تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 I9500
للرجوع الي صفحة سامسونج Galaxy S4 I9500 الرئيسية اضغط هنا

s4 9500 vs s5

semsemSiR
semsemSiR
2014-04-21 (04:57:08PM)
من وقت الاعلان عن الاس 5 وجميع المواقع بتقول ان الهاتف يزيد حاجات بسيطة عن الاس 4

طيب انا قولت سيبنا من المواقع , وتعالوا نجرب الاتنين عملى

تليفون صديقى ( s5 ) والتليفون بتاعى ( s4 9500 ) وحطينا الاتنين وجها لوجهة بمقارنة تفصيلية واليكم الاتى :

بسم الله الرحمن الرحيم

1- الشكل : طبعا دة ازواق

بس فى المجمل تفوق الاس 4 فى النهاية من حيث

( انحف - اخف - مسكة الهاتف بسبب الحواف الاكتر انحناء - الشكل )

2- الخامات : خامات الجهازين واحد مع فارق ان ظهر الاس 5 من الظهر بملمس الجلد

3- الشاشة : طبعا الجهازين يعتبروا قريبين جدااا من حجم الشاشة تقريبا اللى انا شايفة 1.5 ملى فرف عرض و2 ملى فرق طول

3- الوان الشاشة : كل اللى اقدر اقولة ان مافيش اى فرق تماما فى الشاشة من حيث الالوان لكن حسيت ان اضاءة الاس 5 منورة سنة عن الاس 4 فى الصور لكن فى النت الاس 4 اضاءتة ازهى

ودة اختبار الشاشتين على وضع ال Standard لكن مع وضع ال Dynamic الاتنين زى بعض بالظبط مافيش فرق اضاءة والوان

والتاتش واحد

فى النهاية الشاشتين واحد مافيش اى فرق ( التعادل )

4 - الصوت : الاتنين نفس النقاء , لكن الاس 4 اعلى

5- السوفت وير والاوبشن : تفوق الاس 5 طبعا فية اوبشن وحاجات زيادة عن الاس 4 لكن ارخم حاجة قابلتنى فى الاس 5

*- الواجهة بتاعة الhome مش عاجبانى خالص وخصوصا لما بتتحرك يمين يروح مدخلك اتوماتيك على ال play magazine

*- الجهاز مافيش فية clear ram يعنى يقولك فقط لاغير راماتك كام

* الرامات اقل 1.81 جيجا وطبعا اقل من الاس 4 اللى راماتة الصافية 1.82
دة غير ان الرامات فى الاس 5 مانزلتش عن 1.2 جيجا فى مقابل ان الرامات عندى كانت 780 ميجا
والجهازين عليهم تقريبا نفس عدد البرامج والالعاب

- طبعا الاختلاف اللى ملحوظ ان الاس 5 زرار ال Setting بتاعة اصبح زرار خاص بال recent file والدخول على الرامات ولية شكل تانى خالص , ومهام الزرار دة بقت موجودة داخل الشاشة فى اختيار على يمين اعلى الشاشة ( ودة اتجاة لتخفيض استهلاك زرار ال home )

6- السرعة والاداء : انا محستش بأى فرق فى الاداء مابين الاتنين , الجهازين زى بعض تماما فى السرعة وتم فتح الالعاب هية هية بنفس السرعة

7- الكاميرا : تم التصوير بالجهازين بنفس الوضعية , ومش عايز اقول ان التفوق كان للاس 4 ازاى معرفش , بس دة كان فى صور معينة , وكمان كان فية مشكلة فى الاس 5 ان الصور اللى بيتم تصويرها بتتطلع اصغر على الشاشة من الاس 4 , مع ان نفس الاوضاع وكنت بصور ب 16 ميجا و 13 ميجا فى الاس 4 وصورنا بالاضاءة الضعيفة الاتنين طلعوا زى بعض فى كل حاجة بأستثناء بردة حجم الصورة مش عارف لية بتكون بمساحة صغيرة
لكن طبعا كأوبشن الاس 5 ازيد

8- الفيديو : مشكلة الاس 5 ان الفيديو فية بهتان لية مش عارف وضعيف كأضاءة بعكس الاس 4 اللى الوانة وسطوعة اعلى

فى النهاية كل اللى اقدر اقولة حاجتين اتنين بس

1- اللى معاة اى تليفون سامسونج اقل من الاس 4 , يشترى الاس 5

واللى معاة الاس 4 يستنى الاس 6 او الاس 7

لان انا بصراحة والله , بعد الانتهاء بالمقارنة دية , قولت الحمد لله على نعمة الاس 4

ارجو ان يكون التقرير عجبكوا وانا مستعد لاى نقاش
ahmadaltayeb
ahmadaltayeb
2014-04-21 (05:06:53PM)
انا معايا S4 وشايف فعلا انه موبايل جامد جدا
sadixz
sadixz
2014-04-21 (07:13:08PM)
يعني مفيش فرق بينهم سوى ان الاس5 سعره اغلى من الاس4

انا يلي عجبني في الاس4 هو ان شكله اجمل واحلى من الاس5
لانو الاس4 مساحته نفس مساحة الاس3 سوى ان الاس4 استغل كل المساحات الفاضيه

والاس5 هو اسرع بقليل من الاس4 يمكن فرق 2 ثانيه او 1 ثانيه
بس الاس5 شكله الخلفي جمييل لانهم غيرو شكل البلاستيك وهو يلي عجبني
ولازم تعرفو ان بطاريه الاس5 لازم تحذرو منها

شوفو الفيديو

اضغط هنا لزيارة الرابط
semsemSiR
مشرف
semsemSiR
2014-04-21 (07:47:49PM)
شوف هو الاس 5 مش اسرع من الاس 4 , نهائى الاتنين زى بعض تماما

ودة اللى احنا اتكلمنا فية كتير ان مافيش حاجة حتى الان برنامج بيقولك من متطلبات التشغيل ان تكون مواصفات الجهاز مش اقل من كذا

فعشان كدة اى حاجة بتشتغل على الاس 4 بتشتغل على الاس 5 والعكس زى بعض تماما

على فكرة دة مش جلد دة بلاستيك بملمس جلد , واصبح الان موجود للاس 4 فى التوكيل وكمان الاس 4 نازل بية فى النسخة بتاعتة ال black edition
أحمد محمد
مشرف
أحمد محمد
2014-04-22 (01:32:57PM)
مقارنة ممتازة يا باشا

انا شايف ان اللي عاوز يغير الاس 4 يجيب النوت 3 احسن
كفاية الرام في الاس5 تخلي محدش يجيبه
semsemSiR
مشرف
semsemSiR
2014-04-22 (03:45:09PM)
شوف ياباشا هقولك حاجة , النوت 3 معايا يوميا بجانب الاس 4 , لان انا جايب لصاحبى النوت 3 عشان هو عايز شاشة كبيرة فقولتلة مش هتلاقى افضل من النوت 3

بس بمقارنة بسيطة كدة مع النوت 3

1- الشاشة فى الاس 4 افضل كالوان , لان النوت 3 بحس ان الوانة مايلة للون الاحمر او غامقة , لكن الوان الاس 4 ماشاء الله واقعية جداا ,وتعتبر اول شاشة من السوبر اموليد ديك الوان زاهية وفى نفس الوقت تحاكى الواقع

- اللون الابيض فى النوت 3 مطفى بعكس الاس 4 تماما

2- الكاميرا فى الاس 4 افضل وخصوصا فى الليل , بيبان الفرق وخصوصا لو بتصور صور فيها تفاصيل او عناوين

3- بطارية الاس 4 اقوى من النوت 3 ( ودية بتجربة عملية بنفس الشغل مابين الاتنين ) النوت 3 نزل ازيد من الاس 4

كل حاجة بقى تعتبر متساوية , نفس الاداء , نفس الاوبشن

حتى الرامات يعنى الرامات عندى مابين 750-850 ميجا من 1.82 جيجا يعنى حوالى 1 جيجا لجيجا وشوية

وفى النوت 3 الرامات دايما بتكون 1.5 الى 1.6 جيجا من اصل 2.66 جيجا , يعنى تقريبا نفس المتبقى من الرامات فالبنسبالى الاتنين واحد

والتفوق للنوت 3 طبعا فى المساحة عشان النوت 3 مش متوافر فى السوق المصرى غير بالنسخة ال 32 جيجا + مواصفات القلم + حجم الشاشة الاكبر

من الاخر دة فئة ودة فئة ودة بيتفوق فى حاجات ودة بيتفوق فى حاجات

انا بس حبيت اعمل مقارنة بسيطة واقعية مابين الاتنين

نسيت اقول حاجة ان النوت 3 بيسخن مع الالعاب او النت بعكس الاس 4
أحمد محمد
مشرف
أحمد محمد
2014-04-22 (07:36:18PM)
اها كلامك مظبوط

طيب اللي عاوز يغير الاس4 يجيب ايه
اعتقد لسة مجاش الوقت اللي يستاهل فيه تغيير الاس 4
ما زال الاس4 منافس قوي للأجهزة الجديدة
في الكاميرا و الشاشة و الرام و الصوت و الاداء و البطارية
حتى في الإضافات و الاوبشن الجديدة
ده الاس4 فيه حاجات لسة مش موجودة في اجهزة 2014 للشركات التانية
زي الاشارات باليد و التحكم في الصفحة بحركة الوجه
و مستشعر الحرارة و الضغط و الرطوبة
و غيرهم
semsemSiR
مشرف
semsemSiR
2014-04-22 (07:53:52PM)
كلامك مظبوط ياباشا

وانا قولت اوبشن الاس 4 انت محتاج منة بس 30% والباقى اوبشن معاك فى التليفون لمجرد انة موجود مش اكتر

الصراحة عشان الواحد يفكر يغير مش اقل من الاس 7

او اللى يستاهل فعلا التغيير
drizzyman
drizzyman
2014-05-13 (03:34:50AM)
الكلام ده كله غلط ياسمسم ع فكره
semsemSiR
مشرف
semsemSiR
2014-05-13 (04:34:03PM)
drizzyman

لية بس ياباشا , ناقشنى وانا مستعد للنقاش فى اى نقطة انت عايزها
drizzyman
drizzyman
2014-05-14 (02:46:43AM)
بص تصميم الإس5 أكتر منه premium عن الإس4 والخروم وإحساس الجلد عشان تعرف تمسكه ومش يتزحلق من إيدك واللون الأبيض فيه جميل جدا ...كل النقط دى بيتفوق فيها ع الإس4
الكاميرا أفضل وفيها كذا خاصيه زياده عاملين شغل
الشاشه والإضاءه والألوان والكونتراست أفضل بكتير من الإس 4 برغم إنهم شاشه واحده وع الورق إس 4 البكسلات أعلى ....زائد الحجم الضئيل ده أهو بردو هيدى أفضليه
بردو نقطه ضد الميه وقفل الشاشه ببصمه وعداد القلب عاملين شغل بردو
النقط دى هى إللى بختلف معاك فيها عشان الباقى أعتقد متكافئين سواء أداء وموسيقى ومشغل فيديو وإتصال وشبكه عدا البطاريه معرفش لسه وضعها إيه
drizzyman
drizzyman
2014-05-14 (02:51:31AM)
متفق معاك ف نقطه الوزن ونقطه مسح الرام ورخامه الواجهه والمجله
ومتفق معاك ف نقطه إللى معاه إس4 فعلا مش شرط يجدد لإس5 بل بالعكس ممكن يستنى الأحدث
ومتفق معاك إن الإس4 جهاز جبار طبعا
semsemSiR
مشرف
semsemSiR
2014-05-14 (11:45:16AM)
طيب تمام ياباشا نبدأ نشوف نقطة نقطة

1- الشكل : انا قولت دية ازواق , انا شايف ان شكل الاس 4 متغير اى عن اى تليفون , لكن شكل الاس 5 , صعب جداا تعرفة ان اس 5 الا من الظهر + ان الظهر الجلد اصبح متاح الان للاس 4 يعنى مش شىء مقتصر فقط على الاس 5 , وكمان هو مين فينا بيجيب الجهاز بيمشى بية من غير جراب خصوصا للاجهزة دية , يعنى انا جايب جراب جلد للاس 4 , خلاص الموضوع اتحل تماما

الكاميرا : الاوبشن , طبعا زيادة وانا قايل كدة فوق فى المقارنة , مأنكرتش دة , بس صدقنى قارن الاس 4 بالاس 5 فى التصوير وانت تعرف ان الاس 4 بيطلع افضل فى وضعيات صور كتير وبيتعادلوا فى الصور التانية , يعنى فرق 13 من 16 ميجا , على الواقع ( صفر ) واحيانا تفوق للاس 4

الشاشة : والله ياباشا انا قارنت نفس الصورة على الجهازين كل اللى طلعت بية ان شاشة الاس 5 الونها اسطع لكن مش اتقل

واللون الابيض افضل من الاس 5 واقوى منة , وانا هحاول ارفع صور للجهازين جنب بعض

بس والله الفرق بين الشاشتين تقريبا واحد فى الالوان ودة لان شاشة الاس 5 منورة سنة عن الاس 4 , لكن فى اللون الابيض شاشة الاس 4 افضل ودة اللى لاحظتة فى النت اللون الابيض بتاع الاس 4 ناصع وواضح عن الاس 5

تمام , معاك فى باقى الاوبشن ( ضد المياة - البصمة - حساس ضربات القلب )

ماهو لازم يكون فية حاجات احدث والا ماكشن لية لزمة ينزل , بس انا شايف انها حاجات ثانوية مش مهمة , بأستثناء مقاومة الماء , مهمة طبعا

لكن البصمة وحساس ضربات القلب غير مهم بالنسبالى تماما
drizzyman
drizzyman
2014-05-14 (11:36:43PM)
حبيت فيك التفنيد ده ياسمسم وقربت تقنعنى فعلا وسيبك انت إحنا نستى التقيل
عندك نوت4 & LG G3
semsemSiR
مشرف
semsemSiR
2014-05-15 (02:04:19AM)
هههههههه

تمام ياباشا

انا كل اللى متوقعة فى النوت 4 ان هيكون بأندرويد 4.4.3 + بروسيسر 2.5 سناب دراجون 801 مش هينزل ب 805

والرامات هية هية هتكون 3 جيجا او بالكتير 3.5 جيجا

شاشة 5.8 بوصة بتكنولوجيا ال 4k معتقدش هتزيد عن كدة لانة كدة هيكون دخل على اعتاب فئة التابلت لو وصل ل 6 بوصة

ونفس الاوبشن بتاع الاس 5 واضافة خصائص جديدة لل s-pen

ال lg g3 كل اللى فية جديد هيكون الشاشة وممكن رامات اعلى والبروسيسر هو هو لو حصل فية تغير هيكون قليل جدااا وشوية اوبشن وكاميرا 13 ميجا بردة

ادينا مستنين ياباشا هنشوف التكنولوجيا هتودينا على فين
drizzyman
drizzyman
2014-05-15 (04:42:32AM)
توقعك صحيح.... أستاذ
semsemSiR
مشرف
semsemSiR
2014-05-15 (01:45:06PM)
على فكرة بجد , ياجماعة اوعى حد ياخد مقارناتة من النت ابدا , والله حاجات كتير مخالفة للواقع تماما

لازم تنزل تمسك الجهاز بنفسك وتحكم علية غير كدة ولا كأنك بتعمل حاجة
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك