تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 I9500
للرجوع الي صفحة سامسونج Galaxy S4 I9500 الرئيسية اضغط هنا

الاختلافات مابين 4.3 و 4.4.2 كيتكات

semsemSiR
semsemSiR
2014-05-04 (11:55:41AM)
طبعا بعد نزول الكيتكات لل S4 9500 رسميا فى مصر , حبيت اقولكوا الاختلافات مابين

الجيلى بين 4.3 و الكيتكات 4.4.2

1- اختلاف فى ايقونات شريط الاشعارات الظاهرة اعلى الشاشة فأصبحت باللون الابيض بدل من اللون الاخضر

2- التليفون كان الاول بيقرى المساحة الصافية فقط , دلوقتى بقى بيقرى المساحة الكلية للهاتف

3- اضافة ايقونة للكاميرا فى ال lock screen فى اخر يمين الشاشة

4- عند تشغيل ال music player فان الشاشة فى ال lock screen تأخذ شكل الصورة الموجودة فى مشغل الاغانى بكامل الشاشة

5- اضافة اوبشن جديد فى ال sound setting فى جزء منفصل تقدر من خلالة تحدد تنبيهاتك سواء للمكالمات او الرسائل او الايميل

6 - اضافة ميزة جميلة جدااا , ( single tap ) ودية تقدر ترد بيها على التليفون من خلال دوسة واحدة فقط , يعنى مش لازم تسحب السماعة ناحية اليمين , وكمان تقدر تشغل المنبة والنتيجة كل دة بضغطة واحدة فقط

7- اضافة ال talkback فى ال accessibility short cut ودية طبعا سهلت على ناس كتير جدا كانوا بيضغطوا الاختيار دة بعدها مش بيعرفوا يستخدموا التليفون ازاى او يقفلوها , فدلوقتى بضغطة واحدة تقدر تقفلها

8- اضافة اوبشن جديد فى ال gesture وهية التحكم فى تكبير الصورة وتصغيرها

9- التحكم فى الوان الشاشة

10- تنبية للرسائل والمكالمات الفائتة عن طريق نغمة

11- ترجمة جوجل اصبحت مدعومة

12- ترجمة سامسونج

13- اضافة شاشة مساعدة , تستطيع وضع فيها كل اختصاراتك

14- استرجاع من جديد خاصية 4×3 كيبورد بناء على رغبة عملاء كتير افتقدوها

15- اضافة اوبشن فى ال location

16- اضافة خاصية ال default application , ودية من خلالها بتحدد اهم البرامج بالنسبة ليك وتقدر توصل ليهم بسرعة , وبيجمع البرامج اللى ذات وظائف واحدة مع بعض

17- خاصية ممتازة ورائعة , وهية امكانية اخفاء للصور والفيديو الموجودة مباشرة من الاستديو ( ودية للناس اللى بتحط صور خاصة على الهاتف ومش عايزها حد يطلع عليها

18- اضافة الطقس للتواريخ السابقة يعنى اصبح فى ال S planner ممكن تدخل على يوم معين وتشوف الجو فية كان حالتة اية , طبعا لازم تكون مفعل النت عشان يعرضلك الايام دية

19 - بعض التغيرات فى اوبشن ال youtube الخاص بالجهاز

20- اصبح بالامكان طباعة اى شىء عن طريق ال wi-fi

21- اضافة اوبشن جديد فى ال s-view cover وهو show in call screen

22- تغير بعض الاسماء , واضافة بعد الاوبشن فى ال developer option

دية كل الاختلافات مابين الاتنين واى حاجة هفتكرها تانى هتم اضافتها

ملحوظة :

1- اللى بيعانى من ارتفاع فى الرامات هيتم حل المشكلة فى الكيتكات لكن اللى راماتة مابين 750-850 مش هيكون فية اى اختلاف

- البطارية محدش هيحس بالاختلاف الا اللى كان عندة مشكلة فى الاول
أحمد محمد
مشرف
أحمد محمد
2014-05-05 (01:36:59PM)
تقرير ممتاز يا باشا
بس في بعض النقاط مش موجودة على ما اعتقد او انا اللي مش ﻻقيها
زي النقطة 3 و 6 و 10 و 13

و 11 مش فاهمها ... يعني ايه التغيير اللي حصل ؟

و 8 و 9 و 12 و 17 اعتقد كانو موجودين قبل الكيتكات

و 16 خاصية بسيطة جدا و مفيهاش اي ابتكار
مش زي ما المقال وصفها .... دي ملهاش ﻻزمة تقريبا
كل الموضوع انك بتختار فيها اللانشر الاساسي و تطبيق للرسائل !
EmadAzmy
EmadAzmy
2014-05-05 (02:29:32PM)
تقرير رائع يا سمسم عاش يا كبير
semsemSiR
مشرف
semsemSiR
2014-05-05 (09:07:04PM)
احمد محمد

ربنا يخليك ياباشا

النقطة رقم 3 موجودة عندك ياباشا , تعالى عند اللوك الاسكرين هتلاقى ايقونة الكاميرا عشان تقدر تدخل عليها بسرعة ( ازاى مش موجودة عندك )

النقطة 11 كأنك قاعد على الكمبيونر بالظبط , تقدر تكتب الكلمة وتعملها ترجمة عن طريق جوجل او تترجم صفحة على النت

النقطة رقم 10 , ان لو عندك مكالمات فائتة يديلك نغمة تنبية ان فية مكالمة انت ماشوفتهاش

رقم 13 , زى widget تقدر تحط فيها كل اختصاراتك , هية كانت موجودة فى ال 4.3 بس اعتقد اتحسنت فى الاوبشن

رقم 6 , الخاصة بال single tab , المفروض هتدخل على accessibility وهتلاقى اختيار اسمة single tab فعلة وبكدة انت هترد وهتقفل المكالمات بضغطة واحدة بدل السحب شمال او يمين

على فكرة , بعد البحث عندى على التليفون لقيت الاوبشن دة كلة موجود فى ال 4.3 للاسف بس بمعنى تانى

يعنى اللى لسة على 4.3 يدخل على setting ثم my device ثم accessibility ثم easy touch mode ويفعل الاختيار دة هيلاقى الاوبشن دة اصبح عندة
semsemSiR
مشرف
semsemSiR
2014-05-05 (09:08:59PM)
تسلم ياعمدة , ربنا يخليك ياباشا
sadixz
sadixz
2014-05-05 (09:49:42PM)
هو انتا يا اخ سمسم حدثت تلفونك لــ كيت كات ؟؟؟
semsemSiR
مشرف
semsemSiR
2014-05-05 (10:33:13PM)
لأ , والله ياباشا كل ماقول احدث مالقيش فرق مابين الاتنين

تقريبا كل حاجة موجودة , بس بمسميات مختلفة , والحاجات المختلفة غير مهمة

فمالوش لزمة التحديث
ahmadaltayeb
ahmadaltayeb
2014-05-06 (04:07:48AM)
انا حدثت للكيت كات ... بالنسبة لل Singlt Tab انا لسة موجودة عندى تحت اسم
Easy Touch Mode زى الجيلى 4.3
ahmadaltayeb
ahmadaltayeb
2014-05-06 (05:15:53AM)
ازاى اقدر اخفى الصور او الفيديو من الاستوديو مباشرة ؟؟
أحمد محمد
مشرف
أحمد محمد
2014-05-06 (09:39:03AM)
ahmadaltayeb
الاخفاء موجود من ايام ال 4.1.2

ادخل الأستوديو و حدد العناصر اللي عاوز تخفيها و اضغط على زر ال menu
و اختار اخفاء العناصر
و بعد كده لو عاوز تشوفها تاني تفتح الاستوديو و تضغط على زر ال menu
و تختار عرض العناصر المخفية

لو ملفات سرية جدا اختار نقل الى Knox
.
.
semsemSiR
على فكرة يا سمسم ايقونة الكاميرا مش موجودة في اللوك بشكل أساسي
يعني موجودة ضمن الاختصارات عادي و بتتشال زي اي اختصار في اللوك
التحديث معملش فرق في شاشة القفل اطلاقا غير لما تكون مشغل موسيقى
و حد يعرف ازاي استخدم الشاشة المساعدة دي ؟
اﻻقيها فين ؟
semsemSiR
مشرف
semsemSiR
2014-05-06 (11:03:40AM)
لأ ياباشا ازاى موجود وثابتة

اضغط هنا لزيارة الرابط

شوف كدة الصورة دية
أحمد محمد
مشرف
أحمد محمد
2014-05-06 (11:26:10AM)
اها فهمت
لقيتها موجودة في اعدادات شاشة القفل
كانت ملغية عندي
هو بيخليك تختار بينها و بين ال 5 اختصارات
يعني اما هي او ال 5 اختصارات او ﻻ شيء
اضغط هنا لزيارة الرابط
بس انا حاطط 5 اختصارات منهم الكاميرا
ahmadaltayeb
ahmadaltayeb
2014-05-08 (08:14:17PM)
احمد باشا انا عملت زى ما تفضلت

لكن زرار ال Menu ما فيهوش غير Slide Show

مفيش حاجة اسمها اخفاء العناصر
أحمد محمد
مشرف
أحمد محمد
2014-05-08 (10:25:53PM)
موجودة ياباشا
لو موبايلك انجليزي هتلاقي اسمها Hide items
لكن اكيد انت فتحت الصورة و بعدين ضغطت على ال menu
المفروض تضغط عليه بعد ما تفتح الفولدر من بره مش الصورة نفسها
زي الصورة دي
اضغط هنا لزيارة الرابط
ahmadaltayeb
ahmadaltayeb
2014-05-09 (06:43:48PM)
احمد محمد

انا فتحت الفولدر وقبل ما اختار اى صورة ضغطت ال Menu فظهرلى الاتى :

Select item
Slideshow
Sort by oldest
Setting
Help

ولما اخترت الصور اللى عاوز اخفيها وبعدين ضغطت ال Menu لم يظهر غير اختيار وحيد Slideshow
ahmadaltayeb
ahmadaltayeb
2014-05-09 (06:48:49PM)
انا مش عامل install لل Knox

يمكن يكون ده السبب ان اختيار الاخفاء مش بيظهر ضمن قائمة الاختيار لانى لاحظت فيها اختيار

نقل الى Knox

بصراحة مش عارف واسف على الازعاج
أحمد محمد
مشرف
أحمد محمد
2014-05-09 (07:19:58PM)
ال Knox ملوش علاقة بالاخفاء العادي
انت بتضغط على زر ال menu بعد ما تفتح الاستوديو مباشرة و هنا الخطأ
بص
افتح الأستوديو
هتلاقي ألبومات .... او فولدرات يعني
افتح اي فولدر منهم و جرب
المشكلة انك لما بتجرب بتضغط على زر ال menu و اللي قدامك مش صور اصلا
بتضغط عليه و اللي قدامك فولدرات مش صور
و مفيش اخفاء للفولدر كله
الاخفاء بيبقى للصور اللي جواه
يعني افتح الأستوديو و افتح اي ألبوم و اضغط menu

و مفيش ازعاج ولا حاجة .... انا معاك لحد ما تلاقيها
ahmadaltayeb
ahmadaltayeb
2014-05-09 (07:29:40PM)
كده وضحت والف شكر يا باشا على المعلومة القيمة

اشكرك
kekokrsto
kekokrsto
2014-10-28 (12:53:31PM)
النقطه رقم 4موجودعندي على الجيلي بين ^_^
kekokrsto
kekokrsto
2014-10-28 (12:53:33PM)
النقطه رقم 4موجودعندي على الجيلي بين ^_^
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك