تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy J7
للرجوع الي صفحة سامسونج Galaxy J7 الرئيسية اضغط هنا

لماذا الهواوى 4X افضل

waleedsunny
waleedsunny
2015-08-12 (09:24:43PM)
بمناسبة انى استخدمت افضل 3 اجهزه متوسطه في السوق حاليا
سامسونج E7 و J7 وهواوى 4X
ليه بقول ان ال 4X افضل
السعر 1800ج متبرشم بضمان شركة i2
مستوى أداء الكاميرا سواء الاماميه او الخلفيه ممتاز افضل من E7 واقل من J7
مستوى أداء البطاريه كويس جداااا زى ال E7 وأقل من J7 حاجه بسيطه
التلاته والحمد لله مافيش سخونه
امكانيه تركيب خطين + كارت ميمورى والخطين فيهم أوبشن ال 4 جى
الرامات 2 جيجا الجهاز بيستخدم 800 والفاضى دايما من 1000 الى 1200
فيه سنسور بوصله
فيه سنسور اضاءه
فيه لمبة اشعارات جميع الالوان
في خاصية OTG يعنى بيقرا من فلاشة كمبيوتر
في خاصية عمل باسور ورد للداتا اللى على الجهاز زى ال E7
امكانيه فتح الشاشة بالنقر مرتين على الشاشة وغلق الشاشة عن طريق برنامج قفل جاى مع الجهاز وده بيقلل استخدامنا لزرار الباور فايعيش وقت اطول بكتيير
فيه برنامج اوبتميز لغلق جميع البرامج المفتوحه في الخلفيه وتفضية الرامات
فيه امكانية التحكم في البرامج النشطه اثناء غلق الشاشة للتوفير في الطاقة
مساحة الجهاز 8 جيجا الفاضى منها 3.5 جيجا وده مش عيب في الجهاز لسبب بسيط وهو ان هواوى فيها اوبشن امكانيه جعل كارت الميمورى هو الذاكرة للجهاز ونقل جميع البرامج والالعاب لكارت الميمورى مهما كان حجمهم
من اقوى الاجهزه في الاستخدام في ضوء الشمس بحيث انك لو خليت الاضاءه 100% بتشتغل على الجهاز بمنتهى السهوله تحت اشعة الشمس وال J7 قريب من الموضوع ده لكن اقل حاجه بسيطه وذلك من غير تفعيل اوبشن الاضاءة في الخارج
صوت سماعة النغمات كويس وعالى جدا غير ان وضعية السماعة زى الايفون فا بتخلى مافيش مشكله انك تحط الجهاز على وشه او ضهره عادى لان السماعة من الجنب

ايه بقى عيوب هواوى عامة

قلة الاكسسوارات والدعم الفنى والتحديثات بشكل عام
قلة قطع الغيار او الصيانة
بطء المزامنه وده اهم عيب قابلنى في الهواوى لحد ال Mate 7
وهو بطء الاشعارات الخاصة بمواقع التواصل الاجتماعى زى الفيس والواتس والميل للاسف بتاخد وقت شويه على ماتوصل بعكس سامسونج بصراحه

انا بحاول اشرح العيوب والمزايا
وده مش معناه ان سامسونج احلى ولا هواوى احسن
كل شىء ليه مميزاته وعيوبه وعلينا نقرر الافضل لاحتياجتنا
وربنا يوفق الجميع للخير ان شاء الله
mostafaabdalgawad
mostafaabdalgawad
2015-08-13 (04:47:15AM)
ماشاء الله تقييم رائع يا استاذ وليد
waleedsunny
عضو مميز
waleedsunny
2015-08-13 (10:49:47AM)
ربنا يبارك في حضرتك
وان شاء الله ربنا يجعله فايده للاعضاء
tzanasr
tzanasr
2015-08-13 (04:38:19PM)
شكرا لحضرتك على الريفيو الرائع ده بس حضرتك متاكد ان كاميرة الهوتر 4x افضل من e7
waleedsunny
عضو مميز
waleedsunny
2015-08-13 (08:50:51PM)
فعلا افضل وادق وخاصة في تصوير الفيديو للكاميرا الخلفيه
وفى دقة الصور بالنسبة للكاميرا الاماميه
لكن ال J7 ادق واسرع من الاتنين
tzanasr
tzanasr
2015-08-13 (11:54:09PM)
بس معلش يا استاذ وليد هل الهونر 4x صوته واطى فعلا بشكل ملحوظ فى تصوير الفيديو ولك جزيل الشكر
waleedsunny
عضو مميز
waleedsunny
2015-08-14 (12:09:06AM)
بص هو لما تسمع الفيديو على الجهاز بيكون صوته عالى عادى
لكن لما تشغله على الكمبيوتر بتلاحظ ان صوته متوسط
messi2050
messi2050
2015-08-14 (02:53:21AM)
معلش استفسار تانى يا استاذ وليد الj7 بيتشحن فى كام ساعة
tzanasr
tzanasr
2015-08-14 (12:37:47PM)
شكرا لحضرتك يا استاذ وليد ربنا يبارك فيك
kane5
kane5
2015-08-20 (11:46:26PM)
طب حضرتك يا استاذ وليد شايف انهى الاحسن هونور 4 اكس ولا هواوى جى 7
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك