تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 3
للرجوع الي صفحة سامسونج Galaxy Note 3 الرئيسية اضغط هنا

تجربتى السيئه مع النوت 3

speedy
speedy
2014-01-21 (04:48:15AM)
تجربتى السيئه مع النوت 3 : يرجى القرأه للأخر حتى لا تقع فى نفس مشكلتى :
طبعا الحمد لله على كل حال , انا طبعا قرأت كتير من التعليقات هنا وسألت من يومين الاستاذ هارد المحترم على مكان فى السراج اجيب منه نوت 3 ويكون مضمون والراجل كتر خيره قالى على سيليكت فى كارفور المعادى بس انا مسمعتش كلامه واستسهلت ورحت السراج لواحد معرفه والمفروض انه محل ثقه للأسف ,دخلت المحل سلمت عليه وسألت عن نوت 3 4جى وهنا بدأت المرمطه , جابلى جهاز الكرتونه مش متبرشمه والاستيكرات مقطوعه يعنى بالعربى العلبه اتفتحت قبل كده فا قلتله انا عايز واحد متبرشم قالى والله ده جديد وجالى من السعوديه وكنت وانا الى فاتح العلبه عشان اتأكد ان الجهاز تمام . قلتله ماشى على اساس ان فى ثقه , الموبايل اخدته ب 4900 المهم فعلا الجهاز لسه زيرو وباين عليه كده , المهم روحت البيت وبدأت اسوأ ليله من هنا , لاحظت ان محدش اتصل بيا خالص بقالى فتره , المهم قلت اتصل بواحد صاحبى اضغط اتصال يفضل كأنه بيتصل ويقعد كتير وبعدين يفصل المهم قلت تهييس شبكه , وبعدين الاقى ناس كتير تكلمنى على رقمى التانى تقولى انت قافل موبايلك ليه , طبعا انا هتجنن , المهم كلمت فودافون وسألتهم قالى يا فندم ده عايز تنشيط يدوى , المهم عملتها وعمل نفس الموضوع تانى المشكله ان ابراج الشبكه فى الموبايل ما بتقعش ولا اى حاجه يفصل مره واحده ويقعد شويه ويرجع تانى طبعا فضلت اجرب طول الليل اتصل عليه من موبايلى التانى اوقات يجمع واوقات لا , المهم تانى يوم رحت للراجل شرحتله قالى ده عيب الشريحه بتاعتك المهم قالى جرب خط تانى ولو عمل كده تانى تعالى , المهم جربت خط اخويا نفس الموضوع وخط والدى نفس الموضوع قلت مش ممكن كل الخطوط دى فيها مشكله , المهم قالى هاتلى الموبايل رحتله قالى سيبهولى الليله دى اجربه لو كده هرجعهولك , طبعا الى حصل توقعه , رحتله تانى يوم قالى الموبايل زى الفل ومفيهوش اى حاجه من كتر ما انا هتجنن اتعصبت عليه وقلتله على الطلاق من مراتى فيه مشكله , طبعا انا كان فاضلى ثانيه واقتله , المهم واضح من كلامه انه مش عايز يرجعه , المهم من هنا لهنا رضى بالعافيه ياخد 200 جنيه كمان ويدينى واحد متبرشم بالكامل ومعاه كرت الضمان من السعوديه , الغريب بقى انى لقيت ان شاحن الجديد مختلف وكمان القديم كان متحدثله اخر تحديثين , يعنى معناه انه كان مع حد ومش جديد !! انا قلت اضحى ب 200 جنيه واستعوض ربنا فيهم احسن ما البس جهاز ب 5000 جنيه على الفاضى , والحمد لله رب العالمين الجهاز الجديد تمام وزى الفل ومفيش مشكله وده دليل على ان التانى كان بايظ , الى عايز اقوله اوى تشترى اى موبايل مهما كان مش متبرشم حتى لو من اخوك وربنا ما يوريكم اليومين الى انا شفتهم
hardtime
عضو مميز
hardtime
2014-01-21 (05:23:16AM)
speedy
ااولا الف مبروك وربنا يعوض عليك فى 200 جنية (بس توعدنى بعد كدة تنفذ المقولة اللى بتقول لا خاب من استشار)
ثانيا:احكيلك انا بختصار الاخ hommos حصل معاة نفس مشكلتك والله بالظبط من موضوع الكرتونة مش متبرشمة واللموبيل خارج برة الكرتونة وملفوف بالبلاستيك طبعا اتصل بى قولت لة لا متخدهوش
تانى محل الشريحة بتفصل شبكة او مش عايزة تشتغل قولت لة بردوا متخدهوش
تالت محل وكان الهندسية الموبيل كان متبرشم وتمام التمام والحمد الله اشتراة
بختصار يا صحبى الحمد الله انها جيت على قد كدة ومتزعلشى نفسك خالص
ومبروك كمان مرة
speedy
speedy
2014-01-21 (05:32:03AM)
والله يا هارد انا بقول الحمد لله , ومكنتش متخيل ان الشخص ده بالذات يعمل كده , وفعلا انا غلطان انى قاوحتك ومسمعتش كلامك من الاول بس الحمد لله ان جت على قد كده , اقسم بالله انا فرحتى ان الكرتونه متبرشمه اكتر من فرحتى بالموبايل بعد الليله الى انا شفتها دى , بس الحمد لله على كل حال , ومش عارف اقولك ايه على نصايحك والله
hardtime
عضو مميز
hardtime
2014-01-21 (05:34:04AM)
متقولشى حاجة ياباشا احنا اخوات
قول بس الحمد الله قدر الله وماشاء فعل
hisham3100
hisham3100
2014-01-21 (09:42:24AM)
معلش صاحبك ده طلع زبالة اوى بس للاسف بقى في ناس كتير اوى زيه
bobma
bobma
2014-01-21 (03:14:10PM)
اليومين دول نص المصريين او اغلبهم نصبين فخود بالك كويس سواء هتشرى سلعة او خدمة متاولش معرفة او صحبى لان الفلوس بتخلى الناس مجانيين
rozena
rozena
2014-01-21 (07:12:44PM)
الحمد لله قدر الله وماشاء فعل خير وربنا يباركلك فيه يارب وفى ستين داهيه 200 جنيه وكويس انها جت على كده ورضى يرجعوا
kidguy26
kidguy26
2014-04-15 (01:40:53AM)
يا جماعه أنا باقرا الموضوع ده وبكره هاجيب النوت 3 بإذن الله ، وكويس إني أخدت بالي وألف شكر للجميع
mahmoud.elhddad
mahmoud.elhddad
2015-01-09 (02:21:52AM)
ربنا يعوض عليك
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك