تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي

سعر و مواصفات الكاتيل POP 7

الكاتيل POP 7
  • v4.2 (Jelly Bean)
  • 600 x 1024 pixels, 7.0 inches (~170 ppi pixel density)
  • 3G
  • 2 MP, 1600 x 1200 pixels
  • Dual-core 1.3 GHz Cortex-A7
--
(320 تقيمات)
الموصفات الاساسية
192 x 113 x 8.9 mm (7.56 x 4.45 x 0.35 in) الحجم [?]
285 g (10.05 oz) الوزن [?]
TFT capacitive touchscreen, 16M colors نوع الشاشة [?]
600 x 1024 pixels, 7.0 inches (~170 ppi pixel density) مساحة الشاشة [?]
---- دقة الشاشة [?]
غير مدعوم اللمس المتعدد
White الألوان بالأسواق [?]
الخصائص
MP3, WAV ringtones نوع النغمات
نعم الاهتزاز
نعم مخرج صوت 3.5mm jack
نعم GPRS دعم [?]
لا HSCSD دعم [?]
نعم EDGE دعم
نعم 3G دعم [?]
لا دعم 4G-LTE [?]
نعم GPS دعم [?]
لا NFC دعم [?]
Wi-Fi 802.11 b/g/n WLAN دعم [?]
Yes, v4.0 دعم بلوتوث [?]
لا دعم انفراريد
نعم USB دعم [?]
لا حماية بالبصمة Fingerprint [?]
Micro-SIM الشريحة
مساحة الذاكرة
4 GB, 1 GB RAM الذاكرة الداخلية
microSD, up to 32 GB الذاكرة الخارجية
معلومات أخري
v4.2 (Jelly Bean) نوع نظام التشغيل
Dual-core 1.3 GHz Cortex-A7 المعالج CPU [?]
Email, Push Email, IM الرسائل
HTML المتصفح
نعم, كاميرة أمامية
2 MP, 1600 x 1200 pixels دعم كاميرة
لا دعم فلاش
نعم دعم راديو Fm
موصفات البطارية
Non-removable Li-Ion 3240 mAh battery البطارية في التحدث
Up to 300 h (2G) / Up to 70 h (3G) البطارية في الوضع العادي
ملحوظة : لا يمكننا ان نضمن ان تكون المعلومات في هذه الصفحه صحيحة 100 %
Jumia Offer
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

مواضيع مميزة عن تابلت الكاتيل POP 7

[تقييم] تقييم لجهاز الكاتيل POP 7 [بعد اسبوع]
2014-07-17 (12:52:16PM)
bakar852911

مواضيع واراء عن تابلت الكاتيل POP 7

Zalabany
انا حدثت الجهاز للاسف الي نسخه 4.4.2 ولللاسف مينفعش اتكلم في التاب من غير سماعه فهل حد يديني رابط للفريم وير الاصلي بتاعه
2015-09-15 (09:56:55PM) / ردود 0
ALFARISA
لو سمحت ياجماعه عايزه حد يقولي اي عيوب فيه والكاميرا والنت فيه اخبارهم ايه يعني بيهنج او يسخن من الاستخدام الكتير لاني هستخدمه كتييير في النت والمكالمات وهل فعلا ونت شغال عليه فى اللعب او النت تلاقيه خرج للشاشه الرئيسيه كده مره واحده وفعلا تحديث الكيتكات في مشاكل كتيير وشكراا مقدما
2015-02-11 (04:39:43PM) / ردود 5
ALFARISA
ALFARISA
2015-02-11 (04:44:24PM)
اه بارضه نسيت اقول هل ينفع اللي يستخدمو يكون هو االاساسي ليه ولا لازم يضيف موبايل جمبه
fadyalex69
fadyalex69
2015-02-12 (12:44:09AM)
هو التاب حلو والاداء بتاعو رائع والبطارية فالاستخدام الشاق بتكمل ٨ ساعات وفالمتوسط بتكمل ل تاني يوم
والشحن من ٠ ل ١٠٠ بياخد ساعتين ونص
بالنسبة للمكالمات هو مش فيه سماعه امامية فهتحتاجي سماعه هاند فري
انا عن نفسي معايا تليفون الكاتيل ومخلي التاب للنت وكدة
وبصراحة مش بيهنج ولا حاجة .. هو التحديث للكيت كات حلو بس فيه عيب ان مش هتعرف تبعت برامج بالبلوتوث ممكن تبعت بالواي فاي
ومش بيسخن عمره ماسخن وانا بستخدمة مع اني بفضل ماسكو بالساعات
الكاميرا طبعا سيئة جدا مش يعتمد عليها .. لكن لو في ضوء النهار بتكون حلوة وصورها جيدة
والواي فاي بيلقط كويس اوي .. انا بكون واقف فالشارع وبيكون لاقط واي فاي من البيت عندي من الدور التالت
من الاخر هو عيبو ان مافيهوش سماعه مكالمات بس .. لكن كمجمل هو كويس جدا
fadyalex69
fadyalex69
2015-02-12 (12:44:10AM)
هو التاب حلو والاداء بتاعو رائع والبطارية فالاستخدام الشاق بتكمل ٨ ساعات وفالمتوسط بتكمل ل تاني يوم
والشحن من ٠ ل ١٠٠ بياخد ساعتين ونص
بالنسبة للمكالمات هو مش فيه سماعه امامية فهتحتاجي سماعه هاند فري
انا عن نفسي معايا تليفون الكاتيل ومخلي التاب للنت وكدة
وبصراحة مش بيهنج ولا حاجة .. هو التحديث للكيت كات حلو بس فيه عيب ان مش هتعرف تبعت برامج بالبلوتوث ممكن تبعت بالواي فاي
ومش بيسخن عمره ماسخن وانا بستخدمة مع اني بفضل ماسكو بالساعات
الكاميرا طبعا سيئة جدا مش يعتمد عليها .. لكن لو في ضوء النهار بتكون حلوة وصورها جيدة
والواي فاي بيلقط كويس اوي .. انا بكون واقف فالشارع وبيكون لاقط واي فاي من البيت عندي من الدور التالت
من الاخر هو عيبو ان مافيهوش سماعه مكالمات بس .. لكن كمجمل هو كويس جدا
simooo
لو سمحتو عاوزه اشترى تاب و محتاره بين 3 ياريت حد يقولى الفرق بينهم واحسن واحد فيهم
الكاتيل pop 7
لينوفو a3300
لينوفو a3500
2015-02-08 (04:29:16PM) / ردود 2
simooo
simooo
2015-02-08 (07:02:46PM)
سورى مش لينوفو a3300 انا بسأل عن
الكاتيل pop 7
لينوفو a3000
لينوفو a3500
fadyalex69
fadyalex69
2015-02-09 (11:25:02PM)
بصي انتي لو بتهتمي بالشكل وكدة يبقا الالكاتيل افضل طبعا لانو نحيف وشكلو انيق جدا جدا
لو عاوز اداء قوي جيبي لينوفو a5500
بلاش ال ٣٥٠٠ لان فيه مشاكل كتير وبطاريته ناس كتير اشتكو انها بتفضا بسرعه وبيهنج
واللينوفو ٣٠٠٠ كويس بس يعتبر راحت عليه وكمان ناس اشتكت انو بيفصل ويرستر بدون سبب كتير .. وكمان سعره مبالغ فيه مع ان امكانياتو عادية
الالكاتيل حلو جدا واداءو سلس ومنظرو شيك .. بس لو معاكي في حدود ١٤٠٠ يبقا الينوفو ٥٥٠٠ افضل

انا حاليا بكتب من الالكاتيل :-D
bakar852911
السلام عليكم
النهرده ان شاء الله حنقول على كم طريقه سهله وبسيطه لتسريع التابلت والتقليل من استهلاك البطاريه

1 . قبل ما نقول اى حاجه اى لعبه او برنامج مش بتستخدمه امسحه
2 . اللى اقولك عليه بس تعمله متلعبش فى حاجه تانيه والا انتا المسئول

بسم الله الرحمن الرحيم

1 . نفتح settings
2 . علي الشمال اخر حاجه about tablet
3. على اليمين نضغط على Build number مرات 7
4 . حنيجي على الشمال حنلاقي فى حاجه جديده ظهرت اسمها Developer options اضغط عليها
5 . علي اليمين فوق خالص اتاكد انها ON
6 . حتنزل فى القايمه اللى على اليمين لغاية ما تلاقي 3 حاجات
windows animation scale
transition animation scale
animator duration scale
تضغط على كل واحده فيهم وتختار animation scale 0.5x
وبس متلعبش فى اى حاجه تانيه فى القايمه دى
=============================
بعد كده نيجى لتقليل استهلاك البطاريه
1 . نفتح settings
2 . على الشمال APPS ,واللى معملش الابديت حيلاقي اسمها application
3 . على اليمين حتمشي صباعك يمين وشمال لغاية ما تجيب قايمه كل البرامج المتسطبه على التابلت حتلاقي مكتوب فوقها All
4 . حتغط على البرامج اللى حقولك عليها وكل واحد تعمل فيه الاختيارات دى 1 . force stop
2 . Disable البرامج هى
+Google
Hangouts
Talkback
Maps
print Spooler
street View
opera mobile store
الا لو كنت بتستخدم برنامج منهم متعملش اللى قولتلك عليه
بس اهم حاجه بجد اول تلات برامج لما قفلتهم فرقو معايه جامد فى البطاريه ومساحة الرام المستخدمه
====================================
نشرح بقي اللى عملناه دا ايه علشان نبقي فاهمين مش حافظين
الجزء الاول
اللى عملناه معناه اننا خليناك بالنسبه للسيستم من مطورين البرامج علشان كده فتحلك قايمه مكنتش موجوده بتاعت مطورين البرامج
ال 3 اختيارات اللى قولتلك تغيرهم دول ببساطه اننا خففنا الجرافيكس و وقته اللى بيستخدمه السيستم لما يفتح ويقفل برنامج او يغير القوايم او وانتا بتحرك حاجه بصباعك بقت تاخد وقت اقل مفيش تاخير كبير ونسبة استهلاك الجرافيكس من الرام والبروسيسور خفضناها واللى مش حتفرق معاه يخليها no animation احسن واحسن

الجزء التانى
بكل بساطه فى برامج بتيجى مع التابلت من ضمنها مجموعة برامج جوجل اللى معظمنا مش بيستخدمها بس اللى ميعرفوش الكتير منا ان البرامج دى بتفضل شغاله فى الخلفيه طول الوقت مستهلكه البطاريه والرام ونعرف الناس بالبرامج دى علشان تبقي فاهمه
1 . اول برنامج دا برنامج من جوجل باختصار حاجه شبه الفيس بوك بس فاشل
2 . تانى برنامج دا برنامج من جوجل باختصار حاجه شبه مسنجر الفيس بوك بس الصراحه حلو بس مش بيستخدمه ناس كتيره عندنا
3 . ثالث برنامج دا من جوجل برضه بس دا لمساعدة المعاقين فى استخدام التابلت
4 و 6 . برضه برنامج من جوجل الاول اللى هو بتاع الخرايط والتانى برضه تبعه بس انك تشوف الخريطه من مستوي الشارع وتتجول فيه
5 . دا برنامج للطباعه من التابلت للطابعه ودا حوار ما بعده حوار الصراحه جربت اعمله كتير وفشلت فيه (اني اطبع من التابلت للطابعه عالطول من غير ما انقل من التابلت للكومبيوتر واطبع بعد كده )
7 . متجر بتاع المتصفح اوبرا ( متصفح شبه فايرفوكس وجوجل كروم كده )
====================================
اخيرا اتمني اكون افدتكم
واسف لعدم تواجدى باستمرار بسبب العمل
بعد اذن الاداره
لو حد ليه استفسار ممكن يكلمنى على الياهو مسنجر bakar852911@yahoo.com
2014-12-06 (03:31:58AM) / ردود 7
fadyalex69
fadyalex69
2014-12-08 (03:11:34AM)
مشكور بجد ع مجهودك .. انا عامل كل دا ع فكرة لاني كان عندي خبرة مع السي ٥ لانو كان تقيل
وموقف اكتر من ١١ برنامج اللي جايه ع الفون والتاب
وفعلا التاب هيباه اسرع لما توقف برامج جوجل خصوصا الجوجل كروم
وعاوز اقولك لو التاب تقيل معاه ف دا سبب انك حدثته للكيت كات
لو وديتو التوكيل وخليتهم يرجعوه جيلي بين واستخدمتو هتحس انو اخف بكتيررررر والبطارية هتطول اكتر
انا بس مشكلتي مع التاب ان الماسنجر بيهنج شوية ودا مضايقني اوي ومش عارف هل دا عيب من البرنامج ولا التاب
لان كل البرامج شغاله ممتااااااز حتا الفيس نفسو .. لكن الماسنجر بيهنج بطريقه مزعجة اوي
bakar852911
bakar852911
2014-12-08 (04:40:29AM)
العفو يا فادى
دا عيب من المسنجر اعمله ابديت او نزل برنامج ابتويد وحدث منه لاخر نسخه للمسنجر
وبالنسبه لو الابديت عامل معاك مشاكل وشايف انه تقيل اخر الشهر حينزل ابديت بس مش محدد بالظبط
4.4.4 ولا 5.0
==============================================
للناس بقي اللى عملت الابديت
فى خطوه اسنيت اقولها لغاية ما اجربها بنفسي وفعلا جميله حتسرع وقت فتح البرامج والالعاب
سم الله الرحمن الرحيم

1 . نفتح settings

2. حنيجي على الشمال Developer options اضغط عليها
3. علي اليمين فوق خالص اتاكد انها ON
4. حتنزل فى القايمه اللى على اليمين لغاية ما تلاقي Select runtime

5 . اضغط عليها واختار Use ART
وبس متلعبش فى اى حاجه تانيه فى القايمه دى
******** ملحوظة *********
حيقولك ان التابلت حيعمل ريستارت اضغط اوك التابلت حيطفى
استني 10 ثواني وشغله حتلاقيه اخد وقت اطول دا طبيعى لانه بيجمع كل الداتا بتاعت البرامج والالعاب
ولما يفتح استنى عليه 3 دقايق وبعد كده استخدمه لانك لو استخدمته عالطول حتتحس انه بطى جدااا لانه لسه بيجمع داتا وبيرتب البرامج
متقلقش من حاجه مش حيمسح حاجه وبرامجك والعابك زي ما هى
حتحس فى الفرق فى الوقت اللى بياخده البرنامج او اللعبه علشان تفتح لانه حيقلل العمليات المطلوبه لفتح البرنامج وبالتالى حيقل استهلاك البرسيسور وبالتالي حيخفض استهلاك البطاريه

===================================
وزى ما تعودنا نفهم احنا عملنا ايه
دا لنك للشرح لان الموضوع طويل وكبير جداااا
اضغط هنا لزيارة الرابط
bakar852911
bakar852911
2014-12-09 (08:27:24AM)
احب اشكر فادى فعلا على انه خلاني اخد بالى من الجوجل كروم
فعلا يا جماعه اعملو له disable
برنامج حقير
بعد ما عملتله ديسابل فعلا التابلت بقي اسرع كتير والبطاريه مبقتش تستهلك جامد
فرق كبير جدااا
bassbossa
ممكن لو جالى مكالمة ارد من خلاله عادى على طول ولا لازم احوط الهيدوفون ؟؟
2014-11-30 (09:14:13PM) / ردود 1
fadyalex69
fadyalex69
2014-11-30 (10:58:16PM)
لازم تحط الهيدفون لان التاب مش فيه سماعه امامية
لكن ممكن تتكلم من دون الهاندفري وتسمع عن طريق السبيكر .. بس الصوت هيكون عالي وكل اللي جنبك هيسمعو المكالمة
fadyalex69
ع فكرة ياجماعه التاب من غير تحديث احسن بكتير والاداء افضل
انما بعد ماحدثته الجهاز بقي بيعلق جامد عملتلو اعادة ضبط المصنع اتصلح شوية بس مش رجع زي الاول
السيستم الجديد(الكيت كات) خلا الاداء زفت خالص وكمان خلا الجهاز مش يستقبل برامج عن طريق البلوتوث
والرام قبل التحديث كان فاضي فيها ٨٥٠ ميجا
بعد التحديث بقيت ٦٥٠
يعني النظام الجديد اخد ٢٠٠ ميجا زيادة مرة واحدة .. دا زائد ان البطاريه بقيت تخلص خلال ٦ ساعات عكس الاول كان بيكمل ٨
يعني التحديث دا بيشوه التاب خالص مانصحش حد يعملو لانو مليان اخطاء
دا غير انه تقيل ع البروسيسور .. واصلا البروسيسور ثنائي يعني مش مستجمل
2014-11-24 (12:36:30PM) / ردود 0
bmarzok
حد جرب wifi direct .. مش شغال عندى
وعايز اعرف ليه جرابات ولا لسه منزلوش
وشكرا
2014-11-23 (10:25:06AM) / ردود 1
fadyalex69
fadyalex69
2014-11-24 (12:41:14PM)
اها انا جربت اني ابعت واستقبل حاجات عن طريق الواي فاي من التليفون للتاب والعكس واشتغل كويس جدا
وكان بينقل مثلا ال100 ميجا في اقل من دقيقتين يعني اسرع من البلوتوث
اما الجرابات

فهو اصلا بينزل بجراب اصلي
انا اشتريتو ب 950 وكان معاه الجراب والسكرينة وسماعات هاند فري صوتها عالي جدا
وطبعا الشاحن والكابل usb
rorystar
كنت عايزة اعرف اى جهاز افضل من حيث الاستعمال والتحمل والصناعه. الجهاز ده ولا لونوفو a3300
2014-11-22 (12:35:44PM) / ردود 2
bakar852911
bakar852911
2014-11-23 (01:09:45AM)
دا احسن من A3300 بس مش احسن من A3500
fadyalex69
fadyalex69
2014-11-24 (10:57:06PM)
الالكاتيل احسن لان اللينوفو ٣٣٠٠ ٢ جي فقط مش بيدعم ال ٣ جي
يعني هيباه بطئ في النت لو هتدخل نت شريحة
اما ك امكانيات ف اللينوفو اعلا فالبروسيسور بس لانو رباعي والالكاتيل ثنائي

وعموما افضل شي في اللينوفو ال a5500 اما ال٣٥٠٠ مليان عيوب وفي ناس كتير اشتكو من البطارية ومن التهنيج فيه
fadyalex69
ياجماعه انا شريت الجهاز النهاردة وكان ادائه حلو اوي وسريع وخفيف
لحد ماجيت حدثتو للكيت كات الجهاز تقل اووووووووي
عملتلو اعادة ضبط المصنع التقل قل شوية لكن مش رجع سريع زي الاول خالص
وباه بطئ اوي
ياريت حد يقولي لو في طريقة اقدر ارجعو للجيلي بين
وفي ناس قالولي ممكن اودية التوكيل يعمهولي
لو وديتو الضمان هيعد ادية عندهم وكدة
2014-11-18 (06:33:27AM) / ردود 3
bakar852911
bakar852911
2014-11-23 (01:11:34AM)
التوكيل حيقولك 7 ايام تابع معاهم يومين تلاته حتلاقيهم خلصوه وتروح تاخده
fadyalex69
fadyalex69
2014-11-23 (01:57:14PM)
اشكرك انا وديتو مبارح وفعلا قالي اسبوع

بس انا نفسي افهم ازاي اغلب اللي حدثوا التاب شايفين انو بقي خفيف

ع فكرة دا خلا الاداء زفت خالص وكمان خلا الجهاز مش يستقبل برامج عن طريق البلوتوث
والرام قبل التحديث كان فاضي فيها ٨٥٠ ميجا
بعد التحديث بقيت ٦٥٠
يعني النظام الجديد اخد ٢٠٠ ميجا زيادة مرة واحدة .. دا زائد ان البطاريه بقيت تخلص خلال ٦ ساعات عكس الاول كان بيكمل ٨
يعني التحديث دا بيشوه التاب خالص مانصحش حد يعملو لانو مليان اخطاء
bakar852911
bakar852911
2014-12-05 (06:55:06AM)
انا شغال بالجهاز وكويس جدااا من يوم ما التحديث نزل بعدها بساعه حدثته وشغال كويس
هو بعد التحديث هنج وكده عملتله ضبط المصنع
ورجع تمام جداا
بالنسبه للبطاريه الناس لازم تاخد بالها ان فى العاب وبرامج بتستهلك كتير جداا من البطاريه وانتا متعرفش
زى لعبة انجرى بيرد وكمان سب واى تانى حاجه متنزلش البرامج المجانيه لو ليها نسخه برو نزل النسخه البرو انا عارف انها بفلوس بس فى برنامج اسمه فري ستور سهل وبسيط بيخليك تنزل اى برنامج حتى لو بفلوس
صدقنى حتحس بفرق بالنسبالى فى برنامجين اساسين عندى كلين ماستر و ديو باترى سافير برو واحد للبطاريه والتانى للبرامج اللى شغاله طول الوقت والملفات المخلفات والكلام دا ويقولك انهى برنامج شغال وانهى بيستهلك البرسيسور اعلى
ديو باترى برو بقي تقدر تعرف منه ايه اكتر برنامج او لعبه بتستهلك البطاريه
نصيحه اخيره للناس لازم تقدر ان اللى فى ايدك تابلت تمنه 950 جنيه يعني مش لابتوب ومش النوت 4 يعنى
يعني من الاخر ومن غير زعل عيش عيشت اهلك مش لازم احدث الالعاب و تجريب البرامج الكتير وتخزين العالي والكلام دا
zakiii2010
نسيت اقولكم انه فى مشكله فى التاب وهى انو لو هتستخدم التاب فى الاتصال يبقى لازم الهاند فرى

عشان مفيش سماعه تسمع منها اللى بتكلمه او انك تشغل السماعه الخارجيه وطبعا كل اللى جانبك هيسمع المكالمه

بس بجد الجهاز بالنسبه لسعره جميل
2014-11-13 (12:04:43AM) / ردود 0
zakiii2010
بسم الله الرحمن الرحيم

ياجماعه بالنسبه للناس اللى عايزة تعرف ذاكرة الجهاز كام 5.6

واحسن حاجه فى الجهاز انه -----بينقل -----اى حاجه على الكارت الميمورى يعنى لو عندك لعبة زي اسفلت8
تقدر تنقلها على الكرت بالداتا بتاعتها
طبعا الالعاب شغاله عليه كويسه وطبعا زى اسفلت8 ودى من اعلى الالعاب فى الجرافيك
2014-11-12 (11:57:19PM) / ردود 2
alinegm
alinegm
2014-11-13 (03:54:37PM)
معلش .. انت حضرتك اشتريته منين .. وبكام ؟؟

لأنه يبدو أنه فيه أكثر من موديل لتابلت الكاتيل ( 7 بوصة ) .. وبتختلف فيهم الذاكرة الداخلية 8 أو 4

من موقع gsmarena.com :
اضغط هنا لزيارة الرابط
akazzz
akazzz
2014-11-16 (12:33:41PM)
لسلام عليكم
تم شراء الموبايل الاسبوع الفات
وتم عمل التحديث ايضا لكن بعد التحديث حصل مشكله
وهى ان الجهاو لما يفصل شحن خالص وتحط الشاحن بتاعه يفضل فاصل لمده 6 دقايق وبعد كده يبدا الشحن
وعملت اعاده ظبط مصنع بس برده نفس المشكله موجوده بس الجهاز بعد كده بيعمل بصورة طبيعيه تماما فاعمل ايه الحق اوديه الصيانه ولا فى حل تانى
bakar852911
الناس اللى عايزه تشترى التابلت و تبقي مرتاحه
ريح دماغك يا عم وروح اشتريه من التوكيل هو هو نفس سعر المحلات
توكيل رزق الله وليه فروع كتير سعره فى التوكيل 950
2014-10-31 (01:56:16PM) / ردود 2
alinegm
alinegm
2014-11-12 (12:45:16AM)
حضرتك ليك تعليق بخصوص الذاكرة الداخليه للتابلت على أنها 8 جيجا
مع انه موقع رزق الله .. بيقول انها 4 جيجا .
ياريت التوضيح بخصوص الموضوع ده .
bakar852911
bakar852911
2014-11-23 (01:15:08AM)
كلامك مظبوط انا كنت فاكر كده برضه لما اشتريتته اكتشفت حاجه تانيه خالص التابلت الذاكره 13 وشويه 5.6 جيجا للمستخدم والباقى روم للتابلت للسيستم متقدرش تستخدمها
نصيحه لو حتجيبه فكك من الذاكره الداخليه وهات ميمورى 16 جيجا والتابلت بينقل كل حاجه على كارت الميمورى
bakar852911
اول امبارح نزل تحديث لنسخة الاندرويد للتابلت

1 اتاكد ان كارت الميمورى فيه 1 ونص جيجا على الاقل فاضين
2 قبل ما تعمل التحديث لازم البطارية متقلش عن 95 %
3 قبل تسطيب التحديث اتاكد ان البطاريه متقلش عن 95 % لانه لو اقل من كده والبطاريه فصلت وانتا بتسطب التحديث حيفصل بور وحيبقي حتة حديده وتضطر تروح التوكيل

*** حصل معايه قبل كده ورحت التوكيل والصراحه كانو محترمين جدااا اخدة شهادة الضمان ورحت شارع السودان امام قصر الاليزيه بتاع الحلويات فوق بنك مش فاكر اسمه واتعمله سوفت وير وعادى جداا بس بياخدو وقت كبير يعنى تعمل حسابك على 3 او 4 ايام هما حيقولولك 7 بس اتصل بيهم بعد يومين وتابع معاهم فى حالتى انا اخد 3 ايام الكلام دا كان قبل عيد الاضحى

معلومات عن التحديث

1 مساحة التحديث 503 ميجا
2 التحديث مش حيمسح البرامج ولا اى بيانات على التابلت زى الصور والاغانى و المكالمات والارقام جهات الاتصال
3 التحديث حيرفع نسخة الاندرويد من الحاليه 4.2.2 الى احدث نسخة اندرويد كيت كات 4.4.2
4 التحديث حيغير شكل الجرافيكس فى التابلت (اللانشير ) شكله حيبقي تحفه
5 لو حسيت بعد التحديث ان التابلت تقل شويه اعمل باك اب لبياناتك اللى على التابلت صور واغانى وجهات اتصال وبعد كده اعمل اعادة ضبط المصنع حتلاقي التابلت بقي زى الفل وسريع
تم اضافة كم برنامج من الكاتيل منهم برنامج مهم لل واى فاي دايركت وبرنامج مهم كمان اسمه كلاود باك ابلتخزين ملفاتك وكل حاجه علي التابلت علي سيرفر
طبعا تم تحديث كل البرامج لاخر نسخه
تم اضافة اوبشن جديد فى الكاميرا خلاها الصور احلى بكتير

الخلاصه
بعد التحديث التابلت بقي احلى بكتير واسرع
بجد حسيت ان التابلت بقي اشيك

ارجو اكون قدرة افيدكم واى استفسار انا فى الخدمه :)
2014-10-18 (01:19:04AM) / ردود 4
fadyalex69
fadyalex69
2014-10-19 (04:28:16AM)
جميل اوي .. معلش كنت عاوز بس اعرف دلوقتي لما تكون حضرتك مشغل كل البرامج فيس وواتس وفايبر وكدة .. بيكون الفاضي فالرام اد ايه

وهل بيهنج منك اثناء التصفح او استخدام الفيس او الماسنجر ولا لا

انا ع بالي اجيبو بس في كذا خيار ادامي وانا بحب الكاتيل فاخايف اجيبو يطلع بيهنج وكدة
او البطارية تكون ضعيفة
elshaf3y
elshaf3y
2014-10-23 (01:45:20AM)
السلام عليكم اخوتى
لقد حاولت عمل تحديث الكاتيل POP 7 لاندرويد كيتكات ولاكن واجهت مشكلة
عند الدخول الى الاعدادات والدخول الى تحديث النظام تئتى لى رسالة تقول
مشكلة عند تنزيل تحديث الهاتف فهل يوجد حل او رابط للتحديث الكيتكات
هل يوجد مشكلة عندى فى التابلت
هل ممكن تحميل روم الكيتكات وتسبيتة عن طريق الروت او نسخة احتياطية
ارجو الا اكون اطلت عليكم والرجو الرد
شكرا
bakar852911
bakar852911
2014-10-31 (01:37:07PM)
استاذ فادى
بعد الفايبر والواتس وماسنجر الفيس والبى بى ام والالعاب المستهلك من الرام اقصى استهلاك معايه كان 90 فى الميه لما كان الانتفيرس بيعمل سكان
الجهاز مش بيهنج نهائيا
للامانه حصلت معايه مره واحده بس من ساعة ما جبته وعملتله ريستارت
البطاريه انا حسبتها لو فى ايدك عالطول والشاشه مش بتقفل البطاريه بتنقص 1 فى الميه كل 5 دقايق يعنى حوالى 8 ساعات وشويه استخدام متواصل
sohail
الحمد لله التاب نزله اول امبارح التحديث وحدثته والتاب بقي جميل جدااا
2014-10-17 (05:50:43PM) / ردود 0
factual
انا معايا الجهاز بقاله 4 شهور زي الفل بس تقل مني من كتر البرامج
حبيت اعمله اعاده ضبط المصنع الجهاز بيجيب اسم الكاتيل ويقف يحمل وما بيفتحش
ياريت لو حد يرفعلي باكاب لموبايله من نفس النوع عشان انزلها ع موبايلي
او حد فاهم يقولي اتصرف ازاي في المشكله دي
2014-10-11 (12:44:15AM) / ردود 0

شاهد احدث الموبايلات