waleedsunny
2015-08-12 (07:12:37PM)
الله يبارك في حضرتك
في برامج بتحملها على الكمبيوتر وتخلى تردد النغمه اللى انت عايزه عالى بس للاسف بيخلى الصوت في خروشه فابيضيع حلاوة الصوت
وفى نفس البرامج على الاندرويد بتحملها من على المتجر مجانا
وفى نغمات انت بتحملها من الكمبيوتر بتكون اصلا عاليه
وفى برامج نغمات جاهزة بتحملها من على المتجر كتيير جدااااا
فا متقلقش الموضوع بسيط ان شاء الله
انت كل الموضوع انك بتفتح على الكمبيوتر صفحة جوجل وتكتب نغمات عالية التردد
أو نفس الشىء بتعمله على الموبايل على المتجر وتحمل اللى يعجبك
بيركب عليه اسكرينه وجراب بتوع ال E7 مع تعديل فتحه المايك فقط
الجهاز مساحه 16 جيجا الصافى 11.5 جيجا وبيسمح بنقل بعض البرامج والالعاب لكارت الميمورى
الشيبست بتاعت النسخه الموجوده في مصر من انتاج شركة سامسونج Exynos 7580 نفس الشيبات الموجوده في نوت 4 واس 6 واجهزه حديث لسامسونج وبرسسور ثمانى النواه 1.5 - وكارت فيجا Mali-T720MP2 - والجهاز جاب على an tu tu حوالى 38000 وطبعا ده اعلى من E7 بكتيير لانه ال E7 كان جايب حوالى 21000
مميزات الجهاز اللى بتخليه افضل من ال E7
1 - بيركب خطين بالاضافه لتركيب كارت ميمورى
2 - وجود فلاش امامى للكاميرا الاماميه بس الفلاش بيكون مغلق او مفتوح فقط مافيش اوبشن الاوتو
3 - الكاميرا الاماميه والخلفيه افضل في الدقه والوضوح من ال E7 مع ان الاتنين نفس الرقم لكن ممكن يكون السبب في نوعيه العدسات او سوفت وير متطور
4 - الجهاز في خاصيه توصيل فلاشه الكمبيوتر بالموبايل وطبعا ده اوبشن جميل واصبح مهم
5 - الثيمات بتاعته متطوره جداااااا وبتغير كل شىء في الجهاز من شاشة اتصال والكيبورد وقوائم الضبط وقوائم الاشعارت بالكامل والرسائل والايقونات والفونت وكل شىء - المفيد انها بتخلى الموبايل حاجه تانيه خالص وفى ثيمات كتيير جدااا ممكن تحملها من على النت
6 - مستوى أداء البطاريه افضل بنسبه حوالى 20%
7 - نسخة الاندرويد لوللى بوب 5.1
العيوب اللى بتخلى ال E7 افضل من ال J7
1 - الرامات بالظبط 1366 الفاضى منها من 400 - 300 فقط وانت لسه مافتحتش برامج تقريبا
2 - شالو اوبشن كتيير جدااااا من الموبايل على سبيل المثال وليس الحصر - مافيش اوبشن الفايبريشن عند فتح وغلق المكالمه - مافيش اوبشن برايفت مود اللى تميز بيه ال E7 - مافيش تنبيه عن طريق الفايبريشن عند مسك الجهاز لما يكون في مكالمات او رسائل فائته - مافيش اسكرين شوت عن طريق المسح براحة اليد - مافيش امكانيه فتح كذا برنامج في الشاشة الواحده
3 - صوت نغمات الجهاز واطى لازم وحتما تحط نغمات ترددها عالى جداا من عندك عشان تسمع صوت الموبايل وده اللى عملته وفعلا اصبح صوته عالى جدااااا
4 - سرعة ال 3جى في ال E7 بتكون 42 لكن ال J7 بتكون 21
طبعا الجهازين مافيش فيهم سنسور اضاءه او سنسور بوصله او لمبة اشعارت
ملحوظه - انا كان معايا هواوى 4X
بدون مبالغه افضل من الاتنين بمراحل كبيره وكمان سعره 1800ج بس
انا بقول كده للامانه لعدم التحيز لماركة معينه اهم شىء الحاجه اللى تفيد الواحد اكبر استفاده وفى نفس الوقت يكون سعرها معقول
ده اللى لاحظته حتى الان ولو في جديد هاكتبه ان شاء الله