تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 I9500
للرجوع الي صفحة سامسونج Galaxy S4 I9500 الرئيسية اضغط هنا

تقييم اداء اس 4 9500 باللولى بوب

semsemSiR
semsemSiR
2015-04-11 (09:43:07AM)
بعد نزول النسخة السعودى من الاندرويد 5 " لولى بوب " للاس 4 9500

ناس كتير قلقانة من اللى بتشوفة على النت من كلام وان الجهاز بيهنج والكلام دة

فالحمد لله نزلت اللولى بوب على الاس 4 وقولت اقولكوا تقييم الجهاز تفصيلايا

1- الشاشة :
ـــــــــــــــــــــ
الشاشة الوانها بقت افضل والاضاءة بقت اعلى ودية شىء كان الناس كلها بتتكلم علية فى الاس 4 ان اضاءتة كانت ضعيفة شوية , لكن مع اللولى بوب الاضاءة اتحسنت

2- السرعة والاداء :
ــــــــــــــــــــــــــــــ
الجهاز بقى سلس جداااااااا , وسريع اوى والانيميشن فية بقى شكلة جميل جداا , والجهاز بقى بيفتح كل حاجة بمنتهى السلاسة ( اسماء - رسائل - قائمة الاعدادت )
- النت بقى اسرع يعنى فتح معايا صفحة الجوجل بلاى بسرعة جداااااااااااا
- الواى فاى بقى اقوى
- نقل الملفات بقى سريع اوى
- الرامات " 1.07" جيجا المستخدم من 1.82 جيجا
- نفس المساحة للذاكرة الداخلية ماتغيرتش
- شريط الاشعارات بقى جميل وبينزل بسرعة رهيبة
- تحميل ال gallery والصور اللى فية ومجموعها 250 صورة + 55 فيديو ,.فى لمح البصر
- مافيش سخونية تماما ودرجة حرارة الجهاز طبيعية جدااااااا
- الجهاز سلس جداااااااااا , فى الالعاب , يعنى نزلت صب واى التاتش بتاعها بقى افضل واللعبة مابتقفش لحظة واحدة وسلسة اوى + لعبة اسفلت 8

3- الاوبشن :
ـــــــــــــــــــــ

1- شكل الكيبورد اتغير بقى تحفة وجميل جداااااااااااااااااااا والحروف بقت اوضح واكبر خصوصا باللون الابيض ,. وفية اوبشن زاد فى اعدادات اللغة والكتابة

2- الاسماء , اصبح عرضها بطريقة ممتازة وشكلها حلو اوى + سرعة فى تصفح الاسماء رهيبة بقى سلس اوى اوى

3- قائمة الاعدادات شكلها طبعا اتغير وبقى جميل عن الاول بكتير وبقت منظمة اكتر

4- طبعا طريقة عرض الجهاز بقت زى الاس 5 والنوت 4 ونفس شكل الايقونات

5- الكاميرا الصورة بقت افتح شوية عن قبل كدة

6- اللوك اسكرين بقت جميلة وسرعة فى فتحها رهيبة , بقت سلسة اوى

7- الصوت مافيش اختلاف فية غير بس ان نظام عرض ال music بقى زى الاس 5 والنوت 4 مابقاش زى القديم

4- البطارية :
ـــــــــــــــــــ

1- البطارية بالنسبالى ادائها ماختلفش , يعنى تقريبا هية هية مافيش اى اختلاف

2- درجة حرارة الجهاز طبيعية جداااااااااا

3- حالة البطارية , تم تقسيمة بطريقة جديدة تماما , توضحلك معلومات افضل عن الاول بكتيييييييير

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اهم الاسئلة اللى الناس كانت بتسئل عليها /:

1- الاسماء المكتوبة بالعربى بتقرى عادى جدااااااااااا بدون اى مشكلة

2- مافيش اى تهنيج تماما من اى نوع , مسكت الجهاز بهدلتة فى ايدى وفاتح برامج كتير اوى ولا الهوا مافيش اى تأثير الحمد لله

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مشاكل النسخة :

* هية مشكلتين بالظبط :

1- ان الجهاز مع اكتمال الشحن مش بيقول انة شحن ولا حتى بينور اخضر مش عارف بقى هل انا اللى مصبرتش علية بس انا هجربها تانى واقولكوا

2- مع تحويل لغة الجهاز الى اللغة العربية , الشبكة والبطارية والساعة كلة بيروح ناحية الشمال

انصح كل الناس بالتحديث هيغير معالم الجهاز تماما , وهيكسر حالة الملل للى معاة التليفون من فترة كبيرة

واى استفسار
markeerl
markeerl
2015-04-11 (12:23:07PM)
طيب عندي حبه طلبات كده بعد اذنك :)

1-ممكن طريقه ازاي انزل السوفت الجديد بالاودين واحملهم منين ..

2-و ازاي اعمل فورمات للجهاز قبل وبعد ( الطريقه من فضلك ) .. وايه لازمه اني اعمل كده ..

3-ازاي اخد باك اب من الابلكيشنز اللي عندي والاسماء والرسائل ..

4-تفضل اني استنى النسخه المصري .. ولا السعودي عادي .. وايه الاختلاف .. وهل هاياثر على حاجه ؟؟ ..
semsemSiR
مشرف
semsemSiR
2015-04-11 (01:09:42PM)
طريقة تنزيل السوفت عن طريق الاودين

1- هتقفل التليفون

2- وتدوس على power + home + volume down مع بعض لحد مايطلعلك الاندرويد

3- هيديك رسالة تحذيرية , دوس على volume up عشان تكمل

4- وصل التليفون بالكمبيوتر عن طريق الكابل

5- افتح برنامج الاودين

6- هتستنى لحد ماتلاقى على الشمال فوق لون مربع بقى ازرق او لبنى فاتح مربع اللى هو تحت ال id:com , وهتلاقى فية كلام اتكتب فى المربع اللى مكتوب على اولة message

7- بعد كدة هتروح على خانة ap وتختار المكان اللى انت حافظ فية النسخة اللى نزلت بعد ماتفك الضغط عنها

8- تستنى لحد ماتلاق المربع بتاع ال message اتملى كدة بكلام وفى السطر اللى قبل الاخير هتلاقى كلمة finished successfully

9- اتأكد ان كل حاجة فى الصورة اللى عندك دية هية زى اللى عندك بالظبط

اضغط هنا لزيارة الرابط

10 - قول بسم الله الرحمن الرحيم , ودوس start

ماتحركش التليفون خالص لحد ماتلاقية فتح لوحدة تماما وكتبلك فى الاوديتن كلمة pass بالاخضر , بعد كدة استخدم التليفون ودخل كل الاعدادات لحد ماتلاقى نفسك بتستخدم التليفون عادى , بعد كدة شيل الكابل

11- تعملى فورمات من الريكفرى بعد تنزيل النسخة وقبل التنزيل

طريقة الفورمات من الريكفرى مود

1- هتقفل الهاتف

2- هتعلق ايديك على ( باور + هوم + volume up ) وتفضل دايس لحد ماتلاقى الانسان الالى ظهر قدامك بعد كدة سيب الزراير خلاص

3- هتختار wipe cash partition وتدوس اوك دية مرة وهيتم الرجوع اتوماتيكا بعد الانتهاء من تنفيذ الامر

4- هتنزل عند wipe data/ factory reset وتأكد الاختيار , ثم yes delete all user data ولما يخلص تنفيذ الامر , تدوس reboot system now

* التحرك مابين الاختيارات عن طريق زرار ال volume ويتم تأكيد الاختيار عن طريق دوسة واحدة من زرار الباور

كدة انت عملت فورمات من الريكفرى

3- ازاى تاخد باك اب من التطبيقات , ممكن تبعتها لاى تليفون تانى او تعمل منها نسخة عندك ببرنامج app sharer , وبالنسبة للاسماء اعملها export to sd card هتلاقيها بقت عندك نسخة على كارت الميمورى , وفية بردة عن طريق برنامج ال kies 3 تقدر تعمل باك اب للاسماء - الرسائل )

* لو انت تليفونك لسة فى الضمان استنى , النسخة المصرى , مش فارق معاك نزل السعودى لحد ماتنزل المصرى
boody14
boody14
2015-04-11 (01:51:22PM)
انا الحمد لله لسي برده منزله النهاردة الصبح..
وكل كلامك صح يا سامح ماعدا الرام...
الصراحة الروم فشيييخ وانصح بتنزيله
markeerl
markeerl
2015-04-12 (09:06:21AM)
شكرا جدا يا استاذ سامح .. طيب انا تليفوني لسه في الضمان ..
وانت عارف الخوف والقلق :D .. انت تنصحني بايه .. انزل السعودي ولا استنى المصري ..


boody14 ايه ملاحظاتك عن الرام ؟؟
semsemSiR
مشرف
semsemSiR
2015-04-12 (12:44:51PM)
براحتك , عايز تستنى استنى , عشان بس ماتخرجش من الضمان

لان الرجوع للنسخة 4.4.2 ممكن يسبب مشاكل لشبكة الهاتف
boody14
boody14
2015-04-12 (04:06:26PM)
الرام تعتبر نفس استهلاك السوفت القديم تقريبا 1.2g استهلاك
semsemSiR
مشرف
semsemSiR
2015-04-13 (02:53:31AM)
تم تجربة الجهاز انهاردة فى الشحن , والحمد لله نور اخضر بعد اكتمال الشحن

يبقى كدة الحمد لله مافيش اى مشاكل للجهاز تماما , سوى بس ان الساعة والشبكة والبطارية بيكونوا على الشمال , غير كدة مافيش اى مشاكل تماما

وكمان البطارية اتحسنت عن الاول
Lessismooore
Lessismooore
2015-04-14 (07:10:58AM)
تسلم يا باشا على التقرير الجامد ده.

في بعض المشاكل سمعت عنها يا ريت تقولنا إذا كانت واجهتك ولا لأ؟

1- قائمة الـ Recent apps هل عند فتحها بتواجه بطئ ف الجهاز او بطئ ف القايمه نفسها؟
2- هل يوجد زر لإغلاق كل الـ Recent apps زي kitkat ولا لازم أقفل واحد واحد؟
3- هل يمكن وضع الجهاز على mute ؟ لإني سمعت إن النسخه الروسي او الهندي مش فاكر مفيهاش mute أو vibration إزاي مش فاهم!!!

*و من خلال تجربتك هل في أي ميزه أو اوبشن كان موجود في كيتكات تم التخلي عنه في لولي بوب؟
Lessismooore
Lessismooore
2015-04-14 (07:22:53AM)
4- بخصوص الروت صحيح ، هل قمت أو أي حد قام بعمل روت للنسخه المذكوره؟ و يا ريت لو في لينك او إختصار للطريقه...

5- في سؤال برضو أتمنى ألاقي ليه إجابه كنت سألته قبل كده ومالاقيتش رد و هو هل يوجد أي طريقه لإستقبال التحديثات الثانويه القادمه عن طريق OTA أو أي طريقه آخرى و أنا عامل روت للجهاز؟
*أنا فكرت ف فكره و هو لما أعرف إن في تحديث للسوفت أعمل unroot و أستقبله OTA و أرجع أعمل روت تاني ، فهل هذه الفكره مُجديه؟ أو في طريقه تانيه ؟

6- و هل أقدر أفلش customer recovery من الـ odin زي ما عملت برضو على الكيتكات ؟

7- تعرف برضو أو حد يعرف الروم الموجهه للإمارات أو مصر ممكن تنزل إمتى ، هل في خلال الشهر ده ولا ممكن تطول عن كده و هل هيبقى في تغييرات أو تحسينات ولا هي هي؟

أعتذر على كثرة الأسئله و لكني أريد التأكد من كل شئ قبل القدوم على تغيير السوفت لإن غالباً الرجوع للكيتكات هيبقى صعب إلى حد ما مع تغيير ملف الشبكه و خلافه و قد ينجح الأمر أو لا.

و شكراً جزيلاً.
مع التحيه ،،،
Lessismooore
Lessismooore
2015-04-14 (07:24:32AM)
و يا ريت لو في أي عيوب أو مُلاحظات على اللولي بوب يتم ذكرها هنا برضو و شُكراً.
amatoullah
amatoullah
2015-04-14 (01:47:39PM)
لو سمحت انا موبايلی جيباه من السعودية من شهرين ومفيش تحديث نزل هل لسه حينزل ولا ايه ؟ وجزاك الله خيرا علی شرحك الوافی
amatoullah
amatoullah
2015-04-14 (01:51:28PM)
معلش حضرتك البطارية اتحسنت مع التحديت ولا ﻷ؟ علشان انا البطارية عندی لسه بردو بتخلص بسرعة جدا مع ان استخدامی خفيف ومن غير العاب فيس ونت خفيف والموبايل لسه جديد؟وجزاك الله خيرا
semsemSiR
مشرف
semsemSiR
2015-04-14 (02:35:04PM)
Lessismooore

انا هجاوبك على الاسئلة بالترتيب :

1- مافيش اى مشاكل غير بس حجم الخط بتاعها صغر شوية , لكن مافيش اى بطىء ولا حاجة تهنيج تماما من اى نوع

2- اة ياباشا طبعا فية اغلاق كلى للبرامج مرة واحدة , وفية واحد واحد زى مانت عايز

3- لأ طبعا موجود عادى زية زى الكيتكات مافيش اى تغير

4- مافيش اى حاجة تم الغائها من الكيتكات كل حاجة موجودة , هو بس زاد فى شريط الاشعارات ايقونة اسمها star interruptions , ودية بتخلى اولوية لبرامج او مكالمات او رسائل او حاجة انت بتحددها تديك التنبيهات بتاعتها حتى لو انت عامل خاصية مانع الازعاج او ال silent mode

5- بالنسبة للحاجات الجديدة هعملها لوحدها واقولكوا اية الجديد

6- انا مش بعمل رووت لجهازى بس اللى انا عارفة , ان لسة الرووت ماشتغلش بشكل كامل على الاندرويد 5 , ودة بسبب ال knox 2.3 الجديد اللى اصبح موجود على الاس 4

7- اة طبعا فية , اتبع الطريقة اللى فى الموقع دة

اضغط هنا لزيارة الرابط

8- تقريبا كل النسخ ال custom بتفلشها عن طريق كارت الميمورى او الذاكرة الداخلية للتليفون , مش عن طريق الاودين

9- هيتأخر شوية غالبا على نص شهر 5 , وهيكون هو هو مافيش اى اختلاف ولو فية , هتلاقى update على طول نزل للنسخة السعودى

10- الرروم مافيش فية اى مشكلة من اى نوع حدث وماتقلقش , انا شغال بية بقالى اسبوع والروم مستقر تماما , مافيش تهنيج تماما سلس اوى , سريع جدااا , مافيش سخونية , الاستهلاك مافيش تغير , الكيبورد تحفة , يعنى انا معايا الاس 5 بالضمان , بفكر انزلة لولى بوب بعد ماحدثت الاس 4 بسبب جمالة

واى اسألة ياباشا اسأل براحتك
semsemSiR
مشرف
semsemSiR
2015-04-14 (02:41:30PM)
amatoullah

هل تليفونك النسخة ال 9500 ؟؟؟ ولا نسخة تانية ؟؟ عشان ال 9500 هو بس اللى نزلة التحديث السعودى

ولو تليفونك النسخة السعودى , هل انتى جايباة من السعودية بضمان ولا بدون ضمان , لان ممكن يكون موجهة لاى بلد تانية غير السعودية

* البطارية اصلا كانت عندى فى الكيتكات زى الفل , فمع اللولى بوب مافيش اى تغير فيها , هية هية نفس الاداء

لكن انتى ممكن تظبط معاكى لو مافيش اى مشكلة معاكى فى البطارية

جاوبينى على الاسئلة دية , وانا اقولك الحل ان شاء الله لو طلع تليفونك سعودى و 9500
Lessismooore
Lessismooore
2015-04-15 (01:54:39AM)
واضح إن النسخه الموجهه للسعوديه تم فيها حل المشاكل إللي الناس واجهتها ف الروسي.
تِسلم يا سمسم على الإجابات الوافيه الكافيه.
بارك الله فيك أخي الكريم.
و شُكراً جزيلاً،
مع التحيه ،،،
amatoullah
amatoullah
2015-04-15 (05:19:33AM)
ايوة فعلا حضرتك انا تليفونی جيباه من السعودية من شهرين النسخة 9500 وبضمان
semsemSiR
مشرف
semsemSiR
2015-04-15 (10:02:42AM)
amatoullah

ادخلى على setting / more / about device / status وشوفى هل فى الاخر مكتوب custom ولا official

* setting / more/ about device وانزلى تحت هتلاقى baseband version اكتبيلى الكود بتاعها عشان بس اتأكد من النسخة
amatoullah
amatoullah
2015-04-15 (11:55:06AM)
هو مكتوب فی الاول official.
والتانی الكود بتاعه i9500xxUGNf6
semsemSiR
مشرف
semsemSiR
2015-04-15 (02:05:40PM)
طيب عشان انا كدة بقى شاكك ان تليفونك مايكونش سعودى ,فعشان نتأكد تمام

نزلى البرنامج دة من الماركت

اضغط هنا لزيارة الرابط

وقوليلى البلد اللى قايل عليها للتليفون اية هل ( ksa ) ولا xsg
amatoullah
amatoullah
2015-04-15 (03:07:35PM)
معلش حضرتك هی فی انهی جزء اما نزلت البرنامج وفة جزء ال csc info مكتوب تحت csc country مكتوب nigeria هو كدة صح
semsemSiR
مشرف
semsemSiR
2015-04-15 (03:37:46PM)
تمام كدة , تليفونك كدة مش سعودى هو كدة نيجيرى , عشان كدة ماجاش التحديث ليكى

يبقى لو حضرتك عايزة تنزلى الاندرويد 5 , هيكون الطريقة الحالية ليكى انك تنزلها عن طريق الاودين

لكن غير كدة , تستنى لما ينزل التحديث لنيجيريا , هيجيلك هوائى , ودة بياخد وقت كتير

فشوفى اللى تفضلية اية وقولى علية
amatoullah
amatoullah
2015-04-15 (08:00:02PM)
هو حضرتك ايه رأيك استنی ولا انزله ؟ ولو استنيت لغاية ما ينزل التحديث حيبقی امتی وقصد حضرتك حياخد وقت كتير فی النزول عن طريق الهوائی يعنی ولا هو نفسه حينزل بعد مدة كبيرة . معلش تعبت حضرتك وجزاك الله خيرا.
semsemSiR
مشرف
semsemSiR
2015-04-15 (08:09:58PM)
لأ انا قصدى تنزلية اودين

لان التحديث هياخد وقت طويل على لما ينزل التحديث للدولة دية اصلا

فانا انصجك تنزلى النسخة السعودية
amatoullah
amatoullah
2015-04-16 (03:51:40AM)
طب معلش حضرتك ممكن تقولی انزله ازای علشان انا حدثت قبل كدة هوائی لكن ده اول مرة ياريت تشرحلی بالظبط الخطوات.وجزاك الله خيرا
semsemSiR
مشرف
semsemSiR
2015-04-16 (09:54:51AM)
اول حاجة هتفرمتى التليفون من ال recovery لو عندك اى اسماء - رسائل - اى حاجة على ذاكرة الهاتف اعمليلها backup الاول عشان كل حاجة هتتمسح

طريقة ال format :

1- هتقفلى التليفون

2- هتدوسى على power + home + volume up مع بعض لحد مالتليفون يفتح على الاندرويد الالى بعد كدة سيبى ايديك

3- هتنزلى على اختيار wipe cash partition / factory reset وتأكدى الاختيار , هيدخلك على قائمة تانية تنزلى عند اختيار yes delete all user data وتأكدى الاختيار , لما يخلص العملية دية هيرجعك للقائمة الرئيسية

4- تنزلى عند اختيار wipe cash partition وتأكدى الاختيار , لما ينتهى هيرجعك على القائمة الرئيسية

5- اختارى reboot system now

" يتم تأكد الاختيار بضغطة واحدة على زرار الباور

* ويتم التحرك مابين الاختيارات عن طريق volume up - volume down

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجهاز هيغيب شوية ماتقلقيش بعد الفورمات لحد مايفتح , وهيرجع كأنك لسة مطلعاة من العلبة , يعنى هتدخلى الاعدادت تانى من اول وجديد , اعمليلها كلها skip ماتدخليش اى حاجة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خطوات تنزيل النسخة :

هتقفلى التليفون

2- وتدوسى على power + home + volume down مع بعض

3- هيديكى رسالة تحذيرية , دوسى على volume up عشان تكمل

4- وصلى التليفون بالكمبيوتر عن طريق الكابل

5- افتحى برنامج الاودين

6- هتستنى لحد ماتلاقى على الشمال فوق لون مربع بقى ازرق او لبنى فاتح مربع اللى هو تحت ال id:com , وهتلاقى فية كلام اتكتب فى المربع اللى مكتوب على اولة message

7- بعد كدة هتروح على خانة ap وتختار المكان اللى انت حافظ فية النسخة اللى نزلت

8- تستنى لحد ماتلاقى المربع بتاع ال message اتملى كدة بكلام وفى السطر اللى قبل الاخير هتلاقى كلمة finished successfully

9- اتأكد ان كل حاجة فى الصورة اللى عندك دية هية زى اللى عندك بالظبط



10 - قول بسم الله الرحمن الرحيم , ودوس start

ماتحركش التليفون خالص لحد ماتلاقية فتح لوحدة , ودخل كل الاعدادات لحد ماتلاقى نفسك بتستخدم التليفون عادى , بعد كدة شيل الكابل

11- تعمل فورمات من الريكفرى بعد تنزيل النسخة وقبل التنزيل
semsemSiR
مشرف
semsemSiR
2015-04-16 (10:09:56AM)
اول حاجة هتفرمتى التليفون من ال recovery لو عندك اى اسماء - رسائل - اى حاجة على ذاكرة الهاتف اعمليلها backup الاول عشان كل حاجة هتتمسح

طريقة ال format :

1- هتقفلى التليفون

2- هتدوسى على power + home + volume up مع بعض لحد مالتليفون يفتح على الاندرويد الالى بعد كدة سيبى ايديك

3- هتنزلى على اختيار wipe cash partition / factory reset وتأكدى الاختيار , هيدخلك على قائمة تانية تنزلى عند اختيار yes delete all user data وتأكدى الاختيار , لما يخلص العملية دية هيرجعك للقائمة الرئيسية

4- تنزلى عند اختيار wipe cash partition وتأكدى الاختيار , لما ينتهى هيرجعك على القائمة الرئيسية

5- اختارى reboot system now

" يتم تأكد الاختيار بضغطة واحدة على زرار الباور

* ويتم التحرك مابين الاختيارات عن طريق volume up - volume down

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجهاز هيغيب شوية ماتقلقيش بعد الفورمات لحد مايفتح , وهيرجع كأنك لسة مطلعاة من العلبة , يعنى هتدخلى الاعدادت تانى من اول وجديد , اعمليلها كلها skip ماتدخليش اى حاجة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خطوات تنزيل النسخة :

هتقفلى التليفون

2- وتدوسى على power + home + volume down مع بعض

3- هيديكى رسالة تحذيرية , دوسى على volume up عشان تكمل

4- وصلى التليفون بالكمبيوتر عن طريق الكابل

5- افتحى برنامج الاودين

6- هتستنى لحد ماتلاقى على الشمال فوق لون مربع بقى لبنى فاتح مربع اللى هو تحت ال id:com , وهتلاقى فية كلام اتكتب فى المربع اللى مكتوب على اولة message هتلاقى كلمة add
كدة معناها ان التليفون تمت اضافتة

7- بعد كدة هتروحى على خانة ap وتختارى المكان اللى انتى حافظة فية النسخة اللى نزلت

8- تستنى لحد ماتلاقى المربع بتاع ال message اتملى كدة بكلام وفى السطر اللى قبل الاخير هتلاقى كلمة finished successfully

9- اتأكدى ان كل حاجة فى الصورة اللى عندك دية هية زى اللى عندك بالظبط

اضغط هنا لزيارة الرابط


10 - قولى بسم الله الرحمن الرحيم , ودوس start

ماتحركيش التليفون خالص لحد ماتلاقية فتح لوحدة , ودخلى كل الاعدادات لحد ماتلاقى نفسك بتستخدمى التليفون عادى , بعد كدة شيلى الكابل

11- تعملى فورمات من الريكفرى زى اول طريقة انا كاتبها فوق بعد تنزيل النسخة

دية النسخة اللى هتنزليها ولازم يكون عندك اكونت الاول على الموقع دة عشان تقدرى تنزلة منة

اضغط هنا لزيارة الرابط

ودية نسخة برنامج الاودين , اللى هنستخدمة فى تنزيل النسخة

اضغط هنا لزيارة الرابط

لو شايفة الموضوع صعب عليكى اقرى الاول الطريقة ولو فية حاجة صعبة قولى عليها قبل ماتبدأى
amatoullah
amatoullah
2015-04-16 (12:51:26PM)
جزاك الله خيرا .هی فعلا اصعب بكتير من التنزيل هوائی بس ححاول إن شاء الله . بس حضرتك النسخ اللی حضرتك بعتها بدوس عليها مش بتفتح عندی .ويكون عندی اكونت علی الموقع ده مش انا كدة متسجلة فيه ولا ايه ؟
وإن شاء الله ابدأ انزلها واقول لحضرتك لو فی حاجة
ومعلش لو التحديث نزل هوائی للتليفون عندی ممكن ينزل بعد اد ايه ولا شكله مش حينزل لنيجيريا اصلا
semsemSiR
مشرف
semsemSiR
2015-04-16 (01:26:28PM)
ازاى مش بتفتح , انا فتحتها عادى فتحت معايا

شوفى لو فية اى مشكلة قوليلى

التحديث هوائى بيكون مساحتة 1 جيجا و300 تقريبا , يعنى ممكن تسيبية ينزل حوالى 5 ساعات على حسب سرعة النت عندك

لسة ماعتقدش انة فى الخطة حاليا , انة ينزل لنيجيريا , عموما لو عايزة تنتظرى مافيش مشكلة

بس مش هيفرق حاجة بالعكس التحديث السعودى هيكون افضل , وكمان لما ينزل تحديثات تحسينية للنسخة , هتلاقيها بتوصل بشكل اسرع للسعودى عن النيجيرى

وزى ماقولتلك قبل ماتعملى اى حاجة او تبدأى فى الخطوات , لازم تكونى عارفة كل نقطة فيها

وهتتعمل ازاى
amatoullah
amatoullah
2015-04-18 (10:47:32AM)
مش عارفة بردو النسخ اللی حضرتك بعتها مش بتفتح معايا ولا انا علشان بدخل من الموبايل مش بتفتح؟
semsemSiR
مشرف
semsemSiR
2015-04-18 (12:43:21PM)
ادخلى على موقع

اضغط هنا لزيارة الرابط

واعملى اكونت علية

وادخلى على firmware هتلاقيها عندك فوق فى الاختيارات , واضحة من السهل انك تشوفيها

اكتبى s4 9500 فى المربع اللى هيطلعلك هتدخلى على النسخ اللى نازلة و اختارى منها النسخة ال saudi arab 5.0.1 واعمليلها داونلود

لو فى حاجة صعبة بردة قوليلى , او ابعتيلى سكرين شوت قبل ماتعملى اى حاجة
amatoullah
amatoullah
2015-04-18 (06:23:14PM)
جزاك الله خيرا. خلاص إن شاء الله اعملها واقول لحضرتك
Tetmo
Tetmo
2019-03-14 (10:47:35PM)
ممكن حد يرشحلى تلفون سعره معقول وامكانيات عالية وجزاكم الله كل خير
Tetmo
Tetmo
2019-03-14 (10:47:44PM)
ممكن حد يرشحلى تلفون سعره معقول وامكانيات عالية وجزاكم الله كل خير
semsemSiR
مشرف
semsemSiR
2019-04-14 (04:55:16PM)
خليكى فى ال a50 كويس جدا وسعرة 5400 جنية
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك