هو عموما الفرق مابين الاس 6 والاس 7 هيكون فى الاتى :

1- نفس حجم الشاشة 5.1 للاتنين بس الشاشة هتكون اقوى فى الاضاءة بفرق 20%

2- بروسيسر 2.3+1.8 من نوع 8890 octa core exyons , وهنشوف عودة للسناب دراجون اصدار ال 820

3- الرامات هتكون 4 جيجا مقابل 3 جيجا للاس 6

4- بطارية اقوى شوية لسة ماتمتش تحديدها بس غالبا هتكون 2750 mah مقابل 2550 فى الاس 6

5- حماية الشاشة والظهر الزجاجى من الجوريلا جلاس 5 مقابل 4 فى الاس 6

6- كاميرا امامية 5 ميجا بس هيتم تعديل المكان بتاعها , والخلفية هتنزل ب 12 ميجا بيكسل بخاصية ال bright cell

7- الاشاعات بتقول انة هينزل مزود ب ( كارت ميمورى - ضد الماء والغباء )

هيتم تعديل الحواف فى الخلف ليشبة تماما النوت 5

معتقدش ان الهاتف هيكون مقاوم للمياه والغبار واخبار مؤكده انه هيكون غير داعم للذاكره الخارجية ..عموما الهاتف هيكون بمعالجين اكزينوس وسنابدراجون .
حتى هذه اللحظه لا يوجد اي فارق جوهري بين الاصدارين يستحق الترقيه وعموما يا خبر النهارده بفلوس بكره يبقي ببلاش ..هنستني ونشوف يمكن سامسونج تفاجئنا بحاجه مبهرة ...حاسس ان الشركات المصنعه مايقاش عندها حاجه تقدمها جديده ...المهم سيبك انت من كل الكلام ده اخبارك ايه يا رب تكون بخير .

تمام ياباشا الحمد لله , يارب تكون بخير وبصحة وسلامة

اللى انا قايلة فوق دة ان شاء الله اللى هيكون موجود , لكن بالنسبة للكارت ومقاومة الماء مش اكيد بس لية لأ وخصوصا ان الزد 5 نازل بنفس الخامات وظهر زجاجى بردة ومقاوم للماء والغبار وخصوصا انها كانت خاصية مطلوبة جداا , وكمان كارت الميمورى اللى اتشال فى الاس 6 , السبب فى قلة مبيعات الاس 6
فلازم يعدلوا كل الحاجات دية عشان الاس 7 يرجع يمسك صدارة من اول وجديد

كده الى معاه + samsung s6 edge
لو غير ل 7 يبقى بيرمى فلوس فى الارض

هو حتى الان المصادر بتقول , ان التليفون هيكون ازيد من الايدج+ فى البروسيسر وكارت الشاشة وكارت الميمورى فقط لاغير

وطبعا بما ان البروسيسر مش هيفرق تقريبا فى حاجة لان كلها ارقام , فاللى هيفرق بس كارت الميمورى لبعض الناس

دة بالنسبة للايج +

اما بالنسبة للاس 6 العادى , الفرق هيكون ( رام + بروسيسر وكارت شاشة + كارت الشاشة+ضد المياة + البطارية اقوى ) وهيكون الاس 6 افضل منة فى الانفرا فقط

يعنى من الاخر اللى معاة الاس 6 لو نقل للاس 7 هيكون تمام اوى بالنسبالة , لانة هيحس بالنقلة دية خصوصا البطارية

لكن لو نزل الاس 7 من غير كارت ميمورى او ضد المياة , يبقى الفرق هيكون فى الرام والبروسيسر ودول مش مهمين خالص لان 3 جيجا رام ممتازة جدااااااااااااااااا مش محتاج اصلا سمارت فون اكتر من كدة فبردة مانصحش حد يغير للاس 7 فى الحالة دية

الايدج بلاس في حد ذاته طفره في عالم صناعه الهواتف ووميزات الشاشة الجانبية رائعه بس للأسف الحلو ميكملش كان ناقصه دعم للذاكره الخارجية والاي ار ...

هو حلو بس المشكلة ان الشاشة المنحنية , مش عملية اوى , وكمان فرق السعر مابينة وبين النوت 5 , يبقى الواحد يختار النوت 5

وكلها ازواق فى الاخر

بس فعلا لو فضل الوضع كدة هيكون الفرق قليل اوى مابين الايدج + ومابين الاس 7 , وساعتها الاس 7 هيقع وقعة زى الاس 6 بالظبط

انا معاك يا كبير لو الامور مشيت علي كلامك يبقي الاس 7 هايقع زي الاس 6 فعلا ... بس الواضح كده ان سامسونج هتعتمد علي اصدارات الايدج بلاس فيما بعد يعني ممكن نشوف جهاز خرافي وهو 7 ايدج بلاس ..

ممكن يا سامح يحصل نفس الى حصل مع نزول الاس 6 لو تفتكر اختفى من السوق الاس 5 حتى الان بالرغم ان وقتها كان موجود الاس 4 فى التوكيلات
انما الاس 5 مكنش موجود منه غير مخزون فى بعض المحلات

هو هينزل بس بنفس المواصفات مع شاشة اكبر ومنحنية

هو دلوقتى مشكلة الاس 6 معايا انة فقد اهم حاجات كان بيتميز بيها الاس 5 ( ضد المياة - كارت الميمورى - البطارية - usb 3 - الشاشة بقت اصغر حاجة بسيطة من الاس 5 )

الحاجات دية كفيلة ان اللى معاة اس 5 مايفكرش يغير للاس 6 , لكن الاس 6 كهارد وير اتطور عن الاس 5

طيب هنا سامسونج كانت لازم تعمل الخطوة دية انها تشيل الاس 5 من السوق لان كان سعرة هيبقى ممتاز وكان هيوقف مبيعات الاس 6 , زى النوت 4 بردة مانقصوة من السوق تماما عشان النوت 5

لكن صعب يحص مع الاس 6 ولا حصل يبقى الصراحة سامسونج بتتضرب نفسها فى السوق ان كل 11 شهر تلغى تليفون من السوق كان تمنة من 7 شهور بس 6000 جنية ودلوقتى بقى ب 4200 جنية

تمام عليك يا كبير ....الهاتف أصبح داعم للذاكرة الخارجية ومقاوم للمياه والغبار وفقا لمعيار ip والهاتف بكاميرا 12 ميجا بيكسل وجاءت الكاميرا بمستشعر سونى في جميع الإصدارات عكس المتوقع حيث الأجهزة التي تكون بمعالج سامسونج شريحة اكزينوس تكون بمستشعر سامسونج واصدارات كوالكوم شريحة سنابدراجون بمستشعر سونى كما عودتنا سامسونج و كما تميزت الكاميرا بتقنية حديثة متطورة تضاعف من جوده وحده الصوره..... عموما مش قولتلك سامسونج ممكن تفاجئنا ....عامة سيتربع الاس 7 والايدج من جديد على عرش هواتف الاندرويد ودي نقلة لفئه الاس ...في انتظار التجربة الفعلية والعمليه للهاتفين الاس 7 والايدج ...بالتوفيق أحبتى ...

تمام ياباشا , وكمان من المفاجأت فى الاس 7 ( انة داعم لخطين او خط وكارت ميمورى ودية ميزة ممتازة جداااااااااااااااااااااا - ان الجهاز فية تبريد داخلى عن طريق انبوب مليان بسائل تبريد حول البروسيسر )

الجهاز الكاميرا اوضح بفرق 95% عن الاس 6 والنوت 5

الجهاز بيتشحن من صفر الى 83% خلال نص ساعة فقط

الجهاز الزجاج الخلفى والامامى ضد البصمات , يعنى بنسبة كبيرة جداااا مش هنشوف اللى كان بيحصل فى الاس 6

صوت الجهاز نازل من سماعات عالية الجودة وافضل من الاس 6 بفرق كبير وواضح جدا سواء فى النقاء او الارتفاع

كدة الاس 7 فعلا هيكون متفوق تماماا على الاس 6 والنوت 5 بكل جدارة , واعتقد كدة النوت 5 هيقع جامد جدااااااااا

او الناس هتستنى النوت 6 اللى هينزل ان شاء الله كمان 5 شهور