سعر و مواصفات ال جي Optimus 4X HD P880

مفيش مكان اجيب منه بطاريه للموبايل ده

يا جماعه انا كنت حبيت انزل روم مطبوخ ويارتنى ما فكرت انزله المهم عكيت شوية لحد ما بقى يجبلى اللوجو بتاع ال جي ومبيفتحش بعد كدا حد عنده اى حل للمشكله دى ومش مهم انزل رووم او اعدل فيه انا عاوزه يفتح بس ومش عاوز حاجه تانيه

انا اشتريت الموبايل من سوق.كوم بتاريخ 22/10/2014 كان عليه عرض عامل 1475 جنيه
استعملته لحد دلوقت حوالي شهر وحابب أوضح مزاياه وعيوبه ..
المزايا الاساسية :
- الكاميرا
- الشاشة
- الـ 3G سريع
- الذاكرة الداخلية 16 جيجا والمتاح للاستخدام 12 جيجا
- خاصية NFC
- البلوتوث V4.0 سريع

أبرز العيوب :
- البطارية بتخلص بسرعة
- الحرارة العالية بتظهر لو استخدمت 3G وقت طويل او لعبت مدة طويلة
- البروسيسور مش سلس في تشغيل التطبيقات
- مش هتلاقي اكسسوارات كتيرة
- التحديث اخره جيلي بين 4.1.2 ومفيش اي تحديث غير كده [ انا جربت انزل تطبيقات كتيرة على الموبايل في الاول (على الايس كريم ساندوتش) لكنها رفضت تشتغل لانها عايزة نسخة الجيلي بين او احدث علشان كده حدثت للجيلي بين بس اكتشفت ان التحديث بيسبب بطء شديد في الموبايل حتى لو مش مشغل تطبيقات الموبايل كان بيهنج علطول لكن تخطيت المشكلة دي باستخدام لانشر جوجل ناو Google now Launcher]
ممكن طبعا تنزل روم مطبوخ موجود نسخ لاصدارات الكيتكات Kitkat موجودة على مواقع كتيرة منها مثلا xda developers والرومات دي بتسرع الموبايل بشكل كبير وبتحسن الكاميرا وحتى بتشيل البرامج الافتراضية اللى جاية على الموبايل واللى انت مش محتاجها طبعا.

في النهاية دي كانت تجربتي بعد استخدام شهر واحد من الموبايل لو اي استفسار انا موجود

هو فيه أيه الموبايل سعره ارتفع فجأه كده ليه ؟ أعتقد أن السعر المكتوب غلط و لا أيه؟

أرجو منكم ياجماعة بعد أذنكم حد يفيدنى أزاى أحدث التليفون ده من أيس كريم ساندوتش الى جيلى بين 4.1.2 علما بأنى تعبت جدا جدا ومش عارف أوصل لحل وكل ما أدخل على موقع ال جى من مصر مالاقيش موديل التليفون متوفرله تحديث فالرجاء موافاتى بشرح تفصيلى للتحديث ولكم كل الشكر والتحية

بصراحه أنا عاجبني جدا شكل الموبايل ده و امكانياته بالرغم من أنه بقي قديم. بس محتار بينه و بين ال S4 minin . و أنا مجربتش أجهزه L G قبل كده . و شكل السامسونج مش عاجبني . ياريت حد جرب الموبايل ده يعرفني مميزاته و عيوبه . و أي حد عنده خبره يقولي رائيه في الجهازين دول

السلام عليكم يا أعضاء موقع موبايل فور مى أنا من عاشقى تليفون ال جى الصراحة التليفون ده إمكانياته جبارة بالنسبة لسعرة كفاية بس إنه فيه خاصية ال NFC اللى هتعرفوا قيمتها بعد كده ولا الكاميرا الجبارة بتاعتها وخاصية الأوتوفوكس وكمان عدد درجات الألوان فيه اللى بتوصل إلى 16 مليون لون وكمان حجم الذاكرة الداخلية حكاية وسرعة البروسيوسر بتاعه وكام نظام الشيب بتاع الشاشة يا جماعة Nvidia Tegra 3 وكام الفيديو بتاعه HD1080 والكثير والكثير بصراحة تحفة خيالية بالنسبة لسعره وهاقلوكم بقى على المفأجاة الجبارة الموبايل ده وصل سعره دلوقتى حالاً فى الوقت اللى انا بكتب الكلام ده بتاريخ 23/10/2014 إلى سعر 1444 جنيه مصر يعنى قارنو السعر فى الموقع وسعره بقى موقع سوق دوت كوم أنا مش جايب الكلام ده من عندى والله خس على الموقع بتاع سوق دوت كوم وشف بنفسك واللى مش هيشترى الموبايل ده دلوقتى يبقى خسر كتير لأن عملين عليه نخفيض 17% اللهم بلغت اللهم فاشهد والسلام عليكم ورحمة الله وبركاته .

هل الموبيل ده لسه بيتباع منه جديد ؟ وسعره كام وبيتباع فين فى القاهره ؟ وشكرا مقدما

ياريت اللى عنده فكره عنه او الافضل جربه يقولى ايه اكبر عيوبه لانه الجهاز نظريا جميل بس مشكلته معايا انه موديل 2012 يعنى اكيد فى حاجات احدث واحسن وخصوصا انه الكلام عنه قليل وماحدش تقريبا يعرفه ومايعرفش عيوبه وانا عاجبنى بس محتار بينه وبين الاكسبريا فى والايدول اكس والبرو لايت ال جى
ارجو الافاده فى اسرع وقت ..

انا اودامى الموبيل ده و البرو لايت انهى احسن و السونى اكسبريا c

انا بفكر اشتري الموبايل دا بس محتارة بينه وبين SONY SP
فا يا ريت اللي جرب الموبايلين يفيدني ايهما أفضل
جزاكم الله خيرا

lg optimus 4x hd p880
بحالة ممتازة جداا
ولسة في الضمان وضمانوا هيخلص شهر 8 الجاي يعنس لسة 4 شهور ضمان كاملين
معاة العلبة بتاعتة وكل المتعلقات
الشاحن ووصلة usb
ولاصقات الـ nfc
والسماعات الاصلية

وحالتة ممتازة وبنسخة الايس كريم ساندويتش وممكن تحدثوا للايس كريم
سبب البيع ان اشاء الله عشان اجيب
z1 او g2
سعر الشراء ومكتوب في الفاتورة : 2620 جنية
سعر البيع : 1950 جنية ان شاء الله
اللون : ابيض
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مواصفات الموبايل بالكامل :

حجم الشاشه 4.7 أنش
درجة وضوح الشاشه : هي 720 في 1280 بكثافة البيكسلات 312 ppi
نوع الشاشه : True HD-IPS LCD
Gorilla Glass : نعم الاصدار الأول
البطاريه : 2140 ملي أمبير
السعه الداخليه : 16 جيجابايت منها 12 جيجابايت للمستخدم
الذاكره الخارجيه : ذاكره خارجيه microSD يمكنك رفع السعه إلى 32 جيجابايت
الكاميرا الخلفيه : بدقة 8 ميجابيكسل و فلاش LED
الكاميرا الأمامية : نعم 1.3 ميجابيكسل
Video capture : تصوير بدقه 1080p بسرعة 30 اطار في الثانية
NFC : نعم
الشبكات : GSM 850 / 900 / 1800 / 1900 /HSDPA 900 / 1900 / 2100
البلوتوث : v4.0
المعالج : بسرعة 1.5 جيجا هيرتز رباعي النواه Nvidia Tegra 3
معالج الرسوميات : ULP GeForce
الذاكره العشوائيه : 1 جيجا بايت
منفذ : USB 2.0 صغير الحجم MHL
تقنيات : b/g/n وموزع الوايرلس ويدعم تقنية DLNA وGPS
النظام : الأندرويد 4.0.3 يقبل التحديث ل 4.1.2

لو سمحت انا عملت ابديت ل 4.1 بس مش عارف جيلي بين و لا ايه المهم انه الابديت الرسي انا مروتش و لا عملت حاجة الجهاز تقيل اوي بعد الابديت الاول كان سريع و حلو اعمل ايه لو حد يقولي روت يقولي اروت ازاي بالظبط و ازا ياعمل ابديت للجيلي بين 4.3 او 4.2.2 اووو الحل ان اعمل دون جريد ارجع الاصدار القديم 4.0 و شكرا حل سريع لو سمحتو

لو سمحت انا جبت العدة خلاص و هي تمام و كل حاجة بس مش عايز تتحدص للاصدار الجديد للاندرويد اعمل يا جماعة و يعني ايه root شكرا

يا جماعة انا جبت الموبايل ده من حوالي سنة كام شهر لقيتوا قبل ما الضمان يخلص بكام يوم بدأ مايلقتطش شبكة خالص كأني مش حاتط السيم كارد المهم وديتوا لواحد علشان يشوفلي المشكلة ديه قالي أن الموبايل مسقط سريال و قاللي أوديه الضمان سألت عليه فالضمان مالقيتهومش بيصلحوه المهم انا دلوقتي عايز أبيعه سعره هيكون كام و لو حد حصل معاه نفس المشكلة بتاعتي و عندوا الحل يقول عمل أيه علشان يصلح التليفون