تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ الكاتيل One Touch Idol X
للرجوع الي صفحة الكاتيل One Touch Idol X الرئيسية اضغط هنا

ما هو رأيكم في موبايل الكاتيل One Touch Idol X

shgh79
shgh79
2014-05-05 (11:45:51PM)
السلام عليكم . ممكن الناس اللى معاها الجهاز تقولنا هل امكانياته زى ما هو مكتوب فعليا . يعنى هو كجهاز وامكانيات على الورق جهاز جامد . بس هل فى الاستخدام بيبقى مناسب لما هو مكتوب ولا لأ . وموضوع البطاريه اخباره ايه ؟ علشان الصراحه صعب جدا يبقى جهاز بالامكانيات دى وبطاريته 2000 .. وبالنسبه للخبراء هل هو افضل جهاز فى فئته السعريه ولا فى اجين منه ؟ وجزاكم الله خيرا .
ESLAMCROSS
ESLAMCROSS
2014-05-06 (01:19:40AM)
الجهاز كويس اديلو ٨ من ١٠ و بالنسبه للبطاريه زيها زي اي موبيل مش وحشه اوي ومش قويه والجهاز ده افضل جهاز في السعر ده
shgh79
shgh79
2014-05-07 (03:19:06PM)
اولا الف شكر على الرد .. ثانيا . حضرتك معاك الجهاز ؟؟
ESLAMCROSS
ESLAMCROSS
2014-05-07 (03:39:27PM)
ايوة انا معايا الجهاز
shgh79
shgh79
2014-05-07 (06:01:40PM)
طيب معلش انا هاتقل عليك . اصل بصراحه انا لبست قبل كده فى اس دوس اول ما نزل ودافع فيه فوق ال 2000 جنيه ومش عاوز اكرر التجربه تانى . الايدول اكس على الورق تليفون جامد جدااااا بس انا شايف فى ناس بتشتكى من مشاكل مختلفه هل دى بتبقى عيوب صناعه ولا حظوظ ولا العادى ان اجهزة الكاتيل بتبقى فيها عيوب يعنى فى الاستخدام العملى هل مطابق للمواصفات النظريه ؟ .. الحاجه التانيه هل متوفر ليه جرابات واسكرينه واكسسوارات ولا لا . انا استخدامى اكتر حاجه على النت والواتس والفيس برامج الاتصال زى فيبر ولاين وماليش قوى فى الالعاب واتصالاتى كتير .. هل هو فى مشكله فى الاستخدامات اللى انا قولتها دى وهل تنصحنى اشتريه ولا اوفر 700 جنيه واشترى الاسكرايب الاتش دى ؟؟؟ معلش طولت عليك بس بجد متردد بسبب الجالاكسى اس ..
khaledkhattab
khaledkhattab
2014-05-07 (11:23:18PM)
ابقى بص بصة كدة على LG G Pro Lite اضغط هنا لزيارة الرابط
shgh79
shgh79
2014-05-08 (12:30:00PM)
khaledkhattab الف شكر على المشاركه . بس الفارق فى الامكانيات انا شايفه كبير بخلاف انى مش عارف ليه مش بميل ل ال جى .
khaledkhattab
khaledkhattab
2014-05-08 (03:04:03PM)
العفو .. أنا بقوللك على ال LG لأن شاشته أكبر والناس بتقول بطاريته كويسة جدا ..وأنت بتقول ان أكتر استخدامك نت ومكالمات .. أنا عن نفسي محتار جدا بين الاتين ومش عارف أشتري مين فيهم
shgh79
shgh79
2014-05-08 (03:47:49PM)
انا شايف من وجهة نظرى ان الفارق فى الامكانيات ما بينهم يخلى مفيش ما بينهم حيره ( من وجهة نظرى ) وهابعت لحضرتك مقارنه ما بينهم ( على الورق برضه ) وداه اللى انا داخل اسال عليه تحديدا عن الايدول اكس . هل الامكانيات اللى على الورق دى مطابقه للواقع العملى فعليا .. اضغط هنا لزيارة الرابط
khaledkhattab
khaledkhattab
2014-05-09 (03:04:17PM)
تمام .. لغاية الوقت من متابعة الآراء ان الجهاز عيوبه هي البطارية وناس بتشتكي من زرار الهووم انه ساعات بيعلق وان مع الألعاب الكبيرة وال 3D بيتقل شوية .. غير كدة تمام جدا
shgh79
shgh79
2014-05-09 (04:53:17PM)
انا راجعت كل الاراء تقريبا .. بس انا محتاج حد يكون شايل الجهاز بقاله فتره يرد على مجموعة الاسئله اللى فوق دى بخلاف اسئله اخرى . زى جودة الشبكه سواء شبكة الاتصال او البيانات او الواى فاى وهل الشريحه التانيه لو حد اتصل عليها وانا بعمل مكالمه على الاولى بتديله جرس ولا غير متاح وهل لو انا شغال على الشريحه الاولى بيانات التانيه وضعها فى الاتصال بيبقى عامل ايه وهل لو انا على النت او حتى بلعب لعبه وجالى اتصال الجهاز بيهنج لما اجى اكنسل واحاول اتصل ولا بيبقى شغال عادى ويرجع تانى للعبه وهل ليه جرابات من النوع المبطن فى السوق ولا ملهوش اصلا .. وحاجات تانيه بس الاقى حد يرد على دول الاول لأنى نويت اشتريه ان شاء الله بس بجد تجربة الجلاكسى اس دوس مخليانى حذر جدااا .. وشكرا على مشاركتك ..
shadybadawy
shadybadawy
2014-05-09 (10:11:01PM)
بص انا معايا الجهاز دا اول ما نزل ف شهر 10/2013 وبأمانة جهاز ممتاز جدا هو عيبه الوحيد البطارية انما التهنيج والسخونة والله ما فيه الكلام دا نهائى مقارنة ب الاس 3 اللى كان معايا قبله بالنسبة للكاميرا جميلة جداااااااا بالنهار انما بليل مش قد كدا بس مش وحشة الموبايل باختصار جميل جدااااااا
shadybadawy
shadybadawy
2014-05-09 (10:14:22PM)
بالنسبة للشبكة فهى عادية زيها زى اى فون ،، والشرحتين مش بيشتغلوا مع بعض يعنى لو حد رن ع الخط التانى وانت بتتكلم بيديله غير متاح ،، ولو انت ع النت او بتلعب ف الموبايل وجالك اتصال ولا بيهنج ولا حاجة الموبايل بيكون شغال كويس ،، بالنبسة للجرابات انا اشتريت جراب ظهر من شهرين تقريبا من دريم 2000 ب 25 جنيه تقريبا ،، ولسه جايب من كام يوم فليب كافر ب 60 جنيه من شارع عبد العزيز ،، وشارع عبد العزيز ملياااااان جرابات لكل انواع الكاتيل
shgh79
shgh79
2014-05-09 (10:48:08PM)
الاستاذ العزيز - shadybadawy - الف شكر على تعليقك وجزاك الله خيرا . انا بس كل المشكله ان الرقم اللى هايدفع فى الموبايل بالنسبالى مش قليل ومش عاوز البس موبايل تانى زى الاس دوس اشتريته اول ما نزل بالظبط 2140 جنيه . وعاوز اقولك مايستهلش 1000 جنيه على بعض بخلاف انه بجد تعبلى اعصابى من كتر مشاكله مع العلم انى وديته التوكيل مرتين مره غيروله سوفت ووير ومره غيروه البورده نفسها بس هو زى ما هو بيهنج اكتر ما بيشتغل فعلشان كده تلاقينى بسأل وبستفسر بعمق شويه خصوصا انى قريت كتير عن الخصائص والامكانيات بتاعة الموبايلات فلو بعد أذنك انا عندى سؤال وحيد بس وهو مدى مطابقة المواصفات المكتوبه بالتجربه العمليه ؟؟ وشكرا لحضرتكم وكل اللى رد عليا او جاوبنى على حاجه ...
mazmaz
mazmaz
2014-05-10 (12:01:07AM)
استاذ shgh79الموبايل ممتاز فى كل حاجة ..ما عدا ان معالج الرسومات بتاعه ضعيف شوية على شاشة فل اتش دى يعنى عامل زى ما بتجيب عربية لورى و تحطلها موتور عربية نص نقل بيبقى مش قوى عليها لكن البروسيسور ممتاز و الرامات ال2جيجا بيخلوا الجهاز ممتاز و التهنيج الناتج عن البروسيسور و الرامات يكاد يكون منعدم لكن لو شغلت العاب تقيلة عليه فترة طويلة - و ده تحميل على معالج الرسومات اللى هو كارت الشاشة- بتبتدى المشاكل تظهر بالنسبة لبعض الناس بتبقى تقل فى التاتش او فى زراير الهوم و الباك و بالنسبة لى فى تليفونى كانت التاتش بيشتغل ساعات لوحده و الكلام ده كان بيحصل معايا عاى فترات متباعدة يعنى كل اسبوع مرة مثلا لكن عملت حركة خلاته ميهنجش و هى انى شلت الخلفية المتحركة و حطيت خلفية ثابتة و دى خففت كتير عن معالج الرسومات و معدش بيهنج معايا و بقى الجهاز و لله الحمد بدون عيوب ...........لكن بالنسبة للاسئلة اللى انت سألتها عن باقى امكانيات الموبايل فهى فوق الممتازة و المشكلة اللى ممكن تقابلك لو انت مش من القاهرة هنبقى فى الاكسسوارات لكن لو انت من القاهرة مش هتقابلك المشكلة دى ... بالنسبة للكاميرا ممتازة جدا جدا بالنهار و تحس فعلا انها 13 ميجا لكن بالليل بتبقى ضعيفة شوية و بتحتاج ان ايديك متتهزش و انت بتصور و كذلك اللى انت بتصوره يقف ثابت ....... بالنسبة للشاشة تحفة فنية و جميلة جدا و لو الموبايل مفهوش غير شاشة و بالسعر ده مش خسارة فيه....... بالنسبة للصوت فهو فوق المتوسط يعنى اقل من السامسونج اس ثرى شوية و اعلى من الاكسبريا z .....بالنسبة للشبكتين ممتازة و لو شغال نت على شريحة و جاتلك مكالمة على الشريحة التانية الموبايل بيرن عادى بس النت اللى على الشريحة الاولى بيفصل و لما المكالمة تخلص يشتغل تانىلكن لو بتتكلم على شريحة و جالك مكالمة على الشريحة التانية هيدى غير متاح......بالنسبر للبطارية فمش قوية لكنها معقولة بالنسبة لسمارت فون يعنى لو الاس ثرى اديناله 9 من 10 الايدول اكس ياخد 7 من 10 .....بالنسبة للنت و الواى فاى و سرعته و شبكته فالموبايل جبار من حيث سرعة النت هيجيب آخر الشبكة معاك ....مش عارف نسيت حاجة مقولتهاش ولا لأ هههههههههه على فكرة الموبايل معايا من اول شهر نزل فيه مصر
shgh79
shgh79
2014-05-10 (12:10:22AM)
الاستاذ العزيز ... mazmaz ... الف شكر على ردك وجزاك الله خيرا .. والله المستعان ان شاء الله اشتريه وان شاء الله يبقى زى الفل .. والف شكر لكل الناس اللى ردت عليا ..
mazmaz
mazmaz
2014-05-10 (08:35:02AM)
و فيه جزئية صغيرة نسيت اقولك عليها و هى انك اول لما تشترى الموبايل حططه على الشاحن و متستخدمهوش لان كل واحد بيشترى الموبايل بيبقى عنده فضول يعرف الموبايل فبيحطه على الشاحن و يشتغل عليه و هو لسه جديد و ده بيخلى سينسور البطارية يبقى مش مظبوط معاه و بيخلى البطاؤية تقرا غلط يعنى يبقى فيها مثلا 70 % و تقرا 30% و المشكلة دى بتنتهى بعد حوالى شهر من استخدام الموبايل ......يعنى لو حصلت معاك متقلقش لان ده طبيعى فى البطاريات الصينى انها مبتظبطش غير بعد فترة و الف مبروك مقدما
shgh79
shgh79
2014-05-10 (03:59:26PM)
الاستاذ العزيز - mazmaz - الف شكر على النصائح الغاليه . حضرتك قصدك انى مفتحش الجهاز واحطه على الشاحن لحد لما يدينى 100 % وبعد كده اشغله ؟ طيب واول مره بعد ما الشحن ما يخلص نفس الموضوع انى اسيبه مقفول واحطه على الشحن لحد لما يوصل 100 % ولا عادى احطه على الشحن وهو شغال ؟ ومعلش سؤال ( اخير :) ) انا مقيم فى الاسكندريه بس عاوز ابعت اجيبه من اضغط هنا لزيارة الرابط وهما هايبعتهولى شحن والتكلفه فى الاجمالى اقل يجيى 150 جنيه من هنا ومن محلات مش ضامنها قوى يعنى .. فأيه رأى حضرتك ؟ ولا اشترى من محل جنبى لاقدر الله لو فى حاجه ولا عادى مش فارقه ابقى ارجعلهم بالشحن لو فيه حاجه لا قدر الله ؟؟ والف شكر على اهتمامك وردك :)
mazmaz
mazmaz
2014-05-10 (04:23:58PM)
بالنسبة للبطارية زى ما حضرتك ذكرن كده تسيبها على الشحن لحد لما توصل 100% و يفضل و الجهاز مطفى و بعدين تستخدمها و انا عن نفسى كل فترة بشحن الموبايل و هو مطفى بعد ما تكون البطارية خلصت خالص علشان ده بيظبط البطارية و بيخلى أدائها كويس .............. اما بالنسبة للشراء من على النت فانا مش بستريحله لكن لو المحل اللى انت بترتاحله و متعود تشترى منه و مش عنده الموبايل ممكن توصيه يجيبه و اهم حاجة يكون متبرشم و تكون انت اول واحد يفتحه و الفاتورة تكون مختومة و ممكن تخليه يجيبلك جراب معاه و مبروك مقدما
shgh79
shgh79
2014-05-10 (04:33:08PM)
الاستاذ العزيز - mazmaz - الله يبارك فيك ويباركلك . والف شكر على المتابعه . انا معرفش المحل بتاع ( جاما ) داه اصلا انا اعرفه من على النت وكل اللى اعرفه عنه انه فى مصر الجديده فى المقريزى وهو مش شراء من على النت داه هو محل عادى كبير بس هو هايوصلهولى لحد هنا بالشحن . والفرق بينه وبين اى محل هنا مش كتير مقارنة بالاضرار لا قدر الله ( 150 جنيه ) تقريبا . بس المشكله انى برضه مش ضامن قوى الناس اللى هنا والجلاكسى الاس دوس كنت جايبه من موبايل شوب مش من اى حته يعنى :( .. بس عموما الله المستعان . والف الف شكر لحضرتك وللموقع ولكل الناس اللى شاركت برأيها .
samoeilnabil
samoeilnabil
2014-05-10 (08:56:35PM)
بعد ما تشترية استاذ shgh79 ابقى قولى اية رأيك...خصوصا فى الالعاب زى أسفلت 8...أستاذ Mazmaz...انت اية رأيك فية فى الالعاب...؟يعنى هوة أحسن ولا Sony C
shgh79
shgh79
2014-05-10 (09:41:51PM)
الاستاذ العزيز - samoeilnabil - حاضر طبعا حضرتك تأمر . بس فى مشكله بسيطه انى فى الالعاب اقصى لعبه ليا Chicken Invaders 5 . ممكن علشان الجهاز اللى معايا كان دى اقصى لعبه ليه وبيهنج منها او لأنى مش من هواة الالعاب قوى . بس عنيا اول ماجيبه ان شاء الله وبعد اسبوع كده عشر ايام هانزل تقرير مفصل عنه ان شاء الله .. تحياتى للجميع .
mazmaz
mazmaz
2014-05-10 (10:20:05PM)
للأسف انا برضو مش من هواة الالعاب التقيلة حتى لو الجهاز ممكن يشغلها لانى بحب الالعاب الخفيفة زى سبواى و الحاجات دى
samoeilnabil
samoeilnabil
2014-05-11 (03:38:20PM)
الأعزاء shgh79 و mazmaz انا برضة مش من هواة اللالعاب بس الحاجة الوحيدة اللى تبين إمكانيات الجهاز فعلا هى الاللعاب الثقيلة علشان هية بتحمل على كارت الشاشة والبروسيسر والرامات = إمكانيات الكاميرا او سرعه نت الشريحة أصبحت متوافرة حتى في الموبايلات الصينى بس الفرق في جودة البروسيسور والرامة وكارت الشاشة = انا كان معاى جراند نيو اشتريتة اول ما نزل ب 2500 ورجعتة بعد اسبوغ علشان مكانش بيقرا فلاشة usb والألعاب التقيلة مش شغالة كويس ودة معناه ان البروسيسور بتاعة وكارت الشاشة مش كويس
shgh79
shgh79
2014-05-12 (01:28:33PM)
الاستاذ العزيز - samoeilnabil - انا فعلا معلوماتى كده ان قدرات الجهاز بتقاس بلعبه تقيله . بس للأسف فعلا انا ماليش فى النوعيه دى من الالعاب . بس متقلقش اول ما اجيبه ان شاء الله هافحته شغل واقولك :) على قدراته ...
shgh79
shgh79
2014-05-27 (05:00:20PM)
تقرير رقم واحد - :)
-------------------------
يرجى الملاحظه ان هذا التقرير بدون عمل تحديث للأندرويد ...
فتح العلبه .. الموبايل شكله حلو جدا انا جيبت ابو ضهر احمر ولكن لا تشعر معه بالفخامه عامل زى الموبليا المودرن بتبقى شايفها جميله بس مش بخامة الموبليا الاستيل .. الحجم كبير نسبيا للناس اللى كانت شايله موبيلات 4 بوصه .ستجد توفير غير مبرر ومبالغ فيه من شركة الالكاتيل فى موضوع الشاحن لأنك ستجد وصلة يو اس بى مع رأس شاحن وليس وصلة يو اس بى لوحدها وشاحن بسلك عادى لوحده .. الهاند فرى اللى جاى مع التليفون اقل ما يقال عليه انه ( سوقى ) تحس انك جايب هاند فرى مضروب . سىء جداااا ...
الانطباع الاول .. الانطباع الاول عن بعض الخصائص ( بدون عمل تحديث ) .. الشاشه مبهرررررررره جداااااا التاتش حسااااااس جداااا مستوى الصوت سواء فى المكالمات او فى الرنات او الموسيقى يعتبر فوق المتوسط ( الاس دوس اعلى منه فى التلات حاجات ) وفى مشكله مش عارف دى عيب فى الجهاز بتاعى ولا هو عيب عام فى الموديل .. ( وياريت الاخوه يقولولى ) لما بعلى الموسيقى على الاخر بسمع صوت ( زنه ) فى السماعه خصوصا فى مقاطع ( التربلات -- اللى هى صوت الشخاليل او الالات المعدنيه ) وللى متابع موضوع الصوت اسمها ( شنشنه ) فى السماعه .. هى ملحوظه ليا لأنى المواضيع دى ليا سابق خبره فيها .. الجهاز تحس انه عامل زى ( البسكوته ) مش عارف داه احساسى لوحدى ولا ايه ؟ الاوبشن بتاعه برغم انه مفروض انه اندرويد برضه الا انى لاقى شوية حاجات مكانتش موجوده فى السامسونج وفى حاجات كانت فى السامسونج ولسه مش لاقيها . انا دلوقتى ركبت الشريحتين وبعمل استعاده لكل الداتا والبرامج ولما اخلص ان شاء الله هاجرب شوية حاجات واكتبلكم تقرير رقم 2 . وسؤال ياريت حد يعرف يجاوبنى ( ازاى انقل الرسائل اللى على السامسونج للأكس ؟؟ ) لأنى مش عارف انقلها خالص وهل هى اصلا ممكن تتنقل ولا كده خلاص ؟؟ ..
الى اللقاء فى تقرير رقم اتنين ان شاء الله
shgh79
shgh79
2014-05-27 (05:05:35PM)
تقرير رقم واحد - :)
-------------------------
يرجى الملاحظه ان هذا التقرير بدون عمل تحديث للأندرويد ...
فتح العلبه .. الموبايل شكله حلو جدا انا جيبت ابو ضهر احمر ولكن لا تشعر معه بالفخامه عامل زى الموبليا المودرن بتبقى شايفها جميله بس مش بخامة الموبليا الاستيل .. الحجم كبير نسبيا للناس اللى كانت شايله موبيلات 4 بوصه .ستجد توفير غير مبرر ومبالغ فيه من شركة الالكاتيل فى موضوع الشاحن لأنك ستجد وصلة يو اس بى مع رأس شاحن وليس وصلة يو اس بى لوحدها وشاحن بسلك عادى لوحده .. الهاند فرى اللى جاى مع التليفون اقل ما يقال عليه انه ( سوقى ) تحس انك جايب هاند فرى مضروب . سىء جداااا ...
الانطباع الاول .. الانطباع الاول عن بعض الخصائص ( بدون عمل تحديث ) .. الشاشه مبهرررررررره جداااااا التاتش حسااااااس جداااا مستوى الصوت سواء فى المكالمات او فى الرنات او الموسيقى يعتبر فوق المتوسط ( الاس دوس اعلى منه فى التلات حاجات ) وفى مشكله مش عارف دى عيب فى الجهاز بتاعى ولا هو عيب عام فى الموديل .. ( وياريت الاخوه يقولولى ) لما بعلى الموسيقى على الاخر بسمع صوت ( زنه ) فى السماعه خصوصا فى مقاطع ( التربلات -- اللى هى صوت الشخاليل او الالات المعدنيه ) وللى متابع موضوع الصوت اسمها ( شنشنه ) فى السماعه .. هى ملحوظه ليا لأنى المواضيع دى ليا سابق خبره فيها .. الجهاز تحس انه عامل زى ( البسكوته ) مش عارف داه احساسى لوحدى ولا ايه ؟ الاوبشن بتاعه برغم انه مفروض انه اندرويد برضه الا انى لاقى شوية حاجات مكانتش موجوده فى السامسونج وفى حاجات كانت فى السامسونج ولسه مش لاقيها . انا دلوقتى ركبت الشريحتين وبعمل استعاده لكل الداتا والبرامج ولما اخلص ان شاء الله هاجرب شوية حاجات واكتبلكم تقرير رقم 2 . وسؤال ياريت حد يعرف يجاوبنى ( ازاى انقل الرسائل اللى على السامسونج للأكس ؟؟ ) لأنى مش عارف انقلها خالص وهل هى اصلا ممكن تتنقل ولا كده خلاص ؟؟ ..
الى اللقاء فى تقرير رقم اتنين ان شاء الله
shgh79
shgh79
2014-05-27 (05:05:48PM)
تقرير رقم واحد - :)
-------------------------
يرجى الملاحظه ان هذا التقرير بدون عمل تحديث للأندرويد ...
فتح العلبه .. الموبايل شكله حلو جدا انا جيبت ابو ضهر احمر ولكن لا تشعر معه بالفخامه عامل زى الموبليا المودرن بتبقى شايفها جميله بس مش بخامة الموبليا الاستيل .. الحجم كبير نسبيا للناس اللى كانت شايله موبيلات 4 بوصه .ستجد توفير غير مبرر ومبالغ فيه من شركة الالكاتيل فى موضوع الشاحن لأنك ستجد وصلة يو اس بى مع رأس شاحن وليس وصلة يو اس بى لوحدها وشاحن بسلك عادى لوحده .. الهاند فرى اللى جاى مع التليفون اقل ما يقال عليه انه ( سوقى ) تحس انك جايب هاند فرى مضروب . سىء جداااا ...
الانطباع الاول .. الانطباع الاول عن بعض الخصائص ( بدون عمل تحديث ) .. الشاشه مبهرررررررره جداااااا التاتش حسااااااس جداااا مستوى الصوت سواء فى المكالمات او فى الرنات او الموسيقى يعتبر فوق المتوسط ( الاس دوس اعلى منه فى التلات حاجات ) وفى مشكله مش عارف دى عيب فى الجهاز بتاعى ولا هو عيب عام فى الموديل .. ( وياريت الاخوه يقولولى ) لما بعلى الموسيقى على الاخر بسمع صوت ( زنه ) فى السماعه خصوصا فى مقاطع ( التربلات -- اللى هى صوت الشخاليل او الالات المعدنيه ) وللى متابع موضوع الصوت اسمها ( شنشنه ) فى السماعه .. هى ملحوظه ليا لأنى المواضيع دى ليا سابق خبره فيها .. الجهاز تحس انه عامل زى ( البسكوته ) مش عارف داه احساسى لوحدى ولا ايه ؟ الاوبشن بتاعه برغم انه مفروض انه اندرويد برضه الا انى لاقى شوية حاجات مكانتش موجوده فى السامسونج وفى حاجات كانت فى السامسونج ولسه مش لاقيها . انا دلوقتى ركبت الشريحتين وبعمل استعاده لكل الداتا والبرامج ولما اخلص ان شاء الله هاجرب شوية حاجات واكتبلكم تقرير رقم 2 . وسؤال ياريت حد يعرف يجاوبنى ( ازاى انقل الرسائل اللى على السامسونج للأكس ؟؟ ) لأنى مش عارف انقلها خالص وهل هى اصلا ممكن تتنقل ولا كده خلاص ؟؟ ..
الى اللقاء فى تقرير رقم اتنين ان شاء الله
shgh79
shgh79
2014-05-27 (05:23:39PM)
النت هنج وبعت الرساله 3 مرات :) بالمره كده سؤال على الماشى .. كل ما اعمل استعاده لاى تطبيق زى الواتس او لاين او فايبر بيدخلنى من اول وجديد وكل الداتا اللى بتبقى موجوده شكراااا ؟؟؟؟؟؟؟؟؟؟ داه عااادى ولا انا بعمل حاجه غلط ولا علشان مش بنزل من على سامسونج اكونت ولا ايه بالظبط ؟؟؟ واضافه للتقرير .. البطاررريه طبقا لمستوى استخدامى ومستوى استهلاكلها ممكن تقعد 9 ساعات عمل متواصل والشاشه شغاله تقريب 8 ساعات منهم ...
shgh79
shgh79
2014-05-27 (09:14:31PM)
حد عنده حل لموضوع الكيبورد العربى . فقير جدا والحروف متلخبطه .. لو حده معلومه يقولهالنا بالله عليكم .. ازاى ننزل الكيبورد اللى كان فى سامسونج ؟؟
shgh79
shgh79
2014-05-27 (11:08:39PM)
مشكلة الكيبورد اتحلت :)
shgh79
shgh79
2014-05-29 (11:47:01PM)
تقرير رقم 2 ..
بعد استخدام يومين وتنزيل غالبية البرامج اللى بستخدمها ..
البطاريه .. استخدام مستمر ودائم وواى فاى او ثرى جى شغال بأستمرار بالكتير 5 ساعات استخدام متقطع مع واى فاى او ثرى جى شغال بأستمرار بالكتير 10 ساعات . ولسه مجربتش انى استخدمه استخدام عادى علشان اعرف ممكن تقعد قد ايه فى الحاله دى ..
الشاشه .. تعتبر افضل ما فى الجهاز الى الآن . شاشه مبهره الى اقصى درجه مريحه للعين جدااااا
التاتش جميل ( بس زرار الباك بدون لزق الاسكرينه اوقات بيعلق ) تاتشه مهنجش معايا ولا مره لحد دلوقتى والحمد لله ..
الشبكه .. شبكة التليفون عاديه ولا هى قويه جدا ولا هى ضعيفه وانا بقييس على ( جالاكسى اس دوس واس تو بلس ) وشبكة الثرى جى طبعا مختلفه جدااا عن باقى التليفونات بسبب ... Speed .....HSDPA, 42 Mbps, HSUPA, 11 Mbps .. وشبكة الواى فاى استقباله ليها يعتبر افضل من غيره شويه ...
فى بقى بعض تفاصيل فى التشغيل هابقى اقولهالكم ان شاء الله فى التقرير رقم 3 ان كان لينا عمر ...
IMAGIC
IMAGIC
2014-05-31 (01:08:54AM)
الاستاذ
shgh79
شكرا لتوضيح ونشر المعلومات ليستفيد الجميع منها
و محتاج اعرف منك ما هو سعر التلفون جديد ؟ وكم سعره مستعمل تقريبا ؟
البطارية مع الشغل المتوسط تشتغل اد ايه تقريبا ؟
بشكل عام الجهاز يستاهل ان الواحد يشترية ولا لا ؟ وهو افضل ولا الاس ثري من حيث الاداء العام ؟
و ممكن لو سمحت تكتب رقم تليفونك عايز اتصل بيك استفسر عن شوية حجات تانية عن التلفون لو امكن
في انتظار ردك تحياتي
shgh79
shgh79
2014-06-07 (12:29:45PM)
السلام عليكم . الاستاذ العزيز . IMAGIC .اسف على التأخير فى الرد اولا ..
والعفو وربنا يكرم حضرتك ثانيا ..
التليفون انا شاريه جيد من ( جاما ستورز ) فى مصر الجديده شارع المقريزى ب 2415 جنيه . وللأسف معنديش معلومه هو مستعمل بكام ..
البطاريه . استخدام متوسط فى حدود 9 ساعات . استحدام عادى ممكن توصل 11 او 12 استخدام مستمر بالكتير 5 ساعات (( بس كل المعدلات دى اللى بقول لحضرتك عليها وانا تليفونى بيبقى الثرى جى او الواى فاي شغالين داااائما )) .
بشكل عام الجهاز جهاز محترم وشيك جداا ..
اما بالنسبه للمقارنه بينه وبين الاس ثرى فأنا الصراحه مقدرش اقيمها لأنى مامسكتش الاس ثرى . وانا فضلت فتره متردد فى اتخاذ قرار الشراء بسبب الاس ثرى تحديدا . بس فى الاخر حسمت قرارى واشتريت الايدول اكس ..
** وحضرتك لو محتاج تسأل على اى حاجه ابعتلى رساله انبوكس وانا هابعت لحضرك التليفون ..
وان شاء الله يومين كده ولا حاجه وانزل تقرير رقم 3 اللى فيه تجربة الاسبوعين كلهم ..
MikeNFD
MikeNFD
2014-06-08 (01:28:31PM)
أستاذ shgh79;
مُمكِن حضرتك تجرَّب لعبة Asphalt 8 على Low و Medium و High و تقولنّا النتيجة؟
و بالنسبة للحرارة و زرار الباك، إيه الأخبار؟ و هل في أي عيوب لاحظتها في الموبايل؟
shgh79
shgh79
2014-06-08 (09:27:05PM)
الاستاذ العزيز .. MikeNFD..
انا للأسف ماليش قوى فى موضوع الالعاب داه .. بس بما ان فى ناس كتير بتسأل على موضوع اسفلت 8 . فاهنزلها ان شاء الله واجربها واقولكم ..
*موضوع الحراره داه نسبى . يعنى الجهاز وصل معايا ل 42 حوالى 3 مرات .. مره بعد مكالمة ثرى جى طويله ومره كنت بستخدم الواتس فى الشارع فى اليومين اللى كانوا حر جدا ومره بعد مكالمه حوالى نص ساعه .. غير كده اخره 38 ( لحد دلوقتى ) ..
*موضوع زرار الباك داه انا لاحظت حاجه . اولا انا مش مركب الاسكرينه لأنى مستمتع جدا بملمس التاتش من غير اسكرينه .. اللى انا لاحظته ان زرار الباك مش على حرف التليفون وانا تلقائيا لما باجى اضغط عليه بدوس على حرف التليفون انما لما بدوس على الزرار مباشرة مابيعلقش بس تحس انه تقيل شويه عن اى جزء تانى فى التليفون ..
* التقييم العام يومين كده وانزل بيه تقرير ان شاء الله ..
MikeNFD
MikeNFD
2014-06-11 (07:59:31PM)
فات 3 أيام. :D
shgh79
shgh79
2014-06-12 (12:03:57PM)
الاستاذ العزيز .. MikeNFD
ماهو انا لحد دلوقتى بحاول انزل اسفلت 8 :( ..الواى فاى عندى فى الشغل بس . من اول لما بروح لحد لما بمشى بحاول احملها بقالى 4 ايام اهو وكل مره يجيى ميعاد الانصراف وهى لسه متحملتش .. ربنا يسهل النهارده انا مطول شويه فى الشغل . ربنا يسهل وتحمل ...
**
**
وسؤال للناس القديمه ... النهارده الجهاز عمل معايا حاجه غريبه جدااااااااااااااااااا فجأه سجل الاسماء بقى ارقام من غير اسماء ومفيش سجل مكالمات عمل ريستارت مرتيين برضه مفيش فايده . دخلت على معاج الاعداد وعملته من اول وجديد بنفس الاعدادت برضه مفيش فايده . كنت محتفظ بنسخه عندى من الكونتاكتس شغلتها من اول وجديد وعملتلها مزامنه . بس طبعا لغى كل الكونتاكتس الجديده وسجل الهاتف كله اتمسح .. افيدوووووونى ...
shgh79
shgh79
2014-06-14 (02:58:40PM)
اسفلت 8 اخيراااااااااااااا نزلت والحمد لله .. هاجربها واجرب معاها شوية حاجات كده وانزل ان شاء الله بتقرير 3
MikeNFD
MikeNFD
2014-06-14 (03:40:02PM)
مبروك، يا ريت النهاردة. :D
samoeilnabil
samoeilnabil
2014-06-16 (10:47:03PM)
فى انتظار التقيم الجديد
MikeNFD
MikeNFD
2014-06-17 (06:20:56PM)
...........
shgh79
shgh79
2014-06-17 (06:46:40PM)
السلام عليكم..
نزلت اسفلت 8 وشغلتها والحمد لله شغاله تمام والصوره بتاعتها ممتازه ومش بتهنج وعملت اتصال على تليفونى من تليفون تانى وانا بلعب تلات مرات مره المكالمه هنجت ومرتين لأ ...
التقييم العام ..
الشاشه افضل مافى الجهز والساوند هو الأسوء ... شاشه بسم الله ما شاء الله تحفه مش هتحتاج تشغلها على اقصى طاقه ليها الا فى عز الشمس بس . غير كده بالكتيررر هاتعملها على 50 % داه لو معملتهاش اتوماتيك .. ملمس التاتش اكثر من رائع ( انا مركبتش سكرينه ) ومستمتع جدا بملمس التاتش اللى طبعا بسببب نوعية الزجاج .. وضوح والوان نقيه وصافيه وزوايا رؤيه محترمه
اللى كان معاه جهاز راماته 1 او 765 هايحس بفرق رهيب فى موضوع الرامات .. انا منزل برامج كتير جدا ولسه عندى حوالى 800 ميجا من ال 2 جيجا فاضيين .. فارقين جدااا مع سرعة الجهاز .. البروسيسور مش حاسس به قوى بس الجهاز مهنجش منى الا نادرا مرتين تلاته بالكتير وتهنيج لثوانى ...
الكاميرا ماشتغلتش بيها كتير بس هى افضل من كاميرة الاس 2 بلس سواء فوتو او فيديو .. صورت حاجات بليل وتقريبا 8 محاولات من اصل 10 بتبقى حلوه والاتنين بتبقى مش حلوه .. وفعلا موضوع ثبات الايد فى التصوير داه مهم جدا ..الفيديو جربت اصور واحرك ايدى يمين وشمال بعشوائيه الصوره كانت فى المحصله ثابته بنسبه محترمه .. فى شوية اوبشنز فى الكاميرا كويسين . طبعا هما موجودين فى اى برنامج تعديل صور بس مش وحشيين ..
البطاريه استخدام ثرى جى او واى فاى بشكل مستمر وشاشه منوره عالطول بالعافيه هايكمل 5 ساعات . والموضوع اللى كان الاستاذ العزيز .. ( mazmaz ) اللى هو بخصوص ان البطاريه ممكن تقرأ الشحن غلط . داه حصل معايا مره وقفلت الجهاز وحطيته على الشاحن لحد 100 % معملش معايا الموضوع داه تانى .
اكبر مشكله مقبلانى فى الجهاز هو الساوند .. صوت الجهاز عادى جداااا وممكن نقول انه مش عالى سواء كان هاند فرى او سماعة مكالمات او السماعه الخارجيه .. الهاند فرى سىء جداااااااااااا ومش بستخدمه بستخدم بتاع السامسونج افضل منه بمرااااحل .. بخلاف ان الجهاز لما بيبقى محطوط فى الوضع العادى على مكتب او ترابيزه بتبقى السماعه الخارجيه مكتومه فلما بين تلاقى السماعه بتعمل زززنه غريبه وتلاقى الصوت مش نقى حاولت انزل كذا برنامج يعلى صوت النغمه . الغالبيه منهم مش بيعمل حاجه وواحد ولا اتنين فرقوا شويه فى مستوى الصوت بس تحس ان الصوت مبقاش نقى .. مشكلة تخصيص نغمه لكل خط تم حلها عن طريق برنامج تفضل الاستاذ ( mazmaz ) مشكورا وقالى عليه .. وهو ... DUAL SIM RINGTONE... برنامج كويس وبيحل المشكله دى ..
السوفت ووير بتاع الجهاز فيه حاجات جديده وحاجات غريبه .. زى مثلا لما تكون بتعمل مكالمه وتحاول تدخل على الفون بوك علشان تجيب نمره . فالعادى بتاعى انى كنت بشغل الاسبيكر وادخل على الاسماء واجيب الرقم واقوله على الاسبيكر للطرف التانى . داه لأ تيجى تعمل كده يدخلك عادى بس الطرف التانى يبقى مش سامعك .. وفى حاجه اسمها وضع الموفر المطلق داه بيشغل 5 حاجات بس فى التليفون وبيفصل كل الباقى وداه بيحافظ على البطاريه بشكل حلو جدا بس طبعا بيشغل الاساسيات بس . الاسماء والرسائل والاتصال والمنبه والتقويم بس ..
التليفون كشكل شكله جميل وان كانت خاماته مش غنيه بس متعوضه باللون فى الخلفيه ومظهر الشاشه نفسها .. اكسسوارت التليفون ايديك منها والارض . كابل اليو اس بى باظ من تانى اسبوع والهاند فرى تعبانه جداااااااا والاسكرينه مركبتهاش اصلا ...
داه كل اللى انا مجمعه دلوقتى .. ولو افتكرت اضافه هابعتها ان شاء الله . واى حد عنده سؤال انا تحت أمره ...
samoeilnabil
samoeilnabil
2014-06-17 (09:19:56PM)
استاذ shgh79 ربنا يفتح عليك..بس انت قلقتنى بموضوع صوت الجهاز الواطى..اصلى انا شغال فى مقاولات ودايما فى مكان فية دوشة شديدة ..فغلى كلامك كدة الجهاز دة رنتة منخفضة ولا لا ؟ والصوت فى المكالمات عالى ولا لا ؟
سؤال معلش ..جربت تدخل فية فلاشة ؟ ينى بيقرافلاشات ولا لا ؟
mazmaz
mazmaz
2014-06-17 (09:26:08PM)
تقييم ممتاز تسلم ايديك يا باشا على المعلومات القيمة دى .... بس احب اضيف معلومة بخصوص الاكسسوارات انها اصبحت متوفرة و الحمد لله حتى فى المحافظات الاقليمية يعنى مثلا عندى فى طنطا اول ما جبته ما كانش لسه نزله جراب و سكرينه و بعد فترة على ما جبتله جراب من الشناوى و دلوقتى لقيت السكرينه بتاعته برة فى محل غير الشناوى و ب10ج بس و جميلة جدا و كمان الكفر الفليب موجود ب 40ج و معدتش الاكسسوارات مشكلة خالص ....و بخصوص موضوع ان البطارية الجهاز بيقراها غلط يعنى يبقى فيها 80% و يقرااها 50 مثلا ده كان فى الاول لما كنت بستخدم الجهاز و هو على الشاحن لكن لما اسيب البطارية تشحن على الاخر المشكلة انتهت يعنى تقدر تقول فى اول شهر اشتريت فيه الجهاز بس ...
mazmaz
mazmaz
2014-06-17 (09:27:48PM)
الجهاز بيقرا الفلاشات بسهولة و تقدر كمان تصور عليها فيديو ... و خصوص الصوت فهو مش عالى لكن مش واطى قوى
shgh79
shgh79
2014-06-17 (10:21:55PM)
السلام عليكم .
الاستاذ العزيز .. samoeilnabil .. فعليا صوت الرنه ضعيف والمكالمات مقبول او قول بالكتير جيد .. وانا بتكلم عن تليفونى . ممكن يكون داه عيب فى الجهاز بتاعى ... بس لو مستعد تقبل بعيب زى داه وتعمله اهتزاز مقابل مميزاته . فداه طبعا اختيارك .. بالنسبه لموضوع كابل اليو اس بى .. الصراحه مجربتش ومعرفش داه بيتم ازاى .بس ربنا يسهل هسأل واجرب واقول لحضرتك ...
الاستاذ العزيز ..mazmaz .. ربنا يخليك تسلم وكله بعد توجيهات سعادتك :) حضرتك كنت مرجع لينا قبل لما نشترى التليفون .. وبالنسبه للأكسسوارات انا مش عارف ليه مش عاوز اجيبله حاجه ومستمتع بيه كده . بس اكيد هاجيبله كافر ان شاء الله .. واى سؤال انا تحت أمركم
MikeNFD
MikeNFD
2014-06-18 (02:40:01AM)
شكراً جداً و كِدة إن شاء الله هشتريه في أقرب وقت.
shgh79
shgh79
2014-06-19 (10:03:08PM)
انا نزلت فيفا 14 والحمد لله شغاله زى الفل :)
samoeilnabil
samoeilnabil
2014-06-23 (07:36:39PM)
أستاذ Shgh79 صوتة واطى فى المكالمات ؟ بص الرنة منخفضة الصووت نستحملها...بس صوت المكالمة نفسها واطى ..دى صعبة ؟؟ يعنى صوت اللى بيكلمك سامعه منخفض اوى ؟؟
shgh79
shgh79
2014-06-24 (09:22:29PM)
الاستاذ العزيز .. samoeilnabil ... مش بالدرجه دى .. بس انا بقارن بينه وبين الاس دوس اللى كنت بحتاج انى اخفض الصوت علشان اعرف اسمع ( لوحدى ) مش انا واللى حواليا .. الايدول اكس صوته يادوب يسمعك لوحدك فى الزحمه او لو فى مكان الاصوات فيه عاليه جدا .. فى المجمل زى ما قلت لحضرتك صوت المكالمات مقبول بالكتير قوى جيد ..
mazmaz
mazmaz
2014-06-25 (12:07:48PM)
صوت سماعة المكالمات عالى مش واطى و مسموع جدا حتى فى الاماكن الزحمة و الحمد لله لكن صوت السماعة " loud speaker " هو اللى مش عالى زى السامسونج و مش واطى زى السونى لكن متوسط و لو حطيت نغمة عالية بيبقى تمام و فى الالعاب صوته عالى و بضطر اوطيه اما فى الفيديوهات فالصوت بيبقى حسب الفيديو يعنى لو صوت الفيديو عالى بيبقى الصوت فى الموبايل مسموع و كويس لكن المشكلة لو الصوت فى الفيديو واطى و انت عاوز تسمعه لحد فى مكان عام و فيه دوشة ساعتها مش هيسمع غير لما يحط الموبايل على ودنه
ELGHAMRY
ELGHAMRY
2014-07-09 (08:44:47AM)
الجهاز دا معروض فى اكتر من مكان بسعر 1850 ونفس الامكانيات ممكن اعرف الفرق دا ليه
ahmed112
ahmed112
2014-07-22 (08:21:43AM)
معلش لو سمحتوا هو التليفون دة نزل منه اللى بخط واحد فى مصر ولا لا و شكرا :)
boodaa
boodaa
2014-08-13 (07:37:44PM)
ارجو المساعده ف اختيار جهاز من الاجهزه الاتيه من حيث الافضل فى كل شئ
1- سامسونج ميجا 5.8
2- سونى M2
3- ال جى برو لايت
4- الكاتيل ايدول اكس
ارجو الافاده فى اسرع وقت ممكن
boodaa
boodaa
2014-08-13 (07:37:47PM)
ارجو المساعده ف اختيار جهاز من الاجهزه الاتيه من حيث الافضل فى كل شئ
1- سامسونج ميجا 5.8
2- سونى M2
3- ال جى برو لايت
4- الكاتيل ايدول اكس
ارجو الافاده فى اسرع وقت ممكن
shgh79
shgh79
2014-08-15 (02:08:54PM)
طبعا الايدول اكس افضل من التلاته الباقيين .. يكفى انه 2 جيجا رام صافى ... والشاشه بتاعته اعلى من التلاته بكتيررررررررر
marbe
marbe
2014-08-18 (01:14:41AM)
بعد اذنك محتاجه تقرير عن التليفون بعد فتره من استخدامه وكمان الصيانه بتاعته متوفره ولا لا وقطع الغيار وعندى سؤال كمان فيه ناس بتركب الاسكرينه مش بتكون بتاعه الجهاز ده بالذات بتكون شبهه هل دى ممكن تعمل مشكله ولا ايه و سؤال كمان بالنسبه لكارت الميمورى هل ممكن احطله كارت ولا لا لو انا حطاله شريحتين موبيل وكمان ايه اخبار البطاريه بعد فتره من استخدامه انا سمعت ان البطاريه بتاعته مش منفصله عن الجهاز يعنى ثابته هل ده صحيح ولا لا ولو منفصله فهل متوفره فى المحلات بطاريته ولا لا
Altrery
Altrery
2015-12-29 (11:31:08PM)
لو سمحتوا انا معايا الكاتيل ايدول اكس بلس، والجهاز ده فيه مكانين لسماعتين ولكن سماعه وحده اللي شغاله وكنت بدخل علي السيتنج يمكن الاقي اوبشن لتشغيلها بس موصلتش لحاجه لحد ما قابلت واحد معاه نفس الجهاز وفيه نفس الموضوع ده(سماعه وحده اللي شغاله) فياريت حد مناخوانا اصحاب الخبره بالجهاز يعرفني كيفية تشغيلها ولا هي سماعه كده منظر مع ايقاف التنفيز؟؟؟
وشكراً
Altrery
Altrery
2015-12-29 (11:31:11PM)
لو سمحتوا انا معايا الكاتيل ايدول اكس بلس، والجهاز ده فيه مكانين لسماعتين ولكن سماعه وحده اللي شغاله وكنت بدخل علي السيتنج يمكن الاقي اوبشن لتشغيلها بس موصلتش لحاجه لحد ما قابلت واحد معاه نفس الجهاز وفيه نفس الموضوع ده(سماعه وحده اللي شغاله) فياريت حد مناخوانا اصحاب الخبره بالجهاز يعرفني كيفية تشغيلها ولا هي سماعه كده منظر مع ايقاف التنفيز؟؟؟
وشكراً
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك