تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 3
للرجوع الي صفحة سامسونج Galaxy Note 3 الرئيسية اضغط هنا

معلومات مفيدة تقليل إستهلاك البطارية

ArchieDeacon
ArchieDeacon
2014-01-05 (05:07:38PM)
إخوتى الإعزاء ......
إسمحولى أقول معلومة ممكن يكون بعضكم أو كلكم تعرفوها .. بس معلش إستحملونى أنا الصغير بينكم
المهم ..
بيعانى البعض من إستهلاك البطارية بسرعة .. طبعا مع إضافة كل المعلومات القيمة اللى ذكرها الأستاذ المحترم هارد تايم .، والأستاذ المحترم محمود سمير .، والأستاذ المحترم أحمد محمد .، والأستاذ المحترم أخواتى تامر وكل إخواتى وأساتذتى المحترمين اللى هم أعضاء فى هذا المنتدى الرائع Mob4me
واللى أنا بتعلم منهم كلهم ..
نيجى لموضوعنا .. بعد الأخذ بنصايح أخواتى دول فى
تقليل إستهلاك الطاقة من :
1. تقليل سطوع الشاشة وليكن للنصف بلاش يزيد عن كدة
2 . مسح أى برنامج للبطارية لأنهم ملهومش أى لازمة وكفاية وضع توفير الطاقة
3 . تخلى إضائة مفاتيح الرجوع والخيارات ثانية ونصف
4 . تقفل كل حاجة فى صفحة الإشعارات من وضع القيادة والسكون الذكى ووضع القراءة و... و... وخلى بس وضع توفير الطاقة والتدوير التلقائى لما تكون بتستخدمه فقط
5 . تقفل كل التطبيقات المفتوحة وتعمل كلير للميمورى ( الرام ) بإستمرار
6 . تشحن جهازك وهو 10 % لحد ما يبقى 100% ما تستخدمهوش غير لما يكتمل الشحن وياسلام يفضل لو شحنته وهو مقفول يبقى أفضل طبعا هتلاقى أداء البطارية يوم عن يوم بيتحسن معاك
تقفل الواى فاى ووضع شبكة البيانات ( 3G ) فى عدم إستخدامهم
كدة تمام .. اللى عاوز أضيفه بقى هو :
فى تطبيقات كتير بتبقى شغالة ومابتتقفلش زى جوجل بلاى وتطبيقات الإنترنت وكدة حتى لو حضرتك قفلتها من مدير المهام وعملت كلير للرام كمان هى مابتتقفلش ..
هانقفلها إزاى .....؟

هاتفتح الضبط وهاتعمل خطوتين
الأولى : هاتختار مدير التطبيقات أو Application Manager هتلاقى أول قايمة حضرتك فيها إسمها ( المحملة )
أو( Downloaded ) هاتدوس عليها وهايجيلك كل التطبيقات المحملة على جهازك والأصلية هاتدوس على كل واحد فيهم وتعمله إيقاف أو Force Stop وبعد ما تعمله إيقاف هتلاقى حاجة تحت كدة إسمها Clear Cache دوس عليها وإعمل كلير وهكذا مع باقى البرامج والتطبيقات تمام كدة

الخطوة التانية بقى : بعد ماتنتهى من الأولى هاتيجى على القايمة الثالثة من ناحية الشمال فى مدير التطبيقات اللى حضرتك فتحتها هتلاقى إسمها ( التشغيل ) أو ( Running ) ودى الخاصة بالرام هتلاقى من ضمنهم الضبط وكدة إضغط على كل واحدة فيهم وإعملها إيقاف أو Stop وخلى بالك الأيقوانات الخاصة بجوجل وجوجل بلاى هاتتعبك شوية وكل ما هاتقفلها هاتلاقيها تانى المهم خليك وراها لغاية ماتتقفل نهائى وهكذا الباقى وخلى أيقونة الضبط اللى إنت فيها آخر حاجة تقفلها عشان مايخرجكش بره تلقائي لإنك قفلت الضبط وكدة
وبعد ماتنتهى من كل ده هتلاقى الرام قلت معاك كتير وبقى عندك فري رام كبيرة .، بعد ماتعمل كدة تعمل كلير للرام عادى من مدير المهام اللى بتفتحه من الضغطة المطولة على زرار الهوم .. تمام كدة
هاتعمل الطريقة دى أول ما تفتح جهاز لو كان مقفول ( هاتعملها مرة واحدة بس فى اليوم ) يعنى بعد ماترستر الجهاز أو بعد ماتفتحه لو شحنته وهو مقفول زى ما قولنا قبل كدة ..، وهتلاقى الرام قليلة معاك طول اليوم وإستهلاك
البطارية كمان هايبقى مرضى جدا ومش هاتضايق تانى من البطارية
وكله هايبقى تمام بس كدة :)

يارب أكون قدرت حتى أساعد بأى حاجة .، وأنا آسف من طول الشرح طولت عليكوا ..

كل سنة وحضراتكم طيبين وبخير دايما :)
hardtime
عضو مميز
hardtime
2014-01-05 (05:45:54PM)
ArchieDeacon
تسلم ايدك ياباشا وديما يارب فى تقدم ديما
وبجد تقرير روعة
Mahmoud Samir
مشرف
Mahmoud Samir
2014-01-05 (11:17:07PM)
موضوع ممتاز ياباشا واحلي نجمه لاحسن عضو ياباشا
ArchieDeacon
ArchieDeacon
2014-01-05 (11:47:24PM)
حبيبى يا هااااااااااااارد تسلم يا كبير وكله من تعاليمك يا برنس .. أهو بقى على قدى اللى بعرفه بقوله ولو إنى ماجيش حاجة جانبك يا نجم السمارت فون إنت
كان فى فمرة عضو محترم هنا قالك كلمة حلوة كدة عاجبتنى وهاقولهالك دلوقتى :
زى ما فى ميسي فى الكورة إنت ميسي فى الموبايلات .. وكل ميسي بقى وشطارته :)

أستاذى المحترم / محمود سمير .. لما أنا أحسن عضو يبقى حضرتك إيه .. أنا ماجيش حاجة فيك يا كبيييييييير وبعدين أنا ماجبتش حاجة جديدة بس حضرتك كدة دايما بتحب تشجعنى وترفع من معنوياتى .، وبجد أنا متشكر جدا على ذوقك وعلى محبتك ويارب دايما كدة نفضل خواة كلنا وأعضاء تعمل فى جسد واحد من أجل الجميع
تسلم يا مان .، ومتشكر جدا مرة تانية على نجمتك الجميلة :)
Mahmoud Samir
مشرف
Mahmoud Samir
2014-01-06 (01:16:31AM)
ربنا يخليك ياصاحبي تسلم يارب
hardtime
عضو مميز
hardtime
2014-01-06 (01:39:18AM)
ArchieDeacon
تلم يا باشا
بس معلشى مليش دعوة انا مدريدى :))
tamer2015
tamer2015
2014-01-06 (02:26:58AM)
بجد تقرير ممتاز وشامل حاجات كتيرة جدا وكمان مفيدة جدا فعلا تقبل تحياتى والى الامام دايما يا بطل (y)
nagla2
nagla2
2014-01-06 (02:38:50AM)
تسلم الايادى
ArchieDeacon
ArchieDeacon
2014-01-06 (05:13:09PM)
تمووووووووور حبيبي متشكر جدا يا مااااااااااان .. كلك واجب ودايما سباق بالخير .. تعيش دايما وكل سنة وحضرتك طيب وبخير

Nagla2 .. ألف شكر يا باشا على ذوقك :)
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك