تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ أتش تي سي Desire 816
للرجوع الي صفحة أتش تي سي Desire 816 الرئيسية اضغط هنا

نظره اوليه على htc 816

moamantalaat
moamantalaat
2014-05-22 (10:12:10AM)
بسم الله الرحمن الرحيم
بعد صولات وجولات ومباحاثات واستشارات عشان اجيب موبيل جديد خلفا للجراند 1 الي كان مطلع عيني تهنيج كان في حيره كبيره في الاول ما بين ال
1-alcatel hero
2- sony t2 ultra daul
3- note 3 new daul
طبعا لان اوليواتي موبيل بخطين لاني كنت خدت قرار مشيلش اكتر من موبيل واحد تاني ابدا وبدات رحله البحث وبعد العيوب الكتير الي ظهرت في ال hero تم صرف النظر عنه بالرغم من انه كان المرشح رقم واحد وبعد السعر المبالغ فيه لل note 3 new daul تم صرف النظر عنه هو كمان كده اتبقى ال t2 وهو موبيل جميل بامكانيات معقوله جدا وسعر جميل بس كان بينه وبينه حاجز نفسي متمثل في الحجم الكبير زياده عن اللزوم بالنسبالي لحد ما في يوم كنت على موقع وقريت عن ال htc 816 وعجبتني المواصفات والتصميم بس للامانه قولت مش هينزل باقل من 4000 جنيه لاننا كلنا عارفين اسعار htc كماركه محترمه بتهتم بالجوده جدااا ولما نزل الجهاز اشتريته في نفس يوم نزوله لاني كنت منبهر بسعره وهو بقاله معايا اسبوع بالضبط دلوقتي وه تقييم مبداي ليه
اولا : الشاشه
ممتازه جدا مش هتحتاج ابدا اكتر من كده جوده الوان وتباين حاجه محترمه فعلا وعيبها الوحيد موضوع الحمايه الي مش موجود عليها اكتر من كده مفيش 8/10

الاداء :
سريع جدااا جدااااا ولحد ما انا بكتب دلوقتي مقبلتنيش مشكله تهنيج او تقل في اي تطبيق او لعبه والمالتي تاسكنج بتاعه رائع 9/10

البطاريه : مع اني كنت متخوف من موضوع البطاريه ال 2600 ma بس بصراحه انجاز ل htc انها قدرت بالحجم الصغير للبطاره دي تحقق النتايج دي بامانه يومين كاملين مع الاستخدام العادي كل حاجه ويوم او اكتر بشويه مع الاستخدلم المكثف للنت والالعاب العاليه بصراحه انجاز يحسب للشركه 9/10

الصوت :
صوت رائع وجميل ومجسم جدا عن اي موبيل تاني وصوت المكالمات واضح جدا ومسموع العيب الوحيد في الموضوع ده ان ال earphone الي جايه مع الموبيل من النوع المتوسط على احسن تقدير فمش بتديلك امكانيات الموبيل الحقيقيه سواء في الاغاني او المكالمات جرب هاند فري تاني احسن وشوف الفرق 9/10

التصميم :
htc معروفه بالشياكه والجوده مش محتاج كلام كتير في الموضوع ده العيب الوحيد الضهر البلاستك بيبصم وبيتخربش بسهوله جدااااا 8/10

الكاميرا :
ممتازه جدا سواء الاماميه او الخلفيه مش هتحتاج اكتر من كده من اي موبيل والاوبشن كتير واكتر حاجه لفتت نظري في الكاميرا سرعه التقاط الصور سريع جدا بجد حاجه محترمه مقارنه بالسامسونج في نقطه لازم تاخد بالك منها ان الكاميرا بتبقى مظبوطه في الوضع الاصلي على reolution 4224 x 2368 ودي 10 ميجا بكسل بس وده وضع اجباري عشان 16:9 الي هو الصورة تملى كامل الشاشه بتاع الموبيل عشان تحصل على ال 13 ميجا بيكسل كامله اختار وضع 4:3 ساعتها الكاميرا هتديك ال 13 ميجا كامله وشوف الفرق 9/10

نظام التشغيل :
4.4.2 kitkat نظام سريع وخفيف مفيش مشاكل تماما شكل واجهه الاتصال شيك وسهله وعمليه بس متقدرش تثبت خلفيه على التطبيقات من جوا اخرك الشاشه الرئيسيه ومفيش file manager هتحتاج تنزله 9/10

العيوب :
* الزراير تحسها مش بنفس كواليتي الموبيل واماكنها كان ممكن تكون احسن بالذات الباور
* مفيش equalizer في مشغل الاغاني
* حمايه الشاشه
* بلاستك الخلفيه بيبصم ويتجرح بسهوله
* نوعيه الهاند فري (earphone) الي بتيجي معاه دون المستوى

اجمالا موبيل ممتاز ( 8الى 9 / 10 ) وانا شايف ان شركه htc بدات تاخد الطريق الصح واتمننى اني اكون قمت فايده للجميع وشكرا
waleedsunny
عضو مميز
waleedsunny
2014-05-22 (10:29:21AM)
الف مبروك عليك
وتقييم اكتر من ممتاز
واهم حاجه هو اوبشن الاكستريم باور اللى بيخرج الجهاز اصلا من سوفت الاندرويد ويخليه موبايل بسيط لعدم استهلاك بطاريه اصلا
وان من عادتى اقفل الموبايل لكن اصبحت اقفل الشبكات فقط عن طريق تفعيل وضع الطيران والجهاز من 12 مساء الى 7 صباحا ماشاء الله مانقص درجه واحده من البطاريه عشان الاذان والمنبه يفضلوا شغالين
okakol
okakol
2014-05-22 (08:37:53PM)
الف مبروك يــ moamantalaat
تقيم اكثر من رائع
وفعلاً يا استاذ وليد اوبشن الاكستريم باور جامد جداً , واعتقد دى زى اللى فى اس 5
kokedvd
kokedvd
2014-05-22 (11:11:51PM)
علي فكرة البطارية مش للدرجة دي عشان بس منضحكش على الناس انا معايا 9 ساعات و نص بالظبط مفتوح واي فاي و 3 جي و العاب فيهم :D بطارية بطلة بصراحة
ztiger66
ztiger66
2014-05-23 (05:32:27PM)
الشريحتين بيستقبلوا مكالمات في نفس الوقت ؟؟
Dual active sim
Ahmed0Shaheen
Ahmed0Shaheen
2014-05-23 (08:59:50PM)
تقييم ممتاز بس ياريت سكرين شوت
moamantalaat
moamantalaat
2014-05-25 (01:59:52PM)
اه تمام يا ztiger66 الموبيل Dual active sim
meshomahir
meshomahir
2014-05-26 (12:29:24AM)
السلام و عليكم ورحمه الله و بركاته ارجو من أ / وليد ابداء مقارنه سريعه بين htc618 و الكاتيل 6040d و ايهما افضل ...و شكرا لتعاون سيادتكم
mazmaz
mazmaz
2014-05-27 (03:39:24PM)
لو هتقارن الhtc 816 بالايدول x الhtc هيكسب فى كل حاجة ماعدا الشاشة فقط
mazmaz
mazmaz
2014-05-27 (03:40:14PM)
اقصد كثافة الشاشة و حمايتها و ليس حجمها لان الحجم فى صالح الhtc 816
Ayayousef
Ayayousef
2014-06-08 (01:30:45PM)
طب فين اماكن توكيله في مصر يا استاذ مؤمن ؟؟
moamantalaat
moamantalaat
2014-06-08 (02:27:53PM)
العناوين يا استاذه ايه
1-جوفى ترونكس
ميدان جهينة
السادس من اكتوبر, الجيزة
علامة مميزة: داخل مول العرب - بوابة 21 - محل رقم 252

2- 17 ش المتحف الزراعى
العجوزة , العجوزة, الجيزة
علامة مميزة: امام مجموعة عز العرب للسيارات

3- 12 عمارات حدائق رامو - ش عمر بن الخطاب
مدينة نصر, القاهرة
علامة مميزة: امام ستارز سنتر
amr2014
amr2014
2014-06-19 (02:35:31AM)
انا اشتربت الموبايل بجد تحفه ماشاء الله بس لما بضغط علي kepad بيظهر عندي شريط ابيض فوق مكتوب عليه call history phone favorites
عندي بقي اول حرفين من يمبن الشاشه واخر حرفين من شمال الشاشه مهزوزبن ونفس الكلام لما بفتح applications
ياتري ده عيب ف موبابلي ولا طبيعي
نع العلم ان الشاشه لما بتفتح اي حاجه تانيه مفيهاش كده
ياريت حد من الي جرب الموبايل بفيدني عشان او عبب احق ارجعه بكره
amr2014
amr2014
2014-06-19 (02:35:32AM)
انا اشتربت الموبايل بجد تحفه ماشاء الله بس لما بضغط علي kepad بيظهر عندي شريط ابيض فوق مكتوب عليه call history phone favorites
عندي بقي اول حرفين من يمبن الشاشه واخر حرفين من شمال الشاشه مهزوزبن ونفس الكلام لما بفتح applications
ياتري ده عيب ف موبابلي ولا طبيعي
نع العلم ان الشاشه لما بتفتح اي حاجه تانيه مفيهاش كده
ياريت حد من الي جرب الموبايل بفيدني عشان او عبب احق ارجعه بكره
amr2014
amr2014
2014-06-19 (02:35:33AM)
انا اشتربت الموبايل بجد تحفه ماشاء الله بس لما بضغط علي kepad بيظهر عندي شريط ابيض فوق مكتوب عليه call history phone favorites
عندي بقي اول حرفين من يمبن الشاشه واخر حرفين من شمال الشاشه مهزوزبن ونفس الكلام لما بفتح applications
ياتري ده عيب ف موبابلي ولا طبيعي
نع العلم ان الشاشه لما بتفتح اي حاجه تانيه مفيهاش كده
ياريت حد من الي جرب الموبايل بفيدني عشان او عبب احق ارجعه بكره
ahmedaliyossef2010
عضو مميز
ahmedaliyossef2010
2014-08-09 (02:07:24PM)
أنا عندي نقطة بس حابب أبينها إن السماعات بتاعته خارجيا جودتها مش عالية تمام بس خلي بالك إنها ضد التشابك و رأيي إن صوتها كان خرافي خصوصا كمان إنه فيه بوم ساوند

بس مش مختلف معاك إن الجودة الخارجية كان المفروض تبقى أفضل شوية خصوصا من HTC
hananahmed
hananahmed
2014-10-28 (04:23:07PM)
طب يا أستاذ moamantalaat بالنسبة للحماية انت قصدك اللزقة اللى هى بتحافظ على الشاشة من التجريح و الخربشة ؟؟

و الموبايل مقارنة بسامسونج أحسن طبعا كماتيريال كمان مش من أقل وقعة بيتكسر صح ؟؟
hesham1234
hesham1234
2014-12-20 (10:24:18AM)
لو سمحت ايه افضل الاتش تى سى 816 ولا النوكيا لوميا 1520 ?????
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك