مساء الفل الجهاز معايا من شهر ونص وبجد جهاز جميل جدا ورائع .
نبتدي بمميزات الجهاز :
1- برسيسور رباعي النواة سناب دراجون مع رام 1.5 اداء عالي والحمد الله محصلش معايا تهنيج والسخونة عادية جدا .
2- شاشة 5.0 بوصة حجم جميل مع شاشة سوبر ايموليد الصور والفيديو ممتازين جدا بالذات كليب عمرو دياب :D
3- كاميرا خلفية جيدة هيا 13 ميجابكسل بس هيا اقل شوية بس جامدة برضوا اما الكاميرا الامامية فهيا ممتازة جدا مع الفلاش الامامي عامل شغل عالي .
4- البطارية استخدام متوسط نت ولعب خفيف ممكن يوصل يوم ونص اما استخدام جامد 18 - 19 ساعة لحد ما كويسة جدا .
5- الجهاز من النظرة الاولى تحس انو نوت 5 تصميمة وشكلة جميل جدا خاصة اللون الذهبي .
العيوب بقى :
1- زجاج الشاشة غير مقاوم للخدش بس ممكن حلها مع الاسكرينة
2- عدم وجود برنامج لتشغيل الموسيقى لخاص بسامسونج ودي مضيقاني بس ممكن ما تفرقش مع ناس كتير .
المجمل جهاز ممتاز جدا بالنسبة لسعرة