تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 5
للرجوع الي صفحة سامسونج Galaxy Note 5 الرئيسية اضغط هنا

تجربتى للنوت 5 و السعر

fahalan
fahalan
2016-02-09 (05:50:28PM)
انا جالى النوت 5 من السعوديه بمبلغ 2080 ريال . اللون دهبى . مساحة 32 . واللون الاسود 2040 لنفس المواصفات . وبضمان 24 شهر . يعنى لو ليك حد فالسعوديه اشتريه وانت مطمن .
فعلا جهاز رائع بكل المقاييس
عيوبه . البطاريه غير قابله للازاله . لكن ادائها كويس الى حد ما . و مع خاصيه الشحن السريع الرائعة ممكن التغاضى عن العيب ده وخاصة لو معاك باور بنك من نوع محترم زى السونى .
العيب التانى . الملمس الزجاجى بيترك اثار بصمات وده يتعوض بجراب . ولازم جراب واسكرينه للحمايه .
العيب الثالث . عدم وجود منفذ لكارت الميمورى . وانا شخصيا بستعمل التخزين السحابى وخاصه ان الموبايل بييجى معاه 100 جيجا كهديه على برنامج وان درايف . بس بتحتاج واى فاى سريع لان الباقات مش هاتنفع معاه .
وفالمجمل الباقى شئ رائع وكله مميزات . ولو فى اى سؤال انا فالخدمه .
AliAfify
عضو مميز
AliAfify
2016-02-10 (01:53:08AM)
ألف مبروك عليك
بإذن الله أنا هشترى النوت 5 من السعودية برضه ( ليا صديق بيعمل عمره وهيشتريه معاه وهوه جاى إن شاء الله ) بس نسخة الـ64 جيجا وتمنها 2500 ريال ... بس محتار بين الألوان !
أنا بفضل الأسود/الأزرق , ومحتار بينه وبين الأبيض وممكن الرصاصى .. لكن الذهبى مش مستظرفه خالص ( أذواق طبعا ) .
إنتا رأيك إيه فى موضوع الألوان ده بما إن الجهاز معاك ومعاك منه لونين !!؟
fahalan
fahalan
2016-02-10 (10:58:45AM)
مبروك مقدما
انا عاوز اقول لحضرتك ان الالوان كلها جميله جدا . لكن رأيى الشخصى ان افضل الالوان هى الالوان المعدنيه . وانا ارشح لحضرتك اللون الفضى . لون رائع . وانا كنت محتار بينه وبين الذهبى . لكن الفضى اكثر وقار . واختيارى للذهبى كان سببه انه لون جديد . وخاصه انا كان معايا الوان التسود والتبيض قبل كدا . اما الابيض هيضيع الشكل المعدنى اللى المفروض يكون واضح فالجهاز . لكن لولا اختلاف التذواق لبارت السلع .
ma7moud2020
ma7moud2020
2016-02-21 (02:55:37AM)
هل فعلا اداء البطارية فى وضع توفير الطاقة مع اقل نسبة سطوع تقعد حوالى 8 ساعات مع شحنة 50% ...الكلام ده لما شوفت الريفيوهات على مواقع اجنبية, لو كده فعلا يبقي ان شاء الله اشتريه وانا مطمن :)
AliAfify
عضو مميز
AliAfify
2016-02-26 (05:56:07PM)
شكرا جزيلا يا باشا .. إستلمت الموبايل أول إمبارح - نوت 5 ( 64 جيجا ) اللون ( Black Sapphire ) , وإنطباعاتى الأولية عنه كويسة مش بطاله !
starstar2
عضو مميز
starstar2
2016-03-01 (05:04:31PM)
AliAfify

مبروك علي الهاتف وربنا يباركلك فيه ..يا ريت تقولنا ايه اخبار نظام اندرويد 6 مع هاتفك لو حدثته ...ولك جزيل الشكر
fahalan
fahalan
2016-03-03 (08:18:26PM)
بص ياباشا
بالنسبة للبطارية بقعد فتره محترمة جدا مع وضع توفير الطاقه . لكن تصفح و نت وفيس بتخلص بسرعة لان الشاشة بتستهلك طاقه بشكل كبير زى كل الموبايلات اللى بشاشه كبيرة . لكن ادائها مرضى الى حد ما بالنسبالى . وانا دايما معايا باور بانك . دا بالاضافة الى ان الشاحن السريع شئ خرافى . يعنى لو نسيت تحط الموبايل عالشاحن ممكن الصبح على ما تاخد دش و تلبس او تفطر يكون شحن تمام التمام . ولو مفيش نت ولا فيس . الشحنه الواحده ممكن تعدى اليومين مستريح .
fahalan
fahalan
2016-03-03 (08:18:33PM)
بص ياباشا
بالنسبة للبطارية بقعد فتره محترمة جدا مع وضع توفير الطاقه . لكن تصفح و نت وفيس بتخلص بسرعة لان الشاشة بتستهلك طاقه بشكل كبير زى كل الموبايلات اللى بشاشه كبيرة . لكن ادائها مرضى الى حد ما بالنسبالى . وانا دايما معايا باور بانك . دا بالاضافة الى ان الشاحن السريع شئ خرافى . يعنى لو نسيت تحط الموبايل عالشاحن ممكن الصبح على ما تاخد دش و تلبس او تفطر يكون شحن تمام التمام . ولو مفيش نت ولا فيس . الشحنه الواحده ممكن تعدى اليومين مستريح .
fahalan
fahalan
2016-03-03 (08:20:40PM)
اما موضوع المارشميلو لسا التحديث مجاش . وانا بفضل اصبر على التحديثات لحد ما اعرف المزايا والعيوب . وهل هاتناسبنى ولا لأ .
starstar2
عضو مميز
starstar2
2016-03-03 (08:58:47PM)
fahalan

شكرا علي ردك ....طبعا المارشيمللو نقله جذريه للنظام ومن ثم للهاتف ومتقلقش مش هتندم ...بالتوفيق
ma7moud2020
ma7moud2020
2016-03-04 (12:17:34AM)
بفضل الله انا اشتريت الموبايل و هو ما شاء الله جميل فعلا،،والبطالة مرضية فعلا مع وضع توفير الطاقة ، كان معايا ميكروسوفت عايز اقول لحضرتك كنت بمسك الموبايل تقريبا طول اليوم تقريبا تصفح و العاب و mp3 و كنت بستغرب البطارية مش بتخلص ليه تحس انها بالطاقة الشمسية طبعا في فرق بين الاتنين بس مع الوقت هنتعود و ربنا يباركلنا فيه
walid_mika
walid_mika
2016-03-08 (08:18:12PM)
مبروك عليك الهاتف حضرتك عندى استفسار عن بعض امكانيات التليفون هو بيدعم الانفراريد ولا لا وبالنسبه لبرنامج peel smart remot بيشتغل على التليفون لانى سألت ناس كتير وقالوا ان مافيش نوت بينزل من غير انفراريد وفى مواقع كتير منهم من يؤكد ومنهم لا فأرجو منك الافاده ولك كل الاحترام
starstar2
عضو مميز
starstar2
2016-03-11 (03:16:28AM)
walid_mika

النوت 5 غير داعم للانفرا او الاي ار بلاستر ..ولكن يمكن تشغيل الريموت من خلال برامج بواسطه البلوتوث وعلي سبيل المثال تطبيق zaza remote ....
walid_mika
walid_mika
2016-03-12 (08:17:22PM)
starstar 2
بس‏ ‏حضرتك‏ ‏الريموت‏ ‏بيعمل‏ ‏بتقنيه‏ ‏الانفراريد‏ ‏
لو‏ ‏امكن‏ ‏حضرتك‏ ‏تعمل‏ ‏دونلود‏ ‏لبرنامج‏ ‏peel smart remot وتجرب‏ البرنامج‏ ‏على‏ ‏تليفونك‏ ‏لأن‏ ‏قراءت‏ ‏فى‏ ‏توضيح‏ ‏شركه‏ ‏سامسونج‏ ‏ان‏ ‏النوت‏ ‏5 يمكن‏ ‏استخدامه‏ ‏كريموت‏ ‏للتليفزيون‏ ‏وارجو‏ ‏من‏ ‏الرد‏ ‏ولك‏ ‏جزيل‏ ‏الشكر
starstar2
عضو مميز
starstar2
2016-03-13 (03:08:11AM)
walid_mika

للأسف يا كبير مش هفيدك في النقطه دي لاني انا معايا نوت 4 مش نوت 5 ..عموما زي مقولتلك في اكتر من تطبيق بيتم التشغيل بديل عن الانفرا سواء البلوتوث او الوافاي زي zaza remote .....
walid_mika
walid_mika
2016-03-13 (09:58:01PM)
شكرا على اهتمامك starstar2 لو فى موجود معاه النوت ٥ ممكن يفيدنى فى موضوع الانفراريد لانى قرأت فى توضيحات سامسونج اللى موجود على النت انه يمكن استخدلم النوت ٥ كريموت كنترول لانى عاوز اشترى الجهاز وعاوز اعرف موضوع الانفراريد لان فى مواقع غلى النت تأكد وجود انفراريد مع العلم ان ال s6 edge + بيدعم الانفراريد ومع ذلك مفيش مخرج للانفرا ياريت حد يفيدنى فى الموضوع وشكرا لكم
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك