسا معلش بقي مش فاهم قصدك يعني ايه الواحد بيمل من اجهزة سوني بسرعة مش فاهمها دي هو عشان الجهاز مفهوش الحركات و الاختصارات و الحساسات اللي ملهاش اي تلاتين لازمة وبتهلك الجهاز عالفاضي في سامسونج يبقي كده اجهزة سوني مملة بالعكس بقي طالما الجهاز مبيهنجش زي موبايلات سامسونج يبقي عمر الواحد ما هيمل من الجهاز أبداً وانا شايف ان الجهاز مش ممل إطلاقاً ومحدش قال كدة نهائي من المستخدمين ﻷي جهاز سوني مش الزد 2 بس

سادسا يا باشا ربنا يحفظلك الجهاز يا رب ومتشوفش منه مشاكل أبداً :)

لكن انا بقولك المشاكل اللي واجهتني واللي واجهة كل ملاك الاس 4 اللي انا اعرفهم يعني تقريبا انتا الوحيد اللي مش بيشتكي من الجهاز ربنا يحفظهولك لكن انا اعرف ناس كتير اصحابي وبيشتكوا من الجهاز في اللي بيشتكي من السخونية وفي اللي بيشتكي من البطاريىة واللي بيشتكي من الكاميرا واللي بيشتكي من الرامات وفي بيشتكي من كل ده في جهاز واحد هههههههه فعشان كده انا بقول انه من اكتر الاجهزة عيوبا من سامسونج علي عكس مثلا النوت 3 الشكوي الوحيدة اللي قابلتني هي سخونية الجهاز وده مش عند كل الناس ومكنش في النوت 3 اللي انا جربته اكتر من 4 شهور فعشان كده بقول عليه من اقل اجهزة سامسونج عيوبا وانا مش بألف كلام من عندي وخلاص انا بتكلم عن واقع التجربة وعن اراء الناس اللي معاهم الاجهزة دي

وانا عن تجربتي مفيش فرق بين بطارية التليفون ولا بعد شهر 8 ولا قبله الاتنين واحد الفرق بس في موضوع السخونية و الانتفاخ انها اتحلت في النسخ الجديدة من الاس 4

سادسا فعلا الاتنين قريبين من بعض جدا لكن لو دققت في الشاشتين هتلاقي فعلا زي ما قلت الاضائة اقوي وكمان الالوان فيها افضل سنة بسيطة في الاس 5 ده اللي انا شوفته

انا شايف ان الاس 4 لا يقارن بأي جهاز لسنة 2014 ولا في سرعة ولا في بطارية ولا اي حاجة يمكن الحاجة الوحيدة اللي بيتقارن فيها الاس 4 مع الهواتف الحديثة هي الكاميرا وده بردو مش مع مل الاجهزة الحديثة لان في اللي بيتفوق عليها بجدارة

كمان انا بختلف معاك تماماً في موضوع ال m8 ليه بتقول انه محدش يدفع فيه المبلغ ده !!! الجهاز ده بنسبة 95 % هياخد لقب احسن تليفون لعام 2014 ودي لقوة الجهاز في البطارية وفي الشاشة وكمان في الكاميرا

مش عارف يا باشا انتا عارف المعلومة دي ولا ﻷ لكن شركة HTC كانت اوشكت علي اﻹفلاس وده ﻷنها مكنتش بتقدم حاجة جديدة زي باقي الشركات لكن مع نزول ال m8 مبيعات الجهاز ده انقذت الشركة من اﻹفلاس وده اكبر دليل انه جهاز خارق بكل المقاييس

وعلي فكرة كاميرا ال M8 مش وحشة زي مانتا فاكر وتفوقت علي الاس 5 في بعض الاوضاع خصوصا في التصوير الليلي وانا شايف ان كاميرا ال HTC من افضل الكاميرات في التصوير الليلي ( خاصاً بدون فلاش )

نيجي بقي لبطارية الزد 2 علي فكرة الجهاز مع اخويا وبطاريته من اقوي البطاريات اللي انا جربتها وبتقعد باﻷربع و الخمس ايام بدون شحن الجهاز وده مع استخدام ال wifi و الجيمز والتصفح وكل حاجة تقريبا فمتفتكرش ان مفيش جهاز يقدر يعدي ال 4 ايام و 15 ساعة مع الاستخدام اجهزة كتير جدا بتستحمل اكتر من كدة انا عندي مثلاً Samsung Galaxy Note 10.1 بيقعد معايا باﻷسبوع من غير شحن وبيبقي في 10 ولا 15% كمان فمتفتكرش ان الرقم ده قياسي و مفيش جهاز يقدر يتخطاه :)

نيجي لموضوع السخونية الجهاز عمره ما سخن معايا ولو سخن بتكون طبيعي زي اي سمارت فون ايه دليلك ان بيسخن لدرجة انك متستحملش تمسكه في ايدك

ﻷ انا الصراحة مش شايفه رقم 1 مين قالك كده رقم 1 بالنسبالي هو HTC One M8 يليه Sony Xperia Z2 يليه LG G3 يليه Samsung Galaxy Note 3 في رأيي الشخصي طبعاً مش كل الناس رأيها زيي :)
Ahmed0Shaheen
Ahmed0Shaheen
2014-07-08 (02:59:10AM)
هى الشكوتين الى سمعتهم فى الزد 2 هى السخونية الزيادة فى الاستعمال الخفيف و التقيل و التصوير و برنامج الكاميرا بيققفل و ان شاء الله تتحل بتحديث بس دول الشكاوى اما من الاس 4 التهنيج ساعات و البطارية و الخامات و السخونية هتقولى انا الحاجات دى مش عندى هقولك فى ناس بتقولى ان الزد 2 مش بيسخن معاهم و لا برنامج الكاميرا بيقفل
semsemSiR
مشرف
semsemSiR
2014-07-08 (03:35:39AM)
- طالما الموقع حيادى فى كل التقييمات , يبقى كمان تدخل معاها الكاميرا وتوافق عليها , اصلة مش هيجامل يعنى , ودة اللى انا بقول علية ودة الواقع فعلا كاميرا الاس 4 افضل من كاميرا الزد 2 , مش عارف لية انت مش مصدق , عموما ربنا يسهل هعملك اختبار عملى على نفس الصورة , وهرفعهم

- اكيد لأ طبعا كاميرا الزد 2 افضل من الاس 2 , بس انا دة اللى لاحظتة على صور ال z2 انها بتكون مش نقية وخصوصا بما بتكبر او بتعمل زووم شوية , حتى لو شوفت المقارنة دية هتأكد كلامى , ودة نفس اللى شوفتة فى ال z2 عشان كدة استغربت ان دة تليفون 20.7 ميجا

اضغط هنا لزيارة الرابط

- موضوع الادفانس , انى بقولك حتى كاميرا 5 ميجا من سامسونج افضل من كاميرا اعلى من سونى , وهية بتبدأ كدة على فكرة , يعنى مثلا لو لقيت تليفون بكاميرا 5 ميجا ممتاز اعرف ان الكاميرا ال 8 او 13 من نفس الشركة هتبقى اشد وافضل , عشان كدة جيبتلك المثل دة لان فعلا كاميرا السامسونج متفوقة على كاميرا السونى

- هية كاميرا الاس 4 افضل من كاميرا النوت 3 , انا معايا الاتنين بس الفرق بيكون واضح اوى فى الليل

- لا ياباشا هية مش حالات خاصة , دية حالات كتيييييييييييييييييييييييير جدااا , على مستوى سونى كلها ومعروف والدليل على كدة نزلوا سوفت يعالج المشكلة وللاسف بردة ماتحلتش

- ومعاك ان السامسونج بيكون فية عيوب , بس اخرة سخونية , استهلاك عالى للبطارية , غير كدة مافيش

- مين قال انها مالهاش لزمة , لأ طبعا ليها لزمة ومهمة جدااااااا , و بتفيدنى فى اوقات كتير , ومافيش فيها اى حمل على التليفون , انا بشغلها عادى جدااااااااااااا ولا اى تأثير

- لأ انا بالنسبالى وبالنسبة لناس كتير ,يعنى انا واحد صاحبى كان نازل يجيب جهاز ومحتار مابين سونى Z2 و اس 5 و htc one m8 نزل مسك ال z2 قالى اتخنقت منة فى خلال 5 دقائق , وفى الاخر نزل اشترى note 3 عشان عايز شاشة كبيرة , بس دة رأية فى ال z2 وال htc one قالى كويس بس كاميرا وحشة وشاشتة مش متناسقة حاسس انها طويلة ومش عريضة

- ياباشا انا زى ماقولت لحضرتك قبل كدة , انا معايا تقريبا اعضاء الاس 4 كلهم على الفيس بوك , ومحدش قالى خالص اى مشاكل فية ولو عايز والله اخليهم يدخلولك واحد واحد يقولوا واخرهم سخونية بسيطة
وانا رامات جهازى , والجهاز لسة مفتوح بتكون 654 ميجا , وبعد شوية بتكون 720 ميجا وبتفضل على كدة , بفتح بقى برامج اخرها 1 جيجا مش بتعدى , وكل دة عاملة سكرين شوت واكيد انت شوفتة قبل كدة , ( يعنى هل سامسونج مثلا مصنعالى تليفون مخصوص ) اكيد لأ
يبقى فين مشكلة الرامات , والسخونية انا مستعد اوريك حرارة الجهاز مع لعبة اسفلت 8 بتكون 29 درجة ولو الجو حر اوى بتوصل ل 33 درجة ( مع العلم مركب جراب جلد )
والحمد لله عمر التليفون ماهنج منى مرة واحدة واهو استخدامة 6 شهور والتليفون مفحوت برامج وواتس اب - فيس بوك - ومواقع - والعاب - ومكالمات - و gps دة شىء اساسى - والبرامج الاكثر من رائع ال s- health شغال على طول - الميل - جوجل بلاى - تصوير ) كل دة بعملة يوميا , والحمد لله الجهاز ولا اشتكى ولا سخن ولا قصر فى اى حاجة , بالعكس دة انا صاحبى معاة htc one ومسك الاس 4 بتاعى , قالى ماشاء الله انا مش متخيل انة بالجمال دة , وعجبة جداااااااااا والاكتر من كدة الكاميرا اتوهم بيها اصلا بسبب درجة الاضاءة والمسافة اللى اتصورت بيها ( كنت مصور عربيتة) وكنا الساعة 11 بليل والاضاءة على لمض صفرا يعنى اضاءة اقل من متوسطة , والعربية طلعت افضل من الواقع ( دية كاميرا الاس 4 ) وعلى فكرة هو معاة اكتر من جهاز iphone 5s - ipad mini - htc one m7

- شوف ياباشا الاس 4 جنب الاس 5 ولا لقيت فرق واحد , هو بس الاضاءة اعلى سنة بسيطة , لكن الوان وضوح كلة واحد

- لا انا شايف غير كدة خالص , انا قولتك انت معاك الزد 2 , وانا معايا الاس 4 وانت كمان معاك الاس 4 , انا فتحت لعبة اسفلت 8 فى خلال 9 ثوانى على الاستوب واتش , جرب وقولى من اول لما دوس على الابليكيشن وقولى , وساعتها هنشوف فرق السرعة

- شوف ياباشا مافيش حاجة اسمها مايتقارنش بيهم , للاسباب الاتية :

1- شاشة : قوية جداااااااااا وزى ماقولتلك الزد 2 ميقدرش يتفوق عليها

2- اوبشن : فية حاجات كتير جدااا مش موجودة فى الزد 2 , والعكس بس الاس 4 اكتر اوبشن

3- كاميرا : متفوقة عليها والفرق واضح عندك , وانا هثبتلك دة

4- بطارية : ممتازة وعندك الاستهلاك بتاعها قدامك سكرين شوت

5- سرعة : التليفون سريع جداااااااااااااااااا وبيشغل كل حاجة بمنتهى السلاسة

يبقى خير بقى مايتقارنش لية ؟؟؟؟؟؟

اة الزد 2 بيتفوق فى حاجات ودة طبيعى حتى لو هاتفين من نفس السنة , بس لسة بدرى على ماتقول ان الهاتف دة مايتقارنش بنسخة السنة اللى بعدة

- وماتقوليش كاميرا بتتفوق علي كاميرا الاس 4 بجدارة عشان انا لحد دلوقتى ماشوفتش الكاميرا دية , ولو فية هيبقى بفرق ضئيل جداااااااااااااااااااا , مش بجدارة

- عادى ياباشا دة رأى فى ال htc وعارف اللى انت بتقول علية , بس لسة الشركة متعثرة على فكرة وعلى وشك الافلاس

- طيب حلو جداا ياباشا , اعملى كدة سكرين شوت بالاستخدام وعدد الايام , عشان نقارن لانى ماشوفتش حتى الان z2 عدى اليومين ( واهم حاجة يكون بأضاءة سطوع على اقصى حاجة )

- طيب كويس وانا 2 اصحابى معاهم ال note 10.1 2014 edition وبيشتكى من البطارية انها بتخلص خلال يوم بالكتير , ودة طبيعى على جهاز بحجم الشاشة دية , والاتنين نفس الحالة

- الزد 2 بيسخن كلنا عارفين كدة , وحرارتة عالية جدااااااااااااا جرب تعلى الاضاءة كدة على الاخر , وتفتح لعبة اسفلت 8 , عشان دة اللى تمت تجربتة , وقولى لقيت درجة الحرارة كام وبعد كدة افتح الكاميرا وصور فيديو مش صور عادية , وشوف هيعمل معاك اية
youssefshabana
عضو مميز
youssefshabana
2014-07-08 (05:25:42AM)
ﻷ طبعاً مش مصدق تقييم الموقع للكاميرات يعني انا هضحك علي نفسي الجهازين كانوا قدامي والزد 2 افضل بكتير في جميع الاوضاع

ماشي مستني اختبارك للكاميرا وانا بردو لما الجهاز يبقي معايا هرفعلك صورتين من الكاميرتين وهثبتلك كلامي

طيب طالما انتا مصدق ان الزد 2 احسن من الاس 2 ازاي معترف بالتقييم بتاع الموقع اللي بيقول غير كده

المشكلة بتاعت الزووم دي كانت في الزد 1 لكن اتحلت بنسبة كبيرة في الزد 2

طيب ما فيه كاميرات سوني 5 ميجا كويسة وتفوقت علي كاميرات سامسونج و العكس ايه المشكلة يعني مش مبرر ان سامسونج احسن من سوني

ﻷ طبعاً حالات خاصة والدليل ان محدش واجهته المشاكل دي من ملاك الجهاز اللي معانا في الموقع ولو مش مصدقني اسألهم عندك مثلا الاستاذ الفاضل sherif2090 اسأله لو مش مصدقني ولو متواجد في الموقع يا ريت يرد علينا ويقولنا رأيه

موضوع الحساسات انا عمري مستخدمتها غير اول اسبوع اشتريت فيه الجهاز كنت منبهر بيها في الاول لكن بعد كده ولا باجي نحيتها وكل الناس اللي اعرفهم معاهم التليفون بردو مش بيستخدموها

هو ايه اللي اتخنق منه في 5 دقائق هو لحق يشوف حاجة كدة !!!

انا اخويا معاه التليفون من 3 اسابيع وكل يوم بيكتشف حاجة جديدة في التليفون وعمره ما زهق منه مش عارف انتا جايب الكلام ده منين

ربنا يباركلك في الجهاز انا عن نفسي استخدمت موبايلات اس 4 كتير وكلهم زي تليفوني كويسين بس فيهم مشاكل

علي فكرة انا مش معايا الزد 2 انا لسه معايا الاس 4 الزد 2 مع اخويا مش معايا

وانا والله التليفون مش معايا دلوقتي بس الاس 4 بيفتح اللعبة في حوالي 10 ثواني و الزد 2 بيفتح قبله بحوالي ثانيتين بس ده مش بالظبط انا مامسكتش ستوب واتش وحسبتها

ماشي معاك في اللي انتا قلته الاس 4 شاشته ممتازة بس فيه الاحسن منها

سريع بس الزد 2 اسرع منه ولو مش مصدقني ممكن اجيبلك مقارنة مع الاس 5 والنوت 3 اللي هما افضل منه ومع ذلك الزد 2 تفوق عليهم

بطاريته قوية بس في تليفونات كتيرة جدا اقوي منه ولو مش مصدقني شوف اخبار gsmarena للبطارية هتلاقي تليفونات كتيراقل من الاس 4 واقوي منه في البطارية

عشان كدة بقول لا يقارن بالزد 2

انتا عارف لو بنقارنه مع الاس 5 هقولك ماشي ده بيتفوق في حاجات وده بيتفوق في حاجات تانية لكن مع الاس 4 مستحيل يتفوق في حاجة ده رأيي

ليه ماقولش انه بيتفوق بجدارة وهو فعلا بيتفوق بجدارة ؟ والدليل في الفيديو اللي انا جيبتهولك وانتا مش معترف بيه وبتقول مفيش فرق واضح مش عارف ازاي !!!

هي اه فعلا لسة الشركة مشدتش حيلها اوي بس فعلا قبل ما تنزل الجهاز كانت خلاص افلست بالفعل ولو مكنتش عملت جهاز جديد ومختلف عن المنافسين كانت هتنتهي تماماً

طيب حاضر لما يبقي الجهاز معايا تاني ﻷنه والله ممسكتوش بقالي ايام وهو حاليا مع اخويا ومش معايا هبقي ارفعلك screen shot لكل اللي انتا عاوزه :)

انا مجبتش سيرة Samsung Galaxy Note 10.1 2014 انا معايا Samsung Galaxy Note 10.1 N8010

وكلنا عارفين ان النوت 10.1 2014 في مشاكل في البطارية ومبتكملش اليوم

جربت كل ده من غير ما تقول والجهاز مبيعديش 35 درجة زي تليفوني واحسن كمان

مستني دليلك بتاع الكاميرا والبطارية و الصوت وانا والله لما يبقي معايا الجهاز تاني هعمل مقارنة ما بينه وما بين الاس 4 في كل حاجة
semsemSiR
مشرف
semsemSiR
2014-07-08 (02:33:41PM)
خلاص موضوع الكاميرا دة بقى تبقى تصور وانا اصور ونشوف الدنيا فيها اية

- مانا قولتلك مشكلة الزد 2 فى الزووم والتكبير وزى مانت شايف , وصدقنى الاتنين واحد سواء هو او ال z1 بس التحسينات اتعملت عشان السوفت الجديد, لكن هما الاتنين تقريبا زى بعض

- ماشوفتش الصراحة كاميرا موبايل سونى بتتفوق على كاميرا سامسونج

- ياباشا مش موضوع مصدقك بس دية الحقيقة , وشوف انت التعليقات , دور كدة على تعليق قالك الكاميرا قفلت منى والحرارة سخنت ( مش دة بردة واحد مستخدم معانا فى الموقع ) ولا انت هناخد ناس وناس , وواحد تانى كان معاة ال z1 وجاب ال z2 ورجعة بعد 24 ساعة عشان التليفون مقدمش اى جديد بالنسبالة وتليفون عادى جداااااااااا

- كل واحد بيستخدم اللى يناسبة وعلى حسب احتياجاتة

- واجهة التليفون وقوائمة الصعبة شوية , ودة سبب انتشار سامسونج انة بيرضى كل المستخدمين

- لأ الحمد لله ياباشا 6 شهور ومافيش اى مشاكل نهائيا والجهاز زى ماهو بالعكس والله اداة اتحسن عن الاول , وانا ولا مشغل توفير طاقة , ولا منزل برامج اداء ولا اى حاجة لانى مش بعترف بالحاجات دية

- انا قولتلك الاس 4 بيفتح فى قد اية 9 ثوانى ومرة فتحها فى 8 ثوانى بس لما قفلتها وفتحتها تانى

فاعتقد الزد 2 يوم ماهيفتح اللعبة هيفتحها فى قد اية ؟؟؟ 7 ثوانى مثلا مع انى ماعتقدش انة هيفتحها فى الزمن دة , معلش يعنى هو انا هدفع 1500 جنية عشان ثانية فرق !!!!!

- اى شاشة احسن من الاس4 هتكون بنسبة ضعيفة جدااااااااا ودة اللى واضح قدامى بالنسبة للمنافسين حاليا

- واكيد انت عارف ان اختبار gsm arena للتليفون كان على نسخة 4.2.2 وفى البطارية اللى فيها عيب

- انت عارف والله لسة عامل اختبار مابين النوت 3 والاس 4 زى مابتلاقية كدة على اليوتيوب ولو كان معايا موبايل ثالث كنت صورتة

- اختبار السرعة : النوت 3 والاس 4 فتحوا قائمة الاسماء والرسائل مع بعض

- لعبة صب واى : النوت 3 فتح قبل الاس 4 ب 0.3 ثانية

- النت : الاتنين فتحوا مع بعض ,واختبار موقع مش google ولا اكتر من موقع

- الفيس بوك , الاتنين فتحوا مع بعض فى نفس التوقيت

دية اختبارات السرعة اللى عملتها للنوت 3 مع الاس 4
youssefshabana
عضو مميز
youssefshabana
2014-07-08 (05:39:47PM)
خلاص مفيش مشكلة خالص لما يبقي معايا التليفون تاني هصور صورتين بالجهازين هثبتلك كلامي ويا ريت بردو تبقي تعمل نفس الكلام ﻷني مش مصدق ابدا ان الاس 4 بيتفوق علي الزد 2 ولا في كاميرا ولا في غيره

ﻷ في فرق واضح ما بين كاميرا الز 2 و الزد 1 في كل حاجة وهو صحيح مش كبير لكن في فرق وبردو كاميرا الزد 1 تعتبر ممتازة و مش وحشة أبداً

ﻷ بقي انا شوفت كاميرات ياما سوني بتتفوق فيعا علي سامسونج وبردو شوفت العكس

مش عارف هتصدقني ولا ﻷ بس انا كان معايا sony xperia s من كام اسبوع وكاميرته قريبة جداً من كاميرا الاس 4 ومعرفتش افرق بينهم الصراحة ودي كاميرا 12 ميجا وبالقوة دي فما بالك بقي بكاميرا 20.7 ميجا هتكون عاملة ازاي :)

ﻷ مش هناخد ناس وناس انا بقولك ان فيه ناس بتشتكي وفي ناس معندهاش مشكلة سواء في الاس 4 او الزد 2

ماشي معاه حق اللي رجع الجهاز ﻷن مفيش فرق جوهري بينهم لكن مع ذلك الزد 2 احسن من الزد 1 في كل حاجة صحيح مش بفروقات جامدة لكنه افضل واسألالناس اللي معاها الزد 1 وجربه بعدها الزد 2 ههيقولولك نفس الكلام

واجهة التليفون ممتازة ومفهاش اي حاجة صعبة علي فكرة زيها زي السامسونج

ربنا يباركلك فيه بس ده اللي انا شوفته وسمعته من اغلب الناس

ليه متعتقدش انه يفتح في زمن اقل من ده ما هو طبيعي انه يفتح قبله امال الرامات والبروسيسور في الزد 2 وظيفتهم ايه !!!

وعلي فكرة الزد 2 تفوق في سرعة فتح التطبيقات والالعاب مش بس علي الاس 4 بل ايضا علي الاس 5 اللي انتا بتقول انه احسن تليفون في العالم واهو الدليل

اضغط هنا لزيارة الرابط مش عارف والله اجيبلك اكتر من كده ايه أدلة وبردو بتقول ان الاس 5 الافضل مش عارف انتا شايفه افضل من ناحية ايه !!

هههههههههههه هو انتا فاكر ان الفرق 1500 جنيه عشان بيفتح اسرع من بثانية او اتنين أمال ايه التقرير اللي انا عامله فوق ده الاس 4 مش متفوق في حاجة اصلا تقريباً وانتا بتقول ان الزد 2 مش عارف يتفوق في حاجة علي الاس 4 جبت الكلام ده منين مفيش حد قال ان الاس 4 احسن من الزد 2 في اي حاجة انتا الوحيد اللي بتقول الاس 4 احسن وكمان الزد 2 مش عارف يتفوق في حاجة D:

ماشي شاشة الاس 4 من افضل الشاشات وفي شاشات تاني بتتفوق عليها بس زي ما قلت بفرق بسيط جدا معاك فيها دي

ماشي معاك ان مفيش فرق كبير بين النوت 3 والاس 4 لكن النوت 3 افضل بفروقات بسيطة
semsemSiR
مشرف
semsemSiR
2014-07-08 (08:55:41PM)
على فكرة بس انا ماقولتش ان الاس 4 يتفوق تمام على الزد 2 , لان اكيد الزد 2 افضل فى حاجات

بس مش كل حاجة زى مانت بتقول , وكمان الفرق مابينة وبين الاس 4 فى حاجات بسيطة

ودة اللى انا جربتة

انت ممكن يكون جهازك تقيل او بيهنج عشان كدة حسيت الفرق مابينة وبين الزد 2

لكن انا عشان الحمد لله تليفونى مش بيهنج اصلا والحمد لله سريع جدااا , لما بمسك اى تليفون مش شرط الزد 2 بس بحس انى ماسك حاجة عادية جدااااااااا , مافيش فرق لدرجة ان بستغرب هو فين البروسيسر ال 2.5 ولا ال 2.3 جيجا دة راح فييييييييييييييييييييين

والله دة الاحساس اللى بحسة لما مسكت هواتف 2014 كلها , عشان كدة انا مستغرب لما انت بتقول بطىء وبفرق واضح , لانى لاحظت غير كدة تماما

وبالنسبة للكاميرا , انت بردة مش مصدقنى فى النقطة بس هنأجل الكلام دة لحد مااجيبلك الدليل

- الزد 2 شاشتة كويسة جدااا ,مقدرش انكر , بس الاس 4 شاشتة افضل منة ودة شىء طبيعى للشاشات السوبر اموليد , وزى ماقولتك ميزة الاس 4 بيعتمد على ان شاشة سوبر اموليد + سطوع عالى والدليل على كدة ان اللون الابيض فى الاس 4 افضل من الزد 2 , بعكس اى شاشات سوبر اموليد اللون الابيض بيكون فيها غامق عن اى تليفون

- الصوت : شوف ياباشا انا يكفينى هقولك حاجة واحدة والله بكون ماشى فى شارع زحمة جداااااااااااااا , وبسمع التليفون فى جيبى , مش هقولك اكتر من كدة وماشاء الله حتى كمان فى صوت الالعاب بتكون مجسمة بشكل رهيب , كأنك عايش مع اللعبة

- بطارية : الحمد لله من اول يوم تشغيل ليها وهية كانت ممتازة جدااا, يعنى انا مثلا بسيب التليفون الساعة 12 بليل ومشحون 100% بقوم تانى يوم للشغل الصبح على الساعة 7 بعد المنبة مابيشتغل وكل حاجة بلاقية 99% ’ يعنى 7 ساعات , كفاية انى الحمد لله بتكلم ساعة متواصل والتليفون بينزل 4% فقط لاغير , وكل دة انا مصورة بسكرين شوت

معلش ياباشا يعنى اية حظى جية فى جهاز مافيش فية مشاكل , والله العظيم انا ممكن ادخلك ناس لسة جايبين التليفون من شهر , والحمد لله مافيش معاهم اى مشاكل

عموما انا بقولك كدة عشان تبقى عارف السبب اللى خلانى اعترض على كلامك

وانت لو شوفت المقارنة مابين الاس 5 والاس 4 اللى انا عملتها , اول لما الاس 5 نزل هتعرف كلامى
youssefshabana
عضو مميز
youssefshabana
2014-07-08 (09:25:08PM)
ﻷ معلش يا باشا بس انتا قلت ان الزد 2 مش عارف يتفوق في حاجة علي الاس 4 الكلام مكتوب عندك فوق

هاتلي حاجة واحدة بس متفوق فيها الاس 4 انا شايف انه ولا بيتفوق في سرعة ولا في خامات ولا في بطارية ولا الهوا

هو اه جهازي بيهنج ساعات زي كل موبايلات الاس 4 اللي انا جربتها لكن بردو في الوضع العادي الزد 2 اسرع منه واخف منه

وبدليل انه اسرع من الاس 5 زي ما هو باين في الفيديو يبقي ازاي مش هيبقي اسرع من الاس 4 اللي اقل منه في كل حاجة

الصراحة في موضوع الكاميرا مش مصدق اللي انتا بتقوله ولا عمري هصدق ﻷن انا جربت الكاميرتين بنفسي والزد 2 افضل بفرق واضح جدا واسأل اللي معاهم الجهاز

شاشة الزد 2 من افضل الشاشات اللي انا شوفتها وتفوقت علي شاشة الاس 4 في واقعية الوان الصور زي ما قلت قبل كده والتفوق الوحيد في شاشة الاس 4 في اللون الابيض والاسود غير كده مفيش ده رأيي

ماشي انا معاك ان صوت الاس 4 قوي ومسموع لكن ايه دليلك ان صوته اقوي من الزد 2

كل البطاريات كده علي فكرة وفيه احسن من كده كمان انا واحد صاحبي معاه الجراند نيو بطاريته تقريباً زي اللي عندك كده بالظبط مع ان بطارية الجراند نيو المفروض انها أضعف لكن مع ذلك زي بطارية تليفونك

ماشي مفيش مشكلة وانا ممكن اوريك بردو ناس بتشتكي من الاس 5 في كل حاجة ولو مش مصدقني ممكن اثبتلك ده معنديش مشكلة

وزي ما قلت مش كل اللي معاهم الاس 5 بيشتكوا ومش كلهم بردو بيمدحوا في التليفون زي كل التليفونات عادي يعني

والاس 5 احسن من الاس 4 مفيش كلام لكن مش الفرق اللي يخليني ابيع الاس 4 واجيب الاس 5 ﻷني مش هحس بالفرق االرهيب يعني الاتنين واحد تقريبا معادا الشاشة والبطارية و الكاميرا ده اللي افضل في الاس 5 في نظري والباقي تقريباً واحد
semsemSiR
مشرف
semsemSiR
2014-07-08 (10:47:06PM)
اضغط هنا لزيارة الرابط

بس كدة على الفيديو دة , هتعرف كلامى دة تقييم z2 كامل , اولا لعبة سبايدر مان هنجت وقفلت مرة واحدة وسط اللعب

- انا بالنسبالى مافيش تفوق , والحاجات اللى فيها تفوق بتكون بنسب ضعيفة مقدرش اقول عليها تفوق , اقول عليها افضل حاجة بسيطة

- ياريت كدة تقولى نوع التهنيج اللى عندك اية ؟؟ عشان عايز اعرف تليفونك بيهنج فى اية بالظبط

- طيب مالاس 5 المعالج بتاعة 2.5 مقابل 2.3 للزد 2 , وبتقول ان الزد 2 اسرع من الاس 5 ,يبقى عشان تعرف انها مش بالارقام , والدليل بردة على كدة ان ال 9505 معالج بتاعة 1.9 وال9500 1.6 واسرع منة فى الاداء

- طيب ياباشا موضوع الكاميرا امرة محلول خلاص هنعمل الادلة

- لا معلش ياباشا ماتفوقتش عليها , لو انت مركب سكرين بروتكت , ممكن تحس الاحساس , لكن عشان انا مش مركب سكرين فشايف كل حاجة على حقيقتها

- مانا قولتلك بقى دية بالذات مش هينفع نسمعها هنا الصوت لازم يكون على الطبيعة

- على فكرة انا معايا الجراند نيو تقريبا بردة يوميا و وبطاريتة مختلفة تماما عن الاس 4 اللى معايا ياراجل دة فرق شاسع

- انا عملت سؤال فى صفحة الاس 5 مخصوص عشان اشوف هل فية شكوى عموما فعلا من الجهاز ولا لأ

- هو عموما البطارية عندى افضل من اللى موجودة فى الاس 5 ودة بتقرير صاحبى - الشاشة والله مافيش فرق مابين الاتنين الا زى ماقولتك سنة اضاءة اقوى مش باينة الا فى صور معينة لكن الوان واحد فى الاتنين - والكاميرا طبعا افضل من الاس 4 من ناحية الاوبشن , انا عن نفسى توهت فى اوبشن الاس 5 ماشاء الله كتير اوى , لكن كتصوير مالاحظتش اى فرق بالعكس كان فية صور الاس 4 فيها افضل شوية وكان فية صور الاس 5 افضل بفرق قليل
youssefshabana
عضو مميز
youssefshabana
2014-07-09 (01:39:09AM)
يعني في كل الفيديوهات اللي انتا شوفتها مجبتليش غير الفيديو اللي مطلع الجهاز بيهنج طيب اشمعنا يعني جايبلي الفيديو ده ولا هو عشان تثبت بيه ان الاس 5 الاس 4 افضل

طيب في الجهاز ده اللعبة هنجت فيه لكن في جهاز تاني اللعبة مهنجتش فيه وشغالة بمنتهي السلاسة و السرعة ممكن تشوفه اضغط هنا لزيارة الرابط

وانا ممكن اجيبلك فيديو لﻷس 5 والاس 4 بيهنجوا في اللعبة دي وبردو اللعبة بتقفل فيهم زي الفيدي اللي انتا جايبهولي بالظبط

وعلي فكرة حتي التهنيج في الزد 2 مش عشان في مشكلة في الجهاز عشان في مشكلة في اللعبة بالفعل وانا جربتها علي اجهزة كتيرة وانواع مختلفة وبردو هنجت وقفلت منهم جهازي ( اﻷس 4 )

فالمشكلة في اللعبة مش في الجهاز واكيد هينزلوا تحديث للعبة يحل المشكلة

واقرأ تعليقات الناس علي جوجل بلاي في صفحة اللعبة وانتا تتأكد من كلامي

واغلب الناس بيشتكوا من انها بطيئة وبتقفل برغم ان اجهزتهم قوية زي الاس 5 والاس 4 والنوت 3 والزد 2 وكل التليفونات مش دول بس

وازاي مفيش تفوق في بروسيسور الزد 2 علي بروسيسور الاس 4 امال انا بقول انه اسرع منه ازاي طبعاً في فرق كبير بين الاتنين

وفعلا بردو الزد 2 اسرع من الاس 5 والدليل عندك في الفيديو انه بيفتح التطبيقات والالعاب اسرع برغم ان الاتنين تقريبا نفس البروسيسور الفرق صغير جداً بين الاتنين لصالح الاس 5 نظرياً لكن عمليا الزد 2 افضل في السرعة وتهنيجه اقل

يبقي ازاي تقول ان مفيش فرق بين الاتنين

تمام انا صورت كام صورة لﻷس 4 ناقص بقي لما يبقي الزد 2 معايا هصور نفس الصور بفلاش وبدون والاتنين علي أعلي دقة في الجهازين 13 ميجا للاس 4 و 20.7 ميجا للزد 2

انا شايف ان شاشة الزد 2 افضل وانا حاطت فعلا سكرين بروتيكتور للاس 4 وبردو محطوت للزد 2 والاتنين ضد الكسر وبردو شاشة الزد 2 شايفها افضل وحتي لو الاتني مش عليهم سكرين بردو التفوق للزد 2 في نظري

ﻷ ليه مش هينفع ليه !!! علي فكرة الفرق بينهم كبير و واضح جداً وسهل نعرف مين اﻷفضل اللي هو طبعا الزد 2 ده اللي انا شايفه فلو هتقدر تثبت كلامك ان صوت الاس 4 افضل جيبلنا الدليل ومتقلقش الفرق هيكون واضح اذا كان هو واضح بين الزد 2 وال m8 اللي هما اقوي اجهزة في الصوت مش هيبان ما بين الزد 2 والاس 4 مش معقول !!!

علي فكرة والله بطارية الجراند نيو ممتازة جداً وتفوقت علي بطاريات كتير ومتساوية تقريباً مع بطارية تليفونك والجهاز بردو جربتوا كتير قبل كده وفعلاً بطاريته قوية جداً :)

اه انا شوفته بس بردو انتا مش فاهمني مش كل الناس بتشتكي من التليفون وبردو مش كلهم بيمدحوا فيه

ومش معني اللي هيرد ويقول انه معندوش مشاكل يبقي كله بردو معندوش مشاكل مش عشان واحد او اتنين قالوا كده يبقي كله بيقول كده ولا إيه ؟

انا بردو مختلف معاك في موضوع البطارية هي اه بطارية الاس 5 مش احسن بطارية طبعاً لكنها افضل من بطارية الاس 4

والشاشة مش قضية دلوقتي لكن انا شايفها افضل في الاس 5 بفرق بسيط جدا وسامسونج هي اللي قالت كده كمان

في اوبشن الكاميرا طبعاً الاس 5 اكتر بكتير وبردو في التصوير وكده بردو الاس 5 افضل لكن مش بفرق جوهري بين الاتنين
semsemSiR
مشرف
semsemSiR
2014-07-09 (02:13:50AM)
شوف انا بس جيبتلك الفيديو عشان حاجة واحدة بس انى اقولك ان لسة اهوة الزد 2 جديد وبيهنج

عادى جداا

- طيب مانا نزلت اللعبة دية عندى , وعمرها مهنجت معايا , بس زهقت منها بسرعة لانها لعبة مملة شوية وانا مش غاوى الالعاب دية , وانا معاك ان فية اجهزة فية العاب مابتبقاش متوافقة عليها , بس انا عايز اقولك حاجة كمان ان amazing spider man بتتعلب على الادفانس والاس 2 ومش بيهنجوا هما بس مش بسلاسة التليفونات العالية

- انا بكلمك على جهازى , انا ملاحظتش اى فرق فى السرعة ولو فية بيكون ثانية , فرق مش ساعات وبعد كدة الاتنين بيشتغلوا مع بعض وبنفس السلاسة , عشان كدة مش عارف الفرق فين والله ( بتكلم على جهازى ) ماليش دعوى بأى جهاز اس 4 تانى

- شوف انة بيفتح التطبيقات اسرع دية صدقنى والله مافرقة , يعنى اية الاقى جهاز اسرع من جهاز بفرق 0.1 ثانية وتقولى دة كدة اسرع , اللى اسرع فعلا لما تلاقى اللعبة اللى انت فتحتها وبتلعبها وهية لسة بتحمل على الجهاز التانى , لكن مش فرق جزء من الثانية وتقولى اسرع

- صدقنى والله الاسكرين بروتكت تفرق جامد جدااا فى الشاشة , شيلها وهتحس انك ماسك تليفوتك لاول مرة

- ممكن يكون كبير وواضح بالنسبة ليك , لكن انا مافيش اى حاجة وضحت معايا

- بطارية الاس 4 اللى معايا دية اللى بقارن بيها عشان دية الواقع اللى قدامى , لو عندك حاجة افضل يبقى سكرين شوت ياباشا ونشوف , لاى تليفون

- اديك قولت بفرق بسيط جدااا ,وهو اللى قولتلك علية الاضاءة الاعلى سنة بسيطة

- الاس 5 والاس 4 من الصعب انك تميز مين فيهم افضل الا على الكمبيوتر , لما تكبر اوى غير كدة مش هتعرف تفرق
youssefshabana
عضو مميز
youssefshabana
2014-07-09 (03:11:11AM)
تمام بس علي فكرة والله العيب مش في الجهاز العيب في اللعبة

وبتشتغل كويس علي اجهزة ولا اجهزة تانية ﻷ وعلي فكرة انا مش شايف ان الزد 2 هنج خالص في الفيديو اللي انتا جبته الحاجة الوحيدة اللي لاحظتها ان اللعبة قفلت لوحدها

ومع ذلك اللعبة شغالة علي التليفون بسلاسة كبيرة عيبها انها بتقفل فجأة لوحدها

وده زي ما قلت في اجهزة وفي اجهزة تانية ﻷ

يعني انا شوفت اداء الاس 2 و الاس 3 في اللعبة احسن من الاس 4 والاس 5 برغم ان الفرق شاسع بينهم وممكن اجيبلك فيديو بيأكد كلامي

انا شايف ان الفرق مش 0.1 ثانية ولا حاجة

في تطبيقات بتفتح اسرع ب 3 ثواني و اكتر في الزد 2

انا عارف والله ان الشاشة من غير السكرين اوضح بس مقدرش امشي باي تليفون من غير سكرين وجراب عشان لو وقع بالسلامة :D

بس علي فكرة الفرق مش كبير بين وانا حاطتها او مش حطتها هي يمكن اوضح سنة بسيطة وانا مش حاطتها لكن مش بفرق كبير يخلي شاشة الاس 4 تتفوق D:

الصوت الفرق بالنسبالي واضح وضوح الشمس الزد 2 اعلي وانقي

ﻷ اذا كان كده فانا جربت اجهزة كتير بطاريتها اقوي من الاس 4 وهبقي ارفعلك سكرين شوت

ايوا فعلاً الفرق بسيط لكن افضل في الاس 5

وده اكبر دليل ان العيب في اللعبة مش في الجهاز
Ahmed0Shaheen
Ahmed0Shaheen
2014-07-09 (04:33:01AM)
استاذ يوسف كلنا عارفين ان الزد 2 احسن تانى جهاز فى العالم و انو اسرع من الاس 4 و الاس 5 و خلاص =D و ان الفرق مابيهنم 5 ثوانى او 4 و ان الشاشة احسن فى الزد من اس 4 بس تعتبر موازية للاس 5 البطارية اقوى طبعا من الاتنين و متنساش ان موبايلات سامسونج بقت معروفة بالتهنيج
youssefshabana
عضو مميز
youssefshabana
2014-07-09 (05:09:45AM)
أستاذAhmed0Shaheen

اولا تحياتي ليك :)

والله يا باشا ده رأيي الشخصي ان الاكسبيريا زد 2 يعتبر تاني افضل تليفون حالياً بعد ال htc one m8 ومن الواضح ان حضرتك متفق معايا في ده

بس عشان الأمور تكون واضحة قدام الناس انا مش بهاجم سامسونج والله

سامسونج شركة عملاقة مش بس في الموبايلات بل في جميع انواع الأجهزة وليها تأثير جامد في الاسواق العالمية

لكن إحنا لما نيجي نقارن اقوي واحدث جهاز من سامسونج مع اقوي و أحدث جهاز من سوني و HTC لعام 2014

ال htc و السوني بيتفوقوا عليه بجدارة وده في وجهة نظري انا يمكن اكون غلطان فيها و يمكن ﻷ

لكن انتا عارف ايه اللي بيضايقني ؟

اللي بيضايقني ان احنا لما نقول مثلاً ان الزد 2 أحسن من الاس 5 او ال M8 احسن تلاقي ناس طالعالك وبتقول انتا بتهاجم سامسونج ومتعصب لسوني !

وعلي فكرة والله مش بوجه كلامي لشخص بعينه لكن انا بشوف ده كتير جداً و علي مواقع كتير

وبردو بلاقي أحياناً ناس متعصبة جداً لسوني واللي بيقول ان سامسونج افضل تلاقي حد طالعلك وبيقول اننتا بتهاجم سوني !

مع اني مش عارف والله ليه كده

و الموضوع اصلا تافه ومش مستاهل ان احنا نلقي اللوم علي بعض ونتخانق عشان حاجة زي دي

ولا انتوا ايه رأيكم ؟؟؟
EmadAzmy
EmadAzmy
2014-07-09 (12:05:26PM)
وانا بصراحة اتفق جدا مع youssefshabana
semsemSiR
مشرف
semsemSiR
2014-07-09 (12:11:30PM)
والله هو اصلا فى الاول وفى الاخر , دية حاجة تافهة جدااا بالنسبة لحياتنا , اصل دة تليفون فى الاول وفى الاخر

ومافيش داعى لاى مناقشة حادة فى اى حاجة عشان الموضوع مش مستاهل اصلا
youssefshabana
عضو مميز
youssefshabana
2014-07-09 (02:39:01PM)
semsemSiR

اتفق معاك تماماً في ده
semsemSiR
مشرف
semsemSiR
2014-07-09 (04:06:39PM)
اضغط هنا لزيارة الرابط

بس على الفيديو هيأكدلك كلامى , ان شاشة الاس 4 هية اول شاشة تجمع مابين الصورة الواقعة وتكنولوجيا السوبر اموليد

وركز اوى مع النوت 2 عشان هو دة اللى بيطبق السوبر اموليد بحق


ودية مقارنة مابين فئة الزد كلها , شوف فرق الشاشة

اضغط هنا لزيارة الرابط


على فكرة تم اختبار اسفلت 8 على الزد 2 فى الوقت والمدة المستغرقة

التليفون فتح الصورة فى 7 ثوانى , مقابل 6 ثوانى للاس 4

وتم الدخول على اللعبة للزد 2 فى 10 ثوانى

اضغط هنا لزيارة الرابط

اضغط هنا لزيارة الرابط

ودية نفس تجربتى بالحرف
youssefshabana
عضو مميز
youssefshabana
2014-07-09 (05:36:23PM)
ماشي شاشة الاس 4 كويسة بس علي فكرة بردو شاشة الزد العادي ممتازة جدا وباينة في الفيديو اللي انتا جبته وفي ناس بردو رأيها ان شاشة الزد افضل اقرأ التعليقات اللي عالفيديو وانتا تتأكد من كلامي

طيب انا شايف بردو ان شاشة الزد 2 افضل والفيديو اللي انتا جايبه بيأكد كلامي ان الوان الزد 2 هي الاكتر واقعية بين كل الشاشات شوف الرابط ده كده وقولي رأيك اضغط هنا لزيارة الرابط

انا بقي عن تجرتي الزد 2 فتح اسرع بفرق ثانيتين تقريبا وبعدين عادي ممكن اجيبلك فيديو لﻷس 4 بيفتح اللعبة في وقت اطول من كده

ده بيفرق حسب حجم التطبيقات والالعاب اللي علي الجهاز لو الذاكرة بتاعت الجهاز مليانة وكذلك الرامات هتلاقي الجهاز بيفتح اللعبة في وقت اطول من كده

شوف الفيديو ده كده ده بقي مش للزد 2 ولا الاس 4 ولا الزد 1 ده للزد العادي شوف برغم انه يعتبر اقل من الاس 4 في الامكانيات لكن فتح اللعبة تقريبا في 6 ثواني بس وده بيأكد كلامي ان الذاكرة المتاحة والرامات بتفرق جامد في سرعة فتح التطبيقات اضغط هنا لزيارة الرابط

فبردو سرعة فتح التطبيقات بتفرق من جهاز ﻷخر حتي لو كان نفس النوع لكن لو جينا نقارن بين الزد 2 والاس 4 في سرعة فتح التطبيقات والالعاب والاتنين عليهم نفس التطبيقات والالعاب مفيش جهاز عليه حاجة ازيد من الجهاز التاني فالتفوق هيكون لصالح الزد 2

والفيديو اللي فيه المقارنة بين الزد 2 والاس 5 في سرعة فتح التطبيقات اللي انا جيبتهولك بيأكد كلامي
semsemSiR
مشرف
semsemSiR
2014-07-09 (06:49:09PM)
انت بردة كل دة ومش عايز تقتنع
شوف ياباشا انا عارف والله ان الزد 2 جهاز جامد جدااا محدش قال حاجة بس فى نفس الوقت الحمد لله محستش باى اختلاف مابينة وبين الاس 4 وبعدين جهاز اية دة المفروض 3 جيجا وبروسيسر 2.3 يعنى مش هتفرق بقى تطبيقات قصاد جهاز برامات 2 جيجا بس .لكن دة يثبت حاجة واحدة مدى قوة الاس 4 وان لسة بدرى علشان يقدم
semsemSiR
مشرف
semsemSiR
2014-07-09 (06:49:11PM)
انت بردة كل دة ومش عايز تقتنع
شوف ياباشا انا عارف والله ان الزد 2 جهاز جامد جدااا محدش قال حاجة بس فى نفس الوقت الحمد لله محستش باى اختلاف مابينة وبين الاس 4 وبعدين جهاز اية دة المفروض 3 جيجا وبروسيسر 2.3 يعنى مش هتفرق بقى تطبيقات قصاد جهاز برامات 2 جيجا بس .لكن دة يثبت حاجة واحدة مدى قوة الاس 4 وان لسة بدرى علشان يقدم
semsemSiR
مشرف
semsemSiR
2014-07-09 (08:06:03PM)
هو الفيديو اللى انت جايبة , بتاع اختبار الشاشة مابين الزد 1 والزد 2 , الالوان اتقل شوية فى ال z1 والسطوع واحد , لكن زوايا الرؤية فى الزد 2 افضل بكتير , ,والالوان اكثر واقعية , تمام كدة ياباشا

- الزد فتح اللعبة فى 7.06 ثانية ودة نفس الوقت بتاع الزد 2 اذن يبقى الفرق مابين 1.5 Quad core بتاع ال z ومابين ال quad core ال 2.3 جيجا بتاع ال z2 راح فين

وياباشا تطبيقات اية اللى هتفرق ؟؟؟ انا عندى برامج كتير وكام لعبة ومافيش فرق فى الاداء هية هية , اية علاقة عدد التطبيقات بسرعة فتحة اللعبة , الكلام دة ممكن ينطبق على جهاز راماتة 512 لحد 1 جيجا ماشى , لكن جهاز راماتة 2 او 3 جيجا لأ طبعا مافيش اى تأثير

ولو عايز اختبرلك اللعبة وانا فاتح اكتر من كذا لعبة او تطبيق مافيش مشكلة هية هية

لأ معلش ياباشا لو تلاحظ الزد 2 هتلاقى علية برامج عبيطة , وبعدين هو انا مطالب انى لما احب اجرب لعبة او اختبار اكون مفضى الجهاز على الاخر وعملة ظبط مصنع ؟؟؟؟؟

كدة انت بتناقض كلامك , لانك بتقول ان اجهزة سامسونج اول لما بتملاها بتبدأ تهنج لكن وهية فاضية عادى مش هتبان , فلو عايز تختبر جهاز املاة برامج وقعدة معاك كام شهر وانت تعرف

ودلوقتى بتقول الجهازين لو فاضيين هتفرق فى السرعة

طيب عموما ياباشا والله انا عندى الجهاز مليان زى مش مليان هو هو نفس الاداء ونفس وقت فتح البرامج
youssefshabana
عضو مميز
youssefshabana
2014-07-09 (09:57:32PM)
معلش مش فاهمك اقتنع بإيه بالظبط !!!

انتا لغاية دلوقتي ماجبتليش دليل واحد مقنع ان الاس 4 بيتفوق في حاجة

يعني البطارية انتا بتقول ان الاس 4 افضل مع ان كل المراجعات بتقول غير كدة

والصوت انتا بتقول ان صوت الاس 4 اقوي و انقي وقلتلي بردو هجيبلك الدليل وبعد كده قلتلي مش هينفع عشان مش هيكون واضح !


وبتقول ان الاس 4 اسرع منه مع اني جايبلك الدليل ان الزد 2 اسرع من اللي هو المفروض اقوي من الاس 4 اللي هو الاس 5 ومع ذلك بتقولي ان الاس 4 اسرع مش عارف ازاي

و بتقول ان الاس 4 كاميرته احسن من الزد 2 مع اني جايبلك الفيديو اللي بيثبت ان انتا غلطان وبردو مش معترف بيه وبتقول ان انتا هتثبتلي ان كاميرا الاس 4 افضل وبردو مجبتليش الدليل

بناقض كلامي ازاي يعني !!!

مين اللي بيناقض كلامه كده !! ؟

انا بقول ان السامسونج مش بيستحمل البرامج والالعاب لكن غير كده الجهاز كويس بس بردو بالنسبة للسوني يعتبر استجابته أبطأ وكله بيقول كدا

وبردو لما بنحمل برامج والعاب كتير علي السوني بردو الجهاز بيبقي ابطأ بس مش درجة انه يهنج زي السامسونج

واه لو الجهازين فاضيين هتفرق في السرعة بس بردو السوني يفضل اسرع منه



بص انا عندي في جهازي كده وفي كل اجهزة الاس 4 اللي انا جربتها

انتا بقي معندكش كدة ماشي انتا أدري بجهازك

لكن معظم الناس اللي اعرفها في الموقع هنا وبردو اصحابي اللي معاهم الاس 4 او السامسونج بصفة عامة بيقولوا ان الجهاز بيهنج لما بنحط عليه تطبيقات والعاب كتير

وبردو بيشتكوا من البطارية وانها بتخلص بسرعة مش مصدقني اسأل الاستاذ EmadAzmy وهو يقولك علي مشاكله مع الجهاز ويا ريت لو متواجد في الموقع يقولنا رأيه

ومعلش متقوليش ان مفيش حد بيشتكي من الجهاز انتا تقريبا الوحيد اللي في الموقع اللي بيقول انه احسن تليفون ومفيش في عيوب

هاتلي هنا في الموقع حد بيقول انه مفهوش مشاكل كله بيشتكي من الجهاز في الللي بيشتكي من السخونية واللي بيشتكي من البطارية واللي بيشتكي من الكاميرا هو مش كل الناس طبعاً بس اغلب ملاك الجهاز بيشتكوا منه وكل الناس اللي دخلوا معانا في المناقشة هنا بيقولوا كده

مش مصدقهم هما كمان ؟!!
Ahmed0Shaheen
Ahmed0Shaheen
2014-07-09 (10:05:38PM)
معلش ياجماعة ممكن تقولولى اية عيوب Sony Xperia Z1 COmpact للعلم دا اول موب فى سونى بشاشة IPS فلو تقدروا تساعدونى
youssefshabana
عضو مميز
youssefshabana
2014-07-09 (10:13:14PM)
ال sony xperia z1 compact كويس جدا بالنسبة للناس اللي عاوزة شاشة صغير وفي نفس الوقت بإمكانيات قوية يعني هو يعتبر زي الزد 1 العادي بس شاشته اصغر وجودة الشاشة اقل لانها مش full hd زي الزد 1 لكن البطارية بتاعته تعتبر اقوي من الزد 1 العادي
semsemSiR
مشرف
semsemSiR
2014-07-10 (04:46:48AM)
ههههههههههه , كل دة ومش شايف تفوق الاس 4

يعنى مش شايف مدى قوة الاس 4 فى الشاشة وجمالها

موضوع الصوت , انا كلمت emadazmy وقالى انة كمان واحد صاحبة معاة ال Z2 وجرب الصوت ولقى الاتنين زى بعض فى نقاء الصوت لكن الاس 4 اعلى شوية ( وخلية يدخل يأكد كلامى دة )

- جايبلك زمن الاس 4 بتاعى فى فتح اللعبة وهية 6 ثوانى وكسرت زمن فتح لعبة z2 اللى اتعادل توقيتة مع ال z1 , وجيبلتك فيديو بيؤكد دة , وبردة مافيش دليل

- الكاميرا انا مستنى والله امسك التليفون تانى و هعملك الاختبار وبردة مستنيك

- مافيش حاجة اسمها مش بيستحمل البرامج , مانا منزل برامج والتليفون معايا بقالة 6 شهور , ومافيش حاجة اتغيرت الحمد لله زى ماهو , وعلى فكرة تليفون عماد كدة بردة سريع وتمام وعمرة ماهنج معاة

- على فكرة عماد انا اعرفة من سنتين تقريبا , واصدقاء من زمان , وهو اى مشكلة بتحصل بيقولى عليها على طول , ولما جاب الاس 4 التليفون زى الفل معاة مافيش فية اى مشاكل الا بس مشكلة البطارية ودة كان عيب فى البطارية نفسها كان فيها عيب بتخلص بسرعة , واول لما راح التوكيل غيروهالة على حسابهم

- مشاكل الجهاز النسبية , تتراوح مابين ارتفاع بسيط فى الحرارة يعنى اى حد بيسألنى بيقولى درجة الحرارة 36-38 درجة , فبقولة ماتقلقش درجة الحرارة عادية ( هو فاكر ان دية مشكلة ) لكن فى الواقع كل السمارت فون ذات الاداء العالى بيسخن كدة

- مشاكل البطارية , فى الاول لكن بعد كدة اتحلت واللى بيشتكى بيكون استخدامة مكثف على التليفون

- الكاميرا ( عمرى ماسمعت عن حد بيشتكى من مشاكل فى الكاميرا )

- تهنيج ( عمرى ماشوفتش حد بيقول التليفون بيهنج غيرك )

وانا بردة قولتلك قولى التليفون بيعمل معاك اية او بيهنج معاك ازاى ؟
youssefshabana
عضو مميز
youssefshabana
2014-07-10 (05:39:20AM)
هههههههههه الصراحة ﻷ D:

والله ما قلت حاجة علي شاشة الاس 4 غير انها جميلة جدا وممتازة بس شاشة الزد 2 افضل في واقعية الالوان

مع اني شايف غير كده بس ماشي يا ريت لو موجود يرد علينا ويقولنا رأيه في الموضوع كله مش في الصوت بس

عموماً لاننا كده تقريباً مش هنخلص من الموضوع ده ههههههههه ومفيش حد راضي يقتنع بس مش قضية فرق ثانية او ثانيتين ولو شايف ان الاس 4 فتح اسرع في لعبة فانا شايفه اسرع في فتح باقي الالعاب والتطبيقات

ماشي انا مستنيك وانا بردو الجهاز هيكون معايا قريب وهرفعلك كام صورة كده ونشوف الفرق في صالح مين

مانا قلتلك انتا عندك مش بيهنج غيرك عنده الجهاز بيهنج لما بيحمل تطبيقات كتير علي الجهاز والذاكرة بتتملي

انا بردو تقريباً بنتكلم كل يوم سواء علي الفيس بوك او الموقع هنا وبيواجه مشاكل في البطارية بتاعته

طيب هو قالك ان البطارية بتاعته غيرها لان فيها مشكلة . يا تري مقلكش ان المشكلة لسه عنده حتي بعد تغيير البطارية ؟؟؟؟

ويا ريت الاستاذ عماد يقولنا اخبار الجهاز معاه ايه لو متواجد في الموقع

في ناس بيشتكوا ان الحرارة بتوصل عندهم 42 مسمعتش عنها دي هي علي فكرة مش عندي المشكلة والحرارة عمرها ما بتعدي 37 درجة

بس انا شوفت ناس الحرارة عندها بتوصل 42 درجة أحياناً وبتبقي غالباً المشكلة بسبب حرارة الجو والشمس بس الجهاز بيوصل 42 عندهم

والله مش كلهم استخدامهم مكثف في ناس بردو استخدامه معقول وبيشتكوا من البطارية انا منهم والاستاذ عماد كمان منهم

الكاميرا نادراً لما بشوف حد بيشتكي منها لكن في ناس في الموقع اشتكوا منه وبيقولوا انهم جربوا النوت 2 والاس 3 والكاميرا بتاعتهم تفوقت علي الاس 4

هو انا ملاحظتش انهم افضل من الاس 4 لما جربت الكاميرتين بس في ناس بيقولوا عكس كده وفي الموقع هنا

هههههههه ازاي ده اغلب الشكاوي لمن البطارية والسخونية لمن التهنيج

التهنيج اللي بيحصل احيانا مش علطول انه بيتأخر في فتح التطبيقات والألعاب عن المدة الطبيعية واحيانا وانا بلعب لعبة تقيلة اللعبة بتقفل لوحدها واحيانا لما بقفل الجهاز بيتأخر في القفل بردو عن المدة الطبيعية بس ده مش علطول انا بقولك احيانا ده بيحصل

وده عند اغلب الناس اللي انا اعرفها اللي معاهم التليفون
semsemSiR
مشرف
semsemSiR
2014-07-10 (11:54:25AM)
وانا بقولك بردة ان شاشة الاس 4 افضل شاشة سوبر اموليد بتديك الوان واقعية , ياباشا انا اصلا هاوى للمقارنات والله انا بمسك اجهزة اصحابى وبمسك التليفون بعملة مقارنة فى كل حاجة عشان كدة انا متأكد الحمد لله من اللى بقولة

- شوف ياباشا هو انا قولت ان صوت ال z2 وحش لأ بالعكس صوتة جميل جداا وممتاز , بس الاس 4 اعلى بفرق بسيط والاتنين نقاءهم واحد , واعتقد بردة gsm arena وصل للنتيجة دية ان الاس 4 اعلى من الزد 2

- انا هبعتلك واحد دلوقتى لسة جايب التليفون من شهرين تقريبا او شهر ونص , وهخلية يديك تقرير كامل عن الاس 4 وهنشوف

- عماد مشكلتة كلها مع البطارية , انها لما بتتشحن على الاخر بتنزل من 100% الى 97% فى حوالى ساعة , وبتستهلك زيادة 1% الى 2% زيادة فى المكالمات ادى كل مشاكل عماد مع الجهاز
لكن ولا بيسخن منة , ولا بيهنج ولا اى حاجة , وكمان قولتلة كدة ظبط حاجة ومستنين النتيجة , لان العيب دة محصلش عندة , غير كدة مافيش اى حاجة نهائيا

- مشوفتش والله حد قالى عندى الحرارة 42 دية خالص , طيب انا هقولك حاجة فى قسم النوت 3 الجهاز وصل مع اكتر من مستخدم ل 45 درجة لدرجة انهم قفلوا الاجهزة شوية , هل دة عيب في الجهاز , لأ طبعا

- طيب هقولك حاجة , الجهاز ال z2 اللى عماد جربة , قالى بيسخن جدااااااااااا حتى المكالمات ( اية رأيك )

- والله انا بقالى متابع الموقع سنة ماشوفتش حد اشتكى من الكاميرا ابدااااااااااااااااااااااااااااااا

اذا كان احمد محمد المشرف , كان معاة S3 وجاب s4 قالك الفرق مابينهم فى الكاميرا كبير جداااااااا
وتليفونة بردة مش بيهنج ولا بيسخن - وبطاريتة ممتازة , حتى هو عمل مقارنة بردة تقريبا زى بالظبط

يبقى انا مش لوحدى اللى معايا التليفون بالاداء دة !!

- انت منزل رووم كيتكات اية ( الامارات صح ) ؟ طيب خلى بالك عشان الرووم الاماراتى مش حلو , عماد نزلة وغيرة على طول , نزل الرووم المصرى او الرووم السعودى
youssefshabana
عضو مميز
youssefshabana
2014-07-10 (03:25:49PM)
للمرة المليون والله عارف ان شاشة الاس 4 ممتازة والوانها جميلة جدا وانا بمسك تليفونات كتير وبقارنها مع تليفوني اخرهم الزد 2 وانا شايف بردو ان شاشة الزد 2ممتازة جدا ومختلفة تماما عن شاشة الزد 1 في واقعية الصور وزوايا الرؤية وقريية من شاشة الاس 4 جدا لكنها اكتر واقعية في نظري

ماشي ده الكلام النظري طيب ما هو مطلع الاس 4 صوته اقوي من ال HTC One M8 وطبعاً انتا عارف ان الكلام ده غير صحيح ال M8 لغاية دلوقتي افضل تليفون موجود حالياً في الصوت وفي كل حاجة كمان في رأيي

ههههههه يا باشا مش مشكلة عاوز تدخله معانا في المناقشة ماشي وانا ممكن بردو اوريك ناس بيشتكوا من التليفون

يا راجل يعني الاستاذ عماد عمره ما اشتكي من تهنيج او حاجة امال ايه ده اضغط هنا لزيارة الرابط

ازاي مفيش حد اشتكي من سخونية الاس 4 امال ايه ده اضغط هنا لزيارة الرابط

مانا قلتلك قبل وهكررها تاني مشكلة السخونية و اغلاق الكاميرا دي اولا مش عند كل الناس ومش في الجهاز اللي انا جربته شخصياً

لكن سوني اعترفت بالمشكلة دي و قالت قريب هتنزل تحديث هيتحل المشكلتين دول

زي الاس 4 ما هو في الاول بردو السخونية بتاعته كانت لا تطاق وبعد كده سامسونج اعترفت بالمشكلة وقالوا انهم هينزلوا تحديث يحل المشكلة وفعلا اتحلت المشكلة وبرغم ذلك في ناس لسه المشكلة دي عندهم حتي بعد التحديث والسكرين شوت اللي انا جايبهولك بيأكد كلامي

ﻷ انا الصراحة شوفت ناس بتقول ان كاميرا النوت 2 و الاس 3 احسن من الاس 4 هحوال ابعتلك سكرين شوت لدي كمان مفيش مشكلة خالص

ماشي مش لوحدك بس اغلب الناس بيشتكوا من الجهاز وموجود في صفحة الاس 4 كل الاستفسارات عن مشاكل الجهاز يبقي ازاي بتقول انه محدش بيشتكي

ههههههههه مين قالك ان انا منزل روم اماراتي انا اصلا جهازي من السعودية ونازله التحديث الرسمي الموجه للسعودية عن طريق ال Kies
sony400
sony400
2014-07-10 (04:42:02PM)
انا معايا الاس فور من شهر تقريبا
مافيش اي مشكله في الكاميرا نهائي الحمد لله
الزوم ممتاز والوضوح ممتاز مافيش بطء فيها ولا تعليق او خروج
التصوير في الظلام التام ممتاز جدا وكذلك التصوير الفيديو في النهار والليل
السخونه في التشغيل العادي عاديه وبسخن في الالعاب لحد 38 درجه واخر درجه جابتها كانت 40 مره واحده وده في حراره الجو
تشغيل لعبه اسفلت 8 سريع جدا في الفل والفتح واللعب نفسه
وهنجت مره واحده لانه ضغت علي زرار الرجوع بتكرار كثير
بالنسبه للاس 5 مافيش فرق في الشاشه والاس فور اجمل في الشكل
الشاشه متازه في الابيض والاسود والسطوع وانا بشغلها علي سطوع 30% دائما
semsemSiR
مشرف
semsemSiR
2014-07-10 (04:42:44PM)
مش هتكلم عن ال htc one m8 عشان لسة مجربتوش ومش عارف امسك التليفون نهائى , محدش بيشترية الا نادرا وسعرة غالى اوى على العيوب اللى فية , يعنى كاميرا اقل واحد فى المنافسين

رامات 2 جيجا المفروض بقى انا هدفع السعر دة يبقى اجيب رامات 3 جيجا او 4 جيجا كمان

مش ضد المياة - مساحة 16 جيجا , على الاقل المفروض يكون بينزل بال 32 جيجا

quad core 2.3 مش 2.5

طبعا انا بتكلم على سعر هاتف بالرقم دة لازم يكون حاجة من الاخر

- اعادة بيع الضياع , واكسسوارات قليلة

- شوف عموما , دلوقتى الاستاذ محمد هيدخل يديك تقرير عن الاس 4 اللى هو لسة شارية من شهر ونص او شهرين تقريبا
sony400
sony400
2014-07-10 (04:47:59PM)
البطاريه عندي بتقعد مع الالعاب و النت فوق 24 ساعه بتشغليها اغلب اليوم
واحيانا يوم ونص حسب الاستعمال
لم اجربه بعد علي المكالمات او الاستخدام الخفيف
youssefshabana
عضو مميز
youssefshabana
2014-07-10 (05:29:15PM)
تمام شوف يااباشا

الاستاذ الفاضل sony400 قال رأيه في الجهاز وانا مصدقه ومفيش اي اختلاف معاه في اي كلمة هو قالها

بس خلي بالك هو قال زي ما قلت ان الحرارة احيانا بتوصل 40 درجة مع حرارة الجو وانتا مكنتش مصدقني وقتها وقال بردو ان الجهاز هنج مرة واحدة في لعبة اسفلت وانتا قلت ﻷ

وبالنسبة للبطارية فكل واحد حسب نوع استخدامه شايف البطارية عاملة مفيش مشكلة في دي بس في ناس بتشتكي منها

ان شاء الله الاستاذ عماد هيدخل معانا في المناقشة وهيقول رأيه بصراحة في الجهاز

بالتسبة لل M8

علي فكرة انتا الوحيد في العالم تقريباً اللي بيقول كده علي الجهاز هههههههههههه

ده بقي مفيش شكوي واحدة شوفتها من اللي معاهم الجهاز او جربوه

انتا بتقول سعره عالي وراماته 2 جيجا

ههههههه طيب اشمعنا مقلتش كده علي الاس 5 محسسني انه رخيص اوي xD مهو بردو بخمسة وشوية النسخة 4g وراماته 2 جيجا بردو

ضد المياة قلتلك قبل كده انها مش مهمة لمعظم الناس

اما موضوع 16 جيجا مانتا ممكن تجيب النسخة 32 جيجا ومع ذلك مقلتش كده علي الاس 5 مهو 16 بردو

هههههه علي فكرة في نسخة منه البروسيسور فيه 2.5 متعرفش ده يا باشا ؟

علي فكرة والله كاميرته مش وحشة وتفوقت علي الاس 5 في بعض الصور انا شوفتها
semsemSiR
مشرف
semsemSiR
2014-07-10 (09:01:32PM)
على فكرة هو قالك اخرها 38 درجة و ومرة واحدة بس اللى وصل ل 40 درجة , ودية كانت فى فترة الجو اللى فاتت لكن غير كدة لأ , انا ياباشا متابع معاة وعارف ولو مش مصدق اخليية يدخل يقولك تانى

- لعبة اسفلت مهنجتش معاة , هو اللى حصل اية انة كان عايز يخرج من العلبة فدس زرار الرجوع مرات كتير ورى بعض , وانت عارف ان اصلا لعبة اسفلت لازم تدوس yes عند الاغلاق معرفش , بقى هية خرجت ازاى معاة , فالجهاز وقف لمدة 3 ثوانى وبعد كدة خرج من اللعبة عادى

- انا بس بقولك ان مش انا لوحدى اللى مش بشتكى زى ماقولت ان مافيش غيرك تقريبا مش بيشتكى

- انا مقولتش شكوى على m8 ولا اشتكيت منة فى حاجة لانى اصلا مامسكتش الجهاز

انا بقول ان الجهاز سعرة تقريبا 5600 جنية وفى التوكيل 6000 جنية او 5900 حاجة زى كدة

طيب انا هدفع 6000 جنية فى تليفون ( راماتة 2 جيجا - مش ضد المياة - ذاكرة 16 جيجا - كاميرا اقل واحدة فى المنافسين واانت شوفت نتائجها كلها فى المقارنات ) كل دة وادفع فية 6000 جنية ؟؟؟؟ لية يعنى لأ طبعا وفعلا الناس مقدرة دة جدااا ومحدش بيشترى الجهاز الا قليل جدااااااااااااا

موضوع بقى الاس 5 , ياباشا الاس 5 دلوقتى ب 4650 جنية النسخة ال 3g والنسخة ال 4g ب 5000 جنية يعنى فرق من 1350- 700 جنية مابين الجهازين , هو انت شايف ان دة فرق قليل

وعموما بردة عشان نكون حيادين ان كان الاس 5 ينزل برامات 3 جيجا لان السوفت فية حركات كتير

لأ ياباشا النسخة ال 32 جيجا مش متوافرة فى مصر يعنى تجيبها من برة , وكمان النسخة ال 2.5 بروسيسر مش متوافرة للمنطقة بتاعتنا هية خاصة بالصين واسيا اكيد انت عارف كدة كويس

كاميرتة مش وحشة ماشى , لكن كاميرا مش زى المنافسين خالص
sony400
sony400
2014-07-10 (09:52:12PM)
اللعبه علقت وانا بخرج بزر الرجوع مش هنجت
مكنش في استجابه
youssefshabana
عضو مميز
youssefshabana
2014-07-10 (11:59:48PM)
خلاص عارف والله بس انا قلتلك برده ان الحرارة بتوصل 40:42 في الحر وانتا مصدقتش وقلت ما بتعديش 38 درجة عند كل الناس

خلي بالك ان الجهاز لسه مشتريه من شهر تقريباً ميلحقش يكتشف اذا كان في مشاكل بس عموماً ربنا يباركله في التليفون وميهنجش منه أبداً يا رب

بس انا بقولك المشاكل اللي بيواجها ناس كتير من ملاك الجهاز من تهنيج وسخونية ومشاكل البطارية

هههههههه يعني انتا منقتش غير اغلي سعر في ال m8 وقلت اقل سعر في الاس 5 !!!

عموماً الجهاز سعره ب 5100 جنيه وعليه كمان الجراب ال Dot View هدية عند 888 والاس 5 في منه بيوصل ب 5500 ال 4G

مالها كاميرا ال m8 هو عشان اقل من الاس 5 تبقي وحشة بالعكس انا بقولك تفوقت في بعض الصور علي الاس 5 خصوصا في التصوير الليلي يبقي وحشة ازاي

ﻷ الصراحة المفروض كان يبقي 4 جيجا كمان مش 3 عشان يقلل من حتة التهنيج دي شوية والبروسيسور يكون اقوي كمان يعني يبقي snapdragon 805 مثلا والذاكرة تبقي 32 جيجا اقل حاجة

تمام انا عارف كده كويس بس انتا قلت انه مفيش 2.5 وهو فيه صحيح مش في مصر لكنه موجود وتقدر تجيبه من برا عادي

ﻷ انا شايف والله انها منافسة لكاميرات كتير منها الاس 4 خصوصاً في التصوير الليلي

والاستاذ عماد ان شاء الله هيرد علينا قريباً و هنشوف بقي رأيه في الموضوع ده
Ahmed0Shaheen
Ahmed0Shaheen
2014-07-11 (05:23:43AM)
انـا سـمـعـت ان صـوت جـهـاز Sony Xperia Z1 Compact واطـي جـدا
zoukazo
zoukazo
2014-07-11 (06:38:44AM)
بالنسبة للتصوير
عشان تقارن صح يبقي تصور صوره من التليفون ده ونفس الصورة من التليفون التانى بنفس الاضاءه والمنظر , وبعدين تنقل الصورتين على جهاز اخر وليكن كمبيوتر مثلا وتفتحهم وتقارن
لان شاشات الموبيلات بتخدع كتير خصوصا السوبر اموليد

وشكرا
youssefshabana
عضو مميز
youssefshabana
2014-07-11 (02:27:49PM)
ده اللي انا هعملوا يا استاذ zoukazo

وجاري رفع الصور من الجهازين
youssefshabana
عضو مميز
youssefshabana
2014-07-11 (03:45:45PM)
بسم الله الرحمن الرحيم

دي مقارنة ما بين كاميرا الزد 2 و كاميرا الاس 4 انا عاملها عاوز اعرف رأيكم فيها بكل صراحة

الصور اللي بكاميرا الاس 4

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

الصور اللي بكاميرا الزد 2

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

عاوز اعرف رأيكم بكل صراحة انهي الافضل وانهي الصور الاقرب للواقع والاجمل في نظركم

ملحوظة :- الصور اللي من كاميرا الزد 2 وهي علي وضع auto يعني 8 ميجا بيكسل مش اعلي دقة اللي هي 20.7 اما الاس 4 اعلي دقة 13 ميجا بيكسل
Ahmed0Shaheen
Ahmed0Shaheen
2014-07-11 (04:07:40PM)
صراحتا الزد 2 كاميرتة اقرب للواقع و صراحتا خيال
youssefshabana
عضو مميز
youssefshabana
2014-07-11 (04:23:59PM)
شكرا لتقييمك يا باشا :)

خلي بالك ان الصور بتاعت الزد 2 علي دقة 8 ميجا بيكسل وطالعا بالجمال ده فتخيل بقي لو عملتها علي 20.7 ميجا بيكسل هتكون عاملة ازاي D:

وانا ان شاء الله هعمل مقارنة تانية قريبا بس وكاميرا الزد 2 علي اعلي دقة 20.7 ميجا بيكسل

شكرا لردك ومستني رد باقي الاعضاء المحترمين :)
Ahmed0Shaheen
Ahmed0Shaheen
2014-07-12 (05:11:46AM)
استاذ يوسف ممكن اعرف هو صوت اكسبيريا زد 1 كومباكت اعلى ولا جلاكسى ستار :)
semsemSiR
مشرف
semsemSiR
2014-07-12 (11:12:50AM)
طيب مبدأيا كدة , انا هقولك تعليقى على كل صورة بس هقولك حاجة ياباشا , انت عندك مشكلة فى الفلاش بتاعك ضعيف جداااااااا خلى بالك لانى انا بصور من بعيد فى غرفة عتمة تماما , والصورة بتطلع منورة زى الفل والونها مبهرة جداااااااا

1- الصورة الاولى : واضح جداا التفاصيل للاس 4 لكن الاضاءة والالوان للزد 2

2- الصورة التانية : تفوق واضح للاس 4 كواقعية وتفاصيل

3- الصورة الثالثة : نفس الكلام الاس 4 يتفوق كتفاصيل والزد 2 يتفوق فى الاضاءة

4- الصورة الرابعة : دية بقى انا مش عارف انت مصورها مرتين لية وايديك فيها مهزوزة فى التليفونين

لكن فية واحدة فيهم الزد 2 يتفوق

5- الخامسة : الاس 4 يتفوق واقعية وتفاصيل والزد 2 يتفوق اضاءة

6- السادسة : تفوق الاس 4 تفاصيل وكصورة افضل بكتير من الزد 2 اللى تفوق بردة فى الاضاءة

يعنى من الاخر العيب اللى احنا كلنا عارفينة بتاع سامسونج وهو ان الفلاش بيكون led مش نور ابيض زى المنافسين

بس صدقنى والله انت عندك مشكلة فى الفلاش , انا بصور فى ظلام كاحل والصورة بتتطلع منورة , وهصورلك صورة بالفلاش و وارفعهالك اوريك مدة قوة الفلاش فى الاس 4

وبعدين انت صورت لية ب8 ميجا ؟؟؟
semsemSiR
مشرف
semsemSiR
2014-07-12 (01:16:32PM)
عارف لية يايوسف باشا انت مصورتش بالزد 2 على وضعية 20.7 ميجا و عشان التليفون مش بيصور غير على وضعية ال8 ميجا hd فقط لاغير

وكمان التصوير التلقائى فية سىء

والتليفون على وضعية ال 20.7 ميجا بتبقى صورة بهتانة وعادية جداااااااااااا
youssefshabana
عضو مميز
youssefshabana
2014-07-12 (03:14:20PM)
ههههههههههههه والله كنت متوقع انك تقول ان في مشكلة

بص الفلاش بتاعي مفهوش مشكلة وهو يعتبر اقوي فلاش شوفته يبقي ازاي بتقول كده

طيب عموماً هقولك رأيي في كلامك

الاولي واضح اوي اوي التفوق لصالح الزد 2 في الالوان وفي واقعية الصورة والتفاصيل مش عارف انتا شايفها من انهي اتجاه ان التفاصيل في الاس 4 اوضح لكن رأيك يحترم

التانية ماشي صورة الفيل واقعية اكتر في الاس 4 لكن الاضاءة اقوي في الزد 2 ولو ملاحظ الحاجات اللي حاولين الفيل هتلاقي ظاهرة في الزد 2 علي عكس الاس 4 تقريباً الفيل بس اللي ظاهر ولا ايه

التالتة بقي بختلف اختلاف كلي معاك الاس 4 مش متفوق ولا في واقعية الصورة ولا الوانها ولا اضاءتها واعتقد دي واضحة جدا وانا عاارف الوان الفازة عاملة ازاي كويس والزد 2 مطلع اللون الحقيقي للفازة اما الاس 4 مش مبين اللون ولاحظ بردو الحاجة الوحيدة اللي ظاهرة في صورة الاس 4 هي الفازة اما الزد 2 مبين اللي وراها عكس الاس 4 اللي ورا الفازة مظلم جداً ومفيش حاجو واضحة

الرابعة بص الصورة دي صورتها مرتين مرا بفلاش ومرة بدون فلاش اعتقد واضحة زي الشمس في واحدة فيهم مهزوزة دي هزة ايدي من غير ما قصد لكن باين ان التفوق للزد 2 بالفلاش وكمان لاحظ الصورة الللي من غير فلاش وسيبك من هزة الايد التفوق واضح جداً للزد 2 في التفاصيل والواقعية والألوان

وده بيأكد كلامي ان التصوير في الاماكن المغلقة في الزد 2 مش محتاج فلاش في اغلب الصور لكن الاس 4 لازم تستخدم الفلاش عشان الصورة اصلا تبان

الخامسة بقي هههههههههههه يعني انا مش عارف انتا كل صورة تقول الواقعية والتفاصيل في صالح الاس 4 مش عارف ازاي الصراحة مهي باينة زي الشمس الاضاءة والتفاصيل و الواقعية والالوان لصالح الزد 2 واضحة جدااااااااااااااااااااااااا

السادسة نفس الكلام زي الخامسة

شوف عموماً لو انتا شايف ان الاس 4 بيتفوق في في حاجة في الصور دي مع اني مش كدة خالص واظن الاخوة الأعضاء معايا في كده

يبقي ده عشان الصور في الزد 2 بدقة 8 ميجا اقل من الاس 4 اللي صورت بيه علي اعلي دقة وبرغم ذلك التفوق واضح للزد 2 مش عارف ازاي بتقول غير كده

لكن عموماً لو انتا شايف تفوق للاس 4 فالتفوق ده هيكون منعدم لو عملت ظبط الكاميرا علي 20.7 ميجا بيكسل

وانا بردو ان شاء الله هعمل مقارنة تانية تثبت للمرة التانية ان الزد 2 افضل في الكاميرا بكتير مع اني اثبت ده بالفعل والتصوير مش اعلي دقة كمان في الزد 2

لكن مفيش مشكلة خالص :)


هههههههههههههه انا ملاحظ اني كل ماثبت بالدليل القاطع ان الزد 2 بيتفوق في حاجة تقولي تليفونك في مشاكل ههههههههه

والله يعني انا مش عارف اقول ايه تاني اكتر من اللي قلته وكل الاثباتات اللي انا جبتهالك وكلام الاعضاء المحترمين اللي شاركوا معانا في المناقشة

وبردو مصمم ان الزد 2 مش عارف يتفوق في حاجة عالاس 4 طيب كده لو قاعدنا 100 سنة بردو الكلام هيبقي هو هو ومش هتقتع ان الزد 2 افضل

يبقي ايه لازمتها اني اعمل كل الحاجات دي

انتا عارف انا مصور ليه بدقة 8 ميجا عشان اثبتلك واثبت للناس كلها ان التليفون برغم اني مش عامله علي دقة عالية ومتفوق علي الاس 4 في جميع الاوضاع

فما بالك بقي لو عاملته علي 20.7 ميجا هيبقي عامل ازاي الفرق هيكون شاسع ما بينهم والناس كلها اللي معاها التليفون بتقول كده ده متفوق علي اقوي الكاميرات في العالم مش هيعرف يتفوق علي تليفون بقاله اكتر من سنة علي نزوله زي الاس 4 كلام مش منطقي الصراحة

ومعلش انتا اكيد مسكت تليوفون بايظ او ممسكتش الزد 2 ﻷن مفيش حاجة واحدة قلتها علي الكاميرا صحيحة

التصوير فيها اكتر من رائع وممتاز في جميع الاوضاع وفي تصوير الفيديو سواء full hd او 4K

ومش عارف والله ازاي بتقول ان التصوير علي 20.7 ميجا بيكسل بهتان و عادي

التصوير خرافي وهو علي الدقة دي وافضل طبعاً من وهي علي 8 ميجا بيكسل

يبقي ازاي بتقول كده !!!!!!!!!!!!!!!!!!!!!!!!!!!!!!
hashim597
hashim597
2014-07-12 (04:17:20PM)
على فكرة استاذ سمسم ينتقد من اجل الانتقاد ياعنى الموبيل z2 مع واحد صاحبى اشتراه اول لما نزل واحد تانى من اصحابى معاه موبيل s4 وكنا فى رحلة وقعدنا نتصور بالموبيل z2 وs4 وفى الاخر شوفنا الصور طلع z2 يا استاذ سمسم خليك حيادى انا بحب السامسونج بس الواقع كاميرا z2 افضل انت بتختار بالقلب والعاطفة عشان حضرتك بتحب السامسونج فحضرتك شايف انه احسن ماركة السامسونج لكن انا من رأي افضل جهاز حاليا one m8 اللى هو الكاميرا بتاعته 4 الترا بيكسل و الترا بيكسل بيساوى 3.8 ياعنى 4 الترا بيكسل = 15.2 بيكسل ورقم اتنين z2 واخرهم s5 اللى كان سعره فوق ونزل جامد مش عارف ايه السبب وبردك فى منافس قوى lg g3 بس حاليا لسه هينزل فى السوق بس هو موبيل قوى وهيبىقى احسن سمارت فون
hashim597
hashim597
2014-07-12 (04:45:13PM)
ومقارنة على قناة phone arena على اليوتيوب والفيديو كالاتى تفوق للz2 على فاكرة نسيت اقولك ان s4 موبيل زبالة من ناحية السخونة الموبيل بيبقى نار لم تستخدمه وده عن تجربه موبيل صاحبى والفيديو لمقارنة الكاميرا اضغط هنا لزيارة الرابط
youssefshabana
عضو مميز
youssefshabana
2014-07-12 (04:49:16PM)
شكراً لتقييمك يا باشا علي فكرة انا جبتله نفس الفيديو ده ومش معترف بيه نهائي ههههههههههه وبيقول ان الاس 4 افضل كمان والفرق مش كبير ومش واضح وبيقول انه للنسخة I9505 مش I9500
youssefshabana
عضو مميز
youssefshabana
2014-07-12 (04:52:04PM)
وانا شايف ان الحاجة الوحيدة اللي تفوق فيها الاس 4 هي صورة اللعبتين والفيديو بتاع القطر بس غير كده التفوق واضح للزد 2 ولا ايه رأيك
hashim597
hashim597
2014-07-12 (07:25:41PM)
لو هدى تقيم للكاميرا بتاعت z2 هيبقى 9.5/10 اما s4 8/10 الصراحة بعد الفيديوهات والكام صورة اللى حضرتك نزلتهم يا استاذ يوسف وتجربة الموبيل مع صاحبى s4 موبيل عادى جدا بس استاذ سمسم طالع بيه السماء حضرتك واخد مقلب فيه كفية السخونة والتهنيج والسوفت التقيل وz2 احسن منه فى كل حاجة كاميرا رمات بروسيسور معالج ذاكر كل حاجة مفيش وجه مقارنة فرق السماء للارض الصراحة
zman2yahob
عضو مميز
zman2yahob
2014-07-12 (08:58:22PM)
كفيت ووفيت اخوى الكريم ولازيادة على كلامك

الرائع z2 من الطبيعي جدا تفوقه بجداره على اس4 لأنه بطيعه الحال متفوق على اس5 في عدة نقاط

يمكن انا مش حابب تصميم z2 ولا سماكته الى المفروض كان يجي انحف من كده بكتير والشاشه الى هى صغيره نسبيا لباقي التصميم لكن يظل z2 ليس لها مثيلا فى العدة والعتاد

اقوي مايمزه كاميرا ممتازه وعبقريه وتعطى نتائج تصوير مبهرة جدا وفنية جدا حتى لمن هم جدد على التصوير ..

لا ننسي النتائج المبهرة فى ميزة الـhdr والتصوير الليلى

وفى انتظار جديدك ان شاء الله مع z3

بالتوفيق
youssefshabana
عضو مميز
youssefshabana
2014-07-12 (09:03:12PM)
خالص الشكر ليك يا استاذ زمان علي تقييمك :)

وفعلا انا معاك في كل كلمة انتا قلتها يا باشا

الاس 4 جهاز ممتاز محدش يقدر ينكر ده لكن بردو في الافضل والاقوي منه بكتير زي الزد 2 والاس 5 وال m8 و الجي 3 وغيره كتير من الهواتف الحديثة
semsemSiR
مشرف
semsemSiR
2014-07-12 (09:33:19PM)
كلامكوا كلة احترمة مافيش اى مشاكل

دية ياباشا صورى بتليفونى الاس 4

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

المكان لا يوجد فية نور اصلا تم غلق كل الانوار

اتفرج وقولى رايك , مقارنة بصورك اللى معلش الفلاش فيها مضيع كل قوة الصورة دة كفاية اصلا صورة السيراميك , الاس 4 عندك مطفى جدااااااااااااااااااااااااااااااا كانك مصورها بدون فلاش

عرفت لية بقولك الفلاش عندك ضعيف !!!

بالنسبة لل Z2 انا عارف كويس انا بقول اية , انا لما بقول ان الاس 4 تفوف على الزد 2 فى المقارنة اللى انا عملتها , انا مش بقول من تخاريف ولا من كلام من هواء , انا ليا بتليفونى ونتائج المقارنة

ودية النتيجة اللى طلعت , اقتنعتوا بقى ماقتنعتوش الصور عندكوا ياجماعة , تقدروا تحكموا على جودة الصور ونقائها وقوة الوانها وتفاصيلها

مع العلم انا ماقولتش ان كاميرا الزد 2 وحشة بالعكس كويسة جداا , بس الاس 4 اللى معايا طلع الصور اشد منها , اعمل اية يعنى

- الاخ حسين اللى بيقول التليفون بيسخن وبيهنج وسوفت تقيل , الحمد لله ياباشا التليفون معايا بقالة 6 شهور وشوية مهنجش تهنيجة واحدة , ودرجة الحرارة 26 درجة فى العادى و 28 فى النت و35 فى الالعاب ال fhd عمرها مازاداد عن كدة ابداااااااااااااااااااااااااااااااا

بطارية الحمد لله قوية جدااا بتكسر الاربع ايام ونص شغل متوسط بس مكالمات كتيييييييير تفوق ال5 ساعات تحدث

- عمر التليفون مهنج معايا تهنيجة واحدة الحمد لله

- التليفون خفيف جدااااااااااا فى كل الاوامر والظروف , ومع اقوى الالعاب

ويااستاذ يوسف , انت لو صورت بال 20.7 ميجا الصورة هتتطلع اسوء من كدة , عشان مش هيصور fhd التصوير ال hd فقط موجود فى الزد 2 عند وضعية ال 8 ميجا
Ahmed0Shaheen
Ahmed0Shaheen
2014-07-12 (10:03:25PM)
ياخى برضوا لسا بتقول الاس 4 اقوى ياعم خلاص عرفنا ان الزد 2 متفوق فى كل حاجة فى الكاميرا السرعة و البطارية و كلوا و اول تليفون فى العالم هو الام 8 و بعدية الزد 2 و بعدية الجى 3 و بعدية النوت 3 و كمان الزد 2 واخد ال 17 على العالم من ناحية السرعة فى ال 3 دى مارك و الاس 5 واخد 21 و الاس 4 واحد المركز 72 علي العالم و الام 8 واخد ال 9 و ال 9 الاوائل تابلتات سكارفيس بتاعت مايكروسفت و وان بلاس وان و اتش تى سى ام 8 و سونى اكسبيريا زد 1كومباكت دول بيحتلوا المراكز العشرة الاوائل على العالم من ناحية قوة الجرافيك و الاداء الثابت
youssefshabana
عضو مميز
youssefshabana
2014-07-12 (10:29:35PM)
انتا بردو يا باشا مصمم ان الفلاش بتاعي ضعيف

والله مهو ضعيف خالص انتا عارف ليه بتقول كده

عشان لما بتصور صورة بفلاش من كاميرا الاس 4 وتصور نفس الصورة بس من كاميرا الزد 2 بفلاش بردو هتحس فعلاً ان الفلاش بتاع الاس 4 ضعيف لكنه مش كده ده يعتبر اقوي من فلاش الزد 2

بس عارف ليه باينة افضل بكتير من الاس 4 ده عشان قوة الكاميرا بتاعت الزد 2 الكاميرا اصلا مخصصة للتصوير في الاماكن المغلقة يعني الصورة واضحة اوي في الزد 2

مش عشان الفلاش ولا حاجة احنا كلنا عارفين ان فلاش الاس 4 اقوي من السوني لكن برغم ذلك السوني بيطلع الصورة مضيئة وواضحة جدا حتي بدون فلاش والصور اللي انا صورتها عندك اتأكد منها وانتا تعرف انا اقصد ايه

فده يمكن يكون السبب اللي مخليك تتخيل ان الفلاش بتاع تليفوني ضعيف لكنه مش كده زي ما قلت كاميرا الزد 2 هي اللي مخلية الصورة اوضح والتفاصيل باينة فيها وده مش بسبب الفلاش نهائياً

وعشان تتأكد من كلامي تاني انا هرفعلك صور من كاميرا الاس 4 بتاعي بفلاش وفي الظلمة وهتعرف انه مش ضعيف خالص وهتعرف ان السبب اللي مخليك تقول كده ان الزد 2 هو اللي بيخلي الصورة مضيئة وتفاصيلها باينة اوضح مش عشان الفلاش بتاع الاس 4 ضعيف اطلاقا

يا باشا انتا حتي هذه اللحظة مجبتلناش دليل مقنع ان الاس 4 متفوق في حاجة لو عندك ادلة هاتها

الكاميرا لغاية دلوقتي مجبتلناش الدليل انها افضل وانا جبتلك الدليل ان الزد 2 افضل ومع ذلك بتقول العكس بردو

ههههههه يعني انتا بتقول الصور في الاس 4 افضل و كمان حتي والفلاش بتاع تليفوني ضعيف هههههههههههه

ههههههههههههه يعني 20.7 ميجا هتطلع اسوأ من 8 ميجا وكمان من نفس التليفون الصراحة عمري مشوفت حد قال كده غيرك انتا وعموماً انا هصور بدقة 20.7 ميجا قريب وهثبتلك تاني ان الزد 2 افضل

ودلوقتي ان شاء الله هرفعلك صور من الاس 4 عشان تعرف ان الفلاش مش ضعيف ولا حاجة
youssefshabana
عضو مميز
youssefshabana
2014-07-12 (11:00:46PM)
دي صور مصورها من كاميرا الاس 4 بفلاش في الظلام يعني مفيش اي اضاءة غير اضاءة الفلاش بتاعت التليفون عاوز اعرف رأيكم بصراحة هل الفلاش زي ما الاخ سمسم بيقول ضعيف ولا ﻷ الصور اهي

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

عاوز اعرف رأيكم يا جماعة هل كده الفلاش ضعيف !!!!!
semsemSiR
مشرف
semsemSiR
2014-07-13 (12:04:26AM)
انت مشكلتك انك مقتنع بحاجة وانا مقتنع بحاجة

انت بتقارن الزد 2 بناء على تليفونك

وانا بقارن الزد2 بناء على تليفونى

فالكلام مش هيفيد كتير تانى صدقنى

معلش اللى بيقول ان الزد 2 افضل والكلام دة , كل الكلام دة مايسواش عندى حاجة

الزد 2 كويس وكل حاجة , محدش قال حاجة , بس انا شايف ان فية حاجات كتير اقل , انتوا بقى شايفين العكس , خلاص اية المشكلة كل واحد يبص للحاجة من المنظور اللى هو شايفة

ودة قدامة ودة قدامة , واللى عايز يختار , يختار اللى يريحة

لان الصراحة الموضوع خد اكتر من حقة جامد اوى مش عارف على اية

اخ يوسف , اة ياباشا الفلاش بتاعك ضعيف فى صورة معينة , انت لية مش مقتنع , وانا قولتلك ضعيف فى اية , صورة السيراميك الاولى اللى انت جيبتها , معلش هية دية منظر صورة اصلا فيها فلاش , وباقى الصور التليفون صور اضاءتة ضعيفة

وشوف صورى وقارنها باضاءة تليفونك

اة ياباشا هو انت متعرفش ان كاميرا الزد 2 عشان تصور hd لازم تكون الكاميرا على 8 ميجا

وكل اللى هتستفاد بية من ال 20.7 ميجا هو بس تكبير الصورة لكن كجودة افضل فى ال 8 ميجا

ومعلش يعنى انت عندك 20.7 ميجا فى التليفون , وعارف انك بتعمل مقارنة قدام الاس 4 , يبقى تروح سايب كل الميجا دية وتختار 8 ميجا ؟؟؟؟؟؟؟؟؟؟؟؟ ياريت افهمها انا دية بقى ياباشا
ellithy
عضو مميز
ellithy
2014-07-13 (12:57:35AM)
اولا
اس 4 تلفون رديء للغايا كان مع اخويا وقرف منه من تهنيج وبطاريه وهوا كان شاريه جديد وراح التوكيل اكتر من مره كتييييير وبعدين باعه بعد حوالى 10 اشهر واشتري سوني سي
ده التجربه اللى اعرفها عن الاس 4 مع اخويا

ثانياً
السونى
من المعروف ان اجهزة سونى من افضل الاجهزه فى الامكنيات والخامات والاسرع و اجهزة سوني مش بتهنج خالص زي السامسونج كل شاشات سامسونج مشبعه بالالوان وده انا مش بحبه بتعجبنى شاشات سونى الاجهزه اللى انا استخدمتها من سونى خلتني اثق فى ان سونى تلفون محترم

اما عن الزد2 انا كان نفسى اشتريه بس غالى عليا اوي وبفكر اشتري الزد 1 وبقالى فتره بفكر فى الزد 1 بس مستنى الاسعار تنزل شويه انا عندي سوال هل الزد 2 Lte ?
youssefshabana
عضو مميز
youssefshabana
2014-07-13 (02:39:45AM)
( كل الكلام ده مايسواش عندي حاجة ) !!!!!!!!! امال قلتلي ليه اثبتلي ان كاميرا الزد 2 افضل طالما الكلام ده مايسواش عندك حاجة انا اصلا علي فكرة مكنتش هعمل مقارنة بين الاتنين في الكاميرا اصلا انا المقارنة دي عاملها عشان انتا تقتنع ان الزد 2 افضل وكل الناس اقتنعت إلا انتا دي بقي مش مشكلتي انتا حر

( شايف حاجات كتير اقل ) مقدرش اقولك غير اثبت ان كلامك صح هات الأدلة

ههههههههههههه يعني الفلاش بتاعي ضعيف في صورة معينة وعادي في باقي الصور يعني الفلاش بتاع تليفوني كان قوي في كل الصور وجه علي صورة السيراميك وبقي ضعيف مثلاً !!!

كل السامسونج الفلاش بتاعه كده علي فكرة يعني النوت 3 زيه بردو مفيش فرق

وعموماً لو مضايقاك صورة السيراميك شيلها من المقارنة خالص اعتبرها مش موجودة من الاساس عندك باقي الصور مالها ما ده الطبيعي واخويا كان معاه اس 4 بردو ومفيش فرق بينهم في الفلاش وفي كل موبايلات الاس 4 اللي انا مسكتها بردو نفس النظام

وصورك نفس الاضاءة بتاعت الصور بتاعتي وعندك ال 7 صور اللي انا لسه منزلهم قارنهم بصورك مش هتلاقي فرق في الإضاءة

للمرة التانية بكررها انا عاملتها علي 8 ميجا عشان اثبت للناس انه برغم الدقة اقل من الاس 4 لكن بردو تفوقت عليه ولو عاملتها علي 20.7 ميجا بردو التفوق للزد 2

يعني انتا قصدك لو ضبط الكاميرا علي دقة 20.7 ميجا هتكون اقل من الاس 4 ولو عاملتها علي 8 ميجا هتكون افضل من الاس 4 !!!!!!!!

والجودة انا شايف الاتنين ممتازين لكن وهي علي 20.7 ميجا الزووم افضل وكمان الاضاءة افضل وده بيبان اكتر في التصوير الليلي

وعموماً لو عاوز اعملك مقارنة تانية بس والكاميرا علي 20.7 اعملك مفيش مشكلة

لكن اعملها ليه وانتا بتقول ان كل ده مايسواش عندك حاجة يبقي خسارة التعب والمجهود اللي هعمله ده يروح من غير فايدة

وانا مكنتش مطالب اصلا ان انا اعمل المقارنة اللي عملتها انا كنت ممكن اقول ان الزد 2 افضل واجيبلك الفيديو اللي يثبت وخلاص علي كده

لكن انا قلت بردو عشان تقتنع اكتر اجيبلك مقارنة عملية انا عملتها وبردو مش معترف بيها ومتسواش عندك حاجة

معلش يا باشا انا اسف انا اللي غلطان اني عملت كل ده
semsemSiR
مشرف
semsemSiR
2014-07-13 (04:39:29AM)
على فكرة بس الجملة دية غير موجهة ليك ياباشا , انت عارف كدة كويس

عشان لو كلامك مايسواش عندى حاجة , ماكنتش قعد اتكلم معاك كل المشاركات دية

ثانيا :

1- انت صورت صور بالزد 2 بال 8 ميجا , تمام , حلو اوى , وفية صور طلعت من وجهة نظرى كويسة وفية صور طلعت وحشة , ونفس الكلام فى الاس 4 , فية صور طلع فيها كويسة وافضل من الزد 2 وفية صور طلع فيها اقل من الزد 2 , طيب تمام

معنى ان الكاميرا شوية وشوية هنا , يبقى النتيجة اية , ان الكاميراتين ممتازين جداااا , بس انا بقولك لية بقى الاس 4 افضل لان انا شايف ان الاس 4 اكثر واقعية فى حاجات كتير
اصل الصور دية مش اى حد بيفهم فيها لازم تدقق فى حاجات وتشوف تفاصيل معنية , عشان تعرف انت قدام اية

اللى انا بتكلم فية وبقولك علية , ان الصورتين اللى فعلا مطلعين عندك الفلاش وحش جدااااااااااا

هما صورة السيراميك : انا اصلا مش عارف اازاى انت مقتنع ان دية صورة , دية المفروض كانت اتصورت واتمسحت على طول , وعشان كدة انا صورتلك نفس الصورة بس عندى , مقاربة ليها , وشوف الصورة طلعت منورة ازاى

- صورة الفازة : بردة نفس الكلام الصورة ضعيفة جدااااااااااا كأضاءة

طيب انت بتقول انى مجيبتلكش اثبات , ان الاس 4 افضل طيب , انت فية اثبات انت اللى جيبتة

اولا : الصور اللى انت مصورها الاس 4 فيها اكثر واقعية , وخصوصا صورة الفيل طالعة زى ماقال الكتاب معلش يعنى الزد 2 مطلعها بمنتهى الردائة راجعها كويس وانت تعرف , ان اللى انت شايفة دة هو ضوء زيادة للزد 2 ليس اكثر , ياريت تعيد تصوير نفس الصور بالاس 4 وتشوف الفرق هيطلع معاك ازاى , لانك الصور التانية اللى انت رافعها طالعة كلها تمام

ثانيا : انا اعملك اية اكتر من كدة , انت بتتكلم بأرقام , وبناء على تجربة من جهازك او من بعض الاجهزة وبتقول ان التليفون بيسخن ( مع ان دة عيب قوى جداا فى زد 2 ) - وبتقول ان الاس 4 اللى معاك بيهنج , مع انى تليفونى مش بيهنج الحمد لله وجيبتلك واحد دخل اكد كلامى والتليفون معاة زى الفل - وبتقول بطارية فيها مشاكل ( مع انى جيبتلك استهلاك 4 ايام ونص بأستخدام يعتبر فوق المتوسط ) وكل دة مش مصدق

ثالثا : بتقول ان الزد 2 اسرع فى فتح زمن الالعاب : قولتلك زمن فتح لعبة اسفلت 8 كانت عندى 6 ثوانى مقابل 7وكسر ثانية فى الزد 2 وكمان لقيت فيديو بيأكد كلامى , قولتلى لأ عادى مانا ممكن اجيبلك فيديو تانى بيفتحها بأقل من كدة

( طيب وانت تجيب فيديو لية , اذا كنت انا نفىسى تليفونى بيفتحها فى 6 ثوانى )

قولتلى الصوت , انا بحاول اقنعك ان الاس 4 اعلى فى الصوت والنقاء يعتبر واحد وانت مش مقتنع جيبتلك موقع gsm arena بيأكد نفس كلامى وبردة مش مقتنع والمشكلة ان مافيش مقارنة فى الصوت هتبان على النت

- قولتلك البطارية هاتلى استخدامها ماجيبتش حاجة للزد 2 ؟؟؟

- كل دة ومافيش حاجة عارف اقنعك بيها , شوف ياباشا عشان كدة انا قولتلك انت مقتنع وانا مقتنع بحاجة

انت بتتكلم بناء على تجارب هواتف معينة + تليفونك , وانا بتكلم بناء على تجربة تليفونى والاصدقاء اللى بيكلمونى وخليت واحد منهم يدخل يأكد كلامى

طيب اعمل اية تانى !!!!!!!!!!!!!! .

ولو مضايقاك كلمة ان الاس 4 افضل فى حاجات , خلاص ياعم الاس 4 زى الزد 2

بس انسى انك تقنعنى بان الزد 2 اعلى , عشان انا مجرب حاجة ماينفعش اتنازل عنها

وانا مصورلك الصور بتليفونى عشان تتأكد مدى دقة وجمال كاميرا الاس 4
youssefshabana
عضو مميز
youssefshabana
2014-07-13 (05:59:37AM)
ماشي يا باشا مفيش مشاكل خالص

بالنسبة للكاميرا والله انا شايف ان الزد 2 متفوق في اغلب الصور يعني بالنسبالي الصورة اللي تفوق فيها الاس 4 هي زي ما قلت صورة الفيل طالعا واقعية اكتر لكن خلي بالك ان الفيل تقريبا بس هو اللي ظاهر في الصورة بوضوح

يعني لو لاحظت نفس الصورة للزد 2 هتلاقي مش بس الفيل هو اللي ظاهر لكن اللي حاولين الفيل كله واضح ومضييءعلي عكس الاس 4

طيب صورة الفيل طالعا واقعية اكتر في الاس 4 معاك فيها دي لكن باقي الصور ازاي باينة واقعية اكتر في الاس 4 عن الزد 2 !!!

عندك الصورتين بتوع اللوحة مثلا اللي بفلاش واللي بدون اعتقد ان التفاصيل والالوان باينة افضل في الزد 2 ولا انتا ايه رأيك فيها ؟

لكن سيبك من الهزة دي مش عيب في جهاز فيهم دي من ايدي انا من غير ما اقصد

طيب سؤال هنا ازاي يعني الفلاش ضعيف في الصورتين دول وقوي في باقي الصور في رأيك ؟

استحالة يكون الفلاش ضعف لما صورت الصورتين دول

عموما هبقي ارفعلك صورة تانية ليهم

خلي بالك ان ال 7 صور اللي انا منزلهم من شوية صورتهم في الظلمة مكنش في نور غير نور الفلاش

اما الصور اللي انا رفعتهم في الاول كان بالنهار

صحيح ان المكان مغلق لكن الاضاءة كانت داخلة المكان

عشان كدة يمكن انتا شايف ان الفلاش مش باين اوي في صور الاس 4 بالذات

لما يبقي الزد 2 معايا تاني ان شاء الله هبقي هجرب الكاميرا بالليل وارفعلك الصور

ماشي التليفون معاك مش بيهنج ربنا يحفظهولك لكن اديك شوفت اراء الناس اللي دخلت معانا في المناقشة ايه في الجهاز

طيب شوف الفيديو بتاع المقارنة بين الزد والاس 5 في سرعة فتح التطبيقات وقولي رأيك ومش معني انه فتح اسرع عندك في لعبة ييقي هيبقي نفس النظام في جميع التطبيقات والالعاب لان الزد 2 فتح اسرع من تليفوني في كل الالعاب والتطبيقات تقريبا

وكمان اداء الجهاز في الالعاب افضل في الزد 2 خصوصا الالعاب التقيلة

انا سبب عدم اقتناعي بموقع GSMarena في موضوع الصوت برده لانه جايب ال HTC one m8 اقل من الاس 4 في الصوت وده لا يصدق الحقيقة

وعلي فكرة والله بيبان في الفيديو ما هما عاملين مقارانات في الصوت لكن للاسف مفيش بين الاس 4 و الزد 2 وطالع واضح مين الافضل في الصوت

والله يا باشا ده لو تليفوني كنت رفعتلك سكرين شوت لاستهلاك البطارية من زمان وانا لسة عند وعدي حتي لو طلع اقل من تليفونك لكن بردو هرفعلك سكرين شوت لكن ده مش تليفوني والله ومش معايا طول الوقت زي مانتا فاكر

لكن بردو كل المراجعات بتقول ان بطارية الزد 2 افضل حتي مع النسخ الجديدة للاس 4 الزد 2 متفوق

ولو في فرق ما بين النسخ القديمة والجديدة للاس 4 في البطارية ليه موقع GSMarena معدلش الاختبار بتاع الاس 4 النسخة القديمة ؟!!

انا مش مضايقاني ولا حاجة لكن انا بقولك اثبت يعني الكاميرا مثلا ان عملت المقارنة خلاص وشايف ان الزد 2 افضل في نظري

لكن انتا بتقول ان الاس 4 افضل من غير دليل

انا اثبت للناس ان الزد 2 افضل بالدليل و هما قاله بردو كده

يعني كل ده ومش شايف ان الزد 2 اعلي ازاي يا باشا مش قادر افهم ليه بتقول كده

اذا كان هو اعلي من الاس 5 في عدة نقاط زي ما الاستاذ زمان قال يبقي ازاي مش اعلي من الاس 4
semsemSiR
مشرف
semsemSiR
2014-07-13 (12:13:16PM)
طيب بذمتك انت كدة كبر صورة الفيل وشوف الحاجات اللى حواليها , هتلاقى ان الزد2 مش موضوح التفاصيل زى الكلام اللى على الكارت بعكس الاس 4 واضح جدااا الكلام ركز فيها ياباشا

طيب تيجى بقى للصورة التانية اللى هية افضل من الزد 2 , صورة بوكية الورد , تفاصيل افضل فى الاس 4 , لكن الزد 2 منور وهية قريبة جداا من الاس 4 بس الاس 4 بيتفوق فى تفاصيل وواقعية الصورة

يعنى انت المفروض تكون اكتر واحد عارف مين اللى واقعى فيهم عن طريق الحاجة اللى قدامك

ماشى معاك ان الصورتين اللى فيهم اللوحة متفوق فيهم الزد 2 كالوان , بس مش واقعى لانة الوانة فيها مبالغ فيها اوى , بعكس الاس 4

وبعدين هقولك حاجة انت شوفت صورى اللى انا رافعها , دية فى الظلام التام مافيش نقطة ضوء , والحمد لله الصور طالعة منورة وتفاصيل ممتازة والوان تحفة

- بالنسبة للزد 2 والاس 4 , انا بقولك انا تليفونى لما بعمل بية مقارنة ومابين اى تليفون , يأما بيكون فى نفس الوقت او اسرع منة اجزاء من الثانية او اقل منة اجزاء من الثانية , وبجرب العاب كتير

يعنى مثلا بجرب لعبة : صب واى الاس 5 والنوت 3 فتحهوا اسرع من الاس 4 ب0.3 ثانية يعنى اللى هية ملحقتش اصلا تستنى حاجة , والعبة نفس كل حاجة مافيش اى اختلاف نهائى

طيب تيجى بقى للزد 2 : تم تجربة لعبة traffic racer كان بيجى عند تخطى اى سيارة ويقف لحظيا , والحمد لله عندى ولا الهواء مافيش اى مشكلة

- والله ياباشا اتقل العاب بشغلها على الاس 4 وروعة ولا الهوا , وهية هية الاس 5 والنوت 3 والزد 2 مش عارف لية بتقول فية فرق

- الصوت : انا بردة جيبتلك فرق الصوت على موقع gsm arena

وادى ياعم اختبار للصوت بيؤكد كلامى فى الفرق مابين الاس 5 والزد 2 اللى انتوا طالعين بية السماء على الفاضى معلش يعنى والاس 5 تفوق علية فى ارتفاع الصوت

اضغط هنا لزيارة الرابط

وعلى فكرة الاس 4 اعلى من الاس 5 , دة فى الواقع بردة

ياباشا افضل فى حاجات دة شىء طبيعى , يعنى مثلا افضل فى حجم الرامات - حجم الشاشة - ضد المياة

لكن بقيت الحاجات صدقنى صعب يتفوق علية هو اخرة يتعادل معاة , او يتفوق فى جزء معين فى الكاميرا والجزء التانى يتفوق فية الاس 4 , وكدة , لكن يتفوق تفوق تام انسى
youssefshabana
عضو مميز
youssefshabana
2014-07-13 (02:57:50PM)
طيب مع ان الفرق مش كبير والكلام واضح في الصورتين يمكن عشان الدقة في الزد 2 علي 8 ميجا فالزووم مش زي الاس 4 عشان انا عامله علي اعلي دقة زي ما قلت اما علي 20.7 هتكون افضل بكتير خاصاً في الزووم

انا شايف العكس طيب مانا عارف شكل والوان بوكييه الورد والزد 2 مطلع الصورة هي الاقرب للواقع والالوان زي الواقع بردو

عندك حق وانا شايف الزد 2 مطلع كل الصور تقريباً هي الاقرب للواقع معادا صورة الفيل ومش الصورة كلها كمان ده الفيل بس اللي الوانه اقرب للواقع في الاس 4 اما الباقي مش شايف ولا تفاصيل ولا واقعية اكتر في الاس 4 ولا حاجة

حتي اللوحة الالوان والواقعية للزد 2

ماشي معاك ان الصور طالعا منورة وكل حاجة وانا عندي بردو كده شوف ال 7 صور اللي منزلهم عاملين ازاي وده في الظلمة بردو مفيش اي ضوء

ومع ذلك بتقول ان الفلاش بتاعي ضعيف في صورة السيراميك و الفازة و باقي الصور التانية طالعا تمام مش عارف ازاي يعني !!!

هههههههههه مش هنخلص كده طيب مانا عملت نفس التجربة للالعاب والزد 2 فتح اسرع نعمل ايه دلوقتي :D

قصدك تقول ان الزد 2 هنج في اللعبة والاس 4 ﻷ !!!!

بص اكيد التليفون اللي انتا مسكته مش مظبوط ﻷني جربت علي التليفون العاب تقيلة ومحصلش تهنيج ولا حاجة يبقي هيهنج في لعبة traffic racer:

D:

ايوا في فرق بين الاس 4 والنوت 3 هو مش كبير لكن لصالح النوت 3

هههههههههههههههههههههههه معلش يعني بس احنا مش طالعين بيه السما ولا حاجة احنا بندي لكل تليفون

انتا اللي طالع بالاس 5 والاس 4 للسما مش عارف ليه

طيب ماشي الاس 5 منافس قوي للزد 2 طبيعي انك تقول عليه كده

لكن الاس 4 معلش يعني انتا نافخه زيادة عن اللزوم ومش عارف ليه اصلا بنقارنه بالزد 2

ههههههههههههه يعني الزد2 متفوق في :-

البروسيسور

الرامات

الخامات

الكاميرا

حجم الشاشة

البطارية

معالج الرسومات

الصوت

ضد المياة والتراب

وكل ده علي الواقع مش موجود هههههههههههههههههههه جديدة دي الصراحة :D

هههههههههه كنت متأكد من كده والله انك هتسيب كل الفيديوهات وهتجيب اللي الاس 5 باين اعلي فيه عشان تقولنا اهو الصوت في الاس 5 اعلي

طيب يا تري ليه مجبتش الفيديو ده ؟؟؟؟

اضغط هنا لزيارة الرابط

ولا عشان الاس 5 طالع فيه اقل واحد في الصوت فمجبتوش ؟

علي العموم مش دي المقارنة الأساسية اللي احنا بنقول عليها احنا بنقارنه مع الاس 4

الاس 5 حاجة تانية ده بيتفوق في حاجات والزد 2 بيتفوق في حاحات

يعني كل ده ومش شايف التفوق غير في ال 3 حاجات دول بس امال ايه كل اللي انا كاتبه ده يا باشا !!!

هو ايه اللي صعب نفسي افهم ده احدث و اقوي منه في كل حاجة يبقي ازاي مش متفوق عليه نفسي افهمها دي يا باشا !!!
semsemSiR
مشرف
semsemSiR
2014-07-13 (03:48:16PM)
طيب ياباشا , اسمع منى بقى الكلام دة

لسة والله واحد صاحبى جايب ال z2 من اسبوع تقريبا , اسمع بقى العيوب

1- السوفت وير مش عاجبة , السامسونج افضل بكتير وافضل

2- البطارية بتكمل يوم بالعافية بدون تحدث ونت خفيف ولا حتى العاب او اى حاجة ويدوبك قضت معاة اليوم مع انة مشغل ( الستامينا مود - وقافل كل حاجة - ومقلل الشاشة على الاخر )

3- التليفون بيسخن معاة جداااااااااا , وخصوصا مع التصوير وبالاخص تصوير ال 4k وكمان صور 3 دقائق سحب منة 1 جيجا من الذاكرة

4- الصوت راضى عنة , مش عالى ولا واطى , بس نقى

5- التليفون خاماتة كويسة بس هو حاسس ان الظهر الزجاجى والاطراف معرضين للخدش بسهولة , فهيجيب جراب ومتضايق

6- التليفون عريض ومسكتة رخمة شوية

7- شاشة كويسة مش زى السامسونج بس كويسة جداااااا

8- بطارية بتتشحن فى 3 ساعات ونصف

اية رأيك بقى ودة صاحبى وفاهم جداا فى الموبايلات , ونزل جابة بالضمان وكل حاجة
semsemSiR
مشرف
semsemSiR
2014-07-13 (04:10:34PM)
نيجى بقى للى انت بتقول علية فى المقارنة :

1- شوف ياباشا انا عارف صور ال z2 عاملة ازاى , وقولتلك صورت بتليفونى وعارف صورة عاملة ازاى

خلاص بقى الموضوع انتهى بالنسبالى فى موضوع الكاميرا بالنسبالى والله لو جيبتلى الف صورة مقارنة , انا عارف صور الاس 4 عندى بتطلع عاملة ازاى ( منورة - تفاصيل واضحة جدااا - الوان ممتازة ) خلاص بقى مش عايز حاجة تانى من الكاميرا طالما كل اللى بيشوفها بينبهر بجمالها

2- السرعة : الحمد لله انا تليفونى فتح اسرع من الزد 2 , اعمل اية ؟؟؟؟ ومافيش حاجة اسمها تليفون يفتح اسرع فى تطبيق وتطبيق لأ , والفرق مابينهم كل دة من 1.6 ل 2.3 فرق كبير

طيب انا تليفونى جاب على ال antutu benchmark مرة 29850 ومرة 30150 وكمان تليفون عماد , جاب نفس الارقام , يعنى تليفونين اهوة مش تليفون واحد ,واسألة و وال z2 جاب 33500
يعنى فرق 3300 نقطة , فرق عبيط جدااا انك تلاقى الجهاز فية فرق فى السرعة
وممكن تبص على الفيديو دة , على فكرة جهازى تقريبا سرعة ال htcone m8 هههههههههه

اضغط هنا لزيارة الرابط

3- ماتقوليش ياباشا بقى معالج رسوميات اصلها مش بالارقام والله بالاداء , انا مسكت الاس 5 والنوت 3 والسونى وكل موبايل يعمل بال Adreno 330 ومافيش فرق ولا فى وصوت ولا فى تفاصيل ولا فى سرعة ولا اى حاجة , ياريت تقولى الفرق فى اية بالظبط

4- الخامات معاك تمام خامات السونى افضل من خامات السامسونج عموما مش الاس 4 بس

5- الصوت معلش بقى صاحبى اهوة وانا متأكد من كلامة لان دة اللى الواقع وانت مش قادر تصدقة

6- ضد المياة , ههههههههه بس ماتنساش ان فية ناس حطط ال Z2 فى المياة والسماعة كتمت والكاميرا شبرت , فنصيحة منى ماتحاولش تعمل دة عشان التليفون ماييطيرش والتوكيل مش هيعترف بيها والله

7- البطارية : صاحبى اهوة ودة التليفون معاة واستنى على البطارية اسبوع وبردة لسة زى ماهية

8- انت جيبتلى فيديو وانا جيبتلك فيديو عايزنى اقتنع بالفيديو بتاعك وانت مش مقتنع بالفيديو بتاعى ؟؟وعموما طبيعى يكون اعلى عشان سماعة الزد فى الوش , لكن الاس 5 من الظهر , عرفت الفرق ياباشا , اصل دة جهاز اللى بيقيس مش بالسمع !!!!!!!!!

9- الرامات معاك 3 جيجا

عرفت لية بقولك ان الزد 2 الفروقات خفيفة جدااا مابينة وبين الاس 4
youssefshabana
عضو مميز
youssefshabana
2014-07-13 (04:36:22PM)
وانا اخويا جايبه من شهر تقريباً

وما شاء الله عليه مفهوش اي حاجة من اللي قلتها

يعني انتا بتقول ان فيديو 4K مدته 3 دقائق سحب 1 جيجا ايه العيب في كده مالاس 5 والنوت 3 وكل التليفونات اللي فيها الخاصية دي كده بردو

يعني انتا قلت حاجة موجودة في كل التليفونات وجيت علي الزد 2 وقلت دي مشكلة فيه هههههههههههههه مش عارف اقول ايه الصراحة

والسوفت ممتاز كفاية ان التليفون مش بيهنج زي الاس 5 عشان الحركات اللي ملهاش اي لازمة

السخونية للمرة المليون بقولها دي مش عند كل الناس و كمان هينزلها حتديث يحلها زي الاس 4 بالظبط

يعني مشوفتكش بتقول كده علي الاس 4 اول ما نزل اشمعنا يعني الزد 2 بتقول عليه كده

البطارية الصراحة انا مصدقش الكلام ده ولو ده عنده بالفعل يبقي تليفونه في مشكلة ولازم يرجعه او يوديه الضمان وهما يشوفوه

ههههههههه هو ايه اللي معرض للخدش بسهولة وهيجيب جراب ومضايق ههههههههه مكل الموبايلات لازم تجيبلها جراب عشان تحميها انا عندي مثلا تليفوني وقع كتير لولا الجراب ولازقة الشاشة اللي انا حاتطها كان زمانه في مرمي الزبالة دلوقتي هههههههههههه

بصراحة كلام غير مقنع بالمرة ما كل التليفونات كده ايه المشكلة !!!

طيب انتا بتقول ان الكاميرا افضل في الاس 4 انا بقي الصراحة شايف غير كده والاخوة الاعضاء اللي شاركوا معانا بردو رأيهم من رأيي

وطالما بقي مهما جبتلك صور مش هتقتنع بردو خلاص انتا حر يبقي مش لازم اتعب نفسي وارفع صور تاني طالما مش هتقتنع

وانا بقي الزد 2 فتح اسرع اعمل ايه انا كمان

تليفون اخويا تقريباً سجل 35000 وشوية كمان

مانا عارف انه بالاداء وفعلاً بردو الزد 2 تفوق في الاداء وبالارقام كمان يعني استحالة الارقام ملهاش قيمة !!!

الخامات معاك فيها

هههههههههه يا عم اصدق ليه مالتليفون كان معايا وجربت الصوت وقارنته بتليفوني وطلع افضل انتا اللي مش عاوز تصدق اعملك ايه

ههههههههههههه مالاس 5 بردو الكاميرا بتشبر والصوت بيبيقي مكتوم وكل حاجة لكن مع مرور الوقت بيرجع زي ما كان سواء الاس 5 او الزد 2 مانا شوفت بنفسي

تليفون صاحبك في مشكلة لان البطارية بتقعد مع اخويا بالايام الحمد لله وهو مش بتكمل معاه يوم يبقي تليفونه في مشكلة ولازم يوديه الضمان

ﻷ الصراحة مش مقتنع بالفيديو اللي انتا جايبه لاني مجرب الصوت وعارف كويس اوي هو عامل ازاي انتا بقي مش عاوز تقتنع بالفيديو بتاعي انتا حر

لكن صوت الزد 2 من اهم مميزات التليفون من اقوي وانقي واوضح الاصوات اللي انا سمعتها اعمل ايه انا دلوقتي

بصراحة مش شايف الفروقات خفيفة للدرجة دي

ولغاية دلوقتي مش مقتنع ان الاس 4 متفوق في حاجة نهائياً غير ان ماسكته مريحة اكتر ههههههههههههه
semsemSiR
مشرف
semsemSiR
2014-07-13 (06:30:42PM)
ههههههههههههه

1- على فكرة انا نقلتلك , كل الكلام اللى قالة كواحد اول مرة يتعامل مع سونى ويوم ماجب فضل انة يجيب اعلى حاجة فى سونى , وطلع بالنتائج دية

2- هو انا اللى قولت دلوقتى , والله صاحبى اللى شارى التليفون هو اللى بيقول كدة , وبعدين الراجل بيقول علية كويس وسريع وزى الفل فى النت وكل حاجة , لكن هية دية العيوب اللى لاقها

3- طيب انا بقولك على اعراض السخونية , والاس5 مش بيسخن مع تصوير ال 4k بيسحب نفس الحجم لكن مش بيسخن طيب هقولك حاجة تانى قال عليها الزد 2 بيسخن جامد جدااا عند التصوير بخاصية ال ultra hd

4- هقولك حاجة كمان لسة قايل علية ال gps عندة بيشتغل مع نفسة

5- بردة محدش قال ولا اشتكى من الاس 5 بيهنج وانا عملت استطلاع رأى على صفحة الاس 5 واعتقد الاجابة وصلت , من مستخدمية محدش قال انة بيهنج , ولا انت عايز تتطلعة بيهنج وخلاص ؟؟وحركات اية اللى ملهاش لزمة , دية مهمة جدااا لناس كتير وانا عن نفسى بستخدمها وبتكون مريحة جدااااااااااااا

6- لية هو مش اى حد بقولة ان الاس 4 كان فية مشكلة فى البطارية والسخونية على الجيلى بين 4.2.2 لكن بعد كدة خلاص كل دة اتحل , اذن بقول اية لو فية عيوب , ومعلش الزد 2 نازل بالكيتكات دة لو كان نازل بال 4.2.2 كان زمان التليفون انفجر هههههه من السخونية

7- والله ياباشا دة اللى قدامة ودة اللى معاة , وسأل واحد صاحبة متخصص فى السونى وهاوية وقالة كل السونى كدة ,وهو نفسة صاحبة معاة سونى z1 ونفس المشكلة عندة , انا مش هجيب حاجة من عندى والله دة كلامة

8- خلاص ياباشا كل واحد بيبص على الكاميرا من وجهة النظر اللى هو عايزها , انا عن نفسى عارف كاميرا الاس 4 عاملة ازاى , وماقولتلكش كاميرا الزد 2 وحشة لأ ممتازة بردة , بس الاس 4 بالنسبالى افضل فى حاجات كتير والسونى بيتفوق فى بعض الصور

والاخوة الاعضاء مين , انت عملت فى صفحة الاس 4 موضوع وعماد دخل وقال ان الاس 4 اشد , انت مارديتش لية علية , مش انت اللى عامل الموضوع

9- ياباشا خلاص مانت رفعت كل الصور هترفع اية تانى , سيب بقى الباقى عليا ان شاء الله , اول لما يقع فى ايدى Z2 هرفعلك صور ونشوف

10- شوف جهازك ياباشا يمكن يكون عايز سوفت وير ولا حاجة لانك بتقول عندك بيهنج وتقيل فطبيعى لا يعتد بية فى المقارنة , لازم الجهاز يكون مش بيهنج , وانا الحمد لله جهازى مش بيهنج عشان كدة ثبت نفسة فى المقارنة

11- طيب تمام , وانا الحمد لله سجل 30150 وتليفون عماد تقريبا 30 وشوية , والحمد لله , تخيل بقى لما يكون معالج 1.6 مقابل معالج 2.3 وبطلع فرق 3000 وشوية او 4000 نقطة , يعنى ولا حاجة

12- الخامات انا قولتلهاك عشان انت بتقول خامات وانا بقولك خامات التليفون اة كويسة بس بردة زيها زى اى تليفون اى حاجة هتتخدش

والله ياباشا الحمد لله اول لما جيبت التليفون مشيت بية حوالى 3 ايام من جراب ولا سكرين , والحمد لله زى ماهو محصلوش خدش , ودلوقتى ماشى بجراب فقط ,ومكشوف من فوق وتحت والحمد لله ماتقشرش ولا جرالة حاجة وزى الفل ماشاء الله , يعنى اذن جهاز خاماتة محترمة

13- ماشوفتش والله S5 قبل كدة كاميراتة مشبرة , والصوت ولا مكتوب ولا حاجة ازاى يعنى وهو علية حماية ؟؟

هو مين اللى دة اللى بيرجع ياباشا , والله واحد جرب تليفونة ال z2 فى المياة باظ وداة التوكيل مارضيوش ياخدوة

وبعدين كويس انك شوفت كاميرا الزد 2 وهية بتشبر من المياة

14- كويس انها بتقعد مع اخوك كدة , يبقى اذن الواحد يخاف بقى لا يجيب موبايل سونى Z2 ويلبس تمن بطارية ب 350 جنية وهو لسة جديد

وماتكلمتش علية على 3 ساعات ونصف وشحن , هو فية ياباشا تليفون محترم دلوقتى بيتشحن فى 3 ساعات ونص دة خراب بيوت اقعد جنب التليفون 3 ساعات ونصف , لكن الاس 4 ماشاء الله علية ساعتين بالتمام ويكون 100%

15- طيب كويس يعنى جايبلك فيديو وبالجهاز وبردة مش مقتنع , ههههههههههه عادى عادى مش مشكلة

هو نقى بس مش عالى زى مانت متخيل , اصل هقولك حاجة لو التليفون السونى اعلى من الاس 4 اللى معايا هيبقى صوت تليفون صينى , اسمع منى هو كل المواقع والفيديوهات بتقول كدة صوتة اقصى حاجة لية 75 , لية مش مقتنع ؟؟؟؟؟؟؟

16- ياباشا انت مش عايز تقتنع , والله صدقنى زى مابقولك كدة

وانا بقولك للمرة المليون , انا مش بعيب فى الزد 2 بالعكس تليفون كويس جدااا , بس زية زى اى تليفون , فى عيوب وعيوب كتير كمان , بس انت بتقارن تليفونك بية , ومعلش انت بتقول انك عندك مشاكل فى تليفونك انة بيهنج وتقيل , طيب ماطبيعى تقول الزد 2 اسرع

لكن انا الحمد لله ولا تهنيج ولا اى حاجة الحمد لله , عشان كدة المقارنة كانت طبيعية محسش بفرق

شوف ياباشا انا راماتى مش بتعدى ال 850 ميجا , ومع النت 1.1 جيجا , ومع الالعاب نفس النظام 1.2 كدة يعنى , السخونية فى الطبيعى 26 مع النت والالعاب بتكون 32-35 درجة وخلى بالك بلعب والتليفون فى الجراب الجلد والحمد لله الحرارة عادية
youssefshabana
عضو مميز
youssefshabana
2014-07-13 (07:46:27PM)
هههههههههههههههههههههههه

والله مانا عارف اقولك ايه تاني عشان تقتنع

1- قلتلك دي مشكلة في جهازه الجهاز اصلا ممتاز واسأل اللي معاهم الجهاز هنا في الموقع وشوف هيقولولك ايه

2- طيب الاس 5 بيسخن عادي زي كل التليفونات في التصوير سواء في الفيديو 4K او full hd ونفس الكلام ينطبق علي الزد 2

3-هههههههههههههه ما ده اكبر دليل ان تليفونه مش مظبوط ال GPS عمره ما فتح مع نفسه في الزد 2

4- ههههههههههههه هو انتا فاكر ان انا اقصد بالتهنيج ان التليفون بيقفل لوحده مثلا وبيفتح لوحده والكلام ده انا اقصد انه بيتأخر في فتح التطبيقات واظن في عضو قال ان ال s health بيفتح عنده في 5 ثواني بعد ما كان بيفتح في ثانية مشوفتهاش دي ؟!!

وكمان اقصد بيه انه ساعات بيعلق ثانية او ثانيتين في الالعاب التقيلة وساعات يخرج برا اللعبة خالص زي كل السامسونج

هو ده قصدي بالتهنيج

لكن في المقابل بقي السوني و ال htc بيفتحوا اسرع بفرق كذا ثانية عن السامسونج وكمان نادرا لما يهنج في لعبة

وعموماً انتا حر في رأيك ده اللي شايفه في التليفون لكن انا مقلتش عليه وحش بالعكس تليفون ممتاز لكن مشاكله تعتبر اكتر من مشاكل باقي المنافسين زي الزد 2 وال m8 ده اللي انا قلته

5- هههههههههه انفجر ايه يا عم مش للدرجة دي انتا هتقول زي ما الأستاذ الفاضل اللي سأل اذا كان الموبايل بيفرقع من كتر الامكانيات ولا ﻷ مع فائق احترامي ليه طبعاً انا مقصدش حاجة خالص لكن الكلام ده غير صحيح

والاس 4 وهو علي 4.2.2 كان في ناس بتشتكي انه بيوصل ل 50 درجة

6- اوكي مفيش مشكلة انا شايف كاميرا الزد 2 هي الافضل وانتا شايف العكس

الاخ عماد مرة قال ان الزد 2 افضل وسامسونج في انهيار مستمر ومرا قال الاس 4 افضل هههههه عاوزني ارد اقول ايه وعموماً لو شايف ان الاس 4 افضل في الكاميرا مفيش مشكلة رأيه يحترم

لكن الاستاذ عماد علي فكرة رأيه ان الزد 2 افضل من الاس 4 عاما مش بتكلم علي الكاميرا علي فكرة واسأله لو مش مصدقني

وبعدين ما الاستاذ هاشم والاستاذ زمان والاستاذ احمد والاستاذ شريف شايفين ان كاميرا الزد 2 افضل ولا انتا مش مقتنع بكلامهم بردو

7- اوكي براحتك وانا بردو لما يبقي معايا تاني هرفعلك صور تاني معنديش مشكلة ومستني تقريرك بتاع الكاميرا بردو

8- عملت اللي مايتعملش كله وبردو لسه بيهنج اصل دي مش حاجة خاصة بتليفوني اغلب الناس اللي اعرفها بيشتكوا من الجهاز بردو وانه بيهنج وبيتأخر في فتح التطبيقات والالعاب

9- هو فرق 4000 او 5000 ميعتبرش كبير اوي لكن ده دليل ان الزد 2 افضل

10- تمام لكن خامات دي بتفرق لان الجهاز بيستحمل اكتر من الاس 4 صحييح هو معرض بردو للخدش زي الاس 4 بالظبط لكنه اقوي لو وقع ممكن مايجرالوش حاجة اما الاس 4 لو وقع احتمال كبير يتكسر لو مش عليه لازقة للشاشة او جراب وهجيبلك فيديو يوريك مدي قوة موبايلات السوني خاصاً الزد 1 و الزد 2

هههههههههههه هو لحق يحصله حاجة بعد ال 3 ايام طيب مانا اول ما جبته قعد اسبوع معايا من غير جراب ومحصلوش حاجة بردو الحمد لله

الكلام ده لو لقدر الله وقع كان هيتبهدل من غير جراب

خامات الجهاز مش وحشة لكنها بردو مش ممتازة زي السوني

11- طيب ما السوني بردو عليه حماية ومع ذلك بتشبر زي الاس 5 بالظبط لكنها بترجع تاني زي الاول والكلام ده علي فكرة لو بتنزل بالجهاز البيسين وتفضل فيه والجهاز معاك فترة مش اول ما تيجي عليه شوية مياة يشبر زي مانتا فاكر

12- ههههههههههه باظ ازاي يعني ده ضد المياة والتراب ويستحمل عن الاس 5

وشوفت بردو الاس 5 وهي بتشبر ايه المشكلة

13- هههههههههه مش فاهم يعني مانا اعرف ناس معاها التليفون ومش بيقولوا حاجة عليه غير انه بيسخن شوية والكاميرا بتقفل لما الحرارة ترتفع مشوفتش حد اشتكي من البطارية خالص

14- هههههههههههه طيب ما في ناس معاها التليفون الاس 4 بيقولوا انه بيشحن في 4 ساعات وناس بتقول بيشحن في ساعة ونص هههههه ايه المشكلة

15- ههههههههههههههههه مش مقتنع طبعا يعني الفيديو اللي انا جبتهولك لتليفون صيني اما اللي انتا جبته اصلي مثلاً

وبعدين الجهاز انا عارف صوته عامل ازاي كويس اوي انتا مش مقتنع انتا حر

16- ههههههههههه ﻷ السبب انك مجبليش حاجة اقتنع بيها وعلي فكرة انا بقتنع بالحاجة بسهولة بس يكون الدليل موجود وانتا مجبتوش اعملك ايه

اما انا جايبلك الادلة وانتا مش عاوز تقتنع بحاجة خالص و ده اعتقد بسبب ان زي ما قال الاستاذ هاشم انك بتحب تليفونك ومش شاييف حاجة غيره احسن

ربنا يديم المحبة يا باشا وربنا يباركلك فيه ويحفظهولك :)
semsemSiR
مشرف
semsemSiR
2014-07-13 (08:53:49PM)
1- والله جهازة زى الفل , مافيش فية اى حاجة

2- بس مش بطريقة الزد 2 , وكمان عمرة معمل زى الزد 2 وبيقفل لوحدة ويخرج من الكاميرا

3- والله ياباشا انا الحمد لله بفتح التطبيق بيفتح على طول وعمر مافية تطبيق قفل معايا او اتأخر

4- وانا الحمد لله عمرة ماعلق معايا فى ولا لعبة من اتقل الالعاب

5- وعمرة بردة الحمد لله ماعملى خروج اجبارى من اللعبة زى الزد 2

6- كذا ثانية , لأ واضح الصراحة , انا فتحت لعبة اسفلت فى 6 ثوانى والزد 2 فتحها فى 7وكسر

ياراجل كل دة ولسة مش مقتنع

7- على فكرة هو معايا على الشات , وبقولة تجيب الزد 2 قالى لألألألألألأ بالحرف

8- كل واحد حر فى رأية

9- طيب فية بقى الافضل ؟؟؟؟؟؟؟؟ نفسى تترجم لحاجة واقعية

10- والله دة نصيب ياباشا بالذات فى الصدمات

11- والله ياباشا الناس كلها بتشتكى من السخونية , واهوة صاحبى معاة التليفون وبيشتكى من البطارية وصديقة متخصص سونى قالة سونى كلة كدة , انا ماجيبتش حاجة من عندى

12- ماشوفتش ياباشا حد بيشحن فى 4 ساعات ابدا الا لما تكون البطارية بايظة , لكن الطبيعى بتاع الاس 4 ساعتين , انت بتبرر اية بس , انا بقولك جهازين جداد اس 4 وزد 2 , دة بيشحن فى ساعتين والزد 2 بيشحن فى 3 ساعات ونصف , كمان مش مقتنع بدية كمان

ياباشا انت مشكلتك انك بتحاول تقنع نفسك بحاجة مش موجودة على ارض الواقع , ولو موجودة بفرق بسيط فى حاجات معينة

13- انا جايبلك تليفون على اختبار جهاز , للقوة الصوت , انت جايب اية تليفون تختبرة بقوة السمع

وياريتة معمول صح و لأ سماعة فى الوش لازم تسمعها بوضوح , وسماعة فى الظهر وكمان مكتومة هو دة الاختبار من وجهة نظرك

14- ههههههههه وانا عارف صوتة عامل ازاى , وسمعتة , وقارنتة وصاحبى اكدلى المعلومة , عشان ماتقولش ان الجهاز اللى انا اختبرتة كان فية مشكلة

15- والله ياباشا الادلة موجودة , انت مش عايز تقتنع

امين يارب ياباشا , وربنا يديم المحبة والمعروف وكل سنة وانت طيب

ربنا يخليك ياباشا , ويحفظلك تليفونك انت كمان
semsemSiR
مشرف
semsemSiR
2014-07-13 (09:53:12PM)
اضغط هنا لزيارة الرابط

تفرج كدة على الفيديو لاخرة وقولى رأيك
youssefshabana
عضو مميز
youssefshabana
2014-07-14 (02:10:34AM)
1- مش عشان جهازك شغال تمام يبقي هو شغال كويس مع باقي الناس وكمان لو انتا شايف ان الزد 2 اقل من الاس 4 فغيرك كتير شايف غير كده

2- والله العيب في التليفون اللي انتا جربته لان مفيش حاجة من دي في تليفون اخويا الحمد لله

3- بصراحة انتا الوحيد اللي بيقول كده لان الاس 4 مهما كان سريع عمره ما هيبقي اسرع من الزد 2 او ال m8

4- علق معايا وكان بيعلق في تليفون اخويا وعلق مع كل الناس اللي معاها التليفون اللي انا اعرفهم مش علطول لكن بتحصل معاهم أحياناً وبتختلف درجة التهنيج من تليفون ﻷخر مش كله زي بعض

5- ههههههه ﻷ بتحصل كتير الصراحة والزد 2 اللي مع اخويا عمره ولا طلع من لعبة او هنج اثناء اللعب الحمد لله

6- ما قلنا ده اكيد الجهاز اللي جربته معيوب لان الزد 2 بيفتح اسرع حتي لو الاس 4 مش بيهنج او مفهوش مشاكل

7- هههههههههههه سبحان الله امال ازاي قالي انه هيجيب الزد 2 ولما قلتله هات الاس 5 او السامسونج عاماً بردو قالي لالالالالالالا كله إلا سامسونج

وقال كمان ان الزد 2 افضل بكتيير من الاس 4 حتي اسأله هو قالي كده بالنص بردو ولو شايفنا يا ريت يرد

8- محدش قال حاجة كل واحد حر

9- بصراحة انا من اول ما بدأت المناقشة وانا علطول بجيبلك الادلة انه الافضل وانتا مش معترف بحاجة يبقي دي مش مشكلتي بقي يا باشا

10- ماشي كل شيء نصيب طبعاً محدش قال حاجة لكن الزد 2 يستحمل الصدمات اكتر لان خاماته افضل

11- بصراحة اللي معاهم الجهاز محدش اشتكي انه بيسخن هنا في الموقع وانا منهم و مسخنش مع اخويا غير سخونية عادية جدا من الشغل التقيل مش عاوز تصدقني بردو انتا حر بس هي دي الحقيقة

12- ماشي بس فيه ناس معاها الجهاز بتقول كده وبردو الزد 2 لكن العادي الجهاز بيشحن في اقل من كده بكتير وكل الاجهزة تقريباً مش الاس 4 والزد 2 بس

13- بصراحة انا شايف ان الزد 2 افضل في الصوت ركز في الفيديو كويس مش محتاجة جهاز والفيديو اللي انتا جايبه مبين العكس انتا بقي مصدق الفيديو اللي انتا جايبه ومش مصدق اللي انا جايبه عشان الاس 5 طالع اقل واحد فيهم في الصوت وخلاص اعملك ايه طيب يا باشا

14- وانا بردو نفس الحكاية قارنته مع تليفوني والزد 2 طالع انقي واوضح بردو

15- هههههههههههههه بصراحة مش شايفها الادلة دي هي فين يا باشا xD

آمين يا رب العالمين وانتا بألف خير وصحة وسلامة يا باشا :)
youssefshabana
عضو مميز
youssefshabana
2014-07-14 (02:22:08AM)
والله يا باشا انا احترت معاك الصراحة هههههههه

يعني انتا جايبلي فيديو لاختبار ال benchmark اللي انتا بتقول مش بتعترف بالكلام النظري قد الاداء الفعلي وعاوزني اصدق ده

طيب لو هنمشي بالكلام النظري يبقي كده الاس 4 برا المنافسة تماما ومينفعش نقارنه باي تليفون لعام 2014 لو انتا عاوزني اقتنع بالكلام النظري

وكمان ال score اللي مسجله ال m8 قليل جداً في الفيديو ده لاني انا شوفت نتيجة الاختبار قبل كده للجهاز وطلعت 37000 وشوية كمان وكان متفوق علي الاس 5 بفرق ضئيل جداااااااااااااااااااا والزد 2 طالع اعلي منه كمان وهو المفروض اقل منه في ال score

لكن عموماً انتا ليه جايبلي الفيديو ده مانا عارف ان الاس 5 نظرياً هو اقوي واحد فيهم وعارف ده من اول ما نزل

لكن هقول كلمتك اللي انتا دايماً بتقولها الكلام النظري حاجة والاداء الفعلي حاجة تانية ولا انتا رجعت في كلامك يا باشا ؟؟؟
semsemSiR
مشرف
semsemSiR
2014-07-14 (04:46:45AM)
1- والله ياباشا شغال كويس معايا ومش لوحدى , انا فية 3 اصحابى معاهم S4 وزى الفل ومعجبين بالتليفون جدااااااا ,وسريع جداا وعمرة ماهنج معاهم

اصل سامسونج مش عاملالى الجهاز ليا مخصوص يعنى

2- ههههههههههه , يعنى تليفونين سونى زد 2 تعبانين وفيهم مشاكل امال اية اللى سليم فى التليفونات دية , اقدر اجربة

3- شوف ياباشا , انا الحمد لله يكفينى ان جهازى بمجرد مابدوس على اى تطبيق او اى حاجة بيستجيب لحظيا + ان الجهاز بيفتح التطبيقات بسرعة جدااااااااااا

موضوع بقى الزد 2 وال htc one m8 , معلش ياباشا انت هتجيب قوائم سامسونج المليانة شكل وحركات تخليك ماتملش من الجهاز , زى قوائم الزد 2 الصفحة البيضاء اللى عليها كلام وشكرا على كدة , اصلا نظام يخنق ونظام يخلى الواحد يمل بسرعة تحس انك ماسك تليفون صينى , عشان كدة ممكن تحس انك لما بتدوس على الزد 2 فى اوامر السيتينج انة بيدخل بسرعة و ماطبعا لازم يدخل بسرعة عشان سوفت وير فاضى , وبالرغم من كدة السامسونج بردة زية فى السرعة وبمجرد الدخول او اختيار اى اوامر بيبقى سريع جدااا ودة بيجمع مابين الشكل والاداء مع بعض وهو دة اللى عرفناة من سامسونج

4- والله ياباشا مش مشكلتى , مانا بلعب عادى وبفتح كل حاجة واى العاب واصحابى بردة زى الفل وعمر محد اشتكى من الجهاز , والله انا اول مرة اعرف اصلا ان فية اس 4 بيهنج منك انت

5- فية غيرك هنج معاك عادى جدااا , وكمان جالك فيديو وهو بيهنج يعنى بردة ماجيبتش حاجة من عندى

6-كويس انت اى حاجة متعجبكش هتقول عيوب فى الجهاز , خلاص ياباشا احنا نطلع على سونى ناخد احسن من جهاز من عندهم نجرب بية ههههههههههه طالما كل الاجهزة فيها عيوب

7- لأ هو عماد كان متضايق بس ساعتها , عشان مشكلة البطارية

وهقولك حاجة هو صرف تماما فكرة الزد 2 حتى , عشان واحد صاحبة لسة جايب زد 2 من اسبوع وشاشتة اتحرقت لوحدها فعادى يعنى

8- ياباشا فين الادلة اللى انت جيبتها دية , كل اللى جيبتة ادلة كاميرا , ومش كل الصور التفوق فيها للزد 2 , وكمان انا مصور بتليفونى ومقارن بالزد 2 وتفوق علية , يبقى فين الادلة اللى انا هقتنع بيها

- ومقارنة الصوت مع الاس 5 جايبلك فيديو , بيقولك مدى قوة الجهازين فى الصوت وتفوق الاس 5
انت جيبتلى فيديو , كاتمين صوت الاس 5 وحطينة على السماعة والزد 2 محطوط فى وش الجهاز فطبيعى لازم يطلع اقوى

9- لأ ياباشا والله بيقع وبيدغدغ عادى , والاس 4 بيقع وبردة ومش بيحصلة حاجة وساعات بيتكسر عادى جداااااااا , كل حاجة على حسب الصدمة عشان كدة بقولك نصيب

10- والله صاحبى بيشتكى من السخونية , واى ريفيوهات على التليفون فى العالم كلة بيقولوا ان بيسخن جامد , انت الوحيد اللى بيقول مش بيسخن , والتليفون بيخرج برة الكاميرا بسبب قوة الحرارة , فية اية تانى بس اجيبهولك , وانت مش مصدق ان التليفون سخونيتة عالية جداااااااااااااا
والله صاحبى بيشتكى من السخونية وصاحبة اللى اقنعة بسونى معاة التليفون وبيسخن بردة
فية اية تانى اكتر من كدة
تليفون اخوك بقى مش بيسخن يقول الحمد لله , عشان دية مشكلة مواجهة الناس كلها , ومسببة ازمة ليهم
11- والله ياباشا صاحبى جايب الجهاز وبيشحن معاة فى 3 ساعات ونصف

والاس 4 كلة بيشحن فى ساعتين بالظبط , غير كدة يبقى البطارية بايظة , لكن الطبيعى ساعتين بالظبط , دة بقى مافيش فيها كلام ولا نقاش

مين اللى بيقول كدة جهازى بيشحن فى ساعتين - جهاز عماد فى ساعتين - جهاز sony400 بيشحن فى ساعتين - جهازك انت بيشحن فى ساعتين ) صح ياباشا بتبرر اية بقى

12- ياباشا مش محتاج اركز , صاحبى نفسة بيقولى التليفون صوتة مرضى ولا عالى ولا واطى بس نقى , ودة اللى قولتلك علية فى الاول يعنى الجهاز اللى انا جربتة فى الاول مكانش فية مشكلة ولا حاجة

13- ماهو انت مش شايف الادلة , عشان مش قادر تقنع نفسك ان الجهاز دة ممكن اى سمارت فون قوى يتفوق علية عادى جداا ومش هو التليفون اللى الواحد يقول هو ماسك احدث تليفون لأ هو تليفون كويس بس فية عيوب كتير لسة بدرى علية لما يكون تليفون ممتاز , هو تليفون يتقال علية جيد الى جيد جدا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا جيبتلك الفيديو عشان اوريك ان الزد 2 اقل من الاس 5 وان الاسكور بتاعة ضعيف مقارنة بالاس 5 وقريب من الاس 4 جداا بالرغم انة 2.3 , وان ال htc one m8 بقالة ساعتين بيعمل الاختبار

وفى الاخر الراجل قال اية , الاس 5 هو افضل تليفون من حيث السرعة والاداء

وبرا المنافسة لية الاس 4 , انا تليفونى وتليفون عماد جايبين فوق ال 30000 الف , يعنى الفرق مابينة وبين ال htc one m8 صفر , والفرق مابينة وبين الزد 2 3000 نقطة , والاس 5 6000 نقطة
يعنى لو هتخرج يبقى تخرج برة الاس 4 والزد 2 وال htc وتخلى الاس5 منفرد على القمة ههههههههههه

ايوة انا عارف , ولسة عند كلامى , ان التجربة بالاداء العملى , بس انت مش معترق بالاداء العملى

وعشان كدة بقولك ان الاس 4 اداءة زى اداء الزد 2 فى السرعة وكل حاجة مافيش اى اختلاف
والاس 5 نفس الكلام مافيش فرق فى الاداء تماما

وفرق البروسيسر دة بقى لما ينزل تطبيق يقول مش هيشتغل غير على بروسيسر كذا , ساعتها نبقى نعرف الفرق , لكن كدة كل حاجة بتشتغل على اى جهاز قوى بعض النظر بقى قوتة كام
jobaz
jobaz
2014-07-16 (01:27:25AM)
يااسمسم ازااى بتقاارن كاميرا الاس 4 بكاميرا الوحش الزد 2 واللى هى افضل كاميرا سماارت فوون حتى الان واللى هى اسااساا افضل من كاميرا الاس 5 بقى معقوول كااميرا الزد 2 افضل من الاس 5 ومتبقااش افضل من الاس 4 جديدة دى

ازاااى بتقاارن كااميراا 13 ميجااا بكااميراا 20.7 ميجااا

ده على كده بقى اى كاميرا فوون 13 ميجاا من حقى انى اقاارنهااا بالزد 2 ولا اييه !!!
jobaz
jobaz
2014-07-16 (01:53:04AM)
نيجى لنحية البروسيسر ازااى بتقاارن الاس 4 بسررعة ال z2 وال m8 واللى فييهم اقووى معاالج حتى الان

بالنسبة للاس 5 هوو اه تردد المعاالج بتعااعه اعلى من ال m8 وال s5 2.5 والجهااازين دوول 2.3 ولاكن هوو ابطء جهااز فييهم تخييل

ياا سمسم بااشاا ده اناا لسه شاايف من يومين فيديو لوااحد بيشغل لعبة اسفلت 8 على الاس 5 تخييل انهاا مكاانتش رااضية تشتغل وقعدت سااعة والرااجل استعجب ورااح طاالع منهااا ورااح قاافل التطبيقاات المفتووحة فى الخلفية علشاان تفتح واشتغلت بالعاافية وانااا قعدت اضحك

بزمة وديين المعاالج ده اللى يشووفه يقوول انه Quad-core صدق او لا تصدق

انااا بعد ماا شووفت الفيديو علطوول رووحت قاايل ان الاس 5 ده شغاال بمعاالج dual core

بعد التهنيج والبطء اللى انااا شووفته

نفس الرااجل عمل نفس الفيديو بجهااز htc one m8 فالحقيقة الرااجل عاارف ان ال m8 شغاال بالمعاالج ده فعلا لان اداائه بيطلع بجد

فمحتجش انه يقفل التطبيقاات المفتوحة فى ال m8 ولا حااجة لا لا لا

وشغل اللعبة فى ال m8 وهو بيدووس على ايقوونة اللعبة كاانت اللعبة اشتغلت اصلا وبسررعة رهييبة وال Looding مخدش ثاانية وااحدة

والله عاايز تصدق صدق مش عاايز تصدق اثبتلك كلامى واثبت لكل النااس كلامى



راابط الفيديو لل s5 (الجهااز العقييم)
اضغط هنا لزيارة الرابط
.
.
.
.
.
.
.
.
.
.

راابط الفيديو لل M8# (البطل & الوحش)
اضغط هنا لزيارة الرابط
semsemSiR
مشرف
semsemSiR
2014-07-16 (10:53:36AM)
سيبك من حوار الاس 4 دلوقتى عشان دة حوار طوووووووووووويل اوى معنديش استعداد اتكلم فية تانى

خلينا فى الاس 5 , يعنى انا عايز اقولك حاجة تبقى عارفها

الاس 5 بمعالج snap dragon 801 2.5 giga بيشغل اتخن لعبة موجودة ازاى هيهنج , انت بتحسسنى انك بتكلم واحد مامسكش التليفون قبل كدة

ثانيا : اللى متعرفوش ان ال htc one m8 اضعف واحد , هو بس خفيف على المنافسين فى التحرك داخل القوائم عشان الجهاز من عصر البدائيات , ولا فية حركات ولا فية اى حاجة تحسسك ان الاندرويد اتطور اصلا فهو اخف فى النقطة دية

لكن ماتقوليش ان الاس 5 مش قادر على اسفلت 8 يشغلها , معلش يعنى انا كنت بشغلها على الادفانس بمنتهى السرعة والسلاسة , الاس 5 مش هيشغلها وهتهنج معاة

ياريت ياباشا لما تتكلم كلام يكون واقعى , يعنى اتكلم فى زمن فتح اللعبة لكن تتكلم انة اصلا مش بيفتحها , دة كدة يبقى مشكلة اللعبة مش مشكلة الجهاز ممكن تكون نازلة ناقصة او فيها مشكلة
jobaz
jobaz
2014-07-16 (08:11:29PM)
بااشاا ناا انت مشووفتش الفيديو علشاان تتكلم شووف الفيديو لو ملقتش الاس 5 هنج مع اللعبة تبقى اتكلم

واناا عاارف ان بروسيسر الاس 5 كده ورغم كده الجهااز هنج مع لعبة تقيلة

وm8 اييه اللى اضعف واحد فيهم اذا كان كل الناس بتقول انه افضل واحد فيهم بعديه الزد 2 بعديه الاس5 ومفييش حد بيقوول غيير كده غييرك انت فالموقع كله واللى بيخاالف الكلام ده بيبقى كلامه على ان ال z2 اقوى من ال m8 وبيبقى فى نظره برده ان الاس 5 اضعفهم مش اقواهم



وبعدين ياارااجل m8 اييه اللى من عصر البدائيات واجهة السينس دى افضل واجهة اندرويد وبعديها واجهة الزد 2 وبعديها واجهة الاس 5 التقيلة اللى عاايزة راام 6 جيجااا علشاان متهنجش وتناافس الموبيلات التاانية وعلى فكرة اغلبية الناااس اللى بتجييب ساامسونج واللى مبتجبهااش بتبقى مش محتااجة كل الحركاات بتااعة سامسونج اصلا !!
Ahmed0Shaheen
Ahmed0Shaheen
2014-07-16 (11:27:15PM)
بص من الاخر ياسمسم هات الاس 5 و افرح بية و او خليك على الاس 4 و ارفع براسه السما هات اى موب سامسونج برام 10 جيجا و هات موب اتش تى سى فشيخ برام 3 ولا 2 و الاتش تى سى هيكون اسرع ببساطة دى سامسونج و السونى اسرع بمراحل و الاس 5 تقيلة فشخ انا اخويا جابلى الزد 2 و جاب على الانتوتو 37800 و الام 8 بتاعة جاب 38200 فرق مش ملحوظ بينهم و الاس 5 الى مسكتوا كان جايب 36000 او 35000 و شوية مش فاكر بس عشان تعرف ان الاس 5 اعلى بروسيسر و اضعف اداء نفترض انو مش بيهنج بس مش بنفس سرعة الام 8 الى هو اسرع موب على الساحة و يليه الزد 2 فايريت تدور على فيديوهات زى HTC One M8 vs Samsung Galaxy S5 Opening apps و اكتب السونى معاهم مثلا عشان تعرف ان سامسونج شركة بدائية و خقيرة بتستغل المستخدم و انا استخدمت اس 5 و علق معايا مرتين و كنت قافل الانيموشن و كمان سامسونج بتنزل دشيليون نسخة من الموب و اتش تى سى بتكتفى بواحد عشان ميبقاش فى فرق اصبر الموب الى نازل مصر قريب HTC One E8 لو مش عاوز المونيوم هيبقى بلاستيك و خامة انضف من الى بتستعملها سامسونج الحقيرة و هتلاقي ان الكام 13 ميجا و هتلاقى البروسيسر 2.5 كواد سناب 801 و نفس مواصفات الاس 5 و هيبقى بسعر 4200 ج يعنى ارخص و شرحتين و شرحية نسختين عشان الناس تعرف تختار و السوفت خفيف و فية مميزات زى الدبل تاب و مش موجودة فى الاس 5 الى هى موشن لانش انا دلوقتى قلتلوا يرجع الزد 2 و يجيبلى ام 8 و هيرد عليا بكرة لأن الجهاز عملاق و لو نزل E8 هناك قبل ماييجى مصر هخلية يجيبو عشان تعرف ان الكل بيعترف ان سامسونج خرفت السنه دى و اكثر شركات بتيجى منها مشاكل هى سامسونج سواء جراند سواء ميجا سواء اس 4 سواء اس 3 او نوت 3 او اس 5 كلوا بيجى منو شكاوى و مش هقول ان سونى مش بيجى سونى بيجى بس اقل بمراحل من السامسونج و الاتش تى سى يعتبر مفيش اصلا و احب اقول متطلعش بالسما كثير و كل المراجعات الى اعترفت ان واجهة Sense 6.0 اسرع و اجمل و اخف واجهه
semsemSiR
مشرف
semsemSiR
2014-07-16 (11:36:15PM)
اتفرج كدة على دة

اضغط هنا لزيارة الرابط

اضغط هنا لزيارة الرابط

واضح جداا , انة بيهنج فعلا
semsemSiR
مشرف
semsemSiR
2014-07-17 (12:00:56AM)
اية ياعم اللى انت بتقولوا دة , وبعدين حاول ماتستخدمش الالفاظ اللى انت قولتها دية عشان فية بنات فى الموقع ومايصحش الكلام دة يتقال

انت معجب بال htc one m8 خلاص براحتك هو انا قولتلك اشترى الاس 5

بس عشان تبقى عارف حاجة واحدة , انتوا مشكلتكوا انكوا بتتكلموا على جهاز محسسنى انة نازل من السماء

يعنى بتقولوا عليا انى رافع الاس 5 فى السماء , امال انتوا اية , دانتوا رافعين بال htc رفعة ماشوفتهاش فى حياتى

ال htc واجهتة بدائية جدا وقديمة جداااااااااا , بناء علي اية بتقول واجهة حلوة

ال htc نازل بكاميرا اقل واحدة فى المنافسين

معلش يعنى فكك بقى من الخامات والكلام دة , كل حاجة وليها ناسها , انا مش هشتغل بالخامات التليفون اخرة جراب بيدارى فية وشكرا

وانا ماقولتش ان ال m8 وحش و ولا الاس 5 كامل

وهو مين دة اللى جاب 38000 ,ممكن كدة تبص بص كدة , بس ياريت تتطول بالك شوية على ال htc عشان هو السبب ان الفيديو يوصل للدقائق دية هههههههههههههه , وابقى سلملى بقى على السرعة , ياراجل دانا نمت وانا بتفرج على ال htc , دة كنت لو بختبر جهاز dual core كان خلص اسرع من كدة

اضغط هنا لزيارة الرابط
jobaz
jobaz
2014-07-17 (02:14:48AM)
بااشااا اوول فيديو جهااز ببروسيسر اوكتا مش سنااب دراجوون زى مناا جاايبلك و معلهووش غيير كاام برناامج ميجبووش 10 براامج وده قاافل التطبيقات المفتوحة

تاانى فيديو ملهووش علاقة ب اسفلت 8 اسااساا

لاكن الفيديو اللى اناا جاايبهوولك الجهااز ملياان براامج والعااب ومكنش قاافل التطبيقاات المفتووحة وشغل اللعبة ومرتدش تشتغل وهنجت ومشتغلتش غيير لماا قفل التطبيقاات المفتووحة

والفيديو اللى اناا جاايبهوولك الجهااز بمعاالج سنااب دراجوون مش اوكتاا زى ماا انت جاايب
mohomod
mohomod
2014-07-17 (02:24:38AM)
مع احترامى للجميع بقا انا معايا onetouch m'pop ويكسح m8 و s5 و z2 وs4 وكله ههههههههههههههههه سورى يا استاذ سمسم بس انا شايف ان كلام حضرتك مش معقولل خالص ومن غير اى ادلة واخويا اشترى l9 وقريت التعليقات حضرتك كنت بتقارنه بادفانس وتقول احسن بكثير! وعمرى ما شفتك فضلت موبايل على سامسونج اطلاقا انا اكثر واحد بيكره سامسونج بسبب كل حاجة سوفتوير وخامات وكل حاجة بس بقول الحق ولما اختى اشترت حاجة نصحتها ب grand2 وبعدتها عن lg تماما واى ماركة تانية رغم انه افضل بمراحل بس انا شايف ان الدعم والاكسسوارات هو المهم ومش هيهمها حاجة تانية وكذلك بباى نصحته ب s3 رغم انى بكره سامسونج جداااااااااااااااا اما الى حضرتك فيه ده الصراحة تعصب اعمى
semsemSiR
مشرف
semsemSiR
2014-07-17 (03:50:58AM)
يعنى انت يامازن , دلوقتى بقت مشكلتك , ان المعالج الاسناب دراجون هو اللى فية المشكلة

ياعم والله الاتنين شغالين زى الفل , سواء دة ولا دة

ولو عايز تتأكد من كلامى هتلاقى مليون فيديو تشغيل اسفلت 8 على الاس 5 وشغالة زى الفل

واية علاقة عدد البرامج بتشغيل الالعاب

- mohomod

كلامى مش معقول لية حضرتك , جايبلك تليفون صينى وبقولك علية يتفوق على اعلى تليفونات

من غير ادلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اضغط هنا لزيارة الرابط

اضغط هنا لزيارة الرابط

اضغط هنا لزيارة الرابط

كل دة ومافيش ادلة , ولا كمان gsmarena بيحب سامسونج ؟؟؟؟

وبعدين ياعم L9 مين دلوقتى اللى انت جاى تتكلم علية , مقارنة بالادفانس

ربنا يخليك متغيرلناش مسار الموضوع

لو انت مسكت تليفونات قدى , هتعرف انا بتكلم فى اية

انا التليفون مش بيعدى عليا كدة , لأ دة انا بمسك تليفونين جنب بعض وبقارن كل حاجة

وانت بتكرهة سامسونج براحتك , انت بتحسسنى انى انا صاحب الشركة , هو انا قولت لحد اشترى دة ولا اعمل دة , كل واحد حر ,وبيقول اللى بيشوفة , عشان فية ناس بتدفع مبالغ بناء على الكلام بتاعنا دة والمقارنات دية

سامسونج عندها اوجهة قصور كلنا عارفينها ( سوفت وير مليان - خامات بلاستيك ) لكن كل حاجة بعد كدة زى الفل ومافيش تقدر تضاهيها فى دة

ومعلش بص كدة حواليك شوف كام جهاز سامسونج بتشوفة كل يوم وشوف كام جهاز من اى شركة تانية حد بيمسكة ولا بيشترية

شوف كدة المحلات بتجيب كام عدة من سامسونج وشوف بتجيب كام عدة من الشركات التانية

بس كدة لل htc كل الموديلات بتاعتة , هتلاقيها موديلات ضايعة عايزة ضرب النار , تليفون ب 1700 جنية ولسة برامات 512 ميجا ومافيش كارت ميمورى وشاشة 4 بوصة , اية ياجدعان انتوا مابتشوفوش الحاجات دية ولا اية

تعالى لسونى , هتلاقى فئة ال z هية اللى كويسة والباقى كلة على قدة وسعرة غالى

وتعالى بردة لسامسونج عندها تخاريف فى عدد مالهاش لزمة بتنزلها على الفاضى

مافيش شركة ماشية عدل

ياعم ولا تعصب ولا حاجة هو انا اعرف الشركة

انا قولتلك قبل كدة محدش مسك تليفونات قدى

واللى انتوا فية هو التعصب الاعمى , على الاقل انا بقول مميزات وعيوب كل تليفون , لكن انتوا بتشتموا وخلاص لمجرد السمع او تليفون مسكتوة صدفة وهنج معاكوا
jobaz
jobaz
2014-07-17 (04:11:07AM)
و m8 اييه ال dual core متتكلمش بس عن السررعة والادااء لان الاس 5 هوو اللى فعلا dual core لانه بيهنج مع لعبة تقيلة

و htc one m8 هوو افضل جهااز على السااحة بيقدم سررعة وادااء عاالى

حااجة تاانية بالنسة للفيدية اللى انت جبته بتااع الاس 5 واسفلت 8 جاايبلى قنااة مش مشهوورة وملهااش اسم ومحدش يعرفهاا

لاكن انااا الفيديو اللى جاايبه من قنااة adrianisen ودى قنااة مشهوورة جداا ومفييش حد معرفهااش
semsemSiR
مشرف
semsemSiR
2014-07-17 (04:24:25AM)
يابنى فيديو اية وقناة اية

انا ماسك الاس 5 اكتر منك 100 مرة , ولاعب علية العاب اتقل من اسفلت 8 , واسفلت 8 نفسها

والتليفون عادى , اية يابنى انت بتكرهة حاجة ماشى , لكن ماتقولش مش بيشغلها
jobaz
jobaz
2014-07-17 (07:36:57AM)
بقوولك اييه ياا سمسم انت محظووظ لان الجهااز اللى معااك مهنجش لغااية دلووقتى
semsemSiR
مشرف
semsemSiR
2014-07-17 (11:01:39AM)
انا التليفون مش بتاعى اولا , انا معايا اس 4

بس الواحد بيقول كلمة حق , ان فعلا الجهاز مهنجش معايا

وهقولك حاجة بردة عشان الناس تبقى عارفة , الجهاز كان علية حوالى 15 برنامج واربع او خمس العاب

وعلية اكتر من 300 صورة

ومفحوت شغل , والجهاز ماثرش فى حاجة ابدا

وراماتة كانت 1.1 جيجا بدون فتح اى حاجة

ياريت بس نكون واقعين شوية , عشان سامسونج مش عبيطة هتنزل تليفون ب 1500 جنية بيشغل اسفلت 8 بكل سهولة وتيجى على الاس 5 وتخلية يهنج مع الالعاب
mohomod
mohomod
2014-07-18 (01:14:49AM)
اولا باين اوى انى بهزر فى الموبايل ثانيا انا لما ذكرت l9 عشان اورى حضرتك ان عمرك ما فضلت موبايل على سامسونج اطلاقا والادلة حضرتك نجيبلك جميع الفيديوهات الى تثبت العكس وحضرتك تمسكلى فى فديوهين ممكن يكون عيب من الجهاز وغيره وعلى راى العضو جبلى قناة مشهورة تكون بتجرب موبيلات فعلا مش اى حد يمسك موبايل وميكونش ليه خبرة ويعملوا فيديو وساسمونج كلنا عارفين الناس مسكاها ليه انا عن تجربة لما حد يجى من عيلتى يشترى موبايل وانصحه بحاجحة غير سامسونج احسن بالنسبالى يقولى ماركة....ايه ده ده كل الناس ماسكة سامسونج!!!!!!!!!!!!!هو ده السبب والسبب التانى الاكسسوارات الى احنا السبب فيها اكيد ولا المحلات ولا التوكيلات هتجيب اكسسوارات لحاجة لا تستخدم غير كده موبيلات معفنة سوفتوير خامات سعر مشاكل كل حاجة وبعدين حضرتك ماسكلى htc اغلى شركة موبيلات وسايب سونى من نصف 2013 منزلة موبيلات تحفة m .l .c وكله وباقى الركات زى lg و الكاتيل وغيره حتى الشركات الصينى احلى من سامسونج ده خامتها احسن والله لما اشوف حضرتك بدافع عن اى موبايل سامسونج وعمرك ما طلعت موبايل احلى عليه لازم اقول تعصب وده مجرد راى فى الاخر
mohomod
mohomod
2014-07-18 (01:16:58AM)
و gsmmarena الدليل الواحد كان بيقول s2 احسن هههههههههههههههههههههههه
Ahmed0Shaheen
Ahmed0Shaheen
2014-07-18 (06:44:32AM)
اول حاجة واجهه اتش تى سى اتحسنت اكثر من سينس 5 و كمان الواجهه سريعة و اقسم بالله مسكت الاس 5 معلهوش برامج بيفتح برنامج الاتصال بياخد وقت و كذالك الكونتاكت عكس زد 2 و وان بيفتحوا ما شاء الله صاروخ
semsemSiR
مشرف
semsemSiR
2014-07-18 (03:36:37PM)
mohomod

وقت ال l9 والادفانس وال S2 , فعلا كان السامسونج مسيطر تماما على السوق , محدش ينكر دة ابدا

وكان افضل اجهزة فى الامكانيات وفى الشاشة وفى الصوت والاكسسوارات

انا نفسى , بكون لسة بقارن مابين الاجهزة وانا بشترى , والله بفضل امسك دة وامسك دة مش بلاقى اللى انا عايزة غير فى السامسونج ( شاشة - وصوت - واداء واوبشن وسعر كمان واكسسوراات )

ال l9 منجحش فى السوق ولو كان تليفون كويس كان نجح وانتشر , انا نفسى كان قدامى الاتنين واختارت الادفانس ( معلش يعنى هو انا هتعصب لية لتليفون ولا لشركة ) مش انا كمان مستخدم ويهمنى يكون معايا تليفون يناسب السعر اللى بدفعة فية , ولا انا بشترية ببلاش

- انت بقى ماتعرفش خبايا الموبايلات دية مش مشكلتى ,انا ليا اصدقاء فى الصيانة وعارف كويس يعنى اية سامسونح ويعنى اية htc ويعنى اية سونى فى كل حاجة

اة سامسونج ليها عيوب وعيوب جامدة كمان بس هتلاقيها فى اجهزتها المتوسطة اللى نازلة من اول 2013 , فعلا اجهزة بقى فيها مشاكل وانا معاك وعمرها ماهترضى حد ابدا وللاسف السونى وال htc اللى اقل من الامكانيات دية اسعارهم اغلى بفرق واضح

عشان كدة الناس بتلجأ لسامسونج ( بتقدم اوبشن محترم - شاشة كبيرة - رامات عالية - بروسيسر كويس ) لكن فى نفس الوقت عيب السوفت وير وقلة الخامات والبطارية اللى بتخلص بسرعة ( هية دية مشاكل سامسونج حاليا ) فى الاجهزة المتوسطة

لكن تعالى لشركة زى htc بتعملك سوفت وير محترم بجد من حيث قلة التهنيج والسرعة , لكن فى نفس الوقت ( اوبشن اقل - ممل شكلا - امكانيات اقل - شاشة اصغر واقل الونا - مافيش اكسسورات - ضعف اعادة سعر البيع )

دة الفرق مابين السامسونج والشركات الاخرى

وانا قولتلكوا انتوا مامسكتوش اجهزة زى مانا مسكت

وانا اصلا كنت مغرم بهواتف بالنوكيا لكن بمجرد نزول الاندرويد وقارنت مابينة وبين نظام النوكيا لأ معلش يغور النوكيا ,وعملت مفاضلة مابين الهواتف ( سامسونج - الكاتيل - سونى - lg ) وبعد اختبارات اكتر من 3 شهور , لان وقتها ماكنتش الهواتف رخيصة كان الهاتف المحترم بيعمل 3000 جنية وانت طالع فكان لازم يكون الاختيار يكون صح

عشان بس ماتقولش متعصب
mohomod
mohomod
2014-07-18 (06:30:34PM)
طبعا احترم راى حضرتك جدا بس الصراحة اغلبية السوق حاليا فءة متوسططة فلما اروح اجيب سامسونج فئة متوسطة بالعيوب ده ليه مشفش lg الى من نصف 2012 بتنزل اجهزة روعة وبدات تزيد والسونى من اول او نصف 2013 والكاتيل وغيره من الشركات وخامات احسن ومفيش مشاكل سوفتوير كل المشكلة اكسسوارات عشان كدا الواحد ليه حق يتعصب لما يلاقى الناس كلها لسة رايحة لسامسونج يعنى انا مسكت تليفونين فئة متوسطة m'pop و star plus نفس السعر تقريبا بعد ما نزلزاو بشوية شوف الفرق فى كل حاجة امكانيات خامات عدم تهنيج وبيشغل اسفالت وسبايدر مان كمان ولسة تيجى تقول للناس يقولك لا سامسونج
mohomod
mohomod
2014-07-18 (06:49:00PM)
ساسمونج مكنتش مسيطرة الى فى فترتين بس مش عشان امكانيات ولا غيره عشان البداية فقط الفترة الاولى وقت زوال نوكيا ايام ال كوربى والفترة التانية مع بداية الاندرويد عشان كان شبه حصرى بعد كدا مفيش اى تفوق لسامسونج اطلاقا سواء فى الفئة المتوسطة او العالية ومنكرش ان كان فى قفازات الصراحة زى s3 وغيره بس لسة lg خصوصا افضل بكثير وبيتقدم موديل ينافس موديل السنة الجاية من سامسونج
mohomod
mohomod
2014-07-18 (06:58:05PM)
دلوقتى سامسونج بالنسبة لباقى الشركات حتى htc من اواخر 2014 بقت (خامات اقل-سعر اغلى وامكانيات اقل-سوفتوير سئ وواجهة معفنة -دعم صفر تحت s4 حتى s3 لغوا الدعم) مش فاكر ايه كمان اتمنى ان سامسونج تغير شوية فى note4 والى هتقع هتقع والناس بقت تغير
semsemSiR
مشرف
semsemSiR
2014-07-18 (07:05:33PM)
شوف ياباشا

انا ضد اللى بتعملة سامسونج , دة انها عمالة تنزل فى اجهزة زى بعض وعلى الفاضى , الصراحة حركة ولا ليها اى لزمة , واجهزة بتنزلها بنفس الاوبشن وبنفس كل حاجة بس بمسمى تانى

يعنى مثلا فية اجهزة من سامسونج عايزة ضرب النار بجد ( فية ال rex ) دية اصلا معرفش لزمتها اية فى السوق

فئة ال star بردة لازم تتلغى لان سعرها غالى على امكانياتها

وال trend اللى مالوش لزمة

ال ace 4 اللى نازل دة , اقل من ace 3 ازاى مش عارف

يعنى سامسونج بدأت تخرف تخريف محترم

مشكلة سامسونج دلوقتى عدم الاهتمام بالخامات فعلا فى الهواتف المتوسطة

لكن فى الهواتف العالية بتهتم بيها جداااااااااااا

ياباشا هاتلى تليفون من اى شركة انت عايزها فى الفئة المتوسطة , ونقارنة بسامسونج من نفس السعر ونشوف
semsemSiR
مشرف
semsemSiR
2014-07-18 (07:10:58PM)
الاس 3 اتلغى , عشان الرامات 1 جيجا

اى تليفون برامات 1 جيجا هيتلغى دعمة
mohomod
mohomod
2014-07-19 (02:47:55PM)
بالنسب للدعم منقولش عشان 1 جيجا لان ace4 512 ونازل بكيتكات وانا حاسس انه استعباط من الشركة اساسا شبه تسويق هو و s3 mini اما المقارنة هجبلك مثلا احسن موبايل سامسونج فئة منوسطة ace 3 و هقرنه بكل الشركات زى lg فى l65 d280 وفى احسن بكثير بس انا بكلم على الى نازل مصر htc 310 sony sony m alcatel idol وخذ بال حضرتك ان الفرق مش امكانيات على الورق بس فى فرق سينسورات ودعم تحديثات وخامات واستهلاك رامات وكل حاجة وسعر ارحص كمان يعنى حضرتك مثثلا اقل لحضرتك مميزات فى m'pop عشان استخدمته شخصيا وجبلى نفس المميزات فى موبايل سامسونج من نفس السعر (سينسور ضوء وتقارب تصوير hdr وفيديو hd وحاجات تانية فى الكاميرا بينزل على الميمورى من غير روت notificion light وقع مرتين من غير اسكرين او جراب على الارض والشاشة متخدتش الجسم خبطات بسيطة مش باينة ومش فاكر ايه كمان
semsemSiR
مشرف
semsemSiR
2014-07-21 (11:40:03AM)
ماتنساش ان ال Ace 4 هيكون تقريبا فاضى اوبشن وهيتشال منة برامج كتير جدااااااااااااا

هنقول مثلا s3 mini دلوقتى ب 1500 جنية جديد , قدامة المفروض يكون اية

من : lg هتلاقى L9 , ودة يتفوق علية الاس 3 مينى فى الوان الشاشة - الكاميرا - الذاكرة الداخلية - وكمان ارخص منة بفرق 300 جنية - وكمان صافى الرامات اعلى فى الاس3 مينى بفرق 150 ميجا
والاس 3مينى مش بيسخن زية

وال L9 هيتفوق فقط فى حجم الشاشة

طيب اللى ممكن ينافس تانى : الجراند 1 مع ال G PRO LITE ودة نفس امكانيات الجراند 1 ماعدا بروسيسر اقل 1 جيجا مقابل 1.2 للجراند 1 , بس خلى بالك ان بروسيسر ال LG ميديا -تك ,. ودة بروسيسر ضعيف جداا , مقابل CORTEX A9 للجراند وشاشة 5.5 بوصة لل LG مقابل 5 بوصة للجراند 1- سرعة النت اعلى بكتير فى الجراند 1 - الكاميرا الامامية افضل فى الجراند 1 - بلوتوث احدث فى الجراند 1 -

بس سعر ال LG ارخص بحوالى 300 جنية من الجراند 1 , دة ممكن يكون الافضلية هنا لل LG

بس هتلاقى شاشة ال LG رايحة فى داهية

دية كدة الهواتف اللى تقدر تشتريها فى الفئة المتوسطة , طبعا عندك حاجة ازيد شوية فى سامسونج ممكن S2 PLUS ب 1850 جنية بالضمان وعندك ACE 3 ب 1300 جنية وعندك S DUOS 2 ب 1150 جنية بالضمان , وهواتف كلها ممتازة

عندك نفس الكلام فى HTC : عشان تجيب هاتف يقدر يقف قدام ال S3 MINI او ال s2 PLUS مش هتلاقى غير هواتف سعرها معدى ال 2000 جنية عشان تجيب نفس الامكانيات
semsemSiR
مشرف
semsemSiR
2014-07-21 (11:46:01AM)
ماتنساش ان ال Ace 4 هيكون تقريبا فاضى اوبشن وهيتشال منة برامج كتير جدااااااااااااا

هنقول مثلا s3 mini دلوقتى ب 1500 جنية جديد , قدامة المفروض يكون اية

من : lg هتلاقى L9 , ودة يتفوق علية الاس 3 مينى فى الوان الشاشة - الكاميرا - الذاكرة الداخلية - وكمان ارخص منة بفرق 300 جنية - وكمان صافى الرامات اعلى فى الاس3 مينى بفرق 150 ميجا
والاس 3مينى مش بيسخن زية

وال L9 هيتفوق فقط فى حجم الشاشة

طيب اللى ممكن ينافس تانى : الجراند 1 مع ال G PRO LITE ودة نفس امكانيات الجراند 1 ماعدا بروسيسر اقل 1 جيجا مقابل 1.2 للجراند 1 , بس خلى بالك ان بروسيسر ال LG ميديا -تك ,. ودة بروسيسر ضعيف جداا , مقابل CORTEX A9 للجراند وشاشة 5.5 بوصة لل LG مقابل 5 بوصة للجراند 1- سرعة النت اعلى بكتير فى الجراند 1 - الكاميرا الامامية افضل فى الجراند 1 - بلوتوث احدث فى الجراند 1 -

بس سعر ال LG ارخص بحوالى 300 جنية من الجراند 1 , دة ممكن يكون الافضلية هنا لل LG

بس هتلاقى شاشة ال LG رايحة فى داهية

دية كدة الهواتف اللى تقدر تشتريها فى الفئة المتوسطة , طبعا عندك حاجة ازيد شوية فى سامسونج ممكن S2 PLUS ب 1850 جنية بالضمان وعندك ACE 3 ب 1300 جنية وعندك S DUOS 2 ب 1150 جنية بالضمان , وهواتف كلها ممتازة

عندك نفس الكلام فى HTC : عشان تجيب هاتف يقدر يقف قدام ال S3 MINI او ال s2 PLUS مش هتلاقى غير هواتف سعرها معدى ال 2000 جنية عشان تجيب نفس الامكانيات
mohomod
mohomod
2014-07-22 (06:20:42AM)
حضرتك جايبلى هواتف معينة بالاسم ليه يعنى مثلا s3 mini هو الصراحة مفيش يتفوق عليه فى lg بس فى alcatel htc وارخص والجراند معروف وحش جدا ومع ذلك برده فى يتفوق عليه وكله بس للاسف معظم هواتف lg مبتنزلش عندنا انا حايا فى السعودية فى هواتف lg رهيبة هنا ورخيصة ومع ذلك اى سامسونج ففى يتفوق عليه من الشركات التانية
mohomod
mohomod
2014-07-22 (06:47:21AM)
انا مخدتش بالي من كلام حضرتك كويس بخصوص التحديث مستحيل يكون عشان الثقل لان 4.1 اثقل نظام اساسا وشغال بيه ز
الصيني مش بالاسم بالخامات والدعم وكل حاجة الصراحة لو هناخذ الصيني بمفهومه ساشونج هي الي صيني سامسونج ضاعت خلاص
mohomod
mohomod
2014-07-22 (06:50:40AM)
الج بابنسبتلي يتق علي اس 3 ميني ابشاشة الع افضل بالنسبالي اكثر واقعية الراات لت طبعا الج اكثر كن 200 وبرامج كفتوحة كمان الكانيرا تتساوي خصا مع خواص الج
mohomod
mohomod
2014-07-23 (05:45:51AM)
htc 310 alcatel idol alcatel snap وكثير ومن الج كمان بس مبينزلش مصر للاسف حتى هاواى احسن
engmimo
engmimo
2015-01-18 (06:55:12PM)
طيب هوا ولا huawei ascend mate 7 ?
hassanhassan
hassanhassan
2015-02-21 (04:56:50PM)
يا جماعة انا اشتريت موبيل سوني زد 2 من السعودية من حوالي 5شهور في الأول البطارية كانت بتشتغل 16ساعة متواصلة انترنت وألعاب لكن دلوقتي ما بتكملش 5ساعات مع العلم اني مفيش حاجة اتغيرت وانا حاطت فيه شريحة انترنت 4جي ومظبط الإعدادات وقافل التطبيقات نرجو الإفادة
mohamedk123
mohamedk123
2015-02-23 (05:33:57PM)
هو الموبيل سخن او علق مع اى حد من كتر اللعب او النت

هو كمان انهى احسن z2 او s5 3G
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك