تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy S III I9300
للرجوع الي صفحة سامسونج Galaxy S III I9300 الرئيسية اضغط هنا

تقرير كامل عن جلاكسى S3

Mahmoud Samir
Mahmoud Samir
2013-09-17 (02:45:12AM)
ازيكم يااحلي اعضاء ف الدنيا دا تقرير انا كتبته عشان اريح ناس كتير من الحيره والاسئله وكل واحد يقولهم راي شكل واتمني انكم تستفادوا تمام ومعلشوا لو فيه غلطه ف اي كلمه لاني كتبت كتير وكنت بكتب بسرعه اسيبكم مع التقرير

بسم الله الرحمن الرحيم
تقرير عن الهاتف/s3
أولا مقدمه
السلام عليكم ورحمه الله وبركاته
هذا التقرير مقدم مني شخصيا / محمود سمير وانه مجرد رأي شخصي يمكن ان يرضي طبقه من مستخدمي الاجهزه الجواله ومن الممكن ان يترك انطباع غير جيد عند البعض فأرجو عدم اخذ اي كلمه من كلماتي علي محمل شخصي مهما كانت لانه في النهايه لا اريد الا التعبير عن وجهة نظري المتواضعه تجاه الهاتف بجميع جوانبه .وربما انسي اي جانب من جوانب الجهاز ولكن باذن الله سوف اقوم بكل ما استطيع لكي اقدم التقرير بصوره ممتازه لترضي الجميع .

التقرير
اولا ياجماعه انا هاكتب التقرير بلغه عاميه عشان اقدر اتكلم براحتي بدون اي تكليف تمام نبدا
امكانيات الجهاز قمه في الروعه ونبداء من اول مانروح نشتري الموبايل جديد والنقطه دي هاتفيد حتي الناس ال هاتشتري اي موبايل اندرويد سامسونج جديد هاننزل ونروح التوكيل او المحل ال هانجيب منه وانا بفضل محل ليه محل لانه هايكون ارخص بكتير والفرق دا هايبقي انت اولي بيه اولي بكل جنيه توفره ودا مش بخل ابدا والله بس ليه تجيب حاجة مثلا بخمسه جنيه لما ممكن تجيب نفس الحاجة بجنيه واحد ساعتها لما يبقي قدامك الاتنين وتجيب اللي بخمسه دا ال اسمه تبذير صح ولا انا غلطان تمام حد هايقولي ممكن المحل مايكونش مضمون زي التوكيل هاقوله عندك حق بس انا مابتكلمش عن اي محل عادي وخلاص انا بتكلم عن محل يبقي معروف وليه صيته وزباينه زي التميمي او الونش ف الدقي او ...... الخ محلات كتير جدا او محل عندك ف منطقتك وتكون شايف ان شغله كويس وموثوق فيه تشتري منه طبعا يعني انا اشتريت الاس3 من محل بعدينا بكام شارع لاني واثق فيه واعرف ناس هناك يبقي ليه اروح اجيبه من التوكيل تمام نيجي بقي اول ماتروح تشتري هايجيبلك العلبه العلبه بيبقي عليها لزقه للضمان سواء سكاي او يونيون بتبقي مبرشمه العلبه مش قصدي مغلفاها كلها لا دي مجرد لزقه صغيره موجوده عند المكان ال بتفتح منه العلبه عشان لو اتفتحت قبل كدا هاتتعرف ف اوعي واوعي تجيبوا موبايل جديد مش متبرشم تمام بعد مايجيب الموبايل متبرشم ويفتحه بمقص او قطر قدام عينك هايطلع الجهاز قبل ماتشغله هاتمسكه ف ايدك وتشوف مرتاحله مرتاح لشكله لان ممكن ف ثانيه تغير رايك بعد ماتمسك اي جهاز خلاص الجهاز تمام وارتاحنا ليه حلو اوي اوي هانروح مركبين الخط والميموري والبطاريه وقبل ماتشغل او تشغلي الجهاز هانبص ف العلبه الكتالوجات كامله الاسطوانه بتاعه الكيز موجوده السماعه والوصله اليو اس بي والشاحن حلو اوي كدا الجهاز بحاجته كامله ندوس علي زرار الباور ونشغل الجهاز علي بركه الله طبعا هاتبقوا متجننين اصلا ومش قادرين وعايزين تاخدوا الجهاز وتجروا وتعيشوا معاه لا ايه شغل العيال دا اثبتوا شوية ماتكسفوناش قدام الراجل هههههه الجهاز هايشتغل اول حاجه هانعملها نفتح لوحه الطلب الارقام يعني هانطلب اي رقم ونكلمه طبعا رقم عارفينه مش رقم غريب مش عايز ذكاء خارق ابوس اديكوا المهم هانكلمه ويكلمنا خلاص سامعينه وسامعنا حلو اوي كدا المايك والسماعه شغالين نقفل ونيجي علي الكاميرا كاميرا خلفيه تمام شغاله فيديو وصور ندخل علي الاماميه لو فيه اماميه ونفس الكلام خلاص تمام نقفلها ونجيب النغمات ونشغلها السماعه الخلفيه شغاله يبقي تمام اوي نجرب جميع الزراير التاتش والزرار العاديه شغالين يبقي الحمد لله ناقص حاجات بسيطه ونطمن ان الجهاز مافهوش عيب هانفتح لوحه الطلب تاني ونكتب *#0*#وهايطلعلنا حاجات كتير منها الوان الشاشه هانختار لون لون هما حوالي اربعه وهانشوف يعني الاحمر مثلا هاتدوس هايجيبلك الشاشه كلها حمرا ولما تيجي ترجع منه لازم تدوس مرتين علي الرجوع عشان ماتفكروش ان الموبايل معلق طيب فايده الالوان دي ايه فايدتها ان لو فيه بكسل ميته ف الشاشه يعني نقطه مش منوره هاتبان ف دققوا جامد اوي تمام وبعد الالوان فيه الفيبريشن نطمن انو شغال بعديها التاتش هايجيبلك مربعات صغيره لازم تمشي عليها لحد ماتظللها كلها عشان تتطمن ان التاتش تمام وقولت نظلل المربعات بس مش الشاشه كلها تمام كدا يبقي الجهاز بمشيئه الله والحمد لله مافهوش اي عيب تشتريه وانت مطمن ياباشاهاتروح تدفع الفلوس وخلاص خدت الفاتوره طبعا ماحدش ينساها والنننننننبي عشان لو حصل حاجة واحتجتوها تمام دي عشان تطمن ان جهازك تمام ال اتكلمت فيه دا كله يعني مش الاس 3 بس نيجي بقي لموضوعنا الاس3 طيب نقطه ومن اول السطر بقي خلينا منظمين شوية هههه.
الاس 3 الموبايل الاكثر من رائع واللي يلبي جميع احتاياجات المستخدمين موبايل حجمه جميل جدا لا كبير اوي ولا صغير يعني احلي حجم موبايل طبعا اي موبايل شاشته 4 لحد 5 لازم يبقي حجمه روعه لانه افضل حجم تمام نيجي للتصميم الصور ال فوق تتحدث مش محتاج اتكلم ف دي تصميم خرافي وراقي تمام نيجي بقي للكاميرا اول حاجة الكاميرا انا مش هاعرف اوصفها لاني قربت اتجنن منها نفسي تصور صوره واحده وحشه اطفي نور الشقه كله يعني ماقدرش اشوف ايدي بعيني واصور بالفلاش كانك فيه شمس عندك ف الشقه ومنوره نور والدنيا جميله تصور بالنهار الصوره برضو جامده جدا يعني قمه ف الروعه نيجي للكاميرا الاماميه جميله جدا طبعا بس فيه نقطه عمرك ما هاتلاقي كاميرا اماميه بتصور ف ضوء قليل حلو طبعا مهما كانت والله بس مش وحشه برضو جميله جدا وروعه خلصنا الكاميرا تمام ندخل علي الصوت اول ماجبت الجهاز قولت ايه دا انا اضحك عليا كل الناس بتقول صوته عالي وحلو ونقي فين الكلام دا كله ما الصوت عادي اهو لحد ماظبطت الصوت من الاوكلاليزر وفعلا الصوت انا كنت نايم وظابط المنبه علي صوت عصافير وبحر ف لما رن وانا نايم انا فكرت نفسي بحلم اني ف الغردقه او مارينا ونايم على البحر وحواليا عصافير لا وكمان لما نزلت اغاني الكواليتي بتاعتها عاليه الصوت مالهوش حل اجمد موبايل استخدمته واستمعت بصوته نيجي لسماعه المكالمات طبعا رائعه بكل ماتحمله الكلمه من معاني كدا خلصنا الصوت ... نيجي للشاشه الشاشه اتش دي يعني حاجة عاليه جدا يعني انسي بقي اي موبايل استخدمته قبل كدا لانك ف الشاشه دي هاتستمتع بقمه الروعه ف الجرافيك والالوان بس بلاش تجيب حمايه الشاشه ضد الخدش لانها بتخلي الالوان باهته ف بتخلي الشاشه وحشه اوي هات لزقه نازله اسمها ضد الكسر دي سميكه شوية بس مش بتبوظ الالوان بتخلي الوان الشاشه واضحه جدا طبعا هاتجيبها هاتلاقيها غاليه ممكن حد يقولك 65 تمشي وتسيبه علي طول اللزقه دي انا جايبها ومكتوب عليها صنع ف امريكا ومعاها الاسطوانه بتاعتها الشرح عامله 35 جنيه فقط لا غييرررررررر تمام كدا خلصنا الشاشه ناقص ايه ناقص ايه اه ناقص سرعه الجهاز الجهاز رهيب ف سرعته وزي اي جهاز لازم تعمل كل فتره كلير للرام عشان يخف معاك وفيه نقطه هاخليكوا تعملوها هاتسرع الجهاز معاكوا هاتفتحوا لوحه الطلب وتكتبول*#9900# هايظهر كلام كتير بلاش تلعبوا فيه لانو خاص بالسيستم هاتنزلوا تختاروا كلمه Dbuge وتدوسوا عليها وتختاروا mid هايرستر معاكوا وبعديها كدا تمام
واي موبايل ف الدنيا حديث لازم ياجماعه والله يترستر كل حوالي 3 ايام على الاقل لازمممممم تمام كداوبكدا دي نبذه خفيفه عن الجهاز وسامحوني لو نسيت اي حاجة والله دا ال قدرت افتكره لو ناسي اي حاجة ممكن اي حد يستفسر عنها ف اي وقت وانا تحت امركوا اشوفكم علي خير.
تقرير/محمود سمير
للتواصل/فيسبوك اضغط هنا لزيارة الرابط
للموبايل وال whatsapp
01012753792
01149181271
thelord
thelord
2013-09-17 (09:28:11AM)
معاك في موضوع لزقه الشاشه بس ضد الكسر انواع انا جيبها ب 100 جنيه هيا مشكلتها انها بتتشرخ عشان سميكه فبتتخربش بسرعه و بتائر علي الشاشه بس مش اوي مش زي ضدد البصمات بالزات بتشوه الشاشه احسن حاجه الترا كلير مبتغيرش حاجه في الشاشه بس لازم تتاكيد انها هيا عشان في محلات نصابه بيقولو عندنا و هيا ضد البصمات او الخدش مش هيا
بنسبه لحاجه بسيطه في الموب الرام 1 جيجا و مع الوقت هيبئه الباقي منها حوالي 100 80 ميجا فابيهنج كتير دا عيب الموب الوحيد
موضوعك رائع و جميل جداً
a7medgemy
a7medgemy
2013-09-17 (10:48:08AM)
تقرير رائع جدا ، ياريت بقا نعرف اهم وافضل البرامج والالعاب للاس ثرى يبقا جزاك الله كل خير ,

يعنى برنامج لغلق البرامج المفتوحة ع الجهاز علشان رخمة اووى لما بفضل دايس ع الهوم ، برنامج لتنضيف الرامات ، للفيروسات ، برامج عامة مفيدة ياريت مكنش بسببلك اى ازعاج واعذرنى لانى مش متعمق اوى ف الاندرويد ومن وقت ما جبت الجهاز وهو زى ما هو عاوز انزل كل حاجة جديدة ومهمة وشكرااا جدا ليك :)

Mahmoud Samir
مشرف
Mahmoud Samir
2013-09-17 (07:31:29PM)
The lord موضوع التهنيج دا هايتم معاك ف اي موبايل لو ماعملتش الكلير رام والتهنيج شبه معدوم وانا مش بقولك كدا عشان معايا الهاتف لان بعد تحديثه التهنيج شبه معدوم
وبالنسبه للزقه الشاشه ال ب 100 انا والله جايبها ارخص بكتير لان صاحبي شغال ف عبد العزيز ف بجيب قطع الغيار والاكسسوارات بسعر ارخص بكتير وطلع كل الكلام ال ف المحلات دا دنيه تانيه يعني مثلا موبايل نوكيا قديم فلاته تغيرهاله واحد يقولك 25 جنيه وانت طالع وكله كلام فاكس الفلاته بتتجاب ب خمسه جنيه تخيل :D
Mahmoud Samir
مشرف
Mahmoud Samir
2013-09-17 (07:38:17PM)
تسلم يابو حميد بص ياصاحبي اهم برنامج تنزله مبدئيا اسمه Antivirus دا انتي فيروس وبرنامج تتبع للموبايل عشان لو لقدر الله اتسرق وتقدر تمسح كل ال عليه او تقفله برمز لو اتسرق وبيحدد موقعه تمام وبعديها تنزل برنامج Floating toucher دا هايخليك ماتستخدمش الزراير بتاعه الجهاز وهاتعمل كلير للابلكيشن المفتوحه بسهوله جدا بالنسبالي دول اهم برنامجين وطبعا البرامج الاجتماعيه زي الفيسبوك تشات والواتساب والفايبر وكام برنامج تاني كدا كل واحد حسب استخدامه ولو بتستخدم جراب فليب طبعا بتخنقك نقطه كل ماتفتح الجراب وتدوس علي الزرار عشان ينور لا ممكن تظبطه اول ما الجراب تفتحه الموبايل ينور وكل ماتقفله الموبايل يطفي الشاشه ببرنامج Smart cover والالعاب الاتش دي طبعا احلي العاب على الموب زي call of duty و gta vice city بس بتنزلها بملف الكاش بتاعها وملف الكاش بيبقي حوالي جيجا وفيه اكتر مشكلتها حجمها بس بس العاب مالهاش حل وفيه العاب كتير زيهم زي nova3
manoosha
manoosha
2013-09-17 (07:56:50PM)
حلو اوى الكلام دة شكرا ليك بجد
طيب لما نجيب اللزقة نقول عاوزين نوع اية نطلب اية ؟
Mahmoud Samir
مشرف
Mahmoud Samir
2013-09-17 (08:20:09PM)
ممكن ال الاستاذ The lord ٌ قال عليها الترا كلير او تجيبي ال ضد الكسر بس ال ضد الكسر لو لقتيها غاليه ماتجبهاش عشان هي اصلا مش بالسعر الغالي ال هاتجبيها بيه ولو هاتجيبي ال ضد الكسر حاولي تحافظي عليها
Messi10
Messi10
2013-09-19 (09:24:47PM)
تسلم إيدك يا فندم .. تقرير في منتهي الروعة وجزيل الشكر ليك
Mahmoud Samir
مشرف
Mahmoud Samir
2013-09-19 (10:30:52PM)
تسلم ياريس الف شكر
michealysha
michealysha
2014-04-16 (12:52:36PM)
طب انا عندى بيسخن شوية دة كدة صح ولا لا ؟؟؟؟ظ
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك