تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 5
للرجوع الي صفحة سامسونج Galaxy Note 5 الرئيسية اضغط هنا

مقارنة عملية مابين النوت 5 والنوت 4

semsemSiR
semsemSiR
2015-09-07 (05:37:53PM)
انا عملت اختبار شامل للنوت 5 , فى جميع النواحى مابينة وبين النوت 4 N910C ودة تقرير مفصل عشان اللى عايز يعرف الفرق مابين الاتنين

1- الشكل : الصراحة تفوق واضح للنوت 5 فى جميع النواحى ( شكل امامى - خلفى - جابنى )

النوت 5 يتفوق بجدارة

2- الخامات : النوت 5 خاماتة ممتازة وتفوقت بجدارة على خاامات النوت 4 , بأستنثاء بس اللى معجبنيش موضوع البصمات اللى بيعلم على الظهر الزجاجى , غير كدة تحفة

النوت 5 : يتفوق بجدارة

3- الشاشة : الوان النوت 5 واضاءة النوت 5 فرقت حاجة بسيطة عن النوت 4 , يعنى بقت الاضاءة اعلى وبالتالى خلت الالوان واضحة اكتر

النوت 5 : يتفوق بفرق ضئيل

4- الاداء : واضح جدا , التغير الواضح على السوفت وير ومدى اداءة على سرعة استجابة الهاتف , فعلا الهاتف سريع جداااااااااا , اسرع بفرق ملحوظ من النوت 4 , وكمان سرعة فتح البرامج والالعاب اسرع من النوت 4 بس مش بفرق كبير , تقريبا ثانيتين ونص فرق لصالح النوت 5

والرامات ممتازة جدااااااااا ,استهلاك وصافى , يعنى كان فاضى فى الراامات للمستخدم من 1.8 الى 2 جيجا , طبعا مقابل , 500 ميجا فقط للنوت 4 , مع ان النوت 5 كان نازل علية كمية صور وبرامج والعاب كتير جداااااا , واكتر من النوت 4

تفوق واضح للنوت 5

الكاميرا : الصراحة مافيش فرق فى النهار غير بس ان النوت 5 بيصور اقرب شوية من النوت 4 , مع ان الاتنين فى نفس المكان وزاوية التصوير , لكن فى الليل هو اللى فرق فعلا بس مش بفرق كبير , يعنى تقدر تقول الصورة صافية اكتر ومنورة اكتر وتفاصيل افضل

النوت 5 يتفوق بفرق بسيط

الاوبشن : طبعا النوت 5 افضل اوبشن من النوت 4 بس بفروقات بسيطة

القلم : مواصفات القلم فى النوت 5 شكلا واداء وسرعة واوبشن وحساسية افضل من النوت 4 بفرق كبير , وخامات القلم نفسة وطريقة اخراجة , الدنيا اتغيرت تماما

النوت 5 يتفوق

يتفوق النوت 4 على النوت 5 فى : امكانية تركيب كارت ميمورى - ال IR- BLASTER - البطارية قابلة لازالة

من الاخر اى حد بيقول النوت 5 مش متطور عن النوت 4 , لازم يعيد النظر فى الرأى دة , ويمسك النوت 5 مرة واتنين وثلاثة , ساعتها هيحس بفرق فعلا و هو اة الفرق مايستاهلش يكون 2000 جنية
بس فعلا النوت 5 نقلة محترمة جداااااااا لفئة النوت

التقييم النهائى : ادى النوت 5 تقييم 9.5 /10 , لو كان التليفون دة فية كارت ميمورى وفية IR-BLASTER - ضد المياة - بطارية قابلة للازالة , كنت هديلة 9.8 / 10
starstar2
عضو مميز
starstar2
2015-09-07 (06:02:59PM)
semsemSiR

فعلا النوت5 شكله مميز ومختلف عن فئات النوت وخاصة النوت 4 واللون الذهبي فيه روعه انا مسكت الموبايل وفي الحقيقة هو روعه بس في اكتر من عيب ومش عارف ليه سامسونج عملت فينا كده .....

شكرا علي العضوية المميزة ....

موفق دائما أخي الفاضل ..
semsemSiR
مشرف
semsemSiR
2015-09-08 (12:54:06AM)
مبروك على العضوية المميزة , تستاهلها ياباشا

وفعلا انا معاك تماما و النوت 5 اتشال منة حاجات كانت ممكن تخلى منة هاتف متكامل

وعلى فكرة انا كان لسة معايا مش شوية ال LG G4 , والله النوت 5 افضل منة بمراحل , خامة وشاشة واوبشن وكاميرا وطبعا مواصفات القلم والاوبشن
BlackCrow
عضو مميز
BlackCrow
2015-09-08 (03:30:34PM)
تقرير متميز صديقي سامح .. بيعجبني فيك إنك إنسان عملي وواعي .. ودائمآ تقارير حضرتك مبنية على الإستخدام الفعلي والتجربة العملية .. حفظك الله يا صديقي .

starstar2@ مبروك على العضوية المميزة تستحقها لأنك عضو فعال ومحترم .. تحياتي لكْ أخي الكريم .
semsemSiR
مشرف
semsemSiR
2015-09-09 (12:23:56PM)
balck crow

ياباشا تسلم ربنا يخليك على زوقك الجميل ودة من بعض ما عندكم
Mema007
Mema007
2015-12-27 (12:56:07AM)
السلام عليكم .. شكرا علي المقارنة الوافية دي .. انا كنت مقررة اشتري نوت 4 نظرا لعيوب ال 5 في نظري وهيا البطاريه الغير قابله للازاله وعدم امكانيه تركيب كارت ميموري ..
لكن بعد هذه المقارنه فكرت في النوت 5 مممم بس مش عارفه حاسه ان المبلغ كبير انه يتدفع وبعدين يحجمني في حاجه زي العيبين دول اللي نفسي اعرف سامسونج حطتهم ليه ..
الان بقي هل العيبين دول عادي ممكن الواحد يتغاضي عنهم خاصه البطاريه غير قابله للازاله يعني لو حصل مشكله ما ومحتاجه اشيل البطاريه واحطها زي ما بنعمل احيانا .. في الحاله دي مش هعرف وهضطر اروح للصيانه بتاعتهم او سوفت جديد مثلا ..
ممكن اتغاضي عن العيبين دول واشتري النوت 5 والا بلاش واخليني في النوت 4؟
mnmisr10
mnmisr10
2016-08-04 (12:29:04PM)
انا كمان عايز اعرف هل العيبين دول ممكن يبقو عادين ولااية عشان انا خفت من النوت 5 عشان حوار البطارية وكارت الميويرى دة
semsemSiR
مشرف
semsemSiR
2016-08-05 (10:44:52AM)
هو على حسب كمية الملفات اللى بتحتاجيها فى الفون , يعنى مثلا شوفى لو استخدامك للداتا اللى على الفون بيزيد عن 20 جيجا يبقى مش هينفعك اى فون مايكونش فية كارت ميمورى

لكن لو اقل عادى جدااا هاتية مش هتلاقى فرق

- موضوع البطارية هية بتتغير عادى بس لازم يكون عند متخصص عشان يفتح الفون

- لو مثلا التليفون هنج او حصل فية مشكلة انتى بتعلقى ايديك على زرار الباور لمدة 10 ثوانى وهو بيعمل force close حتى لو مهنج

- لو تقدرى تزودى شوية هاتى الاس 7 ايدج , لو محتاجة القلم يبقى هاتى النوت 7 بس دة هيبقى سعرة غالى وحرام الصراحة اى حد يتشرية
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك