تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سوني Xperia M4 Aqua
للرجوع الي صفحة سوني Xperia M4 Aqua الرئيسية اضغط هنا

سامسونج ام سونى

omdamedo
omdamedo
2015-11-23 (07:26:23PM)
ياجماعة انا هاشترى موبايل ومش عارف اجيب ايه انا جربت سامسونج j7 ومعجبنيش الصراحة و عاجبنى السونى بس المشكلة انى عمرى ما جربت السونى وخايف اخد حاجة وتطلع وحشة فيريت اللى جرب السامسونج والسونى يقولى ايه تقييمه للسونى وايه اللى بيميز السونى عن السامسونج وشكرا
starstar2
عضو مميز
starstar2
2015-11-24 (04:27:43PM)
الشركتين من عمالقه صناعه هواتف الاندرويد ..كل شركه منهما تضع لمستها لجماليه علي الجهاز لذلك كل جهاز منهم ينفرد بشيئ مميز عن الاخر ..السونى بالمقارنه بجهاز اخر نفس الفئه يمتاز بجوده وحده الكاميرا واغلب كاميرات هواتف سامسونج بسنيسور سونى واغلب شاشات هواتف السونى التى لا تتعدي 5 بوصه من صناعه سامسونج ..تتميز سامسونج ف اغلب هواتفها البطاريه القابله للازاله وجود راديو قابل للتسجيل سوق الانتشار وسعر اعاده البيع وتوفر الاكسسوارات وقطع الغيار واعمال الصيانه والرومات الغير رسميه واعمال برمجه المطورين ...بالتوفيق يا كبير
omdamedo
omdamedo
2015-11-24 (08:08:51PM)
متشكر جدا على ردك الجميل ..هو سونى c4 افضل من j7 علما بانى بهتم جدا بسرعة الموبايل والتحديثات وجودة الكاميرا وقوة البطارية ويريت لو عندك فكرة عن سعر سونى c4 حاليا
starstar2
عضو مميز
starstar2
2015-11-25 (12:37:42AM)
تحت امرك يا كبير ...
تميز c4 بالاتى 
1.دقه وحده الشاشة اعلي بكتير وانها بتقنية ips ودي ف استهلاك البطاريه اقل من السامسونج التي تستخدم السوبر اموليد.. وريزيليوشن السونى عالي جدا وده ممتاز ف الرؤيه ف الشمس يعنى الافضليه للسونى ف الرؤية.
2.رام الجهاز اكبر 
3.اداء البطارية افضل من حيث الاستهلاك .
4.خامه الجهاز افضل .
5.كاميرا الجهاز افضل بفارق ملحوظ من حيث جوده وحده الصوره والالوان.
عيوبه
1.البطاريه غير قابله للازاله.
2.المعالج ثمانى الانويه ولكن من نوعيه ميديا تك وانا شخصيا مش بفضل النوع ده بيكون اداءه ضعيف شويه لو هنقارنه بمعالج اكزينوس .
3- راديو غير داعم لخاصية التسجيل عكس سامسونج.
قله سوق الانتشار وسعر اعاده البيع الدعم المادي والمتمثل ف الاكسسوارات وقطع الغيار والدعم الفني الصيانه والرومات الغير رسميه واعمال البرمجيات من المطورين.

.............................
السامسونج j7 
يتميز.
1.البطارية القابله للازاله.
3.معالج افضل من حيث اداره الجهاز كليا من تطبيقات .
4.راديو مع امكانية التسجيل عكس السونى الغير داعم للتسجيل.
5-شاشه جيده جدا .
تتميز سامسونج بسوق الانتشار وسعر اعاده البيع والدعم المادي والفني
الخلاصه .ما يميز الام فور اكوا مقاومة للمياه ...عموما الجهازين من الفئات المتوسطه ومن الناحية العمليه يصعب الاختيار بينهما ولكنني اري ان سونى c4 يتميز بالاناقه والشياكه عن السامسونج لو مش هتفرق معاك عيوبه ولكن الاخير يتميز باداؤه ف اداره التطبيقات بكفاءه .
بالنسبه لسعر الجهاز هاتلاقي ف اعلي صفحه الجهاز شراء جديد ادخل وشوف الاسعار وقارنها بالمحلات ...مش هقدر افيدك ف السعر لاني مش متابع اسعار السوق ...موفق يا كبير
ellithy
عضو مميز
ellithy
2015-12-02 (04:34:23PM)
مين اللي قال ان شاشات تلفونات سوني من تصنيع سامسونج الكلام ده مش صحيح الشاشات كلها سوني وللتاكيد 16727 اصلا في الشاشات سوني عملاقه عن سامسونح ساساتها بتبوظ بعد فتره عن تجربه
ellithy
عضو مميز
ellithy
2015-12-02 (04:38:26PM)
ازالة البطارية دهعيب في التلفونات اللي يكثر الشكوي من بطاريتها مثل سامسونج لكن سوني ما شاء الله انا جربت اكتر من موديل سوني منهم بطاريته بتتشال ومنهم لا وكلهم محتجتش اني اشيل البطارية ولا مره وكاداء فوق الممتاز
starstar2
عضو مميز
starstar2
2015-12-07 (02:35:50AM)
والله حضرتك انا الكلام ده مش جايبه من بيتنا اغلب مودلات سونى بتستخدم شاشات من صنع سامسونج واغلب كاميرات هواتف سامسونج بها سينسور ومستشعر خاص بسونى وشوف بقي اللي جايه معالج ايفون 6 اس من صناعه العملاق سامسونج ويكفي معالجات سامسونج شريحة اكزينوس التي تمتاااز بالقوة والشراسة وده طبعا مصنف عالميا عكس سونى التي تستخدم نوعين من المعالجات معالج ميديا تك وده خارج التصنيف أساسا والأخير معالجات العملاق كوالكوم شريحة سناب دراجون وده المشترك ما بين سامسونج وسونى لان ف أجهزة سامسونج معالجات سناب دراجون مع كامل احترامي للسونى حتى آلان لم تدخل في تصنيع معالج مصنف عالميا كــ السامسونج والسوني اهم ما يميزة فعليا الكاميرا بالمقارنه بالفئات المماثله والبطارية من حيث الاستهلاك ومع احترامي لسامسونج.

موضوع ان شاشات سامسونج بتبوظ بسرعه الكلام ده مش صحيح ولا يمت للصحه نهائيا فسامسونج وسونى من عمالقة أنظمة هواتف الاندرويد فكل منهما يستخدم تقنية ف الصناعه فسامسونج السوبر اموليد وطبعا ليها مميزات وعيوب والسونى الاي بي اس وليها مميزات وعيوب واضح انك واخد موقف عدائي من سامسونج عموما كل شركة مصنعه تنفرد بميزة وخصائص مش موجوده ف الاخرى.
ازاله البطاريات يا كبير بتكون فايدتها الاولي والاخيره هي رخص وانتشار وسهولة والوصول للبطاريه عكس الهواتف الغير قابله بطاريتها للازاله يعني علي سبيل المثال وارد ان أي بطاريه يحصل تلف في أي مرحلة من خلايا الشحن الخاص بيها وبالتالي لو البطارية غير قابله للازاله شوف انت بقي عشان أوصل للبطارية هعمل ايه في موديلات بتفك الجهاز كاملا من الشاشة وفي موديلات بتتفك من الضهر ده غير ارتفاع سعرها وقله انتشارها في السوق
بالنسبه لبوظان بطاريات سامسونج كلامك غير صحيح بالمرة ويمكن اللي حصل معاك حالة فرديه ولكن ما يميز بطاريات السونى عن السامسونج هي انها اقل استهلاكا وانا بتكلم عن الاستخدام الطبيعي وده ليه أسباب كتير ..
كلمه اخيره مني
عارف حضرتك انا كنت واخد قرار اني مردش علي حد بسبب اللي زيك اللي دايما بيصطاد الأخطاء اللي من وجه نظره هو ..يعني حضرتك سيبت ردودي كلها ومسكت في موضوع الشاشات والبطاريات ..عموما حصل خير ..ووعد منى عشان اللي زي حضرتك ان مش هرد علي العام نهائي ...
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك