تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات
اكسسوارات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ أتش تي سي Desire 816
للرجوع الي صفحة أتش تي سي Desire 816 الرئيسية اضغط هنا

تقييم بعد استخدام 4 ايام

waleedsunny
waleedsunny
2014-05-21 (10:05:55PM)
للامانه هو جهاز كويس بالنسبه لسعره
وواخد من كل جهاز شويه بحيث انه يلبى رغبات المستخدمين عشان الماركه دى محققه خسائر خرافية بسبب تمسكها بانتاج اجهزة بمواصفات وخامات عاليه جداااا وفى نفس الوقت اسعار عاليه جدااااااااا
وده يعتبر اول جهاز تنزله تنافس بيه الماركات التانيه بقوه من خلال مواصفات وامكانيات عاليه نوعا ما وبسعر معقول جدااا 2850ج بالضمان
صوت سماعة مكالمات ونغمات ماشاء الله عاليه ونقيه كاميرا اماميه 5 وخلفيه 13 ( فعليا جودة ال8 زى الاس3 )
بيقرا من فلاشة كمبيوتر
سوفت وير 4.4.2 كيت كات
شاشة تحفه زياده عن اللزوم نفس نقاء الايفون بالظبط ( عيبها الوحيد إضأتها مش عاليه )
البطاريه مش بتتشال وشرحتين نانو وبيركبله كارت ميمورى خارجى
صناعه تايوانى وبيجى معاه الشاحن والسماعة والكبل
بعد شحن الموبايل اول مره لمدة 8 ساعات وهو مغلق وبعد كده 3 ساعات وهو مفتوح عادى ( بعد شحن الموبايل 3 مرات استقر مستوى اداء البطاريه )
يومين كاملين مكالمات فقط
يوم كامل نت 5 ساعات على مدار اليوم + مكالمات
لازم تحمل برنامج اسمه File Manager HD عشان تقدر تدخل على الكارت والفلاشه وتنقل اى داتا منهم او ليهم
محمل عليه لعبه اسفلت 8 ماشاء الله سريعه جدا وانا محملها للتجربه فقط
الموبالي مافيش اى سخونه نهائى صوره طبق الاصل من النوت2 وانا فاتح 3جى ومشغل النت وتصفح لمدة ساعتين الحرارة وصلت 36
الحرارة وصلت 39 اثناء اللعب فقط عشان بستعمل برسسور ورامات وكارت فيجا
لازم تحط لزقة شاشة عشان الشاشة مش ضد الخدش ( اسكرينه النوت3 تتقص من فوق فقط )
الضهر بتاعه لميع وبيبصم زياده عن اللزوم وحاططله استيكر اللى بيتلزق على العربيات كحمايه للجهاز وشغال ماشاء الله زى الفل لحين نزول جراب ليه
الجهاز مافيهوش اى نوع من انوا التقل او التهنيج وسفت وير سهل وسلس جدا
فيه اوبشن اكسترين باور بيقفل شاشة الاندرويد تماما وبيخلى الجهاز لاستخدام المكالمات والرسائل والميل فقط لاغير وبيخلى استهلاك البطاريه شبه منعدم تماما
الكاميرا فيها تصوير HDR واوبشن كتير
كاميرا الفيديو فيها تصوير HDR وتصوير بالبطىء ( بس من غير صوت طبعا )
اى فيديو يشتغل تقدر تاخد منه اسكرين شوت
فيه ايقون عشات تاخد اسكرين شوت من اى حاجه انت واقف عليها
الجهاز بصفه عامة تقييم حوالى 85% - ومافيش حاجه اسمها 100% عشان الكمال لله وحده
askoo
askoo
2014-05-21 (11:15:22PM)
شكرا ليك استا وليد
الجهاز واخد كام من 8 جيجا ينفع ننقل للكارت الميمورى ؟
وفيه nfs ولا النسخة الى هنا مفهاش ؟
melghrbawy
melghrbawy
2014-05-22 (12:05:48AM)
السلام عليكم
حضرتك ترشحلى الجهاز دة وله الجراند 2 ؟
وايه الفرق بينهم ؟
معلش هتعب حضرتك
galaxy2468
galaxy2468
2014-05-22 (12:11:08AM)
الجهاز ده احسن ولا Grand2
RAGAB012
RAGAB012
2014-05-22 (03:17:50AM)
مبروك يا استاذ وليد
وتقرير رائع
waleedsunny
عضو مميز
waleedsunny
2014-05-22 (10:21:14AM)
الخلاصه
لو انت محتاج اوبشن كتيير زياده عن اللزوم واكسسوارات كتير وشغلك متوسط على الجهاز يبقى هات الجراند2
لو انت عايز حاجه شيك وسوفت عالى وكاميرا محترمه وصوت عالى جدااا سواء للنغمات او المكالمات وبطاريه اقوى وعدم وجود سخونه والحمد لله ومايمكش موضوع الاكسسورارات يبقى خليخ فى ال 816
الصافى من المساحه 4.7 جيجا
وبينقل بعض البرامج والبعض لأ زى معظم الاجهزه مابيسمحش اصلا بنقل بعض البرامج وبيخليها على الذاكره الداخليه فقط
kokedvd
kokedvd
2014-05-22 (10:56:25PM)
انا برده معايا التلفون من نفس المدة بطارية لعب و نت و فاتح 3 جي قعدت 9 ساعات و نص بس فحت و ردم من غير راحة

و يوم كامل فاتح 3 جي وقت لما ابقي فاضي و مكالمات

و الجهاز زي الفل بصراحة و مبروك ليا و ليك
samoeilnabil
samoeilnabil
2014-05-27 (07:25:59PM)
معلش حابب اتاكد ...منك بينقل البرامج على الكارت ولا لا ؟
papillion
papillion
2014-05-28 (02:25:52PM)
سلام عليكم يا استاذ وليد .. واضح ما شاء الله ان حضرتك خبير في الموبايلز .. انا معايا note 8 ... رائع بكل المقاييس ما عدا البطارية طبعا مشكلة سامسونج الابدية . طبعا في المكالمات بيزهقني جدا لانه كبير ... محتاجة موبايل يكون dual sim للمكالمات و يكون شيك و شكله حلو و بطاريته كويسة و انا مش هالعب games ممكن بس استخدم فايبر و واتس و شوية تطبيقات صغيرة زي المصحف و حصن المسلم مثلا ... حضرتك تنصحني بايه انا شوفت في راية موبايل اسمه infinix متوسط الفئة ب 1049 و بافكر في nokia x
papillion
papillion
2014-05-28 (02:28:50PM)
معلش بقي هاتقل عليك .. lg pro lite احسن و لا htc 816 مع ان في فرق 1000 جنيه في السعر بس اختي بردو محتارة بينهم و بتسأل هل الفروق بينهم تستاهل فرق السعر و لا تجيب ال جي و خلاص و توفر الفرق .. شكرا مقدما
princessaya
princessaya
2014-06-05 (02:03:22AM)
تقيمك يااستاذ وليد بجد رائع جدا مبروك على الموب وربنا يباركلك فيه يااااااارب انا نفسى اجيب الفون ده اوى يارب ينزلوا تانى ويكون تمنه كده ميغلهوش اكتر بااذن الله
NFSHesham
NFSHesham
2014-06-07 (06:44:28PM)
papillion خليك في هواوي جي 610 ...... الاتش تي سي يستاهل الفرق علي فكرة
NVM5282
NVM5282
2014-06-10 (08:28:59PM)
انا قرأت عن الموب دا و هو فعلا جامد بس بالسعر دا ممكن تجيب s4 active و إمكانياته احسن بكتير صح؟
vekypop
vekypop
2014-06-11 (11:11:48PM)
استاذ وليد ارجوك ساعدنى انا عامل اشتراك مخصوص عشان أقدر اتواصل معاك
محتاج موبايل كويس فى حدود الي 3500 جنيه وعندنا في اسكندرية عرض النوت 3 neo خط واحد ب3000 داوقتى ايه احسن النوت 3 neo ولا الhtc desire 816 وازاى اقارن بينهم ؟؟؟ ترشحلي ايه احسن
waleedsunny
عضو مميز
waleedsunny
2014-06-12 (08:52:37AM)
أستاذ vekypop
بعت لحضرتك رساله على الخاص
hema97911
hema97911
2014-06-22 (10:58:49AM)
لو سسمحتوا كنت عايز حد يفدني ضروووري ... كنت عايز موبايل تكوون كاميرتة حلوة و شرحتين وسرعتة عالية و يكوون حاجة قطع غيارها موجودة او التوكيل بتاعها يكوون محترم انا متردد ف الموب دة !!
AhmedHendi
AhmedHendi
2014-07-22 (02:44:07AM)
كنت عاوز اعرف اجيب استيكر للضهر منين
وهل الرمادى احلى ولا الابيض ؟؟
mishoalex5000
mishoalex5000
2014-07-29 (07:27:01PM)
استاذ وليد ازيك
ياريت تنقلنا صوره اوضح لامكانيات الجهاز دلوقتي يعني بعد استخدامك ليه لمده شهرين
ايه اكثر العيوب الي ظهرت علي الجهاز و بيهنج و لا لا ؟؟؟
engabdelfatahmaher
engabdelfatahmaher
2014-08-05 (09:00:39PM)
لو سمحت حضرتك لو مش هتقل عليك
هو دا افضل وﻻا ال xperiazr وﻻ xperia t2 ultra
Demon123
Demon123
2014-08-14 (03:18:52AM)
أستاذ وليد , أنا محتار بصراحه ما بين 3 فون .. HTC Desire 816 و Sony Xperia ZR و Galaxy Mega 5.8 ومش عارف اجيب انيو بصراحه :/
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك