تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج S5330 Wave533
للرجوع الي صفحة سامسونج S5330 Wave533 الرئيسية اضغط هنا

بدون عنوان

rayas5
rayas5
2012-02-19 (03:39:48AM)
تــجــربـــتـــى مــع الـــموبــايـــل ...... موبايل ملهوش حل :)
ياجماعه الموبايل دا معايا من شهر 12 / 2010 وراجعو التعليقات بتعاتى فى صفحه 49

الموبايل شغل معايا زى الفل حمااااار شغل وقع منى كذا مره وقعات غبيه وشغااال تمام

التاتش: بتاعه ممتاز لانه شغال بخاصيه سمارت فون يعنى التاتش بتاعه عامل زى الاى فون
البطاريه: بتاعته سبحان الله اوى مره اشوف موبايل بيعد 8 ايام من غير شحن
دا انا مره كنت مسافر القاهره عند عمتى ونسيت الشاحن هناك وروحتلها تانى بعد اسبوع والموبايل كان لسه فيه شرطه شحن :)

الالوان بتاعته زاهيه وزى الفل
الوايرلس بتاعه سريع طلقه
السنسور بتاعه سريع جدا
صوته عالى ومظبوط
*** والاهم ان معاه برنامج مجانى بتنزل من عليه العاب وبرامج وثيمات حديثه وببلاش
الكاميرا صورتها نقيه جدا بس للتصوير النهارى ودا بيرجع لان الموبايل مفهوش فلاش ودا ممكن يكون عيب بس بالنسبالى انا مش بتصور إلا فى الكليه .... يعنى الصبح :)

من العيوب الى لاقيتها فيه الكيبورد اثناء الكتابه بالعربى وجود اكثر من حرف على نفس الزرار يعنى الكاف والنون على زورار واحد فبدوس عليه مرتين عشان اجيب حرف الكاف مثلا زى بادت الموبايل العادى يعنى لكن فى اربع خمس حروف بس لكن الانجليزى مفيش اى مشكله فى الكيبورد
وايضا من العيوب الى لاقيتها فيه برنامج الفيس بوك الى نازل مع الجهاز مش تمام سعات بيهيس ويهنج لكن عادى بخش المتصفح زى الفل
والعيب الاخير هو برنامج الياهو ماسنجر والام اس ان ماسنجر انى مش بعرف اعمل شات مع حد اما اكون عامل اوف لاين :) هههههههههه عيب عبيط يعنى

بس عموما الموبايل دا مأدى الواجب وزياده وشيييييييك جدا ومقارنه بسعره فهو زى الفل انا اشتريته اول ما نزل ب 1150 جنيه الله اعلم بكام دلوقتى بس للى عايز يشتريه دوووووووس يا برنس وانت مطمن :) والسلام ختام ......
UWK07
UWK07
2012-03-15 (10:43:18AM)
يعني تنصحني اجيبوا ولا اجيب c5-03 ولا افضل بال 5800 xpress music وايه الفرق بين الاندرويد و البادا ؟؟ وليه الاندرويد احسن
Mema007
Mema007
2012-03-28 (01:32:47AM)
اللي حضرتك قلته في موبايلك عكس اللي عندي تقريبا..اولا البطاريه لو كملت يوم يبقي الحمدلله وخير وبركه ده لازم كل يوم بالليل يتشحن ومش بتاعي انا بس لا وبتاع صاحبتي كمان....ثانيا السينسور كان غبي جدا فتره وبعدها طنشته خالص...ثالثا البلوتوث بتاعه كذا مره ميرضاش ينقل حاجه من اي جهاز تاني ولا يستقبل مع ان نفس الحاجه اجرب انقلها بين موبايلين تانيين بتتنقل عادي
الاهم بقي انه وهو بيشحن من اسبوعين كده جيت اشوفه لقيت الزراير مش شغاله يعني مفيش منيو وكمان مش راضي يشحن..وديته التوكيل في المنصوره ولسه جايباه النهارده من غير مايتصلح ليه لان الاستاذ قال ان البورده لقيوا عليها سائل يعني وقع في المياه طبعا هو لا وقع ولا حاجه واني افهمه ان الموبايل جايباهولهم شغال لحد ماقفل خالص ودول مافيش المهم قالي ده كده سوء استخدام وتغيير البورده ب 80% من تمن الجهاز يعني كأني بشتري جهاز جديد
بصراحه انا كده فهمت انهم لقيوا المشكله غاليه فقالوا يدبسوها في العميل بحجه سوء الاستخدام وعشان كده انا هتصل بحمايه المستهلك بكره باذن الله وهبلغ عنهم ..
يعني كفايه ان الواحد كان مستحمل مساوئ الموبايل عشان مميزاته والواي فاي اللي فيه
بس توبه اني اشتري سامسونج تاني
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك