تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

الاعلان عن الاصدار الجديد من جوجل .. اندرويد Q

تاريخ النشر:

الاعلان عن الاصدار الجديد من جوجل .. اندرويد Q

جوجل بدأت مؤتمرها السنوي للمطورين I/O 2019 امبارح البداية كالعادة كانت مع أندرويد واللي أعلنت الشركة انه عدد الأجهزة اللي شغالة بيه حاليا 2.5 مليار جهاز حول العالم، وده بزيادة 500 مليون جهاز عن عددهم في مايو 2017!

جوجل قالت ان أندرويد الجديد 10.0 وهو Android Q هيبقى مركز على 3 عوامل فيه:

1. الابتكار

 

ركزت على أنها بتحاول مع أندرويد الجديد تدعم التريندات اللي طالعة في عالم الموبايل سواء على مستوى الأجهزة القابلة للطي بمزايا زي Screen Continuity واللي بتخليك لما تبقى بتستخدم الشاشة الصغيرة وفجأة تتحول للشاشة الكبيرة لما تفتح الجهاز تفرده هتلاقي المحتوى مكمل معاك بحيث انه يعدل من أبعاد عرضه حسب حجم الشاشة، وكمان تقنية الجيل الخامس 5G وتطبيقاتها اللانهائية زي في الجيمز وكمان الواقع المعزز AR!

الأروع كمان هو أن الجيل الجديد من أندرويد يدعم تقنية الذكاء الاصطناعي وتعليم الآلة على الموبايلات بحيث الجهاز يكون ذكي كفاية فيقدم مزايا متطورة تفيد المستخدمين من ذوي القدرات الخاصة زي ميزة Live Caption اللي بتخلي موبايلك يعرض قدامك أي كلام منطوق بشكل مكتوب على شاشة موبايلك سواء كان من فيديو شغال أو أصوات محيطة بيك أو كمان الفويس نوت اللي بتجيلك في أي أبلكيشن شات بدون ما تحتاح انترنت أصلا!

كمان الذكاء الاصطناعي على الموبايل نفسه بدون انترنت هيفيد جدا ميزة Smart Reply واللي بتخلي موبايلك يقترح عليك ردود يكتبهالك بالنيابة عنك في اي أبلكيشنز شات أو ايميلات كمان!

2. الخصوصية والتأمين

هنا بقى القصة بقت أحسن كتير مع Android Q، حوجل أعلنت انها نزبت 50 ميزة جديدة في أندرويد الجديدة هدفها حماية خصوصيتك على موبايلك!

زي مثلا ان بقى تبويب جديد في الإعدادات Settings اسمه Privacy واللي فيه أهم الإعدادات الأساسية لخصوصية بيانات والداتا اللي متخزنة على موبايلك بحيث تتحكم فيها من مكان واحد، ضيف بكدا كمان ان جوا الاعدادات فيه جزء مخصوص اسمه Location واللي بيخليك تراقب وتتأكد مين من الابلكيشنز اللي عندك بياخد داتا اللوكيشن بتاعتك، وتقدر تجبرهم كلهم ان محدش يجمع داتا GPS الا وانت بتستخدمهم، وطبعا تقدر تحط استثناءات براحتك!

الأروع بقى ان دلوقتي مع أندرويد 10 تحديثات للسيستم هتنزل لموبايلك سواء تحديثات أمنية أو تحديثات فيها مزايا حديدة وتصميم مختلف هتوضلك قي الخبفية بنفس طريقة وصول تحديثات الابلكيشنز على موبايلك وبكدا يبقى موبايلك أول بأول متحدث ومش هتحتاج تعمله ريستارت مع كل أبديت!

3. الصحة الرقمية السليمة

عشان الشركة فعلا مهتمة انك متستخدمش موبايلك لفترات طويلة، جوحل أعلنت عن مزايا جديدة مع أندرويد Q زي Focus Mode وباللي بيخليك تقدر تقفل نوتيفيكيشنز الخاصة بأبلكيشنز معينة لحد ما انت تخلص فترة تركيزك وتقفل الوضع ده ساعتها كلو يرجع زي ما كان، وكمان فيه ميزة Bonus Time وهي اللي بتخليك تطلب من موبايلك يديك وقت اضافي تستخدم فيه ابلكيشنز معينة او موبايلك عموما بعد ما تخلص المدة اللي انت محددها لنفسك قبل كدا، وكمان انك تقدر تعمل حد أقصى للمدة المسموحة لاستخدام أبلكيشنز بعينها!

دلوقتي النسخة التجريبية من أندرويد Q بقت متاحة لحوالي 21 موبايل من 13 شركة بما فيهم موبايلات جوحل بيكسل، والشركات هي

هواوي
شاومي
ون بلس
تيكنو
نوكيا
أوبو
إل جي
ريلمي
ايسينشال
ڤيڤو
أسوس

وهي دي قائمة الموبايلات

Asus ZenFone 5Z

Essential PH-1

HMD Global Nokia 8.1

Huawei Mate 20 Pro

LG G8 ThinQ

OnePlus 6T

Oppo Reno

Realme 3 Pro

Sony Xperia XZ3

Tecno Spark 3Pro

Vivo X27

Vivo NEX S

Vivo NEX A

Xiaomi Mi Mix 3 5G

Xiaomi Mi 9

بواسطة: Mob4me

هل اعجبك هذا المقال؟ يمكنك مشاركته مع اصدقاء علي شبكات التواصل الاجتماعي

شاهد ايضا الاخبار التالية

تعرف علي جهاز هواوي هونر Veiw 20
تعرف علي جهاز هواوي هونر Veiw…

اشتهرت شركة هونر التابعة لشركة هواوي باصدارها الجديد من الهواتف الذكية ذات تصميم مميز وإمكانيات متطورة ومنذ بدأت انتاجها للاجهزه المحمولة تميزت فيها وركزت على استخدام شريحة المعالج نوعها Kirin…

اقراء المزيد

انطلاق ثوره الذكاء الاصطناعى مع هواوى
انطلاق ثوره الذكاء الاصطناعى مع هواوى

شركة هواوي أصبحت رائده فى صناعه الهواتف الذكيه هى شركة صينية تقوم دائما بإصدار هواتف  تحتوى على مميزات التى يبحث عنها المستخدم واحتلت المركز الثانى عالميا فى بيع الهواتف الذكية…

اقراء المزيد

F1 الرائد القاتل الجديد من شركة UMIDIGI
F1 الرائد القاتل الجديد من شركة…

هاتف UMIDIGI F1 الذي يأتي بمواصفات ، بروسيسور Helio P60 ، بطارية 5150 ملي امبير ، مساحة داخلية 128 جيجا بايت ، وايضا خاصية NFC كل هذا في جسم سمكه…

اقراء المزيد