تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S4 I9500
للرجوع الي صفحة سامسونج Galaxy S4 I9500 الرئيسية اضغط هنا

تقرير كامل عن استخدام بطارية الاس 4

semsemSiR
semsemSiR
2014-04-02 (12:21:49PM)
تقرير بسيط عن استخدام بطارية الاس 4 , شغل مكثف جداااااااااااااااااااا , عشان اشوف اخر البطارية شغل جامد جداا هتقعد قد اية

تم شحن الهاتف يوم 31-3-2014 ,فى تمام الساعة السابعة وهو على 1% و وتم شحن الهاتف 100% فى تمام الساعة التاسعة بالدقيقة

سيبت الهاتف ماجيتش جنبة , لحد الساعة 7:30 صباحا , صحيت لقيتة على 99% طبعا بعد كمان المنبة معمل تنبيهة لمدة ثلاث مرات

تم استخدام الهاتف على النحو التالى :

1- تم فتح ال mobile data , وتشغيل لعبة subway لمدة نصف ساعة , قفلت اللعبة وبعديها على طول دخلت نت من على التليفون لمدة نصف ساعة

2- مسكت التليفون ماسيبتوش , من تغير لخلفيات , من مشاهدة فيديوهات , لتشغيل مشغل الموسيقى

3- تم تصوير حوالى 25 صورة , وتصوير فيديو بتاع 15 دقيقة , وكررت الموضوع دة لاكتر من مرة عشان اشوف افضل اوضاع التصوير وتجربة جميع خصائص الكاميرا

4- عمل مكالمات تجاوزت ال 3 ساعات على مدار اليوم

5- عمل chatting عن طريق yahoo messenger لمدة نصف ساعة

6- لعب subway تانى لمدة ساعة ونصف

7- تجربة جميع الحساسات فى الجهاز

8- طبعا الشاشة على اعلى اضاءة وبدون تشغيل موفر الطاقة

9- تشغيل لعبة real racing 3 لمدة ربع ساعة

والحمد لله التليفون وصل ل 5% فى يوم 1/4/2014 الساعة 9 ونصف مساءا

يعنى مدة التشغيل على الهاتف كانت يوم وكام ساعة

بطارية الاس 4 ياجماعة روعة بجد انا بجد اليوم دة ماسيبتش الهاتف من ايدى والله , كنت ماسكة طول النهار والليل لحد قبل مايتشحن

وقولت اعمل التقرير دة عشان الناس اللى بتسأل على بطارية الجهاز
ArchieDeacon
ArchieDeacon
2014-04-03 (05:37:53PM)
إنت اللى هايل يا سمسم ، وتقريراتك روعة ، إيه التنسيق ، والجمال ده ، معلومات موكدة ، تحس فيها فعلا بالتجربة الحقيقية والصدق الكامل مع التحليل الدقيق للأمور بإسلوب مبسط وسلس ، وبدون محاباه فعلا برافووووووووووووووووووووو عليك جدا ، أحييك على مجهودك الجميل ده مايكفيش فيه 100 نجمة

★★★★★★★★★★★★★★★★★★★★★★★★★★★★★★★★★★★★★★★★★☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

للأمام دائما يا بطل ، تسلم إيدك ..

شكرى و تحياتى ليك -:)
semsemSiR
مشرف
semsemSiR
2014-04-04 (10:27:49AM)
والله ياباشا , انا مش عارف ارد عليك اقول , كل اللى اقدر اقولة

ان زوقك عدى الحدود

ربنا يخليك ياباشا على الكلام الجميل دة , ومن بعض ماعندكم ياباشا

وكلامك دة " فوق قوق فوق راسى "

ودية شهادة اعتز بيها ياباشا

وربنا يديم المحبة والمعروف مابينا
ahmedneem
ahmedneem
2014-04-05 (11:41:39AM)
يا استاذ سمسم هو حضرتك الاندرويد بتاعك 4.3 ولا 4.4 ؟
semsemSiR
مشرف
semsemSiR
2014-04-05 (04:02:36PM)
4.3
ahmedneem
ahmedneem
2014-04-05 (08:24:41PM)
طب لية حضرتك مش منزلة الكيت كات هو مش كويس ولا اية ؟؟
semsemSiR
مشرف
semsemSiR
2014-04-05 (08:47:15PM)
مشكلة ال KITKAT انة بالنسبالى مافيش فية جديد

يعنى هو هو ال 4.3 مع تغير بعض الحاجات البسيطة جدااااا , الغير ملحوظة

فميش داعى انى انزلة

يعنى انا راماتى مش بتزيد عن 850 ميجا , وساعات والله بلاقيها 720 ميجا

ومع النت والالعاب , بتوصل ل 1.1 جيجا او 1.2 جيجا بالكتير

البطارية عندى الحمد لله زى الفل , ماشوفتش بجد فى قوتها والحمد لله

وكمان الهاتف سريع جداااااااااااا

انا نصيحتى اللى عايز ينزل الكيتكات يكون بيعانى , من ارتفاع فى الرامات او البطارية عندة بتخلص بسرعة شوية

غير كدة ولا اى حاجة
ahmedneem
ahmedneem
2014-04-05 (10:42:12PM)
يعنى افهم من كلام حضرتك انها بتفرق من فون لفون فى حكاية البطارية مع انهم الاتنين s4 I9500 طب ازاى ؟! اصل ابن خالى معاه الفون دة و البطارية بتخلص بشكل سريع مع انة مخلى السطوع على اوطى حاجة و استخدام مش تقيل.
semsemSiR
مشرف
semsemSiR
2014-04-06 (12:11:27AM)
هية مش بتفرق لتليفون لتليفون انا هقولك الموضوع ببساطة

هاتف الاس 4 فى اصدارين , الاصدار اول لما التليفون نزل كان من شهر 5 اللى فات تقريبا , كان فية عيب فى البطارية , وكانت بتبوظ , لكن تم تغيرها فى الاصدارت الجديدة من اول شهر 8 تقريبا

ثانيا : كان الجهاز الاول بينزل ب 4.2.2 ودة كان بيخلى الجهاز يسخن جداا مع استخدام فى التليفون

وتم تنزل نسخة 4.3 للهاتف فى شهر 9 تقريبا

المشكلة بقى ان الاجهزة اللى بتنزل مصر , كلها 4.2.2 لكن اللى فى الخارج كلها نازلة ب 4.3 من اول شهر 11

فهية دية اللى بتفرق , التحديث

يعنى انا متأكد تماما ان الجهاز اللى نازل من الشركة بأخر اصدار للنسخة بيكون افضل من الجهاز اللى بيتم تحديثة عن طريقة التحديث الهوائى

وكمان التحديث عن طريق الاودين بيكون افضل من التحديث الهوائى ( وجهة نظر ) وتم تأكيدها

فانت اهم حاجة لو هتشترى التليفون يكون اصدار حديث من اول شهر 11 وانت طالع لو ضمان دولى

لكن لو هتجيبة ضمان محلى يبقى تجيبة من اول شهر 10 وانت طالع عشان تضمن انة بالبطارية الجديدة
MohammedHashish
MohammedHashish
2014-04-09 (06:14:31PM)
استاذى الكريم تليفونى وارد الامارات واندرويد 4.3 i9505 والبطاريه مش بتقعد اكتر من 7 ساعات لو اشتغلت عليه فيس بس مش العاب ومش بسمع موسيقى ولا بصور ومشغل موفر الطاقه ايه المشكله
AhmedLiverPool55
AhmedLiverPool55
2014-04-11 (01:07:55AM)
بجد تسلم ايدك على تقرير ده

بس عندى سؤالين يا باشا

اول سؤال انا عاوز افهم ايه فرق بين انى اشترى موبيل ضمان دولى او ضمان محلى

تانى سؤال عاوز مكان فى القاهرة يكون موثوق فيه اشترى موبيل ويكون اصدار شهر 8 زى ما حضرتك كاتب وليك جزيل شكر يا باشا
semsemSiR
مشرف
semsemSiR
2014-04-11 (11:33:39AM)
ahmedliverpool55

ربنا يخليك ياباشا

الضمان الدولى بيكون الهاتف غير مخصص لمصر , وبالتالى لو حصل فى التليفون اى حاجة او حتى حبيت تعملة سوفت وير التوكيل مش هيقبلة , فانت بتشترى الهاتف من التاجر بضمان 14 يوم فقط بعد ال14 يوم المحل بيكون غير مسئول على الهاتف

لكن الضمان المحلى بيكون ضمان سنة من الوكيل فى مصر ضد عيوب الصناعة فقط

( التميمى - سيليكت فرع كارفور المعادى او مول العرب - دريم 2000 )
AhmedLiverPool55
AhmedLiverPool55
2014-04-20 (07:08:47AM)
نسلم ل رد حضرتك
manshy2
manshy2
2014-04-25 (12:10:42PM)
كونت حبب بقا اسئل شوية اسئلة
لو فكرت اشترى الأس 4 على نهاية شهر ابريل مثلا
من مصر من غير ضمان هل هيكون محدث على 4.3
وهيكون اصلا اصدار الموبيل حديث
وهتكون مشكلة السخونة فيه محلولة
وقصة البطاريه اللى انت بتحكى عنها هتكون مضمونة
ارجو الأجابات
midosamak22
midosamak22
2014-07-18 (09:32:35PM)
semsim لو سمحت انا عندي مشاكل ف البطاريه وعاوز اتواصل مع حضرتك بس انا مش بفتح نت للاسف
ده رقمي لو تسمح ترن عليا وانا هتواصل مع حضرتك 01061231902
titostarr
titostarr
2014-07-26 (06:20:40AM)
انا لسه جايب الفون دلوقتى و مش عارف اشحنه لما يفضى شحن واقفله واشحنه 7 ساعات ولا مستناش لما يخلص شحن واشحنه دلوقتى وهل اقفله اول مره وانا بشحنه ولا لا يااريت يا استاذ
semsemSiR او youssefshabanaتردوا عليا لانى لاحظن انكم بتهتموا با لاعضاء . وتقولى ايه الصح وايه الى يطول عمر البطاريه الشحن من اول 1 فى الميه ولا لما يبقا 30 او 40
titostarr
titostarr
2014-07-26 (06:21:03AM)
وشكرا
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك