تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 I9500
للرجوع الي صفحة سامسونج Galaxy S4 I9500 الرئيسية اضغط هنا

تقرير كامل عن الاس 4 I9500 (أحمد محمد)

أحمد محمد
أحمد محمد
2014-04-20 (12:59:01AM)
تقرير سهل و بسيط عن الهاتف على نفس نمط تقرير العضو المميز semsemSiR

"بسم الله الرحمن الرحيم"
الشكل :
الجهاز شكله تحفة و لو كان ملوش شبيه هيبقى افضل شكل في الهواتف الحالية كلها
لكن للأسف شكله شبه اللي قبله "اس 3" تماما مع بعض التعديلات البسيطة
لدرجة ان الناس كلها فاهمة اني لسة مغيرتش ال اس3 :D
لكن عموما الجهاز شكله تحفة و هيعجب اي حد
(8.5/10) فقط لأنه شبه معظم أجهزة سامسونج

التصميم :
الجهاز سمكه قليل و الحواف حول الشاشة صغيرة و عشان كده تصميمه ممتاز و حجمه مناسب جدا بالنسبة لشاشة 5 بوصة
لكن فقط مكان السماعة كان أفضل في الاس3
لكن بصراحة تغييره كان ضروري عشان ميبقاش نسخة من الاس3 ... مش ناقصة اصلها !
(9.5/10)

الشاشة :
رائعة جدا و دقتها عالية جدا و سطوعها عالي و كويسة جدا في الشمس
(10/10)

التاتش :
ممتاز و سلس و دقيق
(9.5/10)

الصوت :
السماعة الخارجية
صوتها عالي و لكنه تقريبا نفس صوت ال s3 مع زيادة في النقاء
و صوت النغمة أقل من صوت الموسيقى .... لكن كويس برضو و مفيش مشاكل
(9/10)

سماعة المكالمات
ممتازة و واضحة و عالية
(10/10)

ال headphones
صوتها ممتاز و أفضل من سماعة ال s3 بشكل ملحوظ
لكن مشكلتها إن فكرة الجلدة دي رخمة شوية و السماعة مش بتثبت كويس في الأذن و إستخدامها مش سهل
أنا بفضل السماعات التانية
(8.5/10)

الذاكرة الداخلية :
المتاح منها 8.94 جيجا ...... يعني تقريبا 9 جيجا و ده قليل عن الاس 3 بـ حوالي 2.5 جيجا
(7/10)

الرام :
هي 1.82 جيجا
لما بتعمل CLEAR بيديك من 850 لـ 1150 ميجا فاضية
حسب إستخدامك و حسب المدة من آخر مرة عملت فيها ريستارت للجهاز
لكن نقدر نقول في المتوسط 1000 ميجا فاضية بعد ال CLEAR
و ده تقريبا أكتر من 3 أضعاف الرام في الاس 3 لأنه كان بيديك حوالي 300 ميجا بعد ال CLEAR
يعني الحمد لله مفيش مشاكل في الرام و الجهاز ده هينسيك موضوع ال CLEAR تماما
(10/10)

الكاميرا :
هي قريبة جدا من الاس 3 .... كنت فاهم إن الفرق كبير أوي لكن إكتشفت إنه صغير
يعني في الإضاءة العالية مش هتحس بفرق تقريبا
لكن بيظهر فرق بسيط في الإضاءة المتوسطة و الضعيفة
و عموما الكاميرة ممتازة جدا و فيها خصائص جديدة تحفة و الفلاش قوي
(9/10)

الكاميرة الأمامية :
هي نفس كاميرة الاس 3 لا أزيد ولا أقل
و صورتها كويسة جدا في الإضاءة العالية
(8/10)

النظام و الواجهة :
هي نفس واجهة السامسونج اللي ملينا منها :(
لكن لا أنكر إنها عملية و سهلة الإستخدام
و عموما اللي زهق منها ينزل أي لانشر .... مش مشكلة يعني
و النظام ثابت لأبعد الحدود و مفيش أي تهنيج إن شاء الله
(10/10)

البروسيسور :
النسخة اللي معايا i9500 ... البروسيسور قوي و الأداء ممتاز
لكن للأسف كالعادة في بعض التأخير عند فتح أيقونة الهاتف أو جهات الإتصال
كنت فاهم إن الموضوع مختلف مع الاس4 .. لكن مشكلة بسيطة إن شاء الله
(9/10)

السخونة :
هي أكتر الإشاعات اللي طلعت على الاس3 و الاس 4
لكن الجهازين سخونتهم عادية و مقبولة جدا .... أنا لا أعتبره بيسخن !!
(9/10)

ال Sensors :
ممتازة و شغالة تمام

لكن تماما مثل الاس 3 ... في مشاكل في ال Smart stay, Smart pause
لا يمكن إستخدامهم أو الإعتماد عليهم مطلقا
فقط محسوبين علينا من ضمن الأوبشن بتاع الجهاز :(
(8.5/10)

البطارية :
بالإستخدام التقيل تستمر أكتر من يوم
و بالإستخدام المتواصل تستمر 16 ساعة على الأقل
و بالإستخدام المتوسط على الأقل يومين

و ده أدائها معايا في الإستخدام التقيل :
اضغط هنا لزيارة الرابط
و مدة الشحن الكـــامل من صفر% إلى 100% بالضبط ساعتين و 5 دقائق
(9.5/10)

الخلاصة :
لما تجمع التقييمات تلاقي الجهاز واخد 145 من 160
يعني تقييمي ليه بمنتهى الحيادية 90.6%
و بنفس الطريقة هنلاقي أستاذ semsemSiR إداله 119 من 130
في التقرير بتاعه
اضغط هنا لزيارة الرابط-(semsemSiR
يعني تقييمه للجهاز 91.5%

يعني نفس التقييم بتاعي تقريبا .... و ده تقييم ممتاز و فعلا الجهاز رائع و أي حد هيشتريه مش هيندم إن شاء الله
و ما زال من أقوى الأجهزة اللي في السوق و حتى بعد نزوله بسنة يقدر ينافس أي جهاز تاني قريب من سعره أو مش قريب !

أي حد بيفكر يشتريه يتوكل على الله و يشتري بدون تردد

و بالنسبة للون هو أزواق لكن أنا إخترت ال black mist
لأن الخطوط الكرومية أكثر وضوحا فيه و بتديه مظهر جمالي أكتر
زي الفريم المعدني أكثر وضوحا و إشراقا

ال white ــــــــــــ اضغط هنا لزيارة الرابط
ال black mist ـــــ اضغط هنا لزيارة الرابط

و النقوش في الإطار حول الشاشة شكلها أوضح

ال white ــــــــــــ اضغط هنا لزيارة الرابط
ال black mist ـــــ اضغط هنا لزيارة الرابط

و الإطار الكرومي حول زر الهوم شكله أشيك و أوضح في ال black mist
اضغط هنا لزيارة الرابط

و النقاط اللامعة في غطاء الظهر أوضح
اضغط هنا لزيارة الرابط
اضغط هنا لزيارة الرابط
اضغط هنا لزيارة الرابط

و الإطار الكرومي حول الكاميرا أوضح في ال black mist
اضغط هنا لزيارة الرابط
أحمد محمد
مشرف
أحمد محمد
2014-04-20 (01:16:27AM)
و اللي عاوز تفاصيل أكتر عن إستخدام البطارية يقرأ التقرير الرائع ده اضغط هنا لزيارة الرابط
MRMRR
MRMRR
2014-04-20 (05:10:03AM)
بجد انت فظيع انت وسمسم ماشاء الله عليكم بس شكلى كده ححتجلكم كتيييير قريب انشاء الله
بس عندى استفسار
وهوا الموبايل على ظهره هل بيكتم صوت النغمات مثلا او صوت الموسيقى
أحمد محمد
مشرف
أحمد محمد
2014-04-20 (08:44:57AM)
شكرا انسة MRMRR و احنا تحت امرك في اي وقت

الصوت بيتكتم و الجهاز على ظهره بنسبة 20% تقريبا
فرق بسيط مش كبير اوي

يعني لو الجهاز على ظهره و حد اتصل هتسمعي الصوت كويس
لكن لو موسيقى خليه على وشه افضل
و الجهاز في الاماكن المغلقة صوته ما شاء الله عالي جدا بجد
semsemSiR
مشرف
semsemSiR
2014-04-20 (09:54:34AM)
ياباشا اية التقرير الجامد دة , تسلم ايديك يابو حميد

تقريبا التقييم بتاعنا واحد للجهاز , مافيش اختلاف ودة بيدل على ان الجهاز ( روعة )

بس على فكرة موضوع سرعة فتح جهات الاتصال دية للاسف مشكلة الاندرويد 4.3 مش التليفون

لانها موجودة فى كل هواتف سامسونج التى تعمل بنظام ال 4.3

طيب انا عايز اقولك حاجة انا عملت اختبار ( note 3 vs s4 ) شامل متكامل لان الجهازيين تقريبا معايا يوميا , والاس 4 فتح فى قائمة الاسماء اسرع بفرق 0.2 ثانية عن النوت 3

يعنى دية مشكلة نظام مش تليفون

بس بقى فية عندى تقرير عملى لسة عاملة قريب ( s4 vs s5 ) تجربة عملية للجهازين وبفكر انزل التقييم ( اية رأيك ) ؟؟

انزلة واللى يحصل يحصل
semsemSiR
مشرف
semsemSiR
2014-04-20 (09:59:50AM)
MRMRR

دة بس من زوقك الجميل , واسألى براحتك

وزى ماقال احمد , ان التليفون مش بيتكتم غير بنسبة معينة قليلة جداا تقريبا نفس النسبة

لانك لو لاحظى هتلاقى ان الشاسية بتاع الظهر فية خط بارز عن السماعة بحيث انة ميخليش السماعة تتقفل + ان لو التليفون اتحط فوق زجاج ( اسمعى احلى استريو سماعات )

وملحوظة : بردة للناس عشان تخلى تليفونها اعلى

هتتدخلوا على MUSIC ثم SETTING ثم SOUND ALIVE ثم تنزلوا تحت خالص هتلاقوا CUSTOM واعملوا كل ال BANDS على اعلى حاجة ثم SAVE

واتفرجوا على فرق الصوت
أحمد محمد
مشرف
أحمد محمد
2014-04-20 (05:16:29PM)
الله يخليك يا سمسم و الجهاز فعلا تحفة

و مشكلة ايقونة الهاتف في كل الهواتف اللي مسكتها من اندرويد 4.1.2 و ما فوق
كنت فاهم انها اتحلت في الاجهزة الاعلى بداية من الاس4 لكن واضح ان الاجهزة ملهاش ذنب

عموما هي مشكلة بسيطة ان شاء الله

التقرير بتاع الs4 vs s5 نزله مفيش مشكلة
هيبقى مفيد للناس اللي محتارة بين الجهازين ... مع ان فرق السعر كبير
بس اعتقد الفرق العملي مش كبير
كفاية ان شكل الاس4 احسن بكتير
و انا شايف ان مبيعات الاس5 متواضعة جدا بالمقارنة بمبيعات الاس3 و الاس4 وقت نزولهم

ممكن كمان تنزل تقرير مقارنة شاملة بين الاس5 و النوت 3
و نزله في صفحاتهم و انا هحطه مع المواضيع المثبتة ان شاء الله
semsemSiR
مشرف
semsemSiR
2014-04-20 (06:31:32PM)
المشكلة ان تقرير الاس 5 , مقارنة بالاس 4 , هيزعل ناس كتير وممكن ندخل فى جدال لا نهاية لة

بس والله انا عشان لو قررت اكتب التقرير , عملت مقارنة تانية للتأكيد عشان اكون متأكد من كلمة هقولها

وربنا يسهل وهنزلها هنا ان شاء الله

وممكن انهاردة بليل او بكرة بالكتيير

انتظروا اقوى مقارنة
smsmjudo
smsmjudo
2014-05-16 (11:51:10PM)
طب انا دلوقتى محتار مابين النوت 2 والاس 4

اكتر اهتماماتى ف التليفون هتكون

1- الانترنت شىء اساسى
2-الكاميرا خصوصا التصوير الفتوغرافى مش الفيديو
3-قراة كتب بصيغة pdf
ويهمنى جدا مظهر الموبايل العام

فياريت مستخدمى النوت 2 والاس 4 يفيدونى لانى محتار فعلا اوى
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك