احفظ اسماءك واعمل اعادة ضبط المصنع

الأستاذ الفاضل اول مره الجهاز عمل كده انا فعلا احتفظت بنسخه من الأسماء على الكمبيوتر وعملت ضبط مصنع بس الجهاز عمل كده تانى هل ادويه التوكيل وخصوصا ان الجهاز ليسه فى الضمان ولا اى رأيك ارجو المشوره

موضوع الشاشة السودا بتحصل معاك وانت شغال علي الموبايل بعند فتح تطبيق مثلا ...الجهاز بيهنج منك ولا يستجيب لاي امر ..ولا الجهاز بيطفى منك خالص ومش بيكون شغال معاك نهائي زي لما يكون مطفي ...... هل بطارية الجهاز كويسة ولا فيها مشاكل ..بتستخدم شاحن اصلي ..بتشحن موبايلك باستخدام شواحن الطوارئ او الباور بانك او تانك ... يا ريت حضرتك ترد عليا وان شاء الله خير ....

اخ الفاضل انا ممكن اسيب الجهاز ساعه او اكثر بدون استخدام واجى استخدمه الاقيه مش عايز يشتغل وهو ده اللى حصل فى المرتين وانا باستخدم الشاحن الاصلى اللى جاى مع الجهاز فى تعليق سابق بنفس المشكله حضرتك بتطلب من صاحب المشكله ان يمسح اى تطبيق تم تنزيله انا لم اقم بتنزيل اى تطبيق ولا حتى انتى فيرس

طيب واحده واحده ومعايا ....

انت دلوقتي سبت الموبايل ساعه بدون استخدام لما روحت عشان تستخدمه ...الجهاز بيكون مطفى منك يعني مش شغال معاك خالص ..في الحالة دي انت بتعمل ايه :
هل بتجرب انك تدوس علي زر الباور عشان تشغله . ولا بتشيل البطارية علي طول وبعدها وبدوس علي الباور وبتشغل الجهاز .

معلش انا عايز افهم الجزئية دي وسامحني اصلي فهمي علي آدي ...

انا سألتك عن حالة بطاريتك وحضرتك مردتش علياا ... يا ريت تقولي حالتها .

يا باشا احنا بنتعلم من حضرتك البطاريه هى اللى جايه مع الجهاز وانا شارى الجهاز من التوكيل من شهر ونصف تقريبا كذلك لما الجهاز طفى منى انا افتكرت ان انا دوست على مفتاح البور من غير قصد فأول حاجه علمتها ان انا حاولت اشغله من مفتاح البور ولما ملاقيتش فايده شلت البطاريه وشغلت تانى.......... مع شكرى لاهتمامك

يا باشا العفو ..... تمام كده وصلتني ...كده مشكلتك بنسبة 90% من البطارية ..

خلي بالك انا بتكلم علي أساس انك علي الروم الرسمي وبالأخص انك مش منزل كيرنال قبل كده لا ن الكيرنال الغير رسمي بيعمل كده ...

البطاريه عموما حالتها جيده بتعد معايه تقريبا يوم ونصف أعتقد ان بالنسبه لاستخدامى ولامكنيات الجهاز كويس

لو حضرتك مركب ميموري ياريت حضرتك تشيل الميموري
وتعمل فورمات للجهاز من خلال الازرار الثلاثة والجهاز مطفي

ممكن بعد اذنك تعرفني ازا ى اعمل الفورمات

naderssb

شوف يا كبير انا عايزك الأول تخلي شحن البطارية علي 20% وبعدها اقفل التليفون وبعدها هدوس علي 3 ازارا (الباور + الهوم + تعليه الصوت) وشيل ايدك اول متظهرلك قائمة وبكده انت في وضع الريكفرى .

هتتحرك بزرارين تعليه وخفض الصوت اسفل واعلي .

اختار حاجة اسمها wipe data cache partition وهدوس علي زر الباور . الموبايل هيرستر .
وبعد كده هتعمل تاني نفس الخطوات عشان تدخل علي القائمة وهتختار wipe data/ factory reset وهندوس علي زر الباور وبعدها هتظهر قائمة وهنتتحرك بزرار خفض الصوت لحد ماتلاقي كلمة yes وهندوس عليها وبكده يبقي انت عملت الهارد ريست الخارجي ...

وبعدها هنختار reboot systeme now وهتدخل علي الموبايل بعد متظبط عمليه الدخول اقفلي التليفون وحطه علي الشاحن ....

تمام كده

naderssb

وبعد متعمل كل ده راقب التليفون وشوف هل الموضوع ده هيتكرر معاك تاني ولا لا .....

و خلي بالك أجهزة الاندرويد عموما محتاجه انك تنشطها وده بيكون تقفل موبايلك حتي 15 دقيقه لو امكن يوميا ولو تعذر يبقي خليها رستارت وبكده انت فوقت النظام عموما ......

بالتوفيق يا كبير

لو قدرت تخلي التليفون مشحون كويس واتت بتعمل اللي الاخ قالك عليه يبقي افضل واضمن