سامسونج تتخبط وليست لها رؤية واضحة .. ولم تأخذ عبرة من فشل الإس 6 وقلة مبيعاته .. فيه شركات كثيرة زي SONY - HTC - LG أجهزتهم أفضل من سامسونج وأسعارها أقل من النوت 5 إللي كان صدمة للمُستخدمين .

المشكلة ان سامسونج اهتمت باراء المستخدمين من حيث علاج نقطة ضعف خامات التصميم ونسيت الباقى .وعشان تعمل دة + تقليد اعمى لهواتف الايفون , راحت مطلعة الاس 6 والنوت 5 بالمنظر دة
( بطارية اصغر وغير قابلة للازالة - مافيش كارت ميمورى ) وشالت خاصية ضد المياة من الاس 6

وشالت خاصية ال ir , من النوت 5 و اللى انا عايز اعرف حتى الان شالوها ليه ؟؟؟؟؟؟؟؟؟؟؟؟؟؟؟

وبجد كان المفروض النوت 5 يكون فية كارت ميمورى على الاقل بسبب حجم التليفون اللى يتيح ليها تعمل دة

أخي العزيز سامح .. بالنسبة لي الهاتف الوحيد المتكامل من سامسونج هو Galaxy S5 .. يكفي إنها مقاومة للماء والغبار .. جودة الكاميرا ممتازة في الإضاءة القوية والخافته .. وجود حساسات كثيرة مُهمة للمُستخدمين .. وزن الهاتف الخفيف .. SD CARD .. IR .. بطارية قابلة للإزالة .

خاصية ال IR blaster مُهمة لعدد كبيرة من المُستخدمين نظرآ لتَعدد الأجهزة المنزلية العاملة بالأشعة تحت الحمراء .. وكذلك وجود كارت ذاكرة خارجي مهم لحفظ الصور ومقاطع الفيديو وملفات ال PDF .

للأسف قامت سامسونج بأخطاء قاتلة في الإس 6 والنوت 5 .

عارف يا سامح .. تقليد شئ جيد والإضافة عليه أمر مفيد جدآ ومش عيب .. عارف في الأيفون 4 وال 4s أبل كانت حاطه زجاج في ظهر الهاتف .. وده كان مشكلة لقطاع كبير من مُستخدمي الهاتف نظرآ لسهولة كسره والتكلفة المرتفعة لتغييره .

أفضل مواد صناعة الهواتف الذكية هي البلاستيك ( البولي كربونايت ) والألمونيوم .. الزجاج غير عملي أبدآ ومكلف ماديآ .

كلامك صحيح

ماهو دة اللى بقول علية , سامسونج مشيت ورى كلام الناس , عشان موضوع الخامات مع ان والله كان يكفى انهم يخلوا الحواف معدن والظهر faux leather زى ماموجود فى النوت 3 , اس 5 , نوت 4

بيعيش وبيدى شكل وجمال للتليفون

وفعلا فبعد تجربة اختبار drop test للنوت 5 , اول حاجة اتكسرت الظهر وعشان يتفك ويتغير طبعا هتفك التليفون كلة , واصبح غير عملى

ومش عارف الصراحة اية اللى يخليهم يشيلوا خاصية ال ir , بجد اسئلة لازم يكون ليها اجابات من مسئول فى الشركة , لان الشركات كلها بدات تحط الخواص دية عشان يلحقوا تقدم سامسونج من 3 سنين

وكمان انهم يشيلوا كل ال air view , air gesture من التليفون , بردة حاجة مالهاش اى لزمة يعنى مش هية دية اللى هتقل السوفت

هو فعلا حتى الان يعتبر كدة الاس 5 اكتر هاتف متكامل فى وسط الفئات دية كلها

فى انتظار الاس 7 , اما نشوف هل سامسونج هتتعظ , وتنزل تعديل فعلا يجمع مميزات الاس 5 مع الاس 6 , ساعاتها هيطلع تليفون مالوش حل , ويكبروا حجم الشاشة شوية هيكون هاتف ممتاز

أعتقد مع ردود الفعل السلبية التي تلقتها سامسونج مع الإس 6 والنوت 5 بأنها سوف تعيد النظر في التصميم الزجاجي لهواتفها الأخيرة .. لو كانت عملت الحواف المعدنية والظهر البلاستيك المرن زي ال Galaxy Aplha كان لقى نجاح وترحيب كبير .

أخي الكريم سامح عارف شركة LG إستلهمت تصميم هاتفها القوي G4 ( الظهر الجلد ) من النوت 3 .. مع العتاد القوي والواجهة الخفيفة الهاتف بيحقق مبيعات ممتازة .

موضوع حذف خاصية ال IR Blaster إستفزني كي أبحث عن السبب الفعلي لماذا قامت سامسونج بذلك .. أغلب الردود كانت تكهنات من المُستخدمين .. لكن المدون التقني Chris P ذكر في آخر سطر من مقالة كتبها ( بأن السبب الذي جعل سامسونج تقوم بحذف هذه الخاصية هي بأن أغلب المُستخدمين نادرآ ما يقومون بإستخدامها ) .

ال Air View , Air Gesture كانت من ضمن مميزات هواتف سامسونج وإذا لم تَخُني الذاكرة بدأت مع الهاتف القوي S4 .. هي مش سبب تقل نظام التشغيل .. السبب هو واجهة ال TouchWiz و كمية التطبيقات الكثيرة التي تأتي محملة بشكل مسبق و التي لا يستطيع المستخدم حذفها .

رابط مقال Chris P ,

هو الصراحة انا مش ان الجهاز فاشل , هو الجهاز جاء على غير المتوقع

يعنى الاس 6 قولنا ماشى عشان حجم الجهاز , شالوا منة الكارت وصغروا البطارية , لكن النوت5 اية اللى يمنعهم انهم يحطوا كارت ميمورى - ir - بطارية بحجم اكبر ,. حجم الجهاز كبير ويقدر يستوعب

دة حتى النسخة ال duos منة بردة مش هتشيل كارت ميمورى , مع انهم كانوا يقدروا يحطوا كارت ميمورى بدل اى شريحة زى الهواتف العادية

لكن الجهاز كسوفت وير - هاردوير - كاميرا - شاشة - مواصفات القلم , مافيش اى كلام علية

الظهر الزجاجى بردة مشكلة فى الصدمات خصوصا ان النوت حجمة كبير وممكن يقع بسهولة , فكان بردة لازم الشركة تاخد بالها من نقطة زى دية , وتاخد سونى عبرة فى الموقف دة
سامسونج شافت ان مافيش حد بيستخدم الحركات الهوائية فشالتها
وكانت بداية ظهورها فى شكل كويس من اول ال S3 ثم ظهرت بكامل قوتها فى الاس 4 وزادات حاجات بسيطة فى الاس 5 واتشالت فى النوت 4 والاس 6 والنوت 5 , يعنى ملاك النوت 4 مش هتفرق معاهم لانها اصلا ماكنتش موجودة عندهم ال air gesture

موضوع بقى التطبيقات دة المفروض جوجل تحلة مش سامسونج