عندهم شحن للمحافظات ..
نصيحة : بلاش تشتري أي حاجة غالية من خلال الشحن عشان نسبة الريسك فيها عاليه ....لقدر الله ممكن تكون فيها عيب او مشكلة سواء من الشركة المصنعه او التاجر او الشحن... وارد انه يحصل ...فأنا عامة بفضل انك لما تشتري الحاجة تكون بنفسك وتمسكها كويس وتجربها او بمعني ادق تفليها او حد تبعك يكون ثقه يشتريهالك بعد ما يتأكد من السلعة لان لو السلعه فيها مشكلة هتلف حوالين نفسك عشان ترجعها تاني من خلال شركة الشحن اللي جابتهالك او انك تروح بنفسك ويا سلام بقي لو كانت السلعه من غير ضمان وحضرتك طبعا فتحت المنتج وجربته سعتها التاجر هايقولك اطلع علي الوكيل وتتحمل انت بقي المصاريف التانية خاصة لو السلعه سعرها مرتفع .

لك مطلق الاختيار انا وضحتلك وجهه نظري الشخصية وحضرتك حر في تصرفك بس حبيت انصحك للأمانه .

موفق