بص يا استاذي , احنا في مصر بيتنصب علينا اللي حصل ان سامسونج ادت توكيل الحجز المسبق للجهاز لكل منافذ البيع الكبيره في مصر , اللي من ابرزهم , موبيل شوب , رايه , شركات الاتصالات الثلاثه , i2 , و غيرهم من الناس الحلوه اللي بتذود علي سعر اي موبيل من الفئه العليا اكتر من 13% .
ايه بقي الهدايه اللي مقدمها سامسونج مصر , بور بانك سامسونج و خد المفاجاه , تذكره طيران لاوروبا و اول مره اشوف تذكره طياران من غير اسم دوله معلنه , يعني ممكن تلاقي نفسك في الاخر في قبرص دا لو ملقتش نفسك في بلطيم التذكره دي .
المصيبه الاكبر , الموبيل هايزنل مصر بسعر 11999 دا عند الناس الحلوه اللي انا قولت اسميهم فوق , اما بالنسبه للسوق العادي و علي راسهم dream 2000 و غيره من التجار الكبار , هايبقي تقريبا 9300 مع انه المفروض يبقي زي مانت بتقول 8 الف جنيه مصري و لكن تقول ايه في الدولار .
انصح اي حد عايز الجهاز دا بحاجه من اتنين , يا اما يجبه من برا مصر من دول معينه اسعرها فعلا معقوله , زي الامارات او السعوديه او كندا زي مانا هاعمل , او الحل التاني , استنا شويه لما الدولار يهداً كل اسعار الموبيلات هاترضع غصباً عن عين اي حد للسعر القديم اللي هو 17% اقل , يعني ال9300 هاتبقي فعلا 8000 و اعتقد دا سعر مبدئي كويس لجهاز النوت 7 و صدقوني مع نزل s8 للسوق هاتف النوت 7 هايبقي اقصي قيمه ليه في مصر 7600 و احتمال اقل كمان و لكن الصبر مش جميل .
اتمني اسمع راي المشرفين في الكلام دا ...................

tony195 متفق مع كلامك جدا و انا شايف ان سامسونج دائما لازم تعمل الفيلم ده مع كل موبايل جديد من الفئة العالية
من وجه نظري الا بيحصل دلوقتي بروبجندا اعلانية للموبايل و بعد ما هينزل مصر "بكام شهر" بشكل رسمي وكمان بعد ما اغلب الناس هتشتريه من بره مصر السعر هينزل.
وبصراحة انا شايف ان الا هيشتري موبايل ثمنة 11 الف ما ينساش يشترلوي عربية علي شان الموبايل ما يتسرقش منه :)