تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ سامسونج Galaxy A7
للرجوع الي صفحة سامسونج Galaxy A7 الرئيسية اضغط هنا

محتار بين هواوى اسند مات 7 وA7

Medo055
Medo055
2015-03-03 (08:34:25AM)
والله يا جماعة انا محتار بين اسند مات 7 وA7 مش عارف اشترى مين؟
ياريت تنصحونى وتعرفونى ايه الافضل؟ انا عارف الامكانيات بتاعة الاتنين بس عايز اعرف من ناحية الاستخدام وما بعد البيع والصيانة والاكسسورات والدعم الفنى كل الامور دى عايز اعرفها عشان اقدر احكم مين الافضل ليا واشتريه
كمان انا عرفت ان A7 منه نوعين نوع البوردة بتاعته اكسيونز اللى من انتاج سامسونج والنوع التانى كوالكم بس لما سالت عرفت ان اللى بينزل مصر اللى ببوردة اكسيونز فانا عايز اعرف اخبار السخونه ايه؟ كمان البطارية عاملة ايه وبتقعد قد ايه ؟
اتمنى حد يرد عليا فى اقرب وقت ممكن
ktakora
ktakora
2015-03-03 (09:17:35AM)
الموبايل مش بيسخن خالص
بالنسبه للبطاريه مش أوي يعني نت بسيط ومش بتكمل اليوم ونص وبالعافيه
وبالنسبه للاكسسوارت بتاعته اصلا مش موجوده وسألت كتير عن جراب او cover والرد اصل الفون جديد ولسه الحاجات دي مش متوفره
Medo055
Medo055
2015-03-03 (04:08:56PM)
بما انك اشتريت الموبيل ياريت تقولى شرح وافى عن امكانية الموبيل من ناحية الاستخدام عامل معاك ايه؟ ورايك فيه ايه؟ وايه اللى ينقصه؟
كمان صوته عامل ايه ياترى عالى ولا واطى اقدر اسمعه فى المواصلات ولا لا؟
انا كنت روحت راديو شاك وابلاينس وI2 وسامسونج كمان بس للاسف ملقتش نسخة معروضه لايف عشان اجربه اللى كان معروض لايف هو A5 بس فى كل المحلات وقالولى انه نفس A7 مع فرق الامكانيات والشاشة بس
وفعلا ملقتش اى اكسسورات ليه فى المحلات دى وكانوا بيقولوا قال ايه خلصت مع ان الموبيل يعنى لسه بقاله شهر او اقل من شهر فى مصر بس اجمعوا على انه ليه سمارت كفر وبتاع ابلاينس قالى لو هتشتريه من عندى هجبلك ليه فليب كفر وكمان اسكرينة ازاز
طبعا الحاجات دى كلها هتتوفر خلال ايام بس الاهم العدة عامله ايه من ناحية كشغل على النت اخبار السرعة ايه وهل اقدر ادخل على النت من اى شريحة اختارها يعنى ينفع من الاوبشن اختار مرة شريحة 1 ومرة تانية اغير واختار 2 ولا الشريحة رقم 1 هى بس نت والتانية اتصال بس ومعرفش ادخل منها على النت؟
وعلى كلامك بالنسبة للبطارية تفضل معايا يوم ونص شغل جامد ولا شغل متوسط؟
ارجو مكنش طولت عليك ولو عندك فيديوهات توضيحة ياريت تبعتها لى واكون شاكر ليك جدا
clocktower
clocktower
2015-03-03 (04:44:20PM)
لو سمحت انت قولت ان اللي نازل مصر النسخة اكسيونز مع ان علي موقع رايا وموبايل شوب كاتبين ان النسخة اللي نازلة عندهم A700H اللي هي النسخة الكوالم سناب دراجون 615 ياريت لو تعرف رقم الموديل بالظبط تقولنا علية وعند اي محل بالظبط لان انا كنت مستغلية لكن لو طلع النسخة الاكسيونز يبقي كدة إمكانياتة عالية
ktakora
ktakora
2015-03-03 (11:17:46PM)
سرعه الموبايل حلوة اوي وصوته كمان جميل ومسموع مش واطي لا .. وسريع فالتصفح وفي كل حاجه سلس جدا ... بس البطاريه مشكله تقعد يوم ونص بالعافيه واستخدام نت خفيف اووووي ... بصراحه بطاريته اكبر عيب فيه صوت وكاميرا وسرعه حلوين اووووووي
ktakora
ktakora
2015-03-03 (11:59:16PM)
نسيت اقول صحيح مستشعر الاضاءه مش موجود يعني لو حد رن عليك او بعتلك مسج اللمبه الصغيره اللي جنب الكاميرا الاماميه مش بتنور من بعيد لازم تروح للموبايل علشان تعرف ان فيه حدث فائت فالموبايل .. بس بيعمل فيبريشن بسيط كده من يوم مااشتريت الموبايل بحاول اعرف اشغل ازاي مستشعر الاضاءه بس واضح انه مش موجحود اصلا مع انه موجوده في ارخص الموبايلات دي حاجه 
(( 2 ))
الحاجه التانيه الموبايل بيشغل خطين صحيح بس كده مسش هتقدر تستعين بكارت ميموري لو بأه استعنت بكارت ميميوري هتستغني عن خط هيبقي الموبابيل بخط واحد وكارت ميموري .. لان الموجود علي جنب الموبايل مكانين بس ،، يعني يا اما تشغل الخطين من غير ميموري يا اما خط واحد وميموري

((3)) النت بيشتغل علي اي شريحه انت تختارها بيشتغل عادي عالخطين اي واحد فيهم

شكل الموبايل شيك بصراحه وجميل ((من غير جراب)) ونحيف اوووي وخفيف جدااا جداااا جداااااا بس عيب صغنن كلمة dous اللي مكتوبه علي ضهر الموبايل
Medo055
Medo055
2015-03-04 (02:49:53PM)
بص يا clocktower انا فاكر انى شوفت فى محل virgin ان امكانيات الجهاز فى المعالج هى Quad-core 1.8 Cortex-A15 GHz & quad-core 1.3 Cortex-A7 GHz وبالتالى ده خاص بنسخة معالج اكسيونز بص انا بردوا لما انزل المحلات هسال واتاكد من الموضوع ده وهبلغك ان شاء الله

اما بالنسبة ل ktakora فانا شاكر على اهتمامك وردك
انت كده قلقتنى من موضوع البطارية لانها اهم حاجة فى الموبيل
وبالتالى ياترى لغاية دلوقتى هو ده العيب اللى لاقيته فى الجهاز زائد مستشعر الاضاءة ولا فيه عيوب تانية قابلتك؟
كمان كنت عايز اعرف الخواص اللى فيه وتميزه عن اى موبيل تانى يعنى مثلا عرفت ان اقدر افتح كذا صفحة وكمان اقدر اشغل الفيديو واتفرج عليه وانا بشتغل على حاجة تانية ياترى فيه ايه تانى من الايماءات وحركات تخليه مختلف
ktakora
ktakora
2015-03-04 (04:11:26PM)
هو فيه بالنسبه للسيلفي تشاور عالشاشه من بعيد يصور لوحدو وممكن تصور اكتر من ٢٠ صورة قي ثانيه ورا بعض كده .... وبالنسبه للمكالمات وانت بتتصفح النت مش بيفصل لا التصفح شفال وكل حاجه وتلاقي مربع كده فالشاشه فوق بالمكالمه وانت شغال نت وبتكتب عادي .. بس بصراحه مش حساه مختلف عن اي موبايل سامسونج غير فالشكل الشيك وطبعا لما يبقي جواةالجراب هيبقي زيه زي اي موبايل سامسونج يعني موبايل مش واااو بصراحهةبالنسله لسعره . ده رأيي اناالشخصي
ktakora
ktakora
2015-03-04 (04:22:26PM)
يارب حد يفيدك كمان من مستخدمي ىالموبايل ده ... كل اللي قولته رايي انا الشخصي فالموبايل وانا استخدامي للموبايل عموما بسيط وياريت لو حد يعرف جديد عن الموبايل يفيد برضه وانا كمان كنت ماكنتش ناويه اشتري سامسونج كل موبايلاتها بالنسبالي مفيهاش جديد بس شكل الفون عجبني واللي فالتوكيل قالي البطاريه تحفه ومش عارف ايه فأقتنعت واشتريته انما كان عاجبني اوي شكل الهواوي بس كل اللي معايا اعترضوا اني ادفع مبلغ في موبايل مش معروف اوي قولت خلاص اتوكل عالله واشتري سامسونج
Medo055
Medo055
2015-03-05 (08:46:45AM)
هو فعلا شكله شيك من ناحية الخامة وكمان الرفع بتاعه ودى ميزه جديدة مكنتش فى موبيلات سامسونج قبل كده بس انا مسكت اسند مات 7 ولاقيته خامة ممتازه وكمان نحيف يعنى مفيش فرق بينه وبين سامسونج اللى يفرق بس حجم الشاشة
ولسه كنت عند موبيل شوب وسالته عن الاتنين والفرق بينهم قالى انه حجم الشاشة وكمان شاشة سامسونج سوبر امولد اما هواوى IPS كمان هواوى فيه سينسور بصمه والبطارية فى هواوى ضخمة 4100 امبير تقعد معاك وقت كبير اما من ناحية الاوبشن والامكانايات الداخلية زى بعض

هو كله الخوف من ان هواوى لسه جديده ف السوق بس كتير بيشكر فيها خصوص ان معظم اللى اشتروا منها كانت اجهزه متوسطه بس الكل بيقول انها ممتازه من ناحية الاستخدام ومفيش تهنيج او غيره وانها فيها امكانيات زى السامسونج بس ارخص
عشان كده الواحد محتار ولسه بيفكر
ktakora
ktakora
2015-03-05 (11:13:20AM)
بصراحه كان عاجبني برضه الهواوي اكتر بكتير وفرق الشاشه مش كبير اوي يعني معقول يعني موبابيل يتمسك فالايد مش تابليت ( هواوي ) ...
بس كل اللي حواليا قالولي خساره مبلغ كببر في موبايل مش معروف اوي وصيني :\

عموما لما تقرر هتشتري ايه وكان اختيارك موبايل هواواي ياريت تفيدني بتجربتك للموبايل وتقولي كل حاجه عن الموبايل .. الواحد بيحب يشتري الموبايل يكون مختلف انما السامسونج زي ما وضحت كده فالجراب زيه زي اي موبايل سامسونج
Medo055
Medo055
2015-03-05 (04:11:27PM)
اكيد ان شاء الله اول لما اشترى هبلغك واعرفك
TrainerMohamedtayel
TrainerMohamedtayel
2015-03-07 (01:17:28AM)
استاذى انت علقت ع كل المراجعات و حيرتنا معاك و الله افضل تليفون فى السوق و نصيحتى و الله العظيم حتى الـ S6 ده اقوى منه يكفى بطاريته و متتعبش نفسك لاننا ردينا عليك اكتر من مرة بس حضرتك متحير و طول ما انت متحير مش هتجيب حاجة لان مفيش موب كامل و ع فكره هواوى نسخة الشرحيتين مشكلة الفيس اتحلت و حقق 44495 ع Antutbench Market فحضرتك اتوكل ع الله و هاته غير كده متسالش لانك هتحتار و هتلاقى كل واحد ليه راى توكل ع الله فى الهواوى ميت 7 شريحتين
Medo055
Medo055
2015-03-08 (03:14:00PM)
انا فعلا كنت محتار ومتلخبط بس الحمدلله انا خلاص اقتنعت ونويت اشترى اسند مات 7 اللى بخطين بعد اللى سمعته منكم كلكم ومن كل اللى اشتروه وانا بشكر كل اللى رد على اسئلتى وساعدنى فى حيرتى
وان شاء الله على اخر الشهر اشتريه ويارب يكون نزل سعره شوية ويكون كمان بقى متوفر اكتر بالمحلات لانى ملاحظ انه ناقص فى المحلات والمتوفر اللى بخط واحد واضح كده عايزين يبعوه باى شكل على حساب ابو خطين
AAAAMER
AAAAMER
2015-05-17 (03:41:04PM)
وع البوردة بتاعته اكسيونز اللى من انتاج سامسونج والنوع التانى كوالكم .... نعرف الفرق ازاى
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك