تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 I9500
للرجوع الي صفحة سامسونج Galaxy S4 I9500 الرئيسية اضغط هنا

تقييم اﻷس 4 بعد تحديث الكيت كات (Youssef shabana)

youssefshabana
youssefshabana
2014-04-29 (12:07:02AM)
تقرير مفصل عن الأس 4 النسخة I9500 بعد تحديث الكيت كات 4.4.2 الرسمي

في البداية أحب اقول ان التحديث حجمه بالظبط 460.79 ميجاوالتحديث ده موجه لدولة السعودية ودي أول دولة في منطقة الشرق الأوسط اللي ينزلها التحديث نبدأ بسم الله

اولا السرعة :- تحديث الكيت كات الصراحة خلي الجهاز أسرع بفرق واضح من الجيلي بين 4.3 وخلي استجابته افضل زي فتح وغلق الجهاز وللعلم ان التحديث مستقر ومفهوش تهنيج أو مشاكل اطلاقا

ثانيا استهلاك الرامات :- بصراحة انا فوجئت من معدل استهلاك الرامات بعد التحديث انا قبل معمل التحديث استهلاك الرامات كان اقل حاجة 1.12 جيجا من أصل 1.82 جيجا اما بعد التحديث بقي بيوصل ل 850 ميجا من اصل 1.82 جيجا لكن طبعا هيا مش ثابتة لكن مبقتش بتعدي ال 1.30 جيجا علي عكس التحديث اللي فات كان الأستهلاك بيوصل 1.65 جيجا او أكتر فدي نقطة مهمة جدا

ثالثا البطارية :- البطارية ادائها اتحسن كتير بدون مبالغة وبالأستخدام التقيل للجهاز بتقعد معايا يوم و يمكن أكتر وكمان السخونية قلت عن الأول بفرق ملحوظ

رابعا لوحة الأشعارات :- لوحة الأشعارات باللون الشفاف و الرموز بقت باللون الأبيض وانا شايف ان شكلها أفضل و أشيك من الأول

وكمان الجهاز بقي بيقرأ الذاكرة 16 جيجا بعد التحديث اما قبل التحديث كان بيقرأها 8.92 جيجاوكمان أضيفت بعض النغمات الجديدة في الجهاز لكن باقي التفاصيل مفيش فيها اختلاف كبير لكن التحديث ده تقريبا حل كل مشاكل الجهاز السابقة زي استهلاك الرامات و البطارية ادائها أفضل كتير عن الأول والتهنيج نادر جدا فانا أحب اطمن الناس اللي معاها الجهاز والتحديث وصلها لكن خايفة تحمله من أنه يتقل الجهاز او يعمل أي مشكلة فيه اقولهم متقلقوش خالص التحديث مستقر وشغال بسلاسة بدون اي مشاكل وحسن من سرعة و أداء الجهاز

ومبروك عليكم التحديث الجديد وأي استفسار انا في الخدمة :)

تقبلوا تحياتي

youssefshabana
أحمد محمد
مشرف
أحمد محمد
2014-04-29 (01:58:15AM)
شكرا على التقييم و بجد طمنتني لاني كنت خايف من التحديث
لكن مش فاهم نقطة لوحة الاشعارات
شكلها اتغير ازاي ... ياريت لو تجيبلنا لقطة شاشة ليها
لاني شفت فيديوهات للتحديث مكانش في تغيير
و كمان وضحلنا نقطة الذاكرة
المتاح منها ما زال 8.92 وﻻ زاد ؟
و رايك ايه عيوب التحديث ..... وﻻ مفيهوش عيوب ؟
youssefshabana
عضو مميز
youssefshabana
2014-04-29 (08:02:13AM)
معلش حضرتك فهمتني غلط انا أقصد شريط اﻷشعارات اللي بيبين نسبة شحن البطارية و الشبكة بقي باللون اﻷبيض بدل اﻷخضر

والذاكرة هي هي مفيش إختلاف لكن كان عندي قبل التحديث كان بيقرأ الذاكرة المتاحة لﻹستخدام بس اللي هي 8.92 جيجا لكن بعد التحديث بقي بيقرأ الذاكرة الكلية للجهاز اللي هي 16 جيجا لكن مفيش اختلاف في حجم الذاكرة المتاحة ولا زادت ولا قلت هي 8.92 جيجا

وبالنسبة للعيوب فانا لغاية دلوقتي مش شايف ليه عيب يذكر ومفيش فرق كبير بينه وبين اندرويد 4.3 لكن نقدر نقول انه حسن شوية من سرعة الجهاز و الجهاز نادرا لما يسخن وحسن كتيير من استهلاك الرامات زي ما قلت في التقرير وخاصية ال Multi Window اضيفت ليها خصائص كتيرة بقت زي النوت 3 بالظبط وحسن من أداء البطارية بشكل ملحوظ
أحمد محمد
مشرف
أحمد محمد
2014-04-29 (08:18:19AM)
طيب شكرا يا باشا طمنتني
بس انت قولت النسخة السعودي حجمها 460.79 ميجا
النسخة المصري بقى حجمها 460.80 ميجا
و ده معناه ان فيها خواص زيادة عن السعودي :D
ههه
هحدثها و اقولك فين الزيادة :D


بكره او بعده ان شاء الله
و ربنا يستر بقى
Hamaki
Hamaki
2014-04-29 (11:18:41AM)
اعمل التحديث من الموبايل ولا اعمله من kies والحاجات الى على الموبايل ايه نظامه هتتمسح ولا ايه ؟؟؟؟
أحمد محمد
مشرف
أحمد محمد
2014-04-29 (01:39:52PM)
هي مش هتفرق ..... بس اعمله من الموبايل أسهل
و مفيش حاجة هتتمسح ان شاء الله
youssefshabana
عضو مميز
youssefshabana
2014-04-29 (04:18:34PM)
مش شرط يكون فيه حاجة زيادة يا ياشا وعلي فكرة بعد ما نزلت التحديث فيه تحديث تاني جالي بعدها بأسبوع وكان مساحته 0.90 ميجا يمكن دي الحاجة الزيادة :D

بس مضفش أي حاجة جديدة مش عارف ايه لازمته الصراحة !
أحمد محمد
مشرف
أحمد محمد
2014-04-29 (08:00:23PM)
عادي هي التحديثات الصغيرة دي عمرها ما بتضيف حاجة جديدة
ده في تحديثات فوق ال 100 ميجا مفيهاش جديد !
mohamedali23590
mohamedali23590
2014-05-07 (02:51:15AM)
سلام عليكم
بعد إذنك انا عاوز اسأل على حاجه بخصوص ال S4 I9500 انا جايب التليفون ده من السعوديه في شهر 12 اللي فات والتليفون كان كويس جدا والحمد لله وكان عليه الفيرجن 4.3 اعتقد او اقل مش فاكر المهم انا عملت تحديثين "2" من ساعة ماجيبته التليفون دلوقتي عليه فيرجن 4.4.2 اخر تحديث
المشكله دلوقتي ان انا فاحت التليفون يوميا مكالمات وتشغيل فيديوهات يوتيوب وتشغيل اغاني Soundcloud وطبعا الفيس مفتوح علطول والواي فاي يوميا مفتوح لا يقل عن 20 ساعه وانا ف البيت ومشغل ال Power Save وعامل سطوع الشاشه Automatic الفيس طبعا فاتحه علطول وواتس اب وفايبر وغيرهم من برامج الشات ده غير الالعاب Candy Crush وكمان كنت منزل لعبه بتاعت عربيات حجمها جيجا وزياده بس مسحتها دلوقتي

** البطاريه كل ماتنزل شويه يعني يوصل مثلا ل 30 اجري اشحنه عشان ميفصلش مني واحيانا مبيوصلش لل 100% واشيله واشتغل بيه تاني واوقات بيشحن للآخر بس اللي مضايقني دلوقتي ان التليفون بيسخن من اقل استخدام يعني اكون فاتح واتس اب بس الاقيه سخن
والواي فاي شغال برضو كالعاده

**تاني حاجه بقى انا شايف حضرتك بتقول ان الرامات اقصى حاجه بتوصل ل جيجا و 200 ميجا
انا عندي الرامات علطول 1.38 جيجا وبتزيد كمان عاوز اعرف الرامات ممكن تكون بتأثر على ان التليفون يسخن وان البطاريه تستهلك علطول ولا مالهاش دعوه ؟
وعاوز اعرف حل موضوع السخونه ده وموضوع البطاريه اللي بتطير علطول دي مع العلم ان في الاستخدام التليفون في وضع السكون يعني اشحن التليفون 100% ممكن بعد 5 دقايق يبقي 99% لوحده يعني بحس انه من غير استخدام البطاريه مبتنزلش كتير
دي اكتر حاجه مضاايقاني لكن التليفون عموما زي الفل معايا وعاجبني اوي
fghahkj
fghahkj
2014-05-16 (10:54:00PM)
انا حدثت الكيت كات ومحستش باى تغير خالص هو هو الــ 4.3
youssefshabana
عضو مميز
youssefshabana
2014-06-14 (04:39:44PM)
جرب تعمل اعادة ظبط المصنع للجهاز وان شاء الله هيتظبط بس متنساش تاخد نسخة احطياطية للملفات بتاعتك ﻷن كل الملفات اللي علي الذاكرة الداخلية هتتمسح
midosamak22
midosamak22
2014-07-18 (09:27:41PM)
youssefshabana
لو سمحت ممكن تتواصل معايا ده رقمي 01061231902
انا مش بفتح نت كتير ومحتاج مساعده حضرتك
شكرا ليك ومنتظر مكالمتك
haron
haron
2016-04-03 (11:49:09AM)
والاس فور مينى .... ايه نظامه يا جدعان ...ممكن يتحدث وللا موش تبعنا ؟؟؟
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك