تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy Note 3
للرجوع الي صفحة سامسونج Galaxy Note 3 الرئيسية اضغط هنا

تقرير نهائى عن النوت 3 وحل المشاكل اللى يعنى منها الناس

hardtime
hardtime
2013-12-05 (01:59:40PM)
السلام عليكم

اسمحولى اليوم اتكلم عن وجهة نظرى المتواضعة والتى قد تحتمل الصواب او الخطا

بعض الناس معانا فى الصفحة واللى اشترى النوت 3 وبالاخص النسخة الثرى جى
بدا يشكوا من بعض العيوب (من وجهة نظروا طبعا)
وكانت العيوب كالتالى:-
1-بيسخن
2-بيهنج
3-الرمات ممتلاءة (معا عدم فتح اى من التطبيقات)

طيب اسمحولى ابدا افسر كل نقطة على حدا:-

1-موضوع السخونية مش عارف هل 36 او 38 درجة تجعلك انك تخاف وتقلق.
طبعا الموضوع مبالغ فية جدا لان دى درجة حرارة بسيطة جدا لدرجة حرارة موجودة فى موبيلات زى الاس 3 او الاس فور واحب اوضح لكل الناس ان السخونة دى ولا تخوفك ولا تقلق
تقلق مثلا لما تتعدى 50درجة تمام كدة

2-موضوع التهنيج
طبعا محصلشى اى تهنيج معا اى عضوا لحد النهاردة حتى معا الناس اللى اشتكت من مليان الرامات. وبقول لكل الناس ممكن يحصل ليك فى بعض الوقت وانتا شغال على للعبة معينة او ابلكشن معين ان الجهاز يرستر او يهنج طبعا دة مش عيب فى الفون وان العيب بيبقى فى نسخة البرنامج او اللعبة
ومجرد علم الشركة المنتجة للبرنامج دة او اللعبة بمعرفة هذا العيب تقوم بعمل تحديث وتنتهى المشكلة فورا

3-موضوع الرمات الممتلاءة
نيجى بقى لموضوع الرمات اللى شغل بال ناس كتير قوى وانا هقول اللى حصل
(انا لما ناس دخلت هنا على الصفحة واشتكت من موضوع الرامات حولت اشوف اية الحكاية دى لان انا معاى النسخة الفور جى ولما بعمل كلير للرمات بيوصل معاى .850/2.38
المهم كلمت احد الاعضاء وقمت معاة بكذا خطوة وكانت النتيجة كالاتى قبل الكيلر 2.24/2.66
بعد الكيلر وصلت .950/2.66
وانا شايف كدة كويس قوى
اتصل بى عضوا اخر واتبعت معاة نفس الخطوات وكانت النتيجة بردوا زى اللى فاتت
فى النهاية استنتجت بعض الاشياء ودة والله ما اهانة لاى عضوا فى الصفحة انتم كلكم اخواتى وفوق راسى
1-واحد اشترى النوت وطبعا دة اول استخدام لة للسمارت فون او اندرويد
ويقوم باستخدام النوت على انوا للاب او موبيل 1110
ولا يقوم بعمل كلير للرامات

2-واحد تانى يقوم بفتح كذا ابلكيشن وكذاللعبة فى نفس الوقت ومتخيل انوا لما يضغط على زرار الباك او العودة ان الابكشن او اللعبة اتقفلت ودة طبعا خطا جامد
ومن البرامج التى لابد من قفلها بعد الانتهاء منها
google chrome
play music
music
internet
لان الببرامج دى مشكلتها انها تعمل فى الخلفية بعد الخروج منها فلابد من عمل كلير للرامات حتى يتم قفلها نهائى وبالتالى لاتؤثر على استهلاك البطارية ولا على اداء الراما

اتمنى بعد اللى انا قولتوا حالا اكون وفقت فى توصيل معلومة بسيطة حتى يقوم الجميع بفهما
واتمنى شىء اخر اننا لا نبالغ فى المشاكل التى توجهنا لاننى مقتنع بشىء كتير مهم
ان اى مشكلة وليها حل

وفى النهاية اعتذر لكم جميعا
اذا كنت اتاخرت على اى عضوا فى حل مشكلة لدية


Sonmez
Sonmez
2013-12-05 (03:11:00PM)
أولا أحب أحيي الأخ هارد علي الكلام الرائع اللي قال
ثانيا انا والحمد لله ولا مشكلة من اللي اتصال حصلت معايا ولا تهييج ولا سخونية ولا الرامات اتملت مع العلم اني مشغل برامج كتير ولما بلعب وبشتغل ع الموبايل نص ساعة تقريبا أو اكتر شوية درجة الحرارة بتوصل ل 36 أو 36.5 مش اكتر من كدة والله العظيم عمرها معدل معايا ووصلت ل 37
وانا بقول تاني انا كاتب التعليق دة من الموبايل و شغال تمام والله العظيم والحمد لله

بجد بقول وربنا شاهد علي كلامي من واقع تجربتي للموبايل . الموبايل كويس جدا وبشكل الأخ هارد مرة تانية .
ومعلومة أخيرة أن الأخ هارد معاه النسخة الفور جي وانا معايا الثري جي ومحصلش معانا والحمد لله أي مشكلة من اللي اتقالت
وشكرااااااااااعععع للجميع وأعتذر على الاطالة
tamer2015
tamer2015
2013-12-05 (03:32:48PM)
موضوع رائع ومتميز واحب اقول لكل الناس انا واحد من اللى اشتكو من موضوع الرمات العالية وكنت رايح الضمان اودلهم الموبيل لكن كلمت اخوبا وحبيبى هارد واتكلمنا مع بعض فى اننا نوصل لحل المشكلو وهوىقام معايا ببعض الخطوات اللى زاكرها وكانت النتيجة حلوة جدا واتحلت مشكلة الرمات الزائدة عندى طبعا بشكر هارد جدا على مجهودة المتميز ودايما فى التالق يا عارد انك تعمل للخير وتساعد كل الناس ... بالتوفيق يا باشا
Sonmez
Sonmez
2013-12-05 (04:27:55PM)
معلش لو كان في كلام طلع ملخبط شوية لانى كنت بكتب وانا راكب اتوبيس الشركة ويمكن دة من المطبات اللي كان بياخدها السواق ربنا يتوب علينا ويصلح حال البلد دى.

شكرا ليكم جدااااااااااااااااااااااااااااااااااااااااااااااااااااااااااااااااااااااااااااااااااااااااااااااا

وطبعا شكرا اوووووووووووووووووووووووووووووووووووي للاخ هارد علي مساعدتة لينا
tamer2015
tamer2015
2013-12-05 (04:46:32PM)
Sonmez
بتحصل كتيييير وﻻ يهمك ههههههههههههههه
mob4me
مشرف
mob4me
2013-12-05 (05:19:30PM)
الله ينور يا هارد تقرير ممتاز واتمني ان الجميع يستفيد منه
ranaaly
ranaaly
2013-12-05 (05:41:31PM)
اظن كدة هارد ماسبش فرصة لاى حد انه يعيب في الموبايل دة سكتنى انا شخصيا :D زى ماهو بيقنع كل واحد يدخل الصفحة دى انه يشترى الموبايل بيجبره برده انه مايعبش فيه و يتمسك و بيثبت ان الموبايل دة يستاهل كل جنيه ادفع فيه :)

Hard time ربنا يخليك للصفحة و للموبايل ^_^
hardtime
عضو مميز
hardtime
2013-12-05 (05:52:27PM)
طبعا كنت متوقع رد الناس المحترمة دى واللى انا بعزها اكتر من اخوات
ربنا يعزكم
اسمحولى اشكر كل اعضاء الصفحة وبالاخص:_
Sonmez
tamer2015
mob4me
ranaaly
-_-
Mahmoud Samir
مشرف
Mahmoud Samir
2013-12-05 (05:58:27PM)
تعليق ممتاز ياصاحبي وف تقدم مسمتر
princehamed
princehamed
2013-12-05 (06:51:48PM)
انا واحد برضه من الناس اللى كانت بتشتكى من الرامات العالية والحمد لله حلهالى هارد بجد مش عارف اشكره ازاى على المعلومات اللى ادهالى بجد انسان محترم اووووووى
SkyWarrior
SkyWarrior
2013-12-05 (07:09:24PM)
هههههه في أخ هنا في الصفحة برضو خضني إنه لسة جايب الجهاز جديد ومنزلش اي برنامج ولقى الرامات سكرانة برضو معاه

بس موضوع روعة وان شاء الله الكل يستفيد منه ،، حطه عندك في البروفايل :)
menarenoo
menarenoo
2013-12-05 (08:54:37PM)
الله يتور عليك يا هارد موضوع جميل وانت قولت كل الي ممكن يتقال وديما نستفاد منك يا معلم
thelord
thelord
2013-12-05 (09:14:07PM)
النوت بيسخن اكتر من 38 درجه بس مش بتبان مش عارف ازاي بس بيسخن جامد اكتر منالs3 لما كان بيجيب فوق 45 بس مش بتظهر في النوت
samunggalaxynote3
samunggalaxynote3
2013-12-05 (09:52:05PM)
الله ينور يا هارد .. بس معلش سؤال انا الرام معايا مبتنزلش عن 1.26 عمرها وانا قافل كل notification و قافل الاضاءه ع الاخر و ماسح كل ال active prog. .... ايه بقى 950 دى :D :D
tamer2015
tamer2015
2013-12-05 (10:16:06PM)
SkyWarrior
انا هو ذات الشخص الذى تتحدث عنة انت ههههههههههههه بس الحمدلله ياريس المشكلة اتحلت الله يباركلة هارد حلها لكل الناس
SkyWarrior
SkyWarrior
2013-12-06 (12:52:06PM)
tamer2015
لا خالص ياغالي ده كان اخ تاني اسمه EhabElewely ،، جهازه لسة شاريه وخضني بالخبرية ان الرامات على اخرها وهو لسة جايبه
reda8855
reda8855
2014-04-07 (01:11:58PM)
بجد شكرا للاستاز هارد
kasereinebles
kasereinebles
2014-04-08 (01:15:42AM)
السلام عليكم. صحبي ارسلي صورتين وبعدعا خسيت ان الجهاز بقي تقيل حبه هل النوت 3 بيجيله فيروس؟ وهل في برنامج انتي فيروس كويس؟
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك