تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سوني اريكسون Xperia Arc S
للرجوع الي صفحة سوني اريكسون Xperia Arc S الرئيسية اضغط هنا

بدون عنوان

eslam1986
eslam1986
2012-11-14 (05:45:14AM)
السلام عليكم

اولا احب اشكر كل القائمين عالموقع الرائع ده لانه فعلا مفيد جدا
ثانيا انا عندي استفسارين وارجو من ذوي الخبرة هنا الرد والافادة واسف ان الاستفسار الاول خاص بموبايل ال جي بس انا طرحت السؤال علي صفحة ال جي ومحدش رد وانا محتاج الرد ضروري وواضح ان الصفحة هنا نشيطة فاتمني اني الاقي رد:

1.كنت عايز اعرف مين الشركة اللي ماسكة ضمان ال جي في مصر وهل مستوي الدعم والخدمة جيد ولا اي كلام؟؟

2.ياريت حد يوضحلي الفرق بين انواع الشاشات وترتيبهم من الافضل للاسوأ

super AMOLED
LED-Backlit
LCD
IPS LCD

شكرا جزيلا مقدما
pienqo
عضو موقف
pienqo
2012-11-14 (09:06:44AM)
السلام عليكم ورحمة الله وبركاته اخي الغالي....
ضمان LGف مصر تابع لدلتا....هذه ما اخبرني به عامل محلات راديوطلعت حرب وكان لي تجربه من قبل مع ال جي وه يممتازة كجهاز ولكن للاسف سوء تسويقها في مصر يسبب لكثير من المستخدمين عدم الامان والراحه بشراء اجهزتها لكن اعتقد ان الامر سيختلف كثيرا بعد صدور اكثر من جهاز لLGفي مصر ونزول بعض الاكسسوارات لها اعتقد ان الامر سيتحسن كثيرا

اما بخصوص الفرق بين الشاشات فانا لا اعلم ولكن من خلال تصفحي باغلب مواقع الموبايلات فلكل منها خواصها فمنها ما هو واضح تحت اشعة الشمس المباشرة كشاشةIPS LCDومنها ما اوضح تحت الظل كشاشةSUPER AMOLED
ولكن بالمجمل اخي الكريم نحن كمستخدمين لن نستطيع ملاحظة الفروق بين الشاشات الجديدة كليا لانها تحتاج الى نظر سوبر ولكني من خلال تجربتي معLED-Backlit-LCD بالسوني والسوبر امولد بالنوت ون لم استيطع ان افرق بين وضوحهم فالاتنين وضوح ممتاز جداااااا ولكن السوني بالشمس مع زيادة سطوع الشاشة كان اوضح من السوبر امولد في النوت واعتقد ان اصحاب الخبره بهذا المجال سيردوا على استفسارك بالقريب العاجل
تقبل تحياتي
أحمد محمد
مشرف
أحمد محمد
2012-11-14 (09:23:16AM)
أفضل شاشة هي ال super AMOLED PLUS
هي الأفضل من حيث الألوان و الإضاءة و الرؤية الجانبية ...... و بتحس فيها إنك شايف صورة حية
و كمان هي الأنحف على الإطلاق
و هي الأفضل في قراءة النصوص و الرسومات ثنائية الأبعاد
و إستهلاكها للطاقة أقل
و التباين فيها عالي جدا و الألوان حادة
و بتعطي إحساس إنها غامقة شوية
و كثافتها عالية جدا
و بتبقى موجودة في الشاشات الكبيرة بس
و كلها شاشات عالية الدقة بجودة HD يعني دائما ال resolution بتاعها عالي

في كمان ال super AMOLED
و ال AMOLED
و هما نفس الفكرة لكن بدرجة أقل

في كمان شاشة ال LCD و يطلق عليها شاشة الكريستال السائل
و هي إختصار ل Liquid Crystal Display
و دي كثافتها كبيرة نسبيا و عالية السطوع و الرؤية القريبة فيها أفضل بكتير
و كمان الرؤية الجانبية فيها ضعيفة نسبيا ....... السطوع و درجة الألوان بتتغير
و كمان قدرتها على إظهار التباين بين الألوان مش عالية أوي
و كمان إستهلاكها للطاقة عالي شوية

شاشات ال LED
هي نفس شاشة ال LCD
لكن بإضائة LED خلفية
و دي بتخلي الألوان أنقى و أفضل و التباين أعلى
و كمان تأثيرها أقل على العين لأن سطوعها أقل من ال LCD العادية
و كمان إضائة ال LED إستهلاكها أقل للطاقة
و بتبقى أنحف كتير عن ال LCD العادية ...... عشان كده هي أغلى


كمان في تقنية ال IPS
هي تكنولوجيا جديدة تسمح بمشاهدة الأحداث عالية السرعة بشكل أفضل
و تسمح بإنتقال سلس للصور أثناء العرض
يعني هي الأفضل لمشاهدة الأفلام الأكشن سريعة الأحداث
و المباريات الرياضية ...... لأن الكاميرا بتنتقل من أول الملعب لآخره في ثواني
تناسبا مع الأحداث
و خلال الإنتقال ده بتبقى شايف الصورة واضحة جدا و لو عملت screen shot
أثناء الإنتقال ده هتحس إن الكاميرا كانت ثابته
و كمان ال IPS تسمح برؤية جانبية فائقة الجودة
لمشاهدة جماعية بدون إختلاف وضوح الرؤية بين المشاهدين



يعني تقدر تقول إن الأفضلية علي الترتيب :
Super AMOLED plus
Super AMOLED
LED-backlit
IPS LCD
AMOLED
LCD
mido888
mido888
2012-11-14 (09:54:47AM)
شكرا اخواني علي التوضيح لاني لغاية دلوقت مكنتش عارف ايه الفرق فعلا
.....بارك الله فيكم
eslam1986
eslam1986
2012-11-14 (03:39:25PM)
والله يا جماعة مش عارف اقولكو ايه بس متشكر جدا ليكو كلكو...متشكر جدا ليك يا pienqo علي توضيحك لنقطة الضمان...متشكر جدا ليك يا أحمد محمد لتوضيحك للفروق بين انواع الشاشات...متشكر جدا ليك يا mido888 بسبب مشاركاتك المتميزة واللي استفدت منها كتير.

بس معلش سؤال اخير...يعني انا تقريبا استقريت علي موبايل ال جي اوبتيماس بلاك لاني شايف ان امكانياته عالية...بس عايز اعرف هي ينصح ب ال جي؟؟؟وهل حد ليه تجارب مع موبايلات ال جي عموما والموبايل ده خصوصا؟؟؟

شكرا ليكو مقدما
pienqo
عضو موقف
pienqo
2012-11-15 (03:09:53AM)
السلام عليكم ورحمة الله وبركاته اخي الغالي eslam1986
انا كان لي تجربه مع موبايل ال جي من قبل وانا اصلا حابب ال جي جداااا وقبل ما اجيب السوني اريكسون اكسبيريا ارك اس مش عاوز اقولك عملت اية علشان اجيب ال جي اوبتيموس بلاك ولفيت عليه هنا بمصر وللاسف ماكنش لسه نزل ولما سافرت السعودية دورت عليه بالمدينه ومكه وجده وروحت اغلب مكتبات جرير بالمملكة وعملوا لي حصر للموبايل بالافرع ولقيت حته واحدة بس متوفرة بفرع اسمه شارع التحلية وعقبال ما اخدت تاكسي وروحت كانت اتباعت طبعا انا بحكي ليك ده كله بس علشان تقر تعيش الموقف الموبايل بمجر نزوله بالافرع كان بيتباع وانا مش عاوز اقولك انا صرفت اد اية مواصلات علشان اجيب الموبايل ده تقريبا بما يعادل 400جنية مصري مواصلات بس بين المدن المهم بالاخر ربنا كرمني بالسوني ارك اس ولكني من خلال تجربتي السابقة مع ال جي حبيتها وهكررها قريب باذن الله بعملاق ال جي اوبتيموس جي باذن الله الموبايل اللي واقع عليه اختيارك موبايل ممتاز جدااا لانه بشاشة نوفا فائقة الوضوح والرؤية وال جي من الشركات السباقة دايما بكل جديد فهي اول شركة قدمت هاتف ثنائي النواه وكذلك اول شركة قدمت تقنية نوفا بالشاشات وهي اول شركة قدمت خدمة الاي بي اس وكذلك هي اول شركة قدمت خدمة الواي فاي دايركت ودي مش متاكد منها اوي بس بالعموم ال جي شركة محترمة جدااااا وسوق تسويقها بمصر وعالمنا العربي لا يقلل ابدا من اهمبتها كشركة منافسه بمجال الهواتف النقاله واعتقد ان تجربتك مع الاوبتميوس بلاك هتكون رائعه باذن الله وبالمناسبه يا ريت تلقي نظرة على موبايل ال جي اوبتيموس ال 7 سفن....شاشه اكبر ونفس امكانيات البلاك اعتقد وبنفس السعر ويمكن اقل قليلا عموما مبروك مقدما لك باختيارك البلاك او ال 7 وربنا يبارك لك فيه
وتقبل تحياتي ومعذرة على طول التعليق
eslam1986
eslam1986
2012-11-15 (04:31:18AM)
السلام عليكم
استاذ pienqo
لك مني كل التحيات علي ردك الوافي...بس انا اللي مخوفني منه اني قريت في كذا حتة ناس بتشتكي من ضعف الشاشة وانها قابلة للكسر بمنتهي السهولة...وانت عارف ان اي موبايل معرض انه يقع او يتخبط مثلا فانت ايه رايك في الموضوع ده وهل فعلا الكلام ده صحيح؟؟؟

وبالنسبة للضمان والدعم بتاعه انا بصراحة متخوف منه لاني بردو ان الدعم بتاعه سيء...الموبايل نفسه عاجبني بس بردو فيه حاجات لازم نحطها في اعتبار...الموبايل مش شكل وامكانيات وبس.
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك