السلام عليكم

اولا انا مش بحب خالص الموبايلات كبيرة الحجم و ثقيلة الوزن زى J7 و لما نزل هو و J5 قررت اشترى J5 لانه اصغر فى الحجم و اقل فى الوزن حوالى 25 جرام

اشتريت J5 و وواحد صاحبى اشترى J7

لما قارنتهم ببعض رجعت ال J5 و اشتريت J7 مع انى مخنوق من حجمه و وزنه الكبير بس عشان الاسباب التاليه :

1- مع انه مكتوب ان الكمرتين 13 ميجا بكسل بس كاميرا ال J7 اعلى فى الالوان و الوضوح و بفرق واضح

2- شاشة ال J7 صورتها اوضح و الوانها اعمق من J5

3- كارت الشاشه بتاع J7 اعلى

4- الذاكره الداخليه المتاحه 11.5 جيجا مقابل 5 جيجا لل J5

5- J7 بيدعم 10 اصابع للمس مقابل 2 فى J5 و ده بيفرق فى بعض الالعاب و الكتابه السريعه

6- طبعا البروسيسور فى J7 عالى جداااااااااااااا و كان ناقصه رامات 2 جيجا بدل 1.5 جيجا

عيوبه انه صوت النغمات اقل بسيط عن J5 بس الاتنين برضه ميتسمعوش فى الشارع و كمان حجمه و وزنه التقيل

كل الكلام ده عن تجربه عمليه مش كلام مواقع نظرى