تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 5
للرجوع الي صفحة سامسونج Galaxy Note 5 الرئيسية اضغط هنا

عنوان الموضوع

أحمد محمد
أحمد محمد
2015-08-14 (07:31:29PM)
مفيش جديد
و نفس الموضوع ده حصل مع كل الاجهزة الرائدة
ال m9 و ال g4 و الz4 و النوت4 و الs6
الشركات كلها مبقاش عندها حاجة تقدمها
التطور في السنوات اللي فاتت كان سريع جدا و ملحوظ
لكن دلوقتي بقا بطيئ جدا او تقريبا وقف
لدرجة الشركات بدأت تسحب بعض المواصفات عشان يبقو يرجعوها تاني و يعتبروها اوبشن جديد :)
الشركات خلاص غلب حمارها .. مبقاش عندهم حاجة يقدموها
و الناس مبقتش مهتمة كتير بالموبايلات حتى ان التفاعل في مواقع الموبايلات و قنوات اليوتيوب قل جدا و قليلين اللي بيستنو الاجهزة الجديدة و مبقاش في مقارنات و تعصب و خناقات زي زمان و حتى مبقيناش حافظين اسماء الاجهزة و مواصفاتها زي زمان ... المجال كله برد و هدي
و اتوقع ان الوضع هيفضل كده و الناس هتزهق من الأندرويد في المستقبل القريب
و ده هيكون في مصلحة ابل لأنها هتكون الملجأ الوحيد إذا أحسنت استغلال الوضع
إلا لو جوجل عوضت النقص في تطور الهارد وير بالزيادة في تطور السوفت وير
و أنا عن نفسي مظنش ده هيحصل لأن حتى اصدارات الأندرويد الجديدة بقت زي القديمة مفيش جديد
و بصراحة يا جماعة .. فعلا مفيش جديد
الموبايلات بقا فيها كل حاجة ممكن تكون موجودة
باقي فقط التليفزيون يكون موجود "بدون نت" و يجيب المحطات الفضائية
اظن ده أقصى حاجة ممكن تتعمل تاني

اللي بيحصل ده زي بالضبط اللي حصل مع اللابتوب
لما وقف تطورها و مبقاش فيها جديد .. فقدت جاذبيتها و اتنست و الناس بقت بتستخدم نفس اللاب بالخمس سنين و اكتر بدون ما يغيروه
المفروض الشركات تبدأ تنزل الflagship device كل سنتين
semsemSiR
مشرف
semsemSiR
2015-08-14 (10:58:06PM)
كلام تمام , وواقعى فعلا

بس احب اقول حاجة تانى , ان بالنسبة للهارد وير , زى مثلا بروسيسر , تلاقى كل سنة بينزلوا بروسيسر جديد , واقوى من اللى فات , وفى الاخر بيشغل نفس اللى بيشغلة بروسيسر 1.2 رباعى النواة والفروقات بتكون بسيطة جداا ,و ف العاب معينة ومحدودة جدااااااا , مش عارف ساعاات بحس , ان فعلا دية ارقام وهمية وخلاص

انا معاك فى رأى انت قولتة جامد اوى , ان لازم يكون الفرق مابين الموديل والموديل سنتين على الاقل

لان كدة حرام , يعنى النوت 4 نزل شهر 10 اللى فات واحنا دلوقتى شهر 8 والنوت 5 نزل , يعنى 10 شهور بس مابين التليفون والتليفون , كدة هما ولا هيقدروا يحدثوا الاوبشن صح ولا هيقدروا ينزلوا حاجة محترمة , لانهم هيلاقوا نفسهم خلال 3 سنين كمان لازم يكون الجهاز بقى احسن من القديم على الاقل بنسبة 40%

وعلى فكرة الل S7 نازل شهر 12 على كلامهم , يعنى تخيل الاس 6 تم الاعلان عنة شهر 4 اللى فات , وتم نزولة للبيع فى نص شهر 5 , وبعديها ب 6 شهور تلاقى جيل جديد نازل
BlackCrow
عضو مميز
BlackCrow
2015-08-15 (08:45:22AM)
هذا بسبب تخبط سامسونج وسياساتها السيئة .. إذا الأندرويد لم يتطور التطور الفعلي الجذري .. ال IOS وال Windows Phone هيسحبوا البساط من تحت قدميه .. أتفق مع رأي الأستاذ أحمد محمد .. APPLE و Microsoft بينزلوا أجهزتهم ال Flagship كل سنة بالنسبالي شايفها فترة قصيرة .. المفروض ينزولوا كل سنتين .. لأن المواصفات الفعلية تكاد تكون معدومة بين الجهاز وإللي سبقه ,

لو الشركات الرائدة في هذه الصناعة لم تتخذ خطوة كبيرة نحو تغيير سياساتها التسويقية .. عالم السمارت فون سوف يشهد تدهور كبير ولكم مثال شركة HTC ومعاناتها الحالية .
أحمد محمد
مشرف
أحمد محمد
2015-08-15 (02:30:28PM)
semsemSiR معاك حق والله
التطور في البروسيسور مبقاش تطور ملموس زي زمان
دلوقتي تقدر تقول كده كل البروسيسورات قوية و تقضي الغرض
أنا مثلا مبقتش احس بفرق ملموس في السرعة من أيام الاس٣ لحد دلوقتي
الاجهزة كلها بقت سريعة
حتى الرامات من أول ٢ جيجا بقت تكفي
حتى الشاشات من أول ١٠٨٠ ممتازة و مش هتحتاج اكتر منها
هي فعلا كلها أرقام بتزيد وخلاص بدون تأثير حقيقي على المستخدم

و الاجهزة بدل ما يزيد الفرق الزمني بينهم بقى يقل !
الشركات قللت الفرق الزمني عشان تعوض قلة المبيعات بكثرة الاجهزة
بس ده واضح جدا انه جاب نتيجة عكسية و قلل المبيعات اكتر


BlackCrow مظبوط كلامك .. الاندرويد في خطر و الانظمة المنافسة هتكون هي المستفيدة
تعرف .. الموضوع ده محتاج اصدار اندرويد جديد مختلف بواجهة جديدة كليا عشان يكسر الملل و ينقذ المبيعات و يحافظ على الصدارة لفترة اطول
BlackCrow
عضو مميز
BlackCrow
2015-08-16 (06:38:01AM)
أخي الكريم أحمد محمد أنا سعيد بالنقاش مع عقلية واعية مُحترمة زي حضرتكْ .. من قراءة الماضي نقدر أن نستشف المُستقبل .. أنا إستخدمت أنظمة تشغيل مُختلفة كانت ملئ السمع والبصر وقت إصدارها .. أين هي الآن ؟؟؟ إختفت وإنتهت .

أغلب المطورين في موقع XDA Developers غير مُتحمسين للإصدار القادم Android M .. يجب أن يتم تغيير منظومة الأندرويد بشكل كلي وكامل وأن تستمع للآراء المختلفة التي في النهاية تصب في صالح الجميع .. شركة جوجل والمُستخدمين .
أحمد محمد
مشرف
أحمد محمد
2015-08-16 (12:22:38PM)
أشكرك و أنا أسعد بالنقاش معاك و مع الأستاذ semsem
الأندرويد ممكن يحصله زي السيمبيان
يفضل في الصدارة سنين ثم يظهر منافس فجأة يخطف الأضواء
بس ده مش هيحصل قريب
لأن الأندرويد في حد ذاته شعبيته لسة بتزيد
لأن متنساش ان في فئات تانية ناجحة غير فئة الاجهزة الرائدة الفاشلة
اجهزة الفئة المتوسطة هي حاليا اللي بتطور بسرعة و هي اللي عليها العين
مثلا دلوقتي بقى في اجهزة تحت 2000 جنيه و بكاميرا ١٣ & ٥ .. و بروسيسور رباعي و رامات ٢ و شاشات hd خمسة بوصة او اكتر و بطاريات كويسة كمان
و عليها اصدارات اندرويد حديثة
الفئات دي هي اللي هتسند الأندرويد لفترة اطول
BlackCrow
عضو مميز
BlackCrow
2015-08-17 (07:44:26AM)
( فئة الاجهزة الرائدة الفاشلة ) وقفت كثيرآ اتأمل هذه الجُملة .. الشركات الكبيرة مثل LG و HTC و Sony أنتجوا هذه السنة هواتف تكاد تكون نفس مواصفات هواتف العام الماضي .. بفروق طفيفة جدآ مثال : HTC ONE M8 يفرق عن ال HTC ONE M9 في عدد الرامات فقط من 2 جيجا إلى 3 جيجا .

حاسس إنه أغلب الشركات عملت كل حاجه في الموبايل ومعندهاش أي جديد عشان تقدمه ,

صحيح الفئات المتوسطة مبيعاتها ممتازة وفيها مميزات كثيرة تُلبي إحتياجات المُشتري وسعرها مناسب .. ميزة الأندرويد إنه نظام تشغيل ذكي مفتوح المصدر وغير مُقيد لذلك يتربع على عرش أئظمة التشغيل المُختلفة .. لكن أغلب المُستخدمين يُريدون تطوير وتغيير كبير في الأندرويد ,

عارف أخي الكريم أحمد إنه في ناس لحد دلوقتي شغالين بالكيت كات ومش عايز يحدثوا للجيلي بين ولا للولي بوب .. بسبب عدم وجود فروق جوهرية بينهم .
أحمد محمد
مشرف
أحمد محمد
2015-08-17 (12:33:05PM)
صح الكيتكات ممتاز و مفيش فرق واضح عن اللولي بوب
حتى أندرويد m مفيهوش مميزات كبيرة واضحة عن الكيتكات
بإستثناء ميزة إدارة صلاحيات التطبيقات و دي أهم ميزة فيه
BlackCrow
عضو مميز
BlackCrow
2015-08-18 (12:39:11PM)
أخي الكريم أحمد .. تم الإعلان عن النظام الجديد Android Marshmallow .. رابط المصدر ,

اضغط هنا لزيارة الرابط
أحمد محمد
مشرف
أحمد محمد
2015-08-18 (02:56:30PM)
اها شوفته
أهم ميزة فيه إدارة صلاحيات التطبيقات
لو كانت زي ما انا متخيلها هتكون كويسة جدا
BlackCrow
عضو مميز
BlackCrow
2015-08-19 (09:51:41AM)
أتمنى أن يكون نقلة نوعية كبيرة لمُستخدمي الأندرويد وأن يُلبي طلباتهم .
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك