تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 4
للرجوع الي صفحة سامسونج Galaxy Note 4 الرئيسية اضغط هنا

العملاق NoTe 4

hardtime
hardtime
2014-09-04 (12:52:54AM)
تقييم مبدئى.

مميزات النوت 4
1-الجهاز جاى بشاشة qhd وى جودتها اضعاف جودة النوت 3
2-الجهاز جاى ببرسيسور هو الاقوى فى العالم الا وهو اسناب دراحون 805
3-الجهاز جاى بكارت شاشة ادرينوا 420 والاعلى على مستوى العالم
4-الجهاز جاى بكاميرا خلفية بقوة 16 ميجا بيكسل باتنين فلاش
5-الجهاز جاى بكاميرا امامية 3.7 ميجا بيكسل وكمان سنسور علشان تقدر تتصور صور سيلفى 120درجة
6-الجهاز جاى باربع اللون مختلفة _ابيض_اسود_زهرى_ ذهبى)

عيوب الجهاز
1-الجهاز يعتبر جاى بنفس بطارية النوت 3 واللى كان معظمنا متوقع انها على الاقل تكون 3400 امبير
2-الجهاز كان الكل منتظر انوا يكون مقاوم للمياة والاتربة
3-الجهاز جاى برامات 3 جيجا والكل كان متوقع زيادتها لتصبح 4 جيجا
4- السماعة الرئيسية موجودة في الخلف مما يقلل من سماع الصوت في حالة وضع الجهاز علي مكتبك

الخلاصة
الجهاز دة بجد يستثناء البطارية تحفة
وان شاء الله اكون من اول الناس اللى تجيبوا ونعمل ليكم زى ما عملنا قبل كدة فى النوت 3
1- فتح كرتونة النوت 4
2-تقييم كامل وشامل للمميزات وعيوب الهاتف بعد الاستخدام

HaRd TiMe
deno4000
deno4000
2014-09-04 (01:06:14AM)
تقرير ممتاز ووافي مبدئي
hardtime
عضو مميز
hardtime
2014-09-04 (01:17:13AM)
deno4000
ربنا يعزك ويارب اقدر افدكم
LOVLYHARD
LOVLYHARD
2014-09-04 (01:21:24AM)
التقرير روعة و اللى خلاه أحلى أن هارد اللى عمله.
zamaleksc
zamaleksc
2014-09-04 (01:22:57AM)
أنا شايف أن معظم شركات الموبايل مبقاش عندها جديد تقدمه يعنى ده او سونى زد 3 تلاقى ان الفروقات مش الى هيه تخليك تجيب الاحدث منه و ان شركات الموبايل أفلست فكريا و مفيش جديد عارفين يقدمه غير انهم يلمعوا فى الموبايل الجديد علشان يجذبوك بيه غير الميديا مش أكتر
abdo20112
abdo20112
2014-09-04 (01:25:45AM)
انا احب اقول حاجه بس صغيره المعالج مش اقوي معالج اقول المعالجات MT6795 ال64-bit و اظن لما يختبروا معالج سامسنوج الجديد هيطلع اقوي من ال805
و انا برده شايف عيوب تانيه للنوت 4 زي ان التصميم بتاعه من قدام هو هو نوت 3 و و واخد جناب alpha ضهر s5
اما الكاميرا فهي هي الي في تليفون lenovo vibe z2 pro و الي لما شوفت مقارنتها مع تليفون lg g3 التفوق كان ل جي 3
الحاجات الي متوقع اشوقها كتير ان ناس كتير من الي كانوا بيقولوا ان الشاشات ال 1440p ملهاش لزمه و بتاخد بطاريه علي الفاضي و يقولوا ان 1080p احسن لما يجيوا دلوقتي مثلا يقارنوا بين شاشه النوت 4 و سوني z3 مش هيقولوا كده خالص -_-

الخلاصه ان انا لو معايا نوت 3 مش هشتري نوت 4 بصراحه و برده لو معايا سوني z2 مش هشتري z3 بصراحه الاتنين ميعتبروش قدموا جديد بالنسبالي علي الاقل الحاجه الوحيده الي قدموها هيا اكتر في السوفت عن الهارد يعني انا شايف ان سوني كان ممكن تنزل كل الحاجات الي في z3 في z2 لانهم نفس الهارد وير اما النوت فانا كان نفسي التصميم يكون احسن من كده و اما نشوف الiphone 6 هيقدم ايه :D
abdo20112
abdo20112
2014-09-04 (01:30:20AM)
حاجه كمان البانوراماسيلفي مش اول مره تقدم موجوده في كاميرا ال huawei ascend p7 ال8 ميجا
mohammedallam
mohammedallam
2015-02-02 (12:39:48PM)
معايه النوت فور وكل ما اكتب السرير بتاع imei على الموقع يطلعلى تليفون نوكيا ده معناه ايه ارجو الافاده ولسه شاريه بالضمان بقالة اسبوع
lolo16
lolo16
2015-05-08 (07:06:43PM)
طيب هو نسخة الشريحتين منه نزلت مصر ولا لسه ؟

Samsung Galaxy Note 4 Duos SM-N9100
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك