تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 5
للرجوع الي صفحة سامسونج Galaxy Note 5 الرئيسية اضغط هنا

محتار

faragsalamma
faragsalamma
2015-12-29 (07:27:18PM)
ممكن طلب من اخى semsemSiR
واخى starstar2
يرشحولى جهاز من دول
note 5
note4
بحيث ان يكون لايوجد مشاكل فى السوفتوير والهاردوير
وشكراً لحضراتكم
starstar2
عضو مميز
starstar2
2015-12-29 (07:49:55PM)
الجهازين من العمالقة ولكن بإيجاز بسيط بعض الملاحظات المأخوذه علي النوت 5 .
عدم دعمه للذاكره الخارجيه .البطاريه الغير قابله للازاله .خامه الجهاز الخلفيه من الزجاج وده هيعرضه للكسر بنسبه كبيره .عدم وجود الاي ار .لو كل ده مش فارق معاك اشتري النوت 5 فعو فعليا جهاز قوي انيق وشكله عصري ..والنوت 4 يتفوق علي النوت 5 ف كل ما ذكر .اما الفروق الجوهريه .يتفوق النوت 5 ب معالج اقوي واسرع واقل استهلاك ف البطاريه رام 4 جيجا .كاميرا نوعا ما افضل لحداثه المستشعر الخاص بها ودقه الشاشه .
النوت 4 وال 5 هيتحدثو لاندرويد 6 ..وبدء بالفعل ترقيه النوت 4 التجريبية لنسخةf والروم الجديد نسخه كاملة من روم النوت 5 بجميع خصائص القلم من الل سكرول كابشر وال سكرين اوف ميمو بنفس شكل الايقونات والتاتش ويز الخاص بالنوت 5 ..موفق ف الاختيار
faragsalamma
faragsalamma
2015-12-29 (07:56:50PM)
شكراً كتييييييير لسرعة ردك الطيب يا طيب
نحن نفتخر بتواجدكم معنا
ادامك الله فى مساعدة الناس
semsemSiR
مشرف
semsemSiR
2015-12-30 (01:00:00AM)
هوفر عليك بحث كتير , واقولك الفرق فعليا اللى هتلاحظة مابين الاتنين , ودية مقارنة فعلية مابين الجهازين

1- الخامات : فرق خامات وشكل وتصميم لصالح النوت 5 , هتحس فعلا انك ماسك حاجة فخمة , ومختلفة عن اى تصميم قبل كدة لسامسونج

2- الشاشة : الفرق مابين الاتنين بسيط جداا هيكون بس فى اضاءة الهاتف اعلى شوية لصالح النوت 5 لكن الوان واحد , تاتش واحد , حجم واحد

3- الاداء : الفرق مابين الاتنين فى المهام العادية يعنى " التصفح فى تطبيقات الجهاز " هتلاقى ان الفرق لا يتعدى 0.3 ثانية مابين الاتنين لصالح النوت 5 طبعا
لكن فى تشغيل الالعاب الفرق دة بيزيد شوية على حسب اللعبة بس فى المجمل النوت 5 يتفوق فى كل الاحوال , لكن مش بفرق عادى

4- استهلاك الرامات : الرامات فى النوت 4 بعد اخر تحديث اتظبطت من حيث الاستهلاك بقى متاح للمستخدم جيجا ونص , تقريبا بدون فتح اى برامج
لكن فى النوت 5 المتاح ليك بيكون 1.8 الى 2 جيجا , وممكن يوصل ل 2.2 جيجا

5- الاوبشن : الاتنين قريبين جداا من بعض فى الاوبشن يعنى حاجات بسيطة اللى بيتفوق فيها النوت 5 , معتقدش هتكون مؤثرة اوى او واضحة لاى حد لكن بنسبة 95% اللى موجود هنا موجود هنا

6- مواصفات القلم : تحسن كبير جدااااا فى النوت 5 عن النوت 4

7- الكاميرا : فى النهار التحسن طفيف , لكن فى الاضاءة الضعيفة الفارق واضح للنوت 5
بالنسبة للاوبشن طبعا النوت 5 يتفوق
* الكاميرا الامامية: افضل فى النوت 5

8- البطارية : مع ان النوت 5 بطاريتة قلت عن النوت 4 , لكن نقدر نقول ان الفرق قليل جداا مابينهم , وانا بتكلم هنا على جهازين لسة خارجين من العلبة , مافيش اى برامج , هقولك ان النوت 5 عيبة ان بينزل بدون استخدام , لكن مع الاستخدام كويس جداااااا
النوت 4 : مش بينزل بدون استخدام زى النوت 5 لكن مش بكفاءة قوة النوت 5 فى البطارية او بفرق قليل

9- سرعة الشحن : النوت 5 بيشحن فى ساعة و25 دقيقة , والنوت 4 بيشحن بالشحن السريع فى ساعة و35 دقيقة , وبدون تفعيل الشحن السريع فى ساعتين الا 10 دقائق تقريبا

10- البصمة : طبعا فرق شاسع مابينها وبين النوت 4

نقاط تفوق النوت 4 :

* IR BLASTER - EX MEMORY CARD
faragsalamma
faragsalamma
2015-12-30 (06:12:22PM)
شكراً على التوضيح الجميل ده اخى الغالى semsemSiR
جعل الله مساعدة الناس فى ميزان حسناتك انت واخى الجميل starstar2
faragsalamma
faragsalamma
2015-12-30 (06:18:49PM)
بس اخى انا ميال جداً للنوت 4 لانه عملى شويه مع ان نوت 5 اقوى وجميل
وجميل دى هى سر ضعف جهاز نوت 5 عندى انا شخصاً لانه عرضه ان ينكسر من الامام والخلف كمان
لاكن سؤال معلش استحملونى شويه
النوت 4 هل الفجوه اللى مابين الشاشه والاطار المعدن بتأثر فى حاجه
وان البصمه مش بتشتغل كويس وان الشبكه ضعيفه كل المشاكل دى موجوده فعلاً وبتأثر على الجهاز
ولا دى حاله فى كام جهاز بس
وشكراً على تحملكم وسعه صدركم
starstar2
عضو مميز
starstar2
2015-12-30 (09:51:37PM)
يا باشا الفجوة اللي بتتكلم عنها مش بالمعني ده ...المسافه اقل مما تتخيل والموضوع ده مالهوش اي تأثير ويكاد يكون مافيش اي مسافه ..وسيبك من الكلام ده ..موضوع الشبكه بتسقط والكلام ده مافيش نهائي معايا ..انا الجهاز معايا ومافيش الموضوع ده سواء علي الروم الرسمي او الغير رسمى ..موضوع البصمه فعلا البصمه مؤرفه في النوت 4 عن النوت 5 تماما.. وانا عن نفسي البصمه مالهاش اي استخدام معايا نهائي.. واهم ميزة ف اندرويد 6 خاصيه الدوز الرائعه الموفره للبطاريه وتاتش ويز النوت 5 بجميع خصائص القلم الرائعة دون تغيير ..
faragsalamma
faragsalamma
2015-12-31 (12:42:50AM)
شكراً اخى الجميل والرائع starstar2
انت كده سهلت عليا الموضوع
جزاك الله عنا خيراً
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك