تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 mini I9190
للرجوع الي صفحة سامسونج Galaxy S4 mini I9190 الرئيسية اضغط هنا

بدون عنوان

RUICOSTA
RUICOSTA
2014-01-09 (05:18:43AM)
بسم الله الرحمن الرحيم
تحية لكل الأعضاء المحترمين وعلى الروح الجميلة الموجودة هنا :)
---------------------------------------------------------

رأيي المتواضع فى S4 mini GT- I9190 بعد استعمال الجهاز حوالي 5 أيام . أذكر الناس انى اشتريته ضمان دولى بـ 2600 جنيه ، وركبت عليه كارت ميموري 8 جيجا كينجستون وجبتله جراب سينسور . وتقييمى ليه بالنقاط كالأتى :

أولا حجم الجهاز والمظهر العام : الجهاز شيك جدا ووزنه خفيف وتقدر تستعمله بيد واحدة بسهولة وتحطه فى جيبك مستريح أووي .ونظرا للخامات لأن الضهر بلاستيك أديله 9 / 10

ثانيا الشاشة : كمقاس أنا شايف ان 4.3 بوصة مناسبة جدا ليا شخصيا وواضحة حتى فى الشمس والألوان روعة . بس شايف ان لو كثافة البيكسلات كانت أعلى شوية من 256 وتوصل مثلا لـ 280 ppi او اكتر كانت هتبقى أجمد بكتير . عشان كده أديله 9 / 10

ثالثا الكاميرا : كويسة جدا والصورة واضحة وفيها مميزات جديدة وجميلة والفلاش قوي وتعتبر جيدة فى الوضع الليلي . أديله فى الكاميرا 8.5 / 10

رابعا البطارية : على حسب استعمالي شايفها جيدة جدا . استعمال متوسط قعدت معايا يوم ونص كحد أقصى . وجيت فى يوم قلت أضغط على الجهاز شوية صورت بالكاميرا كتير وفتحت نت بالواي فاي من الشغل عندى وحملت تطبيقات وألعاب كتير وشغلتها ومع المكالمات . ماكملتش معايا اليوم
وبالنسبة لشحن البطارية . لما فضيت منى خالص شحنت الموبايل بوصلة usb للكمبيوتر قعدت 4 ساعات ونص بالظبط لحد ما اتملت 100% ، ومن الشاحن عادي فى الكهربا قعدت حوالى ساعتين ونص لحد ما اتملت 100% . أديله فى البطارية 8 / 10

خامسا السرعة والأداء العام : من خلال تجربتى الشخصية لحد دلوقت أقدر أقولكم انسوا حاجتين (السخونة ، التهنيج) الجهاز ما شاء الله لا سخن ولا هنج منى ولا مرة سواء بإستعمال خفيف او وانا ضاغط عليه . والآندرويد اللى عليه تحفة وشيك وسريع جدا ، والنت ممتاز والألعاب شغالة تمام بدون أى تقطيع حتى التقيلة زى fifa 14 مثلا وجربتها بنفسي روعة . أديله فى الأداء 10 / 10

سادسا الصوت : 1- بالنسبة للمكالمات جميل جدا ونقى وتسمع اللى بيكلمك بمنتهى الوضوح . 2-بالنسبة للموسيقى لو بالهاند فري روعة وجميل جدا ولو من الجهاز هادي ورقيق وتقدر تقول متوسط . 3 - فى نغمة الرنين واطي نسبيا لكن مسموع وده حسب النغمة اللى انت حاططها
بس فى المجمل العام أديله فى الصوت 7.5 / 10
------------------------------------------------------------
ده رأيي الشخصي فى الموبايل عن تجربة .. اتمنى اكون قدرت افيدكم ولو بمعلومة بسيطة وأى سؤال او استفسار بخصوص الجهاز انا تحت أمركم :) وأسف على الإطالة
وشكرا
hardtime
عضو مميز
hardtime
2014-01-09 (06:50:29AM)
RUICOSTA
تقرير ممتاز ياباشا وديما فى تالق وتقدم
وربنا يحفظوا ليك
happier
happier
2014-01-09 (06:53:31AM)
مشكور على التقرير .... وجزاك الله خير.

ممكن أعرف كم قعدت معاك البطارية مع الضغط؟؟؟؟؟
Asaer
Asaer
2014-01-09 (11:54:57AM)
هل الجهاز اللى مع حضرتك بيدعم الـــ NFC

RUICOSTA
RUICOSTA
2014-01-10 (02:39:39AM)
تسلموا يارب :)

أستاذ happier البطارية جيدة وتقدر تحدد بتقعد قد ايه على حسب استخدامك . بمعنى
لو استخدامك خفيف للموبايل يعنى اخرك شوية مكالمات وفتح نت مرة او مرتين فى اليوم ممكن تقعد معاك يوم ونص تقريبا ، ولو استخدامك تقيل يعنى بتعمل مكالمات طويلة كتير وطول الوقت فاتح النت وبتشغل ألعاب كتير للأسف مش هتكمل معاك اليوم .

أستاذ Asaer أحب أوضحلك ان خاصية الـ NFC مش موجودة الا فى موديل GT-I9195 اللى بيدعم الجيل الرابع 4G فقط . وده مش موجود فى مصر وحتى لو موجود بيكون بضمان دولي وانا دورت عليه كتير جدا مش لاقيه فى أى مكان . لازم حد يبعتهولك مخصوص من برة
Asaer
Asaer
2014-01-10 (02:11:44PM)
RUICOSTA ..... خالص الشكر والتقدير
a7med9050
a7med9050
2014-01-10 (11:27:48PM)
السلام عليكم.............
اولا الف مبروك ع الجهاز والف شكر ع التقرير الجميل ده
كنت عايز اعرف بس انت جايب الجهاز ده منين عشان انا دورت كتير ع 9190 اللي هو بشريحة واحدة وملقتهوش
RUICOSTA
RUICOSTA
2014-01-11 (12:10:42AM)
لا شكر على واجب . انا تحت أمركم :)

أستاذ a7med9050 الموديل I9190 اللي بشريحة واحدة من الجهاز موجود فى السراج مول مدينة نصر بضمان دولى انا لفيت هناك حوالي ساعة كدة وسألت لقيت أقل سعر 2600 جنيه وأخدت معاه السكرينة الأصليه اللي ضد البصمة كمان فري :D
بالتحديد فى محل اسمه GREEN موجود فى الدور الأول فى المول

ومبروك مقدما على الجهاز
bassamy99
bassamy99
2014-01-15 (07:14:17PM)
سؤال بعد اذنك بما انك مستخدم حالي للنسخة GT- I9190
الموبيل فيه infrared للتحكم في الكمبيوتر زي الريموت ولا لأ؟
تاني سؤال هل خصائص الموبيل فيها خاصية Quick glance
دي صورة الخاصية في موبيل s4
اضغط هنا لزيارة الرابط
شكرا ليك
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك