تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 mini I9190
للرجوع الي صفحة سامسونج Galaxy S4 mini I9190 الرئيسية اضغط هنا

بدون عنوان

RUICOSTA
RUICOSTA
2014-02-16 (05:58:21AM)
الأخوة اللي بيقارنوا ومحتارين بين S4 mini والـ S3
انا كنت فى نفس الحيرة وفضلت فترة أقارن بين الجهازين قبل ما اشترى وبعد تفكير طويل قررت واشتريت S4 mini عن إقتناع شخصي مش لأفضلية بين الجهاز فى الإمكانيات .
وأحب أوضحلكم انى والله يوميا ماسك الجهازين كل واحد فى إيد :D لأن واحد زميلى فى الشغل معاه الـ S3 . ومن وجهة نظرى احب أوضحلكم نقاط التفوق لكل جهاز فى الآتى :

S3 يتفوق فى ( 1- الشاشة : نظرا لأن حجمها اكبر من الـ S4 mini بنص بوصة وكمان كثافة الألوان فيها أعلى وأوضح . 2- ذاكرة الهاتف : لأنها 16 جيجا مقابل 8 جيجا فى الـ S4 mini وده حسب اختيارك لأن الموبايلين بيركبلهم كارت ميموري لحد 64 جيجا . 3- الصوت فى النغمة أعلى نسبيا عن الـ 4 mini )

S4 mini يتفوق فى ( 1- أحدث فى التصنيع من S3 بسنة تقريبا فى السوق . 2- نظام الأندرويد اللى عليه نسخة أحدث من S3 وان كانت التحديثات بتلغى الفروق فى النقطة دي مستقبلا . 3- مساحة الرام 1.5 جيجا مقابل 1 جيجا فقط فى S3 مهمة . 4- الكاميرا أفضل نسبيا بفرق مش كبير نظرا لبعض الخصائص والمميزات الجديدة المنقولة من S4 العادي . 5- سرعة ملحوظة فى الأداء العام لأن البرسسيور 1.7 GHz ثنائى النواه مقابل 1.4 فى S3 لكنه أقوى لأنه رباعى النواه )

بإختصار الجهازين جُمال جدا وسعرهم متقارب وفى النهاية إختيارك الشخصي هو اللي هيحدد لأنك انت اللي هتمسك الجهاز وتستخدمه
hardtime
عضو مميز
hardtime
2014-02-16 (09:53:44AM)
تقرير ممتاز يل باشا فى تقدم ديما
ملحوظة
فى لبس غند الناس بسبب ازاى برسيسور ثنائى النواة بنافس برسيسور رباعى النواة
هقول للناس دى مهوا لو عرفت ان البرسيسور اللى موجود فى الاس 4 مينى نوعوا اسناب دراجوان من انتاج اكبر شركة لانتاج المعالحات على مستوى العالم مش هتستغرب
تحياتى ليك ياباشا.....
midojeep94
midojeep94
2014-02-16 (10:22:38AM)
كلام جميل جدا hardtime & RUICOSTA وانا معايا S4 mini ومقتنع بيها جدا
semsemSiR
مشرف
semsemSiR
2014-02-16 (11:20:41AM)
s4 mini جهاز جميل وحجمة مناسب , بس مشاكلة كلها تتلخص فى الاتى :

1- ان الجهاز صوتة منخفض

2- ماينفعش يتلعب علية الالعاب التقيلة

غير كدة الجهاز زى الفل ومافيش فية اى مشاكل
happier
happier
2014-02-16 (04:28:43PM)
أخ سمسم الاس4 ميني شغلت عليه اسفلت 8 و مودرن كومبات 4 وكانت سريعة... مش عارف زي إيه قصدك العاب ثقيلة ما تنفع مع الجهاز؟؟؟
semsemSiR
مشرف
semsemSiR
2014-02-18 (10:19:37AM)
فية ناس والله ياباشا اشتكت منة كتير فى الالعاب ومش هتصدق من اية ( subway ) ولازم يعمل كلير رام وبعد ما تشتغل اللعبة كويس وبعد كدة لما تبدأ الرام تعلى التليفون يهنج فى اللعبة

ودة بسبب ان التليفون الرامات المتاحة لية 1.32 جيجا , والمستخدم منة بيوصل ل 1.1 جيجا فتبقى الدنيا قليلة شوية

لكن اكيد عشان حضرتك بتعرف تستخدم الاندرويد كويس , فممكن تكون بتعمل force close لكل التطبيقات قبل ماتعمل اى حاجة عشان تلاقى سلاسة فى الجهاز
Coolmecool
Coolmecool
2014-02-18 (03:22:29PM)
ا/simism sir
تقصد ان المتبقى من رامات الجهاز للمستخدم هو الفرق بين 1.32 و1.1 يعنى 200ميجا فقط ؟؟
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك