تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 5
للرجوع الي صفحة سامسونج Galaxy Note 5 الرئيسية اضغط هنا

استرجاع ال imei

kokoalmasry
kokoalmasry
2015-12-09 (05:36:49PM)
سؤال لاهل الخبرة
الموبايل الى معايا note 2 و رقم imei انا مسحتو با الغلط عن طريق برنامج اودين وانا بركب روم
ارجو حل للمشكة دية عشان الموبايل مش بيقرا اى خط ...
semsemSiR
مشرف
semsemSiR
2015-12-09 (08:57:06PM)
نزل النسخة الرسمية بتاعة الجهاز , وبتاعة بلدة
starstar2
عضو مميز
starstar2
2015-12-10 (03:33:31AM)
الموضوع ده ليه اكتر من طريقة هتكلم معاك علي طريقتين :الأولى هتشوف حد معاه جهازك وتاخد باك اب من ملفefs وافضل الطرق لضمان الاستعاده بنجاح ه من خلال الريكفري المعدل وخاصه twrp بشرط ان يكون روم الجهاز نفس اصدار روم جهازك انت وهتم عمليه الاستعاه من الريكفري المعدل لجهازك ولو مش هتشتغل من الريكفري المعدل يبقي من خلال برنامج اسمه
EFS Backup من البلاي ستور وهتاخد باك اب بصيغه img ولكن هذا التطبيق يلزمة صلاحيات الرووت والعمل هيتم من خلال هاتف اخر نفس جهازك.
الطريقة التانية
من خلال الروم الرباعي او الكامل او الإصلاحي او روم المصنع وده بيكون من خلال الاودين وبعدها نزل الروم الرسمي المفرد من خانه ap او pda علي حسب اصدار الاودين .
متحولش انك تنزل ملف المودم مفرد(cp او modem او phone)لانه مش هينفع معاك ومصيلره هيكون الفشل.
ملحوظة هامة جدا نزل ملف pit المخصص لهاتفك
kokoalmasry
kokoalmasry
2015-12-10 (07:18:31PM)
استاذ starstar2 انا هعمل ال الكلام الى قالو استاذ semsemSiR

لان الكلام الى انتا بتقولو صعب عليا وانا مش بفهمم قوى .. اخرى انا اركب روم بس
لو قدامك طريقة اسهل او شرح الخطوات الى قلت عليها بس بطريقة اسهل
ياريت تقولى

و فى مشكلة الموبايل : لما اجى اوصلة على الكمبيوتر بيجبلى
usb not recognized
فا انا كدا مش هعرف اركب ولا روم ولا حاجة ياريت حل للموضوع دة كمان
وانا عارف انى هتعبك معايا معلش
starstar2
عضو مميز
starstar2
2015-12-10 (07:44:37PM)
يا فندم للاسف طريقه تنزيل الروم بخانه واحده من ap اوpda مش هتنفع مع حضرتك لانك ببساطه مسحت ملفات اتصال الهاتف عموما من الجهاز بضغطك علي كليرefs..فبكده مش هاينفع معاك طريقه تركيب الروم من خانه واحده هتكون نفس النتيجه روم من غير اتصال عموما ..فانت محتاج الروم الرباعي يعني بنزله من اربع خانات الاودين وطبعا يهمنا خانه الاتصال لان هي دي سبب المشكله ..عامة شوف واحد متخصص توديله الجهاز عشان يظبط الموضوع ده ..ونصيحه متجربش اي طريقه غير اللي انا قولتهالك عشان متحتجش لقدر الله لجهاز البوكس عشان تنزيل الروم ....
عايز تجرب وتنزل الروم من خانه واحده من ap او pda جرب ومافيش مشكله بس اؤكدلك ان المشكله هتكون قائمه ..انا كان نفسي اساعدك بس العطله من عندك ..تحياتي واتمني لك التوفيق
starstar2
عضو مميز
starstar2
2015-12-10 (07:48:22PM)
ادخل علي وضع الداون لود بالضغط علي الازرار الهوم والطاقه وخفض الصوت وبعدها شغل برنامج الاودين ولازم الاودين يقرا جهازك .
ملاحظات .
تأكد من سلامه كبل اليو اس بي .
تأكد من تسطيب برنامج سامسونج كيز او تعريفات سامسونج حتي يتعرف الاودين علي جهازم.
تأكد من سلامه مدخل اليو اس بي عندك ف الكمبيوتر .
تأكد ان ما فيش ما يعوق عمل الاودين علي الكمبيوتر سواء جدار ناري او انتي فيرس ..
starstar2
عضو مميز
starstar2
2015-12-10 (08:39:34PM)
عامة اخي الكريم ده روم المصنع او الإصلاحي الخاص بجهاز النوت 2 اصدار n7100 >>>
الروم نظام الكيت كات4.4.2...

رابط تحميل الروم الرباعي
اضغط هنا لزيارة الرابط

.........................................................................

رابط تحميل ملف pit >

اضغط هنا لزيارة الرابط

حمل الملف كله واستخرج منه رقم موديلك n7100.

وبعدها نكمل بقيت الخطوات وطريقة التركيب خطوة خطوة
kokoalmasry
kokoalmasry
2015-12-10 (08:45:51PM)
ياباشا انا لما بنزل روم مش بنزلو ب الطريقة الى انتا بتقول عليها با الظبط .>>>
اول حاجة بركب الــ recovery cwm ببرنامج الاودين فى خانة ap وبكون عامل وضع الداونلود وبكدا الريكفرى هيكون اتغير نهائيا وهيكون ريكفرى معدل اقدر اسطب من علية رومات
ثانيا بحط الروم على بطاقة sd بعدين اشغل وضع الريكفرى وااعمل wipe factory rist
بجيب install zip from sd card وابحث عن المكان الى انا كنت حاطت فية الروم واستطبو وكدا اكون عملت الروم

فانا لو هنزل النسخة الرسمية هعملها با الطريقة دية مش طريقة الى هى النسخة الراعبية لانى معنديش اى فكرة النسخة الراعية دية اية ولا بجيبها منين ولا بسطبها ازاى

بس انا حاليا الموبايل الجهاز مش بيقراة ..
بعد ما عملت للموبايل فورمات قبل ما اعملو فورمات كان شغال تمام
ف لو هعمل روم جديد او اى حاجة تطلب ال usb لازم احلها الاول
كل ماباجى اوصلو ب الكمبيوتر يجبلى usb not recognized

--------------

انا سألت على اللمشكة دية فى محل صيانة ممتاز وسمعتة حلوة قلى 150 جنية بس انا شايف ان 150 جنية كتيرة على مشكلة بسيطة زى دية
فلو معرفتش اعمل حاجة ها اتكل على الله واعملها عند محل الصيانة وخلاص
لان المشكلة دية بسيطة وليها اكتر من حل بس مش عارف اعملها بسبب مشكلة الــ usb

وانا استف لو طولت ف الكلام
starstar2
عضو مميز
starstar2
2015-12-10 (09:17:58PM)
شوف يا كبير تنزيل الروم المعدل او المطبوخ حاجة والرسمي حاجة تاني ..

المعدل من الريكفري المعدل واالروم لرسمي بينزل من الاودين ....

انسي خالص موضوع الروم المطبوخ انت دلوقتي هتركب الروم الرسمي من الاودين بوضع ملف الروم في خانة ap او pda وتكمل بقية الخطوات عادي خالص زي تركيب الريكفري المعدل .
عموما ركب اخر اصدار من الروم الرسمي المتوافق مع جهازك وجرب .
موضوع مشكلة اليو أي بي ليه اكتر من سبب : ممكن يكون من الوصله او نظام الكمبيوتر عندك ف مشكلة عموما جرب الخطوات دي
هتدخل علي روم الجهاز عادي جدا ومن هتروح لوضع المطورين وده من الاعدادات . حول الجهاز حاجة اسمها بيلد نمبر build number اضغط عليها خمس مرات لحين ظهور وضع المطورين وهاتلاقي الوضع ف خارج القائمة ادخل جواه وعلم علي خانة اسمها usb debugging واعمل ريستارت للجهاز وقول بسم الله وجرب .........ومن باب الاحتياط
الغي برنامج سامسونج كيز من علي الكمبيوتر وصطبة تاني او في اسوء الفروض نزل نسخة ويندوز جديدة للكمبيوتر .

وف اسوء الفروض انا جبتلك الروم الرباعي وملف pit ومتقلقش ان شاء الله بسيطه بس انت كده ركز معايا واشربلك حاجة سخنه كده عشان تظبط الدماغ وانا بإذن الله هكون معاك خطوة خطوة
kokoalmasry
kokoalmasry
2015-12-10 (09:22:05PM)
حبيبى والله مش عارف اشكرك ازاى 3>
starstar2
عضو مميز
starstar2
2015-12-10 (09:58:18PM)
في مشكله معاك رابط التحميل ...عموما ننزل لنسخه الاقل وهي جيلي بين وبعد تمام العمليه ان شاء الله ابقي نزل اخر تحديث ..

4.3 جيلي بين لجهاز نوت n7100 ...اتأكدلي من رقم اصدار جهازك هل هو اللي انا كتبه ..

اضغط هنا لزيارة الرابط
kokoalmasry
kokoalmasry
2015-12-10 (10:05:03PM)
ملف ال pit هعمل بية اية ؟؟؟
starstar2
عضو مميز
starstar2
2015-12-11 (12:14:10AM)
اصبر لحد متخلص خالص ومتعملش حاجه غير لما تحمل ملف الروم ...ملف pitده الملف الخاص بتقسيم الذاكره الداخليه للهاتف ..
kokoalmasry
kokoalmasry
2015-12-11 (08:04:35AM)
انا اصلا النت عندى بطئ اليومين دول ف هياخود معايا وقت لما اخلص هبقا اقول

ومعلش عاوز حل لمشكلة توصيل الكمبيوتر با الهاتف ..
قبل ما افرمت الجهاز كان شغال فانا شايف ان العيب عيب الجهاز محتاج تعريف او حاجة زى كدا
وجربت برنامج kies ومنفعش برضو وعملت تصحيح ال usb من ضبط المطورين وبردو مظبطتش!
semsemSiR
مشرف
semsemSiR
2015-12-11 (09:59:46AM)
لأ ياباشا شوف انت عشان تحل المشكلة دية والتليفون يتعرف بسهولة هتنزل الملف دة وهتسطبة على الكمبيوتر وان شاء الله كل حاجة هتتحل

اضغط هنا لزيارة الرابط
kokoalmasry
kokoalmasry
2015-12-11 (10:19:42AM)
شكرا على ردك

انا مسطب البرنامج دة فعلا ومفيش اى تغيير بس البرنامج دة ملهوش دعوة با المشكلة دية لان دة عيب الموبايل مش الكمبيوتر ,, الموبايل كان بيتوصل عادى ومفيش مشاكل لاكن بعد ما فرمتة بقا بيعمل كدا
starstar2
عضو مميز
starstar2
2015-12-11 (02:06:20PM)
شوف يا كبير لو الاودين مش قاري الموبايل بتاعك يبقي كل اللي بنعمله مالهوش اي لازمه ...اتأكد من صلاحية برنامج سامسونج كيز او تعريفات سامسونج علي الجهاز ..ولو استمر الموضوع معاك يبقي مش هاينفع نشتغل من الاودين ..جرب وصله يو اس بي تانية تكون جيدة الصنع خاصه بالداتا مش شحن بس
استأذنك لما بتدخل لوضع الداون لود من الموبايل وتوصله بالكمبيوتر وتشغل الاودين وبتضغط زر تعليه الصوت ..في رساله بتظهرلك من الاودينaddالكلمة دي بتظهر عندك .ولا لا ...
kokoalmasry
kokoalmasry
2015-12-11 (04:39:34PM)
خلاص ياباشا مشكلة ال usb اتحلت بعد ما عملت فورمات للجهاز
باقى انى اسطب ال روم الى حضرتك مديهونى
وعاوز اعرف بردو ملف pit هعمل بية اية
starstar2
عضو مميز
starstar2
2015-12-11 (05:18:43PM)
الحمد لله ..ملف pitهو الملف الاساسي الخاص بالذاكره الداخليه للجهاز وكل جهاز وليه pit معين حسب حجم الذاكره الداخليه ف البورده يعني مثلا جهاز نوت 5 ذاكره 32 ليه pitمختلف عن اصدار 64 ج ...والpit بنحتاجه لما يكون الجهاز غير قابل للاقلاع او التشغيل او ف حالة عدم وجود وضع الداون لود مود وطبعا بيتم بالاستعانه بمساعد خارجي ..وان شاء الله مش هنحتاجه ف حالتك لو الامور مشيت طبيعيه ...
kokoalmasry
kokoalmasry
2015-12-13 (07:24:24AM)
شكرا يا استاذ المشكلة دية اتحلت بفضلك :D
starstar2
عضو مميز
starstar2
2015-12-13 (11:27:09AM)
يا باشا حمد لله علي سلامه الجهاز ..احنا معملناش حاجه يا كبير لسه ...موفق ان شاء الله ...تحياتي
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك